魔膳廚房 (Closed)

最近在公司，有點空閒，大家無聊地講起開餐，因為又到了一年一度的父親節，大家都唔知有咩好食？又知去邊到食，想到有點煩！同事看到雜誌推介了，在觀塘廠厦內，原先是一間意大行西餐廳的，現在改了自助餐形式。食物都也不錯，款式蠻多！價錢又合適，是一個聚會的好地方。原來早在去年時，我都有在呢間餐廳食個西餐，已比了我不錯的食物，地方又寬闊，坐得舒服。上到去，已見到了不少客人，正在進餐。牆壁佈置都好有特色，尤其是我最喜愛的餐具，好精緻！豬羅紀公園，這與豬肉有關聯，以豬肉為主的主食，有鹹豬手、烤肉排、肉腸、配上色澤鮮明的時蔬，非常健康，又美味！鹹豬手，鹹香，肉質爽口，番茄鮮甜多汁，香濃芝士的意粉，夠爽滑、蝦肉爽彈又大隻。牛魔王盛宴，是以牛類為主打，牛扒肉質唔靱，嫰滑多汁，味道適中，喜歡食牛的，一定不會錯過。每日都會選定新鮮海鮮食材，每桌均會按照人數的份量奉送一盤海鮮，用上龍蝦汁烹調，海鮮有，鮑魚、帶子、青口、海蝦、魷魚圈等，下面放有清甜的蔬果，海鮮及蔬果都吸收了香濃的龍蝦汁，加上海鮮的鮮甜味、爽口彈牙，口感一流！喜歡食炒飯、意粉都不錯，炒飯用料豐富、飯粒炒得粒粒分明，好香口，海鮮意粉，軟硬適中，香濃芝士，

今日帶住兩個女去觀塘行街， 成日都係食商場裏面嘅嘢， 唔係日本嘢就係麥記， search下原來工業區好多美食， 今次見到呢間推廣自助餐， 而且都經濟實惠即管試下啦。喺apm隔離， 落咗電梯好快就已經到啦， 餐廳好文青feel, 掛滿壁畫， 入到嚟都感覺輕鬆， 場內播放年青人喜歡嘅歌曲， Alan Walker， Bruno Mars， 兩個女嚟到已經十分鐘意， 加上坐低後店員攞住抽獎箱,叫佢哋抽小禮物， 未食已經覺得好開心。講返食物,整體食物分咗三個區域, 沙律區， 有雜果沙律，藜麥蟹子菜沙律， 泰式木瓜沙律， 新鮮水果， 同埋啲凍肉冷盤， 整體質素都唔錯。 我想介紹返個周打魚湯， 少少酸非常開胃。另一個區域係熱盤， 全部都係肉同澱粉質， 佢嘅肉有燒排骨，豬手， 牛脷， 牛仔骨， 燒雞翼，魚餅，春捲， 仲有菠蘿炒飯同意粉， 各適其適任君選擇， 整體都不過不失。最後一個甜品同飲品區， 佢有三款冰茶類畀你揀,另外仲有熱嘅花茶， 甜品嘅選擇亦都十分之多， 除咗有臺式嘅芋圓， 芝士餅外仲有泰式甜品， 試咗個椰青糕都覺得好清新， 小朋友就最鍾意個棉花糖機。 呢餐未食完已經話下次想再嚟。

晚上7:30上到黎餐廳，見到很熱鬧坐左好多食客，book左位所以黎到可以即時入座。店員告知係自助式晚餐，$238/位，我地話ok就坐低左。見到四周圍食客一家大細食得好歡樂。坐低後店員告知每台會送一客龍蝦汁海鮮拼盤，我地上網睇圖好吸引，話等大約15分鐘會上，叫我地出去拎住野食先，服務態度親切。出到去拎野食見到好多選擇，由沙律、冷盤、湯、熱食、甜品等，真係好吸引！哩碟係每台送的海鮮拼盤，鮑魚好大隻呀，驚喜！仲有蝦、青口、魷魚等，配龍蝦汁將海鮮鮮味提升。鮑魚好爽口又新鮮，好正！泰式食物都有，魚餅同串燒都好味，炒飯都乾身。甘筍粟米忌廉湯好香甜，又creamy，好飲。一入到黎已經俾佢d甜品吸引住，特別係見到玫瑰花糕點好靚好想試！係大菜糕味既甜品，泰式風味。一件件切餅好都食，特別係柚子蛋糕，芝士蛋糕。連台式仙草芋圓都有，真係多選擇，不過芋圓偏硬，普通。

今日朋友介紹帶咗我哋嚟依間觀塘自助餐食晚飯 聽聞性價比非常之高，黎之前已經好期待門口個裝飾已經好靚，好似去咗個神秘國度咁~食物款類好多，都算應有盡有沙律吧食材新鮮，普通沙律菜 泰式沙律都有熟食以肉類為多，當然亦有蔬菜海鮮等等仲有自家製飲品、甜品專區，有依家好興叫芋圓小丸子等等材料甜品款類都唔少，仲可以自己整棉花糖每一枱仲以人頭送上海鮮拼盤，有大蜆、青口、魷魚、鮑魚、蝦等等款款都大隻又新鮮最正係有薯蓉焗田螺 薯蓉好creamy，田螺大大粒有咬口@@ 最後自家製咗個芋圓糖水

觀塘工廈晚市自助午餐，限時6折。成人星期一至四$238+10%，星期五至日$268+10%，小童照價減$100。6點開始不限時任飲任食至10時。沙律8有多款蔬菜及數款水果，有中式及西式湯，主菜食物款式約有10樣左右，不算多，但也夠吃，以西式及中式為主。甜品有10多款選擇，特別的是有台式芋圓及可自製棉花糖及爆谷。飲品有3款凍飲，港式檸檬茶及茶包數款。每枱還會按人頭送一盤海鮮盤，有原隻大鮑魚及數款海鮮。牛魔王盛宴法蘭克福腸、燒牛肋骨等，牛肋骨肉質嫩滑，燒汁味道溶入牛骨中。豬羅紀大雜燴德國鹹豬手、豬肉腸、Ribs雜燴。牛肉雜燴2款牛扒、牛吞及牛仔骨。台式三杯雞三種味道的雞。還有菠蘿炒飯、海鮮意粉、酸菜魚、焗薯蓉、小食拼盤有雞翼、魚餅、炸洋蔥圈等，另話有數十款醬料調味。

6月係小學嘅考試日子， 做父母同小朋友身心一啲都唔好受， 終於考完最後一科，大家可以重獲自由， 今晚決定食餐好， 食自助餐係一個唔錯嘅選擇， 但兩個豆丁食量少， 去酒店又唔係太抵， 經朋友介紹，佢話觀塘有間餐廳啲自助餐都唔錯， 最重要係有得玩有得食， 一於去試下先。將架車泊喺apm, 都係18蚊個鐘， 沿住商場行落開源道，一轉彎就見到大廈嘅樓梯， 非常方便。六點鬆啲嚟到，都已經坐滿一半人記得要book位呀， 呢度嘅裝修好多壁畫， 座位闊落， 經過攞嘢食嘅時候有兩間獨立大房， 適合聚會。呢度好多炸物， 而且熱辣辣， 兩隻小豆釘好鍾意呀， 有雞翼、炸鱼餅春捲……我個人就好欣賞呢個沙律吧， 有雜果沙律、青木瓜沙律、 藜麥蟹子沙律、 新鮮水果， 我就食咗三round， 每一樣嘅水準都好高， 是日必食推介。芝士通常喺酒店先會食到， 但呢度都有得比你试2款， 我試咗巴馬臣芝士， 即係一般麵包舖食到嘅芝士粒， 一粒粒咁樣食覺得好高級， 另一隻鬆散嘅芝士叫金文拔， 真係好臭㗎…… 其實我都唔知我有冇將啲名撈亂咗呢個甜品陣都唔惹少， 有各式芋圓、涼粉、 水晶珠、三色q果、 小丸子、椰奶…… 另一邊廂都有

自助餐通常都要去酒店先食到，但上網見到呢間樓上晚市自助餐，星期一至四做緊六折，每枱仲會送龍蝦汁海鮮盛宴，一於試下！餐廳佈置幾豐富，睇得岀老闆有心機。食物種類都幾多，由前菜，餐湯，肉類，海鮮，蔬菜，小食，甜品，生果，飲品都有，一開始拎左兩款湯同蒜蓉包，同一部分剛岀爐嘅食物。羅宋湯同南瓜湯都高水準，味道非常濃郁，推介！食食下就上左一碟龍蝦汁海鮮。食材有青口，蜆，魷魚，蝦，大蜆同最驚喜嘅鮑魚。食材幾有鮮味，個人認為如果係grill嘅方法煮會更正！值得一提係餐廳嘅炒蜆好惹味，另外牛肉都很不錯。甜品方面，選擇非常多，仲可以自己DIY整綿花糖，朋友仲要整好圓好靚！由於個人好鐘意食竽圓，所以都拎左一碗試試，餐廳嘅竽圓偏硬，但配料非常多，落埋涼粉不錯呢！

媽咪生日，梗係想同佢食好啲，但揀酒店buffet一定俾佢哦我哂錢回唔到本，於是上openrice睇咁岩又俾我搵到呢間性價比幾高既記得以前有同朋友黎食過Set din，原來依家晚市轉左做自助餐，六折優惠後都係二百幾～～～一入門口就見到沙律同甜品吧。仲有不同種類芝士，種類比得上酒店buffet呀食肉獸既我當然係夾肉類先雞牛豬都有，大雜燴全相太多網友影過我就唔影啦。牛堆中我最中意食牛仔骨同牛仔肉，岩岩好煮到七成熟，肉質鮮嫩唔韌，唔需要額外醬料調味都充分食到佢既肉味燒雞外皮薄得黎好似薯片咁脆，好厚肉，但醃得略嫌鹹左少少。豬肋骨必食燒得好鬆化，唔黏骨，面頭塗上厚滿既燒烤醬非常惹味。估唔到連依家流行既酸菜魚都有睇相就知幾大舊，啖啖肉。可能就返大眾口味煮得偏向清淡，如果再酸啲會更開胃～食完雞牛豬硬係覺得爭左少少野，餐廳果然夠貼心，訂座即送海鮮拼盤無諗過送既會有咁既質素！！正宗西式味道，加左蘿蔔、粟米、淡奶油、白蘭地等，醬汁充滿奶酒香同海鮮既鮮甜，除去腥味之餘食落更可口，連唔好海鮮既媽味都讚不絕口除左肉類，仲有龍蝦汁扁意粉、炒飯、手抓餅等飽肚之選，同洋蔥圈、炸魷魚筒、串燒等燒烤小食。網友們大讚既糯米釀

魔膳廚房推介指數👍🏻👍🏻👍🏻👍🏻超夢幻既樓廳門口各類掛畫令絕對打卡熱點店員很親切，問好人數，介紹自助餐逢星期一至四都有6折即成人HKD238可任食到晚上22點，嘩！抵到呢！我們7點半入座，自助餐原來6點開始無論客人幾時入座，都可以食到晚上10點！餐廳仲送海鮮拼盤！海鮮拼盤真係好有份量有鮑魚、大青口、大蝦、八爪魚等等又係打卡之選主菜有燒牛仔骨，牛扒同牛脷仲有豬手、德國大肉腸、串燒甜品最難得是有棉花糖機好易上手整到超大既棉花糖仲有童年回憶爆谷機爆谷好香好正果然是充滿夢幻既餐廳！——————#kayGorfoodie #foodie #hkblogger #foods #hkfood #hkfoodie #foodie #hongkongfoodie #instafood #hkig #hkigfood #hkeat #eat #hongkongfood #hkfoodblog #yummy #hkiger #food #hk #foodblogger #foodshare #hkfoodlover #hkfoodstagram #tasty #香港美食 #香港 #美食 #食評 

魔膳廚房📍觀塘開源道77號業發大廈一期2樓D室Kay Gor 夜晚當然又係去搵食啦一個工廠大廈入面嘅森林好多植物佈置好夢幻呀！入到餐廳好似去左魔法世界咁，裝修同擺設睇得出用左好多心機去設計食物款式又多淨係沙律已經好多款喇！有木瓜沙律、薯仔沙律等等亦估唔到呢度會有咁多款芝士同parma ham!!!! 絕對媲美普通酒店嘅buffet!!! 中途佢送左碟海鮮拼盤⭐️⭐⭐️⭐隻鮑魚好大隻而且唔老，同埋北寄貝好鮮甜呢碟海鮮真係值回票價！ 肉類方面佢嘅燒雞肉串我已經食左幾轉真係好滑好嫩，唔太熱氣最後食埋個甜品可以自己整棉花糖、涼粉同多款蛋糕好滿足！呢度環境真係好寫意好岩同朋友傾計。Kay Gor 推介 👍🏻👍🏻👍🏻👍🏻👍🏻——————#kayGorfoodie #foodie #hkblogger #foods #hkfood #hkfoodie #foodie #hongkongfoodie #instafood #hkig #hkigfood #hkeat #eat #hongkongfood #hkfoodblog #yummy #hkiger #food #hk #foodblogger #

聽朋友講觀塘開源道工廠區好多正野食晚上立即行動，揀左呢間於📍業發大廈一期2樓D室係食西式自助餐😍 平日一至四有六折$238 加一可以食到10pm🤤門面勁靚，啱哂愛打卡既我😆呢間餐廳用魔法做主題，無論外內都裝置到好有心思，好多燈飾同花花草草佈置連自助餐區枱都成個廚房咁😆侍應都好nice，話每位客人會跟一份海鮮拼盤(二人份)好豐富！有蜆，青口，海蝦，扇貝，仲有大大隻鮑魚😍估唔到好新鮮！配龍蝦汁食好鮮美味！而自助餐有分三區有一區專for麵飯同肉類款式多樣化，有菠蘿炒飯，肉醬意粉，泰式串燒（雞/豬），湖川酸菜魚...等等要讚牛魔王❤️種類繁多 包括 燒牛仔骨，牛扒，牛脷，牛柳粒牛柳粒竟然好重牛味又唔硬👍🏻可以自行加黑椒汁/燒汁🤤唔食牛既朋友可以揀豬羅紀公園❤️德國鹹豬手超正，入味又夠濃！啱哂愛重口味既我！炸物有炸雞，炸洋蔥圈，脆卜卜.好惹味！另一區係沙律冷凍小食有芝士，餅乾，南瓜湯，燈籠腸，沙拉美腸，連西瓜都有！最喜歡就係甜品區飲品自助式重點竟然竟然有台式芋圓😋可自己手動整棉花糖，好玩又好吃！身為甜品控！見到有檸檬芝士餅同Tiramisu想不到好有水準！特別係Tiramisu，好香滑，帶岀淡淡咖啡

最近見到依一間好岀名，而且佢係平價既buffet，所以考完試就去獎勵下自己。上到去發現真係比想像中多野食，而且啲種類都好多，吾同國家既都有。一開始就試咗佢個南瓜湯，真係好足料，好濃既南瓜味，所以之後都再飲多碗🤣之後見佢有Salami同埋3隻芝士，真係心心眼。佢有blue cheese，依個係old cheese，所以比較濃，但我本身都鐘意。而仲有2隻就young啲。之後熟食個邊，有牛魔王、田螺薯蓉、泰式串燒、蝦餅，連手抓飯都有添呀。田螺薯蓉整得吾錯，佢既味道好夾，田螺都好入味。好欣賞佢有吾同國家既野食，好似將吾同style既食物放埋一齊，令我地有多元化既選擇。另一樣吸引之處就係每枱都會有個海鮮盤，啲海鮮好新鮮，而且仲要有象拔蚌、蜆、蝦、鮑魚、魷魚，配上龍蝦汁真係味道既享受。甜品都有吾同國家，有台灣嘅芋圓、西式嘅蛋糕、布甸、奶凍，仲有綿花糖，真係好特別。

有媒體介紹呢到夜晚轉左做buffet，仲要係有唔少肉類食，當然叫埋朋友一齊黎食睇下正唔正。要行樓梯上一層，但沿路都花左小小心機裝飾牆身。前菜有沙律，芝士，腸。熱燻就有三杯雞，酸菜魚，菠蘿炒飯，手抓餅等等。牛魔王盛宴，有兩款肉同牛舌，牛味比較重，肉質軟腍。串燒雞同泰式魚餅，雞大塊得黎燒得好嫩滑，魚餅有少少辣幾好味。豬羅記公園，豬手好腍好香，豬肉腸唔咸，豬肋骨啲醬汁酸酸甜甜幾開胃。甜品有台式芋圓。糕點大約有8款，仲有即製爆谷同DIY棉花糖。另外每枱都會送盤龍蝦汁海鮮，份量適中。花蛤大隻好厚肉。鮑魚亦都係好厚身，味道唔錯。芋圓每樣都要啲都差唔多一碗，每粒都幾煙韌，連埋雜果涼粉椰奶一齊食好好味。

想食buffet有牛又有海鮮，又不想去酒店，就去返官塘呢間食，每位$238 。門口放置爆谷同自製綿花糖，沙律吧有3-4款每枱送龍蝦汁海鮮盛宴，有鮑魚，帆立貝，大蜆，青口,蝦,鮮魷等，每日都有小小不同。個主題係牛魔王盛宴牛肋骨，安格斯牛仔骨，厚切牛舌都有，一早切好哂，熱住等你食，食幾多都得。雖然好大夠，但又好入味。豬羅紀係食豬既，有德國烤豬手，豬肋骨，豬肉腸等，切好一粒粒的豬手好入味，肥瘦均勻，肋骨都好推介！小食唐揚炸雞、釀雞翼。津白唔夠飽仲有海鮮意粉同菠蘿炒飯，勁足料！推自家製芋圓！有台式地瓜圓、芋頭圓、紫薯圓，好軟熟，自家製好有心！d花茶都好飲。冇限時，幾時入座都係食到10點，一到7點都就full。

同朋友行完街，就喺觀塘發掘一下有咩好嘢食，我地都行到攰又好肚餓，上網搵下就搵到呢間經濟實惠自助餐，食番夠本！餐廳雖然喺工廈，但都好用心佈置，坐得幾舒服 感覺都幾別緻。沙律吧都有多款菜&醬汁湯隔離有蒜蓉包&蝦片，呢兩個一定要食！脆卜卜勁夠味！蒜蓉包點餐湯仲好match添海鮮拼盤（二人份量）：有大蝦、鮑魚、扇貝、清口、魷魚，配埋龍蝦汁，都幾濃郁好味，最緊要係一人一隻唔使爭炸物小食，款款都試左啲，都幾香口，糯米釀雞翼最特別 最好味要讚一讚呢度嘅甜品吧，除左有唔同嘅蛋糕仔之外，仲有芋圓、小丸子任食，啱哂我鐘意食煙靭嘢！仲有爆谷同即製棉花糖，啱哂小朋友喜好