妹記大排檔

Open Now

Now Closed

1️⃣ 環境 ～ 非常擠迫因為係室內關係，而且背脊貼背脊所以傾計嘅時候大聲啲都會比隔離枱望住👀所以全場坐滿人的話係非常之嘈😣2️⃣ 服務 ～ 服務員不太友善明明當晚有九成空枱，都唔俾我哋入座坐底，都只係爭一位未到啫⋯都要話等齊人先入得，即係寧願你哋班人喺出邊企都唔俾我哋入去坐啫，好冇人情味3️⃣ 食物 ～ 完全係趕時間預早製作的😮落左單唔夠5分鐘即刻出餸要燒嘅豬手就連其他餸都可以即上枱，快到呢⋯直情唔使煮好似喺廚房就咁拎出嚟嘅速度！4️⃣ 質素 ～ 名過於實⋯豬手皮燒得好硬厚實實唔脆而份量比較少⋯⋯椒鹽九肚魚好明顯係厚粉炸沙拉骨沙律醬太多而骨啲肉又太少、粟米斑塊個汁完全水汪汪D魚塊薄到紙一樣通才又太過鹹〰️❌❌✖️✖️✖️總括來講絕對唔會再幫襯我諗求其一間茶餐廳嘅質素都好過佢囉⋯⋯完全冇大排檔嘅質素，實在唔明點解咁好生意 ✖️✖️✖️❌❌

妹記堂食就食咗好多次次次都係大家聚會嘅時候食貪佢夠抵食 又坐得幾舒服今次因為新年 大家團拜又想舒舒服服係屋企打牌打機就試下妹記叫外賣 不過不失我哋有九個人叫咗椒鹽豆腐 叫外賣當然唔夠堂食咁好食堂食個皮真係好脆兩隻乳鴿就略嫌炸得太勁 有啲燶燶地西蘭花鮮魷 個菜好好食炸豬大腸 平時真係好好食 今次真係炸過龍啦 朋友都話好難咬開黃金蝦 一如既往好食沙薑雞幾嫩口 黑椒牛柳薯仔保險之選當然唔少得嘅仲有小炒王 係咁多個餸入邊最好食㗎再加埋六個飯 啱啱好

女漢子的聚會，想喝啤酒便選擇到大牌檔，但最「就腳」的大牌檔是這家妹記大牌檔，名字雖叫大牌檔，但不用蹲街邊，是上樓的室內企理小菜館，卻有大排檔的小炒和啤酒，非常適合我們呢。謹記要訂座，不然平日晚上也有很多人排隊等候呢。餐廳裝潢加入不少大牌檔的元素和壁畫，但不用坐無椅背的膠椅，桌與桌之間也有空間，桌面也沒有飄逸的膠枱布，非常乾淨舒適。一坐下已有「啤酒妹」招呼我們，我們在介紹下點了哈爾濱啤酒，較為淡口，帶點酸味，勝在夠凍夠汽，再配以「戰鬥碗」飲酒，風味搭夠。椒鹽八爪魚咀十分香口，炸得酥脆，炸粉夠薄，加上八爪魚咀比一般的墨魚咀更有咬口，椒鹽味道蘸上喼汁令人吃個不停，下酒一流。鬼馬油炸鬼的油條外皮炸得更鬆化，內裡釀滿了彈牙鮮味的墨魚滑，還夾雜著粒粒爽口墨魚，真材實料。配以錦滷的酸甜汁，真的十分好吃。薯仔牛柳粒也是友人一直嚷著要吃的大牌檔小炒，薯仔粒輕輕炸過後才加入牛柳粒一起炒，外皮香脆不易散開，帶點甘甜；牛柳粒雖然不見多脂肪，但一點也不嚡口韌口，肉嫩多汁。咸魚茸飛天通菜煲的鹹魚味道香濃惹味，通菜爽脆新鮮，本來想要這個菜作中和之用，但反而這是是晚四個菜裡最濃味的一個。店員雖然忙碌，但服務也很好，對

今日約左班朋友去行年宵，行年宵之前梗係要衣飽個肚啦🤤今日就想麻甩啲食大排檔，呢一間新派嘅大排檔乾淨又衛生，連港女都話好呀😂👍🏻先講呢個蕃茄金銀蛋肉鬆浸白菜仔先，本來自己就麻麻哋金銀蛋嘅，不過呢一個餸就絕對有驚喜，有少少番茄炒蛋嘅香味，好開胃，另外每一條白菜仔都有好香嘅蕃茄湯味，真係食到停唔到口！另外，牛柳粒好嫩滑好新鮮，不過薯仔就一般，如果可以炒之前將薯仔炸一炸先，相信味道會更好🤨豆腐煲就普通咗啲啦，味道同一般茶餐廳一樣🤓值得一讚嘅係，佢哋用一個叫戰鬥碗嘅碗嚟裝啤酒，好有新意😚😝仲要每個碗都會先雪一雪凍佢，所以飲起啤酒上嚟就更加爽啦！

香港地道美食好多， 但要數具特色的非大排檔莫屬。 妹記算是間新派大排檔， 餸菜融合了舊派港式小炒和現今的創意菜式，說穿了就是新舊fusion mix and match。店舖裝修跟傳統大排檔有很大分別， 基本上就是一間現代化餐廳， 室內有冷氣， 環境算是不錯。食大排檔一定要飲啤酒， 這裏特別供應了一個名叫戰鬥碗的器皿， 以供大家鬥酒用。大排檔名物莫過於獲氣小炒和煎炸小吃。是次我點了一味招牌豬手，一味炸乳鴿和黃金炸蝦。招牌豬手未食已經聞到一陣陣香烤味， 搭配泰式雞醬， 搖身一變成為一味混血菜式。炸乳鴿是香港傳統煎炸小食， 這裏的乳鴿炸得香脆肉嫩，在撕破乳鴿皮的一刻， 肉汁噴射而出， 畫面非常深刻。黃金炸蝦味道濃厚， 鹹蛋黃加上蝦的鮮味配合得相得益彰， 不愧是一道名菜。

8點幾等位等左1個鐘左右 三個人order左4樣餸👧🏻👧🏻👧🏻因為室內好多人gathering 都幾「熱鬧」🗣魚香茄子: $78👍🏻魚香味好重 茄子好軟好入味🍆 送飯一流椒鹽鮮魷: $68😢見到好多人點呢個 粉好厚 入面無味 同出面大排檔無得比飛天通菜煲: $68👍🏻好夠味 多左少少油沙拉骨: $68👍🏻酸酸甜甜幾開胃最後緊係要用戰鬥碗飲啤酒🍻建議多啲人一齊黎 可以share多啲餸💓💓💓

之前見朋友Facebook去食大排擋，拎住個戰鬥碗黎飲酒，一直都好想貪得意去試下。機會黎喇，終於俾我約到大班朋友去食下傳說中嘅「妹記大排擋」，7:30一黎到，嘩，人山人海，水泄不通，等左半個鐘左右終於入得去。老實講，環境真係一般，因為實在太逼好吵，我同一班朋友本來想傾下計都無可能，咁飲酒點會爽？叫左幾個小菜，其實，俾我排嘅話，黃金蝦同四季豆都不錯，其他食物就中規中矩，炸豬手有啲咸。由於太逼，我地都無辦法好enjoy的享用我地嘅戰鬥碗我俾6/10分，希望下次人少啲再黎試試。

假期約好一大班好友聚會，我們選擇到妹記。原隻脆皮炸豬手很香脆，但份量比較少，很大條骨。炸魷魚鬚等各種油炸物都好熱氣但很惹味，最推薦鬼馬油炸鬼，避風塘炸雞翼。椒鹽八爪魚咀很有咬口。羊腩煲熱騰騰上枱，但筋位多過肉，我覺得性價比不高。黑椒薯仔牛柳粒亦是很推薦的，很適合多人sharing。其餘還點了五香牛、通菜煲、西蘭花炒帶子、沙嗲粉絲金菇牛肉煲等家常小菜。整體來說食物質素都可以，是個適合朋友聚舊談天的地方。

自己生日飯居然簡左大排檔, 看來年紀大了, 不是什麼美麗餐廳都不要緊,重要的是舒服, 跟誰吃, 跟誰過. 已經很感恩了^^大排檔內裡當然很道地, 不過有強勁冷氣唔洗驚覺得熱, 椅子有背既, 果日我地都行到攰攰地, 有得挨下岩哂啦~~然後我發板嗌左啫啫雞煲, 金沙魷魚, 椒絲腐乳通菜樣樣都好有穫氣又炒得好食~~ 特別係金沙魷魚，第一次試係配魷魚，都幾特別，咸咸香香咁～菜都炒得剛剛好～ 係雞煲就爭少少~肉唔夠滑如果多人食仲可以嗌多幾樣野仲正!!

朋友仔一早就訂左檯，門口帶位話要人齊先準入，之後啲人齊晒，都要再等4個幾字先有得安排入座😅門口位哥哥仔禮貌好一般～咬唔開的椒鹽鮮魷，啲粉都厚厚地唔係講笑😤豬手， 個皮脆卜卜，呢個幾好食！可以叫呢個！蝦醬通菜炒牛肉， 熱辣辣，但份量好細呀😣黃金蝦球，好咸，好油，啲黃金唔好食，太濕，唔好食。生炒骨 - 正正常常炸大腸， 又係咬唔開既😂啲野食真係普普通通，太多人，服務又好一般，如果要食大排檔，我諗仲會有好多選擇😿

今日係MK上完堂， 適逢假日全街都係拖喼黨， 入到大型商場搵嘢食多人到只係填飽個肚， 完全談不上享受一餐飯。反而入到橫街窄巷就搵到一啲地方舒舒服服慢慢歎，推介呢間妹記， 夜晚就多人可能個個以為晏晝冇得食，原來呢度晏晝都有套餐，仲要係40幾蚊有湯，有飲品 ，平過連鎖快餐店，仲要係味道唔差， 最食得開心嘅就係嗰一班侍應生， 大部分都係中年人 ，但經驗老到見嘢就做，而服務態度都十分好， 唔係話有禮貌嗰隻好 ，而係非常醒目 ，完全值回票價。地方大一大，完全唔使搭枱。冇花冇假真係平過連鎖快餐店。湯料十足真材實料。 碟頭飯量充足，但蝦係有雪蝦 嗰隻"假"脆爽口感no good，但40幾蚊真係叫做交到貨。

平常出街吃，都是我們兩大一小的組合。而今天晚上就比較特別一些，除了有我們一家之外，還加入了親愛的外父大人....人在女人街附近，登時想起第一個念頭，便是鑽進街內地攤兩旁的食店內尋吃....此時經過其中一幢食廈，看到"妹記"的大招牌，才醒起已有多年沒來此了....記起最後一次來時，店仍在金巴利街的排檔內。事隔多年，店已人面全非。昔日的年輕老闆娘不知現在身處何方呢 ?沒有預先訂位，被安排在一個盡頭角落坐下，我們對此絕對沒所謂，反而更是樂得清靜....外父大人在的話，小弟一定會將點餸任務交給他。我們有四個人，就點四個菜好了....很可惜，第一道粉絲蒸鮮魷就落筆打三更，魷魚基本上是完全咬不到的尤如在食橡膠般，而且是一點味道全無；相反那粉絲卻是鹹得要命，吃後馬上要吞幾口白飯才能溝淡那份鹹味....鮮蕃茄金銀蛋肉崧白菜仔嬴在份量夠足大大碟的上檯，每樣配料皆用料足毫不含糊，論味道亦挺不錯，起碼茄湯沒有給人一種太酸太甜，很假的味道....外父大人點名要叫的鴛鴦蒸烏頭，一面是蒜頭豆豉蒸而另一面則是用檸檬處理，一邊是濃郁惹味而另邊則清爽易入喉，結果是將面前的一大碗靚仔全部吃完清倉。外父邊食邊大點其頭，最後

食大排檔最緊要夠鑊氣夠麻甩！妹記大排檔之所以響朵會聽過吸引在佢用戰鬥碗飲酒呢啲gimmick嘢🥳用嚟打卡真係一流佢仲會雪凍隻碗先俾你☝🏻同三五成群飲酒勁爽呀🍻🍻🍻鬼馬油炸鬼 $78呢個係次次都嗌嘅餸🤟🏻熱氣邪惡但好味脆卜卜嘅油炸鬼釀滿墨魚膠再點埋甜酸醬，勁有口感諗起都流哂口水🤤🤤想encore鋼鍋雞 $108呢味第一次試，佢落咗好多蔥蒜，好香😍雞就有啲嚡，但個汁辣辣地幾惹味啲荀吸哂汁，成鍋最正係啲荀😏菠蘿生炒骨 $68生炒骨嚟講，佢都算幾大粒🤣唔似出面啲舖頭咁，放咗落口無肉食味道正常無乜大特別🤷🏻‍♂️🤷🏻‍♀️成日怕大排檔油煙多又污糟嘅話，妹記環境都幾企理，呢個係加分位🤩🤩下次約朋友食飯又多個唔錯嘅選擇喇！好味指數：

這是一間 ok 同 之間水平的店。因為好友的盛讚及安排，在此吃了一次晚飯。又因為其店特色裝修，帶了家人來此吃了一次週末午飯。整體來說，小菜水準未算好到只是天上有，基本上很多平民店有過之而無不及，只可以評為抵食，ok。反而一般的套餐給我感覺是非常抵食又好味。乾炒牛河掂，椒鹽肉排飯亦很惹味。蠔仔粥有很香莞茜氣味，但又是犯了鹽多，極度鹹！黃金咸蛋魷魚鬚，用心以牛油推開蛋醬，味算達恰到處，但汁變了很稀，魷魚鮮度及口感以及漿粉，全未能勝人一籌。如果晚飯，就一定要訂位，座無虛席。週末午餐最正，清靜，招呼都好得很且貼心。俾個全因為是今時今日咁街坊價格而食物“不差”，算是用了心做，只是尚欠一步，還要是處於旺角區，沒有砍客之意，算是勝了。

依間出名多人要等 可能我平日去7:30仲還早 所以都係得左10分鍾左右就入得啦~我地今日就五個人,叫左6樣餸+一支啤酒!第一樣:椒鹽八爪魚咀炸得真係好香 唔厚粉 好大陣椒鹽 食完我都怕熱氣第二樣:蠔仔煎餅D蠔算係大粒~佢比得都算多 一口一蠔 送飯一流呀第三樣:西檸雞都係炸野 但加檸檬味成件事就唔同曬啦 酸酸地 幾開胃第四樣:雜菜BOO好少地方會比埋帶子 帶子都好大粒 菜既份量都好多 入面有 小白菜 菜心同埋一D姑  夠曬5個人食啦~第五樣:黑椒薯仔牛柳粒E 樣係我最鍾意 牛柳UN UN 地 好有口感 薯仔唔係林 正正因為錦厚實所以好好味最後:飛天通菜真係飛左出黎 菜好新鮮 蒜香味濃 值得一試!最後飲埋鬼佬涼茶,功德圓滿~總結:好滿足既一餐,飽曬!