妹記大排檔

Open Now

Now Closed

之前食過唔錯，難得朋友話想食中菜當然諗起妹記啦，二人等咗一陣就可以入去，見到我地喜歡吃的辣尖椒當然叫一份啦，仲有了另外二個餸個汽水，尖椒炒豬頸肉失望，尖椒完全吾辣又吾香，豬頸肉吾香口醬汁勁多好咸，本來想叫白飯食都放棄了。諗住一人一乳鴿，點知叫了又吾係熱，乳鴿都脆但吾夠香，普通吾太差。最後叫了個菜，南乳齋煲，南乳味好少而且都係好咸，入面全部太淋身，只有粉絲同雪耳最好食，其他差不多一夾就爛。同之前質素差好遠，沒有大件夾食感覺，反而覺得好似之前整咗，因全部都不太熱感覺。

一直都係妹記嘅fans，今晚朋友嘅part-time突然取消咗我哋就即興一齊去左食妹記😅隔左一排冇黎好似又多人咗熱鬧咗，喺度傾計直頭要大嗌🙈我哋兩個人點咗一個椒絲腐乳萵筍，椒鹽墨魚咀同埋炸大腸～啲餸好快就上咗👍椒絲腐乳萵筍呢個配搭幾新奇，不過我同朋友都感覺唔太夾🙈 但係個萵筍厚度啱啱好，同埋爽口嘅👍椒鹽墨魚咀嘅粉有啲厚，同埋椒鹽分離得太西利，食唔到椒鹽既香口，炸墨魚咀還炸墨魚咀，椒鹽還椒鹽咁😌今次嘅炸大腸一嚟到已經淋淋地，失望，同埋好多舊都得層薄皮，無左腸既“趙口”希望下次會返返以前既水準啦！

係尖沙咀嘅總店食過幾次，頗有好感，但經常要長時間等位😅今日正好係旺角，當然要去探吓分店啦😉原來位於旺角的分店唔係地舗，係樓上舖、在通菜街一憧商業大廈裏面，全部都係食店😃要排隊等電梯啊😛電梯門一打開就見到全部都係等位嘅人👨‍👨‍👧‍👦👩‍👩‍👦‍👦，再向內行入去先見到攞位櫃枱。搭枱即刻有位👌🏻同另外兩位人客共用一張六人長枱，都坐得寬敞👌🏻🔸鬼馬油炸鬼 $78特色菜，油炸鬼中釀入墨魚滑，外香脆、內彈牙，配酒一流🍻，推薦👍🏻😋🔸豉油皇銀芽炒麵 $78麵偏濕唔夠乾身,麵條較碎唔得一條條，味道就👌🏻🔸椒鹽豆腐 $58豆腐面上鋪滿炸到全黄嘅金蒜，外皮粉漿薄，一口size，一啖一粒😊唯椒鹽味唔夠😅分店比正店大，光猛，整體👌🏻

第一次食妹記大牌檔，系朋友建議去食🤡 我地一行5人去食，餐廳適合一大班人去食，可以選擇多啲😋-我系比約定時間遲小小先到到，所以一到就可以直接入餐廳，但到果時都見到門口有為數不少既人系到等緊位。我地坐系門口附近，都見到不論系進餐期間定離開果時都依然有人系到等緊位，發現原來妹記都幾出名同幾多人食🤓-呢餐飯我地叫左5碗白飯、黃金蝦球、炒聖子、魷魚西蘭花仲有個豬手。個豬手配甜酸醬一開始覺得有啲怪但食落又ok。價錢上個人覺得相對其他大牌檔系偏貴，可能店鋪系位於旺角。

行街見到樓下廣告 就入左來幫襯叫左雜菜煲，黃金蝦同豆腐雜菜煲好足料，菜多過粉絲，湯底吾算濃，岩曬病緊的我黃金蝦蛋黃味濃郁，咸咸地又好好味。而且蝦的數量都吾多豆腐好惹味，有鑊氣，而且豆腐亦好滑

見到係大排檔，感覺應該係鑊氣宇足色香味俱全可惜，我地一行4人叫左6樣野，由叫菜到上枱不到5分鐘粟米班塊班塊一早整好。上菜前先淋個粟米汁上去，個心唔熱又唔翠鋼鍋雞味道一般，冇鑊氣金沙鮮尤出黎見到已經唔開胃，外層睇到已經走晒氣，成層油墊底咸魚容通菜煲咁野味既菜式竟然一d香味都聞唔到。。南乳香酥骨食落感覺係上菜前番炸。干爭爭。。蠔仔粥蠔仔粥都比佢真係整到一鑊粥。成鍋粥一patpat，d米飯比佢煲到爛晒，米飯同湯水比例錯晒。在場既客人已經唔係多，但d野都咁冇水準，咁都唔係即叫即炒。。唔會再幫襯

呢間大排檔都幾出名，我哋預先預約，否則去到現場見到有好多人輪候入座。餐廳都算多座位，而且好多都係圓枱同大枱，方便多人聚餐。但我見佢有某幾張大枱係需要搭枱嘅，感覺怪怪的。呢度上菜速度都算快，而且經典大排檔應有嘅都可以試到。我哋六個人叫咗10碟野。同埋呢度無限時，gathering 好地點但會比較嘈）墨魚咀 （炸粉比較多，唔講都唔係好知食緊咩）椒鹽九肚魚（呢個魚都外脆內滑）炸大腸（炸到好乾好柴皮）鬼馬油炸鬼（炸得乾同硬左少少）海鮮雜菜粉絲煲（呢個正正常常，普通）蒜蓉豆苗 （呢個正正常常，普通）啫啫通菜（呢個正正常常，普通）黑椒薯仔牛柳粒（呢個薯粒幾脆，牛粒都好食，好惹味）太極炒飯（似普通酒樓炒飯）蠔仔泡飯 （呢個正正常常，普通）

「要吃大排檔我還是愛路邊那種。」大排檔就是要有那種「佬」味啊！雖然裝潢再像也是仿製不了那種感覺，不過女生就愛乾乾淨淨的聊天，選這邊也是不錯啦！在大排檔必點的是黑椒薯仔牛柳粒和炸豬手，另外也點了試佐酒炸物和小菜。「先來的是飛天通菜，還真健康呢！」小菜都不過不失，份量不大，一下子就清一盤了。眼看黑椒薯仔牛柳上桌，趕快搶幾塊薯塊來自己跟前，入口卻是有點失望了。「我還以爲帶蜜味的！」加上沒什麼鑊氣也不脆，跟之前吃過的相比還是有距離。蠔餅炸得穌香乾爽，做得不錯，而炸大腸我也蠻喜歡。「感覺這鬼馬是沾油炸鬼粉漿再炸的。」這款蠻特別，雖然味道不算突出但因為有創意也是一試無仿。「那根豬骨給我！」炸豬手一上我就連忙奪下我的心頭好，那根骨頭藏的肉可不少呢！更加特別嫩啊！招牌就是招牌，夠脆夠味，咸香咸香的一口酒一口肉好極了！我看一下桌面，說：「這邊的炸物都不錯。」小炒都沒鑊氣，炸物就沒這問題了，炸大腸什麼的都不錯。可是別的就連煲仔菜味道也普通，料不多又沒有煲仔滾燙的感覺，尤其沙嗲金菇粉絲煲都是粉絲和偏淡的醬汁，吃起來就是一坨莫名的東西，一點都不香。「要霸王雞還是沙薑雞？」我選了霸王雞，可卻又後悔了。「這雞味道

跟朋友慶祝生日，決定來這兒一起嚐一嚐。從尖沙咀來到旺角，從街邊鋪來到樓上鋪，風味依舊，味道更好。餐廳內外文青的裝飾吸引了不少人流，店家也很貼心，在門外放滿了不少櫈仔，加了不少分數。餐牌方面有中有英，圖文並茂，值得一讚，彩色印刷，更顯吸引。食物方面點了1）鬼馬油炸鬼；2）肉絲炒面；3）西蘭花炒鮮魷。鬼馬油炸鬼，挺特別，油炸鬼的外衣，配以魚肉，很是特別，絕對要再叫一客。西蘭花炒鮮魷，勝在大大碟，回本有突。肉絲炒面，很大碟，又有「漢」邊，沒有不吃的理由。感覺上搬了樓上鋪，份量多了，好吃得多，下次一定要再來！

嚟到旺角食飯， 就想食下夠鑊氣的大排檔今時今日邊度仲有大排檔而且天氣又熱就醒起妹記妹記大排檔以前喺尖沙咀成日食而家開咗喺商場上面， 有冷氣又夠鑊氣我最推介就係呢個脆皮豬手， 原隻豬手上。脆皮豬手皮脆肉嫩， 咬落卜卜脆之後就嗌咗個鮮魷炒西蘭花， 鮮魷新鮮即湯西蘭花爽甜再嚟多個福建炒飯， 福建炒飯有好多海鮮配料好好入口之後再整個炸蠔餅新鮮即炸脆卜卜蠔仔啖啖肉， 咬落爽脆嫩滑再後嚟多個小炒王， 韭菜加腰果好好咬口又係完美的一餐

今日準備睇戲，放工搵個同事快閃食個晚飯。叫左三個餸，都係咁啦，妹記紅左之後，唔會難食但又唔係超好食，勝在款式多。金菇肥牛粉絲煲。個汁唔會太杰，偏向稀，可以撈飯。牛肉都嫩滑既，沙爹味就可以多啲。西蘭花炒帶子。呢個幾好，菜始終係贏在起跑線，帶子夠大件，又唔會overcooked 炸蠔餅。嚴格黎講，應該係芫茜餅。芫茜同炸粉一齊撈埋去炸，個人就比較鍾意芫茜同粉分番開，咁芫茜味道會重啲之餘，口感會好啲，同埋可以無咁油。我六點三四開始食，個陣都無乜人，但我食完七點三四，已經超多人。大家要食記得早啲。

之前已經食過幾次妹記 覺得都唔錯 貪佢地方大 有大枱 十幾個人都可以坐埋一枱！所以之前reu成日都黎食😂 可惜今次得四個人黎食 就令我失望了....今次嗌咗...🍽炸豬手 份量中等，四個人食有啲多，個皮炸到好脆，但真係好咸...太咸啦！仲要成二百蚊一碟，有少少貴.🍽 咸魚飛天通菜呢個正呀！我最愛既通菜，仲要用鍋上，熱辣辣咸魚都有幾粒既，夠味就得😋 .🍽金沙蝦球 見到好似好好食先嗌，份量少都算，仲唔熱既炸野唔熱又點會好食呀。。。咸蛋黃味唔夠濃，仲有陣油溢，曬錢.🍽 沙嗲金菇牛肉粉絲煲呢個勁呀，勁伏呀！成煲野得幾條金菇，仲要係一絲絲既。。。反而勁多芽菜同粉絲，少少牛肉。個沙嗲芡汁冇沙嗲味....完全係粉溝水🤮直頭係難食。。。.朋友話例湯好好食想飲多幾碗😂 明明之前黎幾好食，係退步咗定嗌錯野食呢？

人生就是不停的戰鬥，是九把刀的名句。但係喺開拖之前，梗係要整返碗戰鬥碗啦！你都可以話我係衝住呢隻戰鬥碗而嚟呢度食飯嘅，因為之前喺網上面見到呢隻碗都覺得好過癮，咁啱巴打有聚會，就一於嚟呢間店妹記大排檔朝聖啦。一場嚟到，唔係唔飲酒啊嘛？當然要喇喇臨整返碗啤酒先。呢度比較特色就係有哈爾濱啤酒，我之前真係未見過。不過飲落都清清地，幾好味嘅。同時，另外一個重點就梗係用戰鬥碗嚟裝啤酒飲啦，用碗飲酒係幾特別嘅。不過在場見到的戰鬥碗好多都有啲破損，有啲扣分，同時間飲嘅時候都要小心戒嘴。向好嘅方面諗，呢一隻係一隻好有歷練嘅戰鬥碗，戰鬥咗好多次😂😂😂😂😂講完無謂嘢之後，就介紹下啲餸菜啦，招牌菜係鬼馬油炸鬼。呢個首本名菜當然係必點嘅啦，就係油炸鬼再配合墨魚滑，做到外脆內軟，真係幾盞鬼。蒜香骨。炸完出嚟熱辣辣，賣相亦都唔錯，不過食落就有少少鹹，不過都幾香口，用嚟送酒一流。鹹蛋蒸肉餅。呢個家常小菜都整得還好，肉餅都幾入味，呢個就適合用嚟送飯喇。不過呢度嘅小菜都有個弱點，就係分量太細，如果係女仔食應該還好。男仔食就真係未必夠喉喇。

香港傳統大排檔好多間都閉業妹記大排檔保持傅統大排檔既感覺 係裝修上, 餐枱同菜式結合新時代既轉變 增加左冷氣 呢個好重要既環境元素 客人可以食得更舒適有2位朋友黎香港 分別來自台灣同美國 佢地想食港式地道既食物 第一時間諗起大排檔三隻字半年前係尖沙咀分店食過一次妹記大排檔 個次一行8人叫左好多餸 碟碟都好正好味 價錢又抵 留下深刻印象今次揀旺角妹記大排檔 想試下呢間係咪都咁好味因為都多人食加上星期六 等位等左大半個鐘第一時間點左啤酒 出名戰鬥碗 有點特色被外國朋友試下用碗飲酒 別具一番風味之後點左沙拉骨酸味味 好開胃 肉質軟身香香的 朋友大讚好食豉椒炒蜆唔夠甜 份量適中 個汁有d一pat 太"杰"身秘製鋼鍋雞配料有木耳 薑 菇 洋蔥 辣椒 所以令雞肉都好香好味最後一道餸 朋友揀左紅燒乳鴿因為佢未食過 想試下皮都燒得幾脆同香 不過乳鴿唔夠細隻 唔夠嫰肉有少少"鞋" 但味道都唔錯既最後埋單都係3百幾蚊 幾抵食

妹記曾經是我最喜愛大排檔之一，但不得不承認妹記的水準真的每況愈下，尤其旺角分店。🥢菠蘿生炒骨比較正常的一道，無太多餘的汁，略嫌不夠脆。🥢椒鹽鮮魷1.好硬 2.好咸 3.好油🥢椒鹽九肚魚比椒鹽鮮魷好好多，至少食到九肚魚應有質感。🥢鬼馬油炸鬼又係好乾，有油益味，另一大失水準之作🥢蠔仔粥蠔仔唔係幾鮮，飯粒煮得不夠，感覺就係湯+飯。🥢飛天通菜淡淡蝦醬味，正常發揮。🥢蒜蓉豆苗不夠鑊氣，亦都不太當造，係我衰係都要叫呢個。小總結：加埋酒水人均$120又唔算好貴，但水準差左太多，好味過佢比比皆是。