豬小姐

Open Now

Now Closed

元朗有不同的食肆小店，而豬小姐我會形容為超小店，因它實則只有一張4人枱，和兩張二人枱。在繁忙時段，因坐位少，當人流絡繹不絕時，女店員會在店外開多兩張枱，但卻要冒走鬼的風險😅今天叫了「手打鯪魚球紫菜湯米粉」($45)，自家製鯪魚球5粒，質感挺好，內裏有魚肉、蝦米、芫茜、髮菜；米粉伴有紫菜、生菜和蒽，湯底也不錯個人喜歡這鯪魚球紫菜湯米粉，因整碗的食材都是較健康的，真好，有這個選擇😋👏🏼另外推介糖心皮蛋芫茜肉片湯米粉，也是不錯的，但價錢偏貴$65

下午去了元朗 水邊圍附近的“豬小姐”食野。第一次來食，地方唔大，下午不斷有客到，但還好有位。這家店主打粉麵，但無套餐無下午茶。以粉麵來講，價錢唔算平。我同朋友單點了兩碗粉麵。一碗鮮牛肉粉腸湯河，一碗豬油撈蝦子麵。鮮牛肉粉腸湯河份量OK，睇落湯好清，但試了口湯後，發覺味道很濃，是什麼味我不太懂表達。只可說味道有別一般牛腩湯或豬骨湯。好味。另一碗豬油撈蝦子麵， 睇落好少料，連醬油色水都無乜咁。但食落發覺又另一回事，豬油香又咸咸地 配蝦子麵，好食。整體感覺：睇落簡單，其實唔簡單。

元朗其實好多隱世食肆 ，其一中不得不提，就係我屋企附近， 出名食豬雜嘅豬小姐😍 今日放假，所以 去食 下午茶， 就決定去 嘆一嘆 😍 我今日叫咗個 無骨 燒鴨湯瀨粉， 首先講下湯底清而甜 飲曬都唔會覺得好口渴， 燒鴨無骨而且皮脆😋跟住叫咗子彊 溏心皮蛋， 溏心皮蛋 一般， 相比之下，較喜歡食尖椒皮蛋， 比較惹味 子彊伴碟一般， 唔夠脆口。 如果一個人食，平均消費 都要 90蚊以上， 小食 平均每碟 我要45蚊， 但係一分錢一分貨， 無骨 燒鴨瀨粉必試， 因為湯頭實在太好味

望價錢牌係偏貴，但傳聞不錯，就黎試下。]我點左牛肉豬潤河；朋友點豬什河。一飲湯，都好有豬味，但飲多幾啖，我喉嚨同咀唇反應話我知碗湯落左好多味精。 令成碗嘢大打折扣同唔會再黎食 🙄🙄牛肉整得好好，唔“鞋”，同用新牛肉👍我見朋友果碗，其實佢豬什洗得好乾淨，食落去唔腥同豬什有齊豬肺 ，腰，心，潤，肚，都好味。 但大前提係你頂得順味精就得。河粉滑而唔散，坐嘅位置都唔逼，所有嘢都好好，唯獨個湯唔得就出事。👎]

午餐時間經過元朗，一個人食咩好？當然係快、靚、正的午餐。於是求其撞入一間食粉麵的，估唔到有些驚喜。諗住清清地叫個牛肉豬肉片河粉，估唔到個湯底咁好味，忍唔住飲了好多口！河粉十分薄和滑，不像其他店的河粉厚厚實實。肉片鮮味，而且好足料，好多肉片！最欣賞竟然有多菜，好健康咁！之後些埋佢店內的辣椒醬，真的好正！那種辣味不嗆口，不是化學的辣味，有好濃好香的辣椒味，亦有豆瓣醬的味道的感覺。雖然好辣，但都帶甜味，易入口，送著河粉吃很開胃。好食！

元朗出名多美食..之前 已經聽過朋友介紹 元朗呢一間食豬雜 非常好食而且 呢間鋪頭 有好多種粉面可以供選擇..我自己就最鍾意食漱粉✌🏼因為真係唔係度度都有得食而且配合佢個湯底 真係一流😋✌🏼✌🏼✌🏼✌🏼

自己身為元朗友, 亦聽聞豬小姐呢家店好耐了, 星期六終於特登行過來試下.店舖好細, 店內只能坐到八人, 幸好我係下午三點半到, 但店內都只餘一個位置 (搭台坐).叫了個豬什河粉, 湯底好清, 有胡椒的香味,  飲了都唔覺口渴, 佐料有 豬肉,潤, 粉腸, 心, 腰, 肚, 膀, 大約就這幾款吧, 每款一兩片, 切得好薄.食得出係新鮮貨, 但每款都係一兩件, 而且好薄好細件, 份量唔算多的.一個河粉50蚊, 飲品15/17蚊, 結果我無幫襯飲品, 因為嫌貴.環境 : 好細好逼, 唔好繁忙時間來.招呼 : 普普通通, 無乜特別.出品 : 好, 難得食到有水準的豬什河, 雖然有點小貴.價格: 雖然好食, 但唔抵食, 我試過就算了.

周末元朗遊，去完Accro Coffee嘆咖之後，順路試試呢間元朗人氣小店。店家以豬雜打出名堂，小小一碗豬雜瀨，索價$50，貴！不過豬雜奇多，豬肝豬腰豬肺豬粉腸豬脷樣樣齊，洗得乾淨，款款爽脆不腥，味道的確👍🏼但瀨粉份量奇少😩正常人應該唔夠飽🤦🏽‍♂️食到一半記得落辣汁轉換口味，自家製，香辣有後勁，正！小食麻辣豬耳也出色，小辣多麻，層次豐富。整體味道不錯，人氣所累，定價偏高，嘗一次就好了👌🏼

真係唔識形容我鍾唔鍾意呢間鋪頭，叫咗個鮮牛豬潤河，黎到碗麵個湯底睇落係好清嘅，點知一入口，真係難忘到不得了!! 味道好香好辣，相信有薑同埋胡椒，但唔係死辣，其他既複雜但超好味既味道，我唔會品嚐到係用咩材料做出嚟! 我真係飲咗好多啖湯，接近半碗湯。 至於豬潤同鮮牛肉佢就煮得過火咗少少，豬潤好啲，仲有小小滑，牛肉就真係嚡咗dd。所以我強調，佢個湯底真係回味㗎! 我個人覺得係超越所有粉麵舖! 但係一講到服務態度呢真係…好痳痳，入到舖佢唔會理你，冇表情，完全唔想做生意feel, 你叫咗嘢食去到走人就講一句，“50蚊”5，雖然好食啫?! 老老實實，如果會再黎都係因為想試個豬粉腸! 相都唔敢影多張!

佢地嘅汤好鲜甜，无论隔咗几耐离都可以保持水准，猪肝非爽滑路线，猪肝用酒腌过有助去除异味，然后小小酒味同汤混合后，更觉汤头鲜甜而不单调，然后仲试咗个鸭濑，鸭冇骚味，好有鸭香，个汤相比普通款有更多甘草、萝卜等香料味道，都唔错，但我更中意普通款冇咁复杂的材料已有自然鲜甜味道

天氣開始涼涼的, 要吃熱呼呼的麵才能滿足我的胃來挑戰服務態度無下限的元朗豬小姐 店內只有3張桌, 外面可擺一張先坐下來, “豬小姐” 什麼都不說就丟下餐牌(臉非常臭), 幸好我已經門口選好了師傅就在開方廚房煮麵沒過多久熱呼呼的麵就來囉還可以看街景吃~點了豬雜河, 這裡的名菜, 能說出內臟都有湯超熱超甜?!的豬雜全部都很嫩又沒騷味河粉幼而滑本來沒打算吃豬肉片的, 後來想試一下辣椒醬就吃了, 辣椒醬味道不錯豬雜份量很多, 河粉份量也很多, 不愧要$45 XD吃到最後湯還在冒煙0.0反正不怕看人家臭臉是不錯的

喺水邊圍呢邊有好多間食店，呢間豬小姐我食左好多次。最初食佢係食豬雜河，不過隨住年紀漸大都知道自己唔可以咁任性成日食豬雜，怕膽固醇嘛。不過呢度除左豬雜好食仲有其他野好食，平時會食溏心皮蛋芫茜肉片湯米或者無骨燒鴨湯瀨粉，今次試個手打鯪魚球紫菜湯米粉，個鯪魚球又幾好食，有d蝦米粒再加左d胡椒粉調味，都幾香㗎，而個湯都係清清地，又有少少菜，呢個都唔錯。另外加左個麻辣豬耳，呢個唔會太辣，豬耳亦都切得夠幼方便食而且佢辣辣地都幾惹味。份量雖然唔算多，不過少食多滋味嘛！

如常來吃碗生滾豬什河。這裡賣完就會關門，通常八點左右已關，可幸今天七點幾到，仍然營業。這裡堅持即叫即做，等候時間較長，但就一定熱，見到佢係廚房整，兩夫婦經營，互相合作，店鋪坐位較少，最多容納十人左右，店鋪面積不大。食物質素保持水準，次次去都好味。服務方面：呀姐平日無咩人落完order就按電話，但你叫佢有即時反應，唔會好似啲連鎖店落單既情況，你問佢野會答，有人情味誠意推介：生滾豬什河無骨燒鴨瀨粉糖心皮蛋芫茜河

元朗想搵麪食，又唔想成日食雲吞麵呀，米線嗰啲，見到呢間專門食豬什嘅麵店，<豬小姐>個名又幾搞嘢喎，只有差唔多20款嘢食，但我覺得樣樣都係用心製作，款式唔駛多，最緊要好食，佢哋仲有特別潤喉嘅飲品，薑蜜，柚子蜜，洛神花蜜，好溫暖。仲有一題係佢哋用嘅碗碟，係用好重嘅陶瓷碗碟裝食物，佢哋話因為會比較保暖，可以鎖住碗麪嘅溫度，麪係要熱先好食嘅(佢地話冼碗嘅時候最辛苦，一定要手冼又好重)牛肉豬潤湯米粉-好清，食材新鮮，米粉有些鹼水味蠔油鮮牛肉撈生麪👍🏻👍🏻子薑伴糖心皮蛋老闆仲送咗燒鴨湯瀨粉嘅湯底俾我哋試吓，好濃郁，下次會試吓雖然價錢略貴，但我覺得都值得的

叫左呢度出名GE 豬雜湯河, 另叫左麻辣豬耳。呢度一D 都唔平....普通一碗粉麵已經50/60.... D 小食都要50-90....豬雜湯河: 樣樣都有一兩件, 有豬肉, 豬心, 豬肺,豬潤, 仲有D 唔知乜, 食落無腥味, OK GE, 但普通左D LAW, FD 話個個湯好清甜, 我自覺無特別... 以呢個價錢來計, 唔抵i麻辣豬耳:呢個好食WOR, 唔算辣, 好香麻油味, 又夠爽, 想辣就點佢另上的辣醬。