魔膳廚房 (Closed)

喺觀塘嘅工廈隱藏咗一個可以食自助餐嘅廚房， 個friend帶路 今晚有機會可以去品嚐。舊式工廈上一層樓梯就到。先行了一個圈， 感受到每一個角落都花盡心思想展示藝術品般嘅餐具，器皿。 看來餐具控，廚具控定必吃得 特別投入，忘我。這裏晚市自助餐正做推廣每位$238， 完全冇心理壓力唔使驚 要食到回本。 這樣一來可慢慢細意品嚐每道菜式和擺設。 每兩位更贈送一客精美海鮮拼盤。有海蝦，青口，大大隻鮮鮑魚，大蜆， 魷魚， 夠曬睇頭， 對我嚟講份量啱啱好。先試佢嘅湯有兩款：雜菜湯和粟米湯。 兩款嘅味道都非常懷舊經典， 粟米湯講緊係快餐店年代嘅經典粟米汁， 有種童年嘅感覺。 蒜蓉包照住燈仲暖仲脆卜卜，正！去冷盤，沙律區望吓， 我哋比較早嚟所有嘢都排得整整齊齊， 齋睇都覺得好治癒～～這款薯仔什果沙律甜甜地， 薯仔軟熟非常美味！青木瓜沙律，夠酸夠辣，面層仲有吞拿魚肉。Cold cut 沙樂美腸, 夠鹹香唔會乾‘爭爭’！芝士區： 個人很喜歡自助餐有這款芝士小食， 藍芝士味道夠濃！ 生果砌得好靚西瓜特別甜美多汁。食物Refill同收碟都非常有效率，抵贊！熱莗区都keep住推出唔同款式美食。豉椒炒蜆夠惹味。一盤

✿╮❤╭✿ ✿雜感女生   好味日記✿ ˚*•✰。魔膳廚房．觀塘神秘魔法自助餐。✰•*˚ ✿✿小資女的Dolce Vita✿✿ ❤餓底飯聚．食勻全世界❤ ❤吾係POL - Peggy On Line．Proof Of Life❤❤ 最近，朋友找到一個童真的魔法角落帶我到觀塘吃一個神秘的自助餐店員很親切，問好人數，介紹自助餐逢星期一至四都有6折 即成人HKD238可任食到晚上22點，嘩！抵到呢！ 我們7點半入座，自助餐原來6點開始 無論客人幾時入座，都可以食到晚上10點！仲每台送一盤靚靚熟海鮮！唔只有靚牛肉、豬手、德國大肉腸、串燒仲有新鮮的沙律BAR同熱湯區！真心多野食大大盤的辣煮大蜆 任拎任吃，真是一上台即被瘋搶 店員積極refill，非常有效率 我建議大家放鬆慢慢吃因為可以食到晚上10點，款款食物都一定食到！最難得是有棉花糖機，乾淨又好用 好易就整到大大個的棉花糖 爆谷機香味好正，吸引好多小朋友來吃果然是充滿童真的餐廳！熟海鮮真係好有份量 有鮑魚、大青口、大蝦、八爪魚等等好正！其實除左食肉獸應該到此一吃之外 雞翼迷都應該來 因為有不同款式的炸雞外

之前試過午市自助餐，款式幾多，尤其喜愛甜品部份，見最近晚市6折優惠，再來一試~晚市無分時段，18:00~ 22:00不限時任飲任食都幾吸引~以款式計，熱盤及甜品區的種類足夠整晚逐一慢慢食。食主菜前先來一碗熱騰騰既意大利雜菜湯，用料豐富兼味道濃口，另備有海鲜磨菇湯可供選擇。飲完湯就動身拿點熱葷入正題，今晚除左有我至like既豉椒炒蜆之外，仲有惹味既湘川酸菜魚，魚片白滑肉嫩味道帶點麻酸，入口沒有絲毫醒味，貪心地吃了數次都不厭。至於食肉獸既朋友一定能錯過既台式三杯雞、豬羅紀大雜燴及牛魔皇盛宴，配合同地方烹調風格把豬牛雞三位主角原汁原味地演繹出來，當中比較喜歡牛魔皇裡頭既厚切牛脷，咬落依然帶Juicy有嚼勁，大雜燴中更有爽脆既香烤肥美豬肉腸。除此之外，泰式風味都頗吸引，同場有菠蘿海鮮炒飯、泰式雞肉豬肉串燒及泰式魚餅，味道可口，菠蘿炒飯肉成品粒粒金黃，帶點夏日風情既甜甜菠蘿汁融入米飯，跟面層的肉鬆一起吃最正。吃肉吃到有點頓膩感，可以選擇轉換下題材做一個自選伴沙律菜，把新鮮青瓜、蕃茄仔、三色椒條混些果肉野菜清爽一下味蕾。除了冷盤沙律吧外，熱葷有奶油津白、蒜香欖油炒雜菜之類，選擇豐富。全晚另一焦

今日同朋友喺amp行完街，正想搵野食之際，喺網上見到呢一間自助餐。見到佢有送海鮮拼盤，作為海鮮迷既我緊係唔執輸啦。呢到既地理位置好好，喺觀塘站B3直行兩三分鐘就到！上一樓，推開門，好快就有同事招呼帶位。坐低後就介紹話有份海鮮拼盤會上。我緊係知啦！就係為咗佢個拼盤上嚟嫁嘛！我就喺等海鮮既時候出去行咗個圈熱身先，出面款式雖然唔多，但係野食既水準絕對唔差！而且唔係hea下你求其準備啲野食就算，例如沙律吧既水果係不停咁refill啦，有齊幾隻最受歡迎既沙律醬啦，仲有兩款芝士呀！熟食就有菜有肉，任君選擇。番到位就見到海鮮拼盤已經喺我枱面，講真淨係食個海鮮拼盤都抵番大半。每樣海鮮都有兩隻，有鮑魚，大蜆，青口，蝦，幾隻細蜆。大蜆熱辣辣時食最好！其他海鮮都非常鮮！之後仲出咗去食咗三round,分別食咗啲沙律，白菜，串燒同好多炒蜆哈哈。特別想推介中意食肉既你地，呢到有一盤叫做侏羅紀，入面全部都係，肉！自己去發掘下喇！

平時食自助餐閒閒地都$400～$600，見到呢間魔膳廚房$238就食到晚市自助餐，仲唔衝去食！？呢間魔膳廚房非常易搵，個門口好多燈飾同圖畫佈置，非常吸引眼球，好像入左個魔法世界咁，連個招牌都用花草樹木裝飾左，很有心思！裡頭既裝潢都非常靚，坐位非常寬敞又舒適，空間好大，仲有獨立房間可以同朋友開Party，聚會一流！每個位都有水同濕紙巾，宜家去食晚市仲每枱客人都送〔龍蝦汁海鮮盛宴〕一客！非常高CP值！不得了外面近門口既係甜品區，有綿花糖機、爆谷機、自選甜品同飲料⋯⋯中間係冷盤前菜區，有各式沙律、新鮮水果、芝士、西湯同餐包⋯⋯另外就係主食熱盤區，熱食種類還足夠，有中西合璧，仲有泰式台式越式⋯⋯我先夾左沙律🥗同湯，沙律醬有三款：日式芝麻醬、千島醬&黑醋汁，沙律都非常新鮮，最特別既係泰式青木瓜沙律。湯係忌廉周打海鮮湯‘？’非常濃郁，質地比較杰，飲落非常重鮮味！高水準！熱食方面最食我驚喜既係個田螺焗薯蓉，薯蓉勁重芝士味，質地細滑，薯味亦特出！我比100分！其他熱食都非常高水準，相比起酒店既自助餐亦唔輸，什至覺得水準在酒店之上！每枱都送既龍蝦汁海鮮盛宴，竟然有鮑魚、青口、貝殼類海鮮、大蝦⋯⋯非常重分

慶祝同事能夠搵到份新既好工，於是就去咗呢間比較夢幻既小樂園-魔膳廚房沿路步入大門，都有好精緻嘅壁畫以及裝飾燈花海包裹住魔膳廚房🌺室內環境設計舒適， 牆身有圖畫甜品飲品部有爆谷、自家製嘅糕點、蛋糕，更有棉花糖機畀客人自製棉花糖， 有得食又有得玩🍩飲品有荔枝特飲、芒果特飲、檸檬茶，以及幾款熱茶或自沖飲品🥂前菜部生果、芝士、餅乾、 蒜蓉包、蝦片、沙律以及調味醬汁🧀主食部主要係粉麵飯、肉類、是日精選、蔬菜、 薄餅🥩🍗🍖自助餐嘅吸引之處係任何食物都可以食一啖，好食然後先encore😆👍是日精選-田螺焗薯蓉，好好食🥩🍢🍝🥓海鮮拼盤🍤所有客人均可獲一份廚師即煮海鮮拼盤，海鮮每日不同，主以新鮮為重點，龍蝦汁配上鮮味海鮮，特別印象深刻係鮑魚，嫩口彈牙😋爆谷不停新鮮製造🥠甜品選擇繁多， 檸檬餅印象最深，味道不錯🍰總括而言， 魔膳廚房自助餐嘅食物種類繁多， 而且食物質素很不錯， 每樣食物試一啖都經已飽得很，而且價錢仲有6折，以性價比來說，已經很出色，還有加上店內有心思的設計和體驗，實在不錯👏👏👍👍

觀塘舊同事攪聚會，叫埋我參與，今次佢地訂在公司附近的魔膳廚房食自助餐，餐廳位於工廈的二樓，地方整潔，擺放食物井井有條，整齊乾淨。食物種類以西式為主，有湯、冷盆、主菜、甜品和飲品，有專人負責處理食物，補充食物都很快。每枱都會送龍蝦汁海鮮盛宴一客，海鮮新鮮，有鮑魚、北寄貝、青口、魷魚、蝦、蜆，海鮮鮮甜，加上龍蝦汁更美味！食物都好豐富，質素也不錯，其中豉椒炒蜆好惹味又冇沙，串燒雞柳入味又香口，配卜卜脆蝦片好美味。德國腸皮脆香草味濃，咸豬手入味有口感，豬肋骨肉質軟嫩夠濃味，青口龍蝦汁意粉彈牙，周打蜆忌廉湯足料，味道濃郁好飲，西瓜菠蘿香甜，芒果奶凍香甜滑溜。還有很多其他食物未試，因為已經飽了，期待下次再來試埋其他食物。設有綿花糖機，客人可以自己動手享受製作過程。

見佢有六折，優惠睇完餐牌，本身想食 西餐所以去試下。 點知去到只係提供自助餐， 變相要指定價格食埋佢指定要食嘅嘢。 仲要星期日話加30蚊。 所有嘢都佢話事。 咁又訂咗位又去到 咁即係一定要食啦。 真心講句你間餐廳嘅格局冇諗過畀成三舊水之後自己仲要行嚟行去攞嘢食。 嘢食整體上十分有六分， 咸 、鞋、 油、就係整體食物嘅表現！ 舉例 啲三杯雞要加一舊舊你食一碗飯， 啲炸雞好似濕左油嘅麵包包住嚿雞， 其實個老細應該多啲出街食飯今時今日嘅放題真係幾豐富品質有保證。

見廣告有六折優惠， 今晚的飯約又未有著落，臨時跟友人訂枱，可能因為二人枱， 即成飯局。到了工廠的二樓 ，打開餐廳一看 ，即時非常驚喜，因為佈置很有格調 ，令人覺得很舒服，坐位亦寬敞，非常適合朋友飯聚談心。食物方面， 每枱都送了一個海鮮盤 ，裏面的鮑魚和花甲，真是鮮味到冇朋友 其他食物主要分了三張長枱，第一張是沙律吧 ，有大概四，五款沙律 ，材料非常清新可口，賣相亦很企理，令人胃口大開。肉食方面，牛魔王是牛肉的各部位， 烹調得宜， 肉汁被鎖住了，非常有口感另一盆是豬肉，包括豬肉腸，豬肶肉，豬肋骨，肉汁豐富，非常入味，另有十多款熱食，refill得很快，保持新鮮西湯有兩款，跟蒜蓉包非常合配甜品枱有幾款冷熱飲品包括：咖啡，茶 ，蘋果特飲， 桃茶等； 甜品方面有各式布甸，蛋糕，還有至愛的芋圓，涼粉，非常美味。由六點食到十點， 埋單二佰九十個大洋.......超值。另外值得一提的是：招呼不錯，洗手間清潔，寬敞， 整個環境都令客人覺得舒服。相信又多一個飯堂了.........

觀塘美食向來搞作多多 但又有環境又有高質素自助餐就寥寥可數 今日經朋友口中得知此餐廳 一於book位try try佔地面積好大 可以容納好多人 地方非常寬敞 坐得又舒適 完全冇焗促感 而且裝修夢幻猶如進入魔法世界先來吃過前菜 沙律吧有四至五款食物提供 整體蔬菜非常新鮮脆口 而且有多款醬汁配套 每位客人入座均可享有一客海鮮拼盤 餐廳是用時令海鮮的 所以保證款款新鮮 配上鮮味嘅龍蝦汁 好味到暈 超鍾意呢個羅宋湯 非常濃味 而且煲到啲蔬菜好淋 酸酸味味勁開胃美式食品肉類大雜燴 食肉獸一定鍾意 有德國咸豬手 燒汁骨排 大肉腸…… 非常豐盛川菜美食酸菜魚 酸酸辣辣魚肉嫩滑非常，而且冇骨， 啖啖肉㗎，啱曬我呢啲唔識吐骨嘅人泰式菠蘿炒飯 加咗黃薑粉同埋 肉鬆及提子乾 成個飯好香好有鑊氣 仲有新鮮菠蘿㗎田螺焗薯蓉 呢個一定要食 田螺肉唔鞋口 薯蓉又細又滑 好creamy 相當出色最後當然係甜品時間 有大量手作甜品 賣相相當吸引 味道不會太甜 非常適合香港人口味仲有爆谷機提供 一粒粒熱辣辣嘅爆谷即製而成 必定要試而家晚市自助餐成人做緊6折優惠 平均二百蚊左右一個人 好抵食！！！

重點推介：黑松露集菌忌廉湯配蒜蓉包真心好飲，蒜蓉包夠脆，好食其次海鮮拼盤值回票價其他食物：豉椒炒蜆 - 尚可沙律 - 可以Today special 田螺焗薯蓉 - 可以最後出場，椒鹽三文魚 - 可以（但好大舊，一盤得六舊）豬羅紀公園 - 四/五種食物放埋一堆炒飯、意大利粉 - 無試炸件拼盤 - 淋的仲有其他似中午賣剩食物，星期五、六、日$268再加一服務費。如果齋飲忌廉湯配蒜蓉包，再加海鮮拼盤，呢個價錢大家覺得如何？ 建議：增設雪糕、忌廉湯旁加配牛油

今日係媽媽嘅正日生日 我哋一家決定接佢收工 book咗喺佢公司附近嘅一間西餐廳 這裏嘅晚市是吃自助餐的book咗六點 餐廳準時開門營業 門面雖然簡約 但係一走進裏面 牆上掛滿圖畫 充滿文藝氣息餐廳大致分為三個區別 主要係前/菜沙律區， 主食熟食區 以及甜品區食物擺放陳列整齊而且美觀 裝修同擺設同廚房有關 非常切合餐廳的名字魔膳廚房入座起沒有計時 鍾意食到幾點都得 全部任飲任食 可以拆返餐勁每位客人入座都會送龍蝦汁海鮮盛宴一客 大概有五至六款海鮮供應 海鮮是季節性食品每天均有可能不同今日嘅海鮮有 鮑魚，海蝦，蜆，魷魚，青口 及大蜆整體全部海鮮都非常新鮮 配上自家製龍蝦汁 簡直係錦上添花 鮮上加鮮我係一個勁鍾意食芝士嘅人 呢度有貴價芝士提供 食多幾嚿好快回本真係要介紹下呢盤熟食 全部都係牛 有牛脷， 牛扒，牛仔骨厚切牛脷相當有口感 入口彈彈的牛扒肉質細嫩 唔鞋口 相當有肉汁牛仔骨好重牛味 脂肪分佈平均串燒 燒得一啲都唔乾 肉醃得夠入味 每串都配有一粒車厘茄 可以去除油膩飽滯感覺 這個配搭不錯豉椒炒蜆 隻隻又大又肥美 炒得又有鑊氣 而且冇沙海鮮燴意粉 有大量海鮮 材料相當豐富 意粉吸收曬海

朋友想食自助餐，但又不捨得花五六百元去酒店吃，其實我唔係好不捨得，哈！經她一番搜尋後，俾她找到一間在觀塘的餐廳，正正推廣晚巿自助餐6折，計起來每人只是二百幾元，抵喎！原來....這間餐廳我之前也來過，但之前不是自助餐。形式改變了，但裝潢變動就不大。同樣帶點歐陸色彩，牆上仍掛着多幅有趣的油畫、廚具，亦擺放花瓶、歐陸英式茶具等等，作為裝飾，還有一塊正播放動畫的大螢幕。雖然設了三個自助區，但仍覺得挺寬敞闊落，座位不少。近門有一排長沙發座配二至四人枱，再入就分了兩區，均有多張四人枱，亦有幾排長長的沙發座配二至四人枱，出入通道都算方便取食物。晚巿自助餐由18:00-22:00，成人$238（6折特別優惠），而小童就$138，好優惠喎！唔怪得差不多爆滿。************************自助區分了三區，第一時間就去沙律凍區：水果拼盤、三色波椒紫洋蔥、泰式青木瓜大蝦魷魚沙律、雜果沙律、吞拿魚長通粉沙律、蟹籽蟹棒藜麥沙律、燈籠腸、沙拉美腸片、車厘茄、粟米、青瓜片，可揀配日式芝麻醬、千島醬或黑醋汁。另外，還有一盆芝士拼盤，有藍芝士、巴馬臣芝士和金文畢，配梳打餅、提子乾和餅乾條。我這個沙律迷