妹記大排檔

Open Now

Now Closed

記得第一次食妹記係剛剛入大學嘅時候宿生會邀請所有新生一齊去食開學飯個次係第一次接觸妹記 同妹記最出名嘅戰鬥碗時至今日,仍然懷念當初青春既味道當初相識既朋友 都成為今日既老死所以不時都同班兄弟去食妹記星期一晚放工 約埋成班人去妹記啤啤佢唔使講 都係叫個幾味豬手-外脆內軟 跟埋個甜酸醬 好味黃金蝦-鹹蛋黃味重 蝦又夠彈牙豉椒炒聖子同帶子炒西蘭花都係正路味道最重要一路食 一路用戰鬥碗 飲碗哈爾濱啤酒同班老死吹吹水 講下舊事 傾傾近況 人生一大樂事

聽左妹記呢間野好耐，不過一直未有黎試，旺角呢一間分店仲裝修得好靚，完全唔似大排檔，唔講以為係西餐廳。餐廳內外是日晚好多人，等左25分鐘左右先有位。食物選擇好多推介菜式，都係大排檔價錢，依家食大排檔其實都唔平，再加上佢舖租同埋名氣，都理解點解定呢啲價位。鋼鍋雞　$108有啲似啫啫雞煲，係招牌之一，用左一啲泰式香料炆焗，但食落冇乜味，醃得唔夠時間，似普通豉油雞。妹記炸豬手 $68必點！因為真係好抵食，同埋都係招牌，份量唔算少，以$68黎講真係好抵，咁大份，出面食個豬手閒閒地都$200，估唔到妹記做咁平既價錢，而味道都OK ，皮夠脆，肉質粉嫰，唔油溢，真心推薦。鬼馬油炸鬼 $78又係另一公認招牌菜，本身唔知係咩黎，原來係將油炸鬼掏空心，之後釀啲魚肉漿、墨魚漿入去炮整成。油炸鬼唔算好香脆，魚肉幾有彈性同咬口，配上酸甜汁，幾夾，不過如果油炸鬼可以整到好脆就更好。椒鹽八爪魚咀 $78全部點哂招牌，呢個都係，但就真係可以唔洗叫，如果炸豬手仲平過呢碟八爪魚咀，呢碟真係好唔抵食，炸粉好厚，八爪魚咀冇乜特別，椒鹽唔夠香口，不值一試。我地一行7個人，當然唔止叫呢啲野食，仲叫左菜，但主要呢4款都係招牌菜式，我

好幾年無幫襯尖沙咀妹記，試試旺角分店先。菜色都係大同小異。望夠菜牌可以點菜。藍妹，戰鬥碗同您死過！炸墨魚咀，高質吸引，香口爽脆索索聲，墨魚味甜美多汁，乾身點更好！鬼馬油炸鬼，墨魚膠無味，外層炸透法包皮，no good！薑蔥炒蟹，全無鑊氣可言，您地係用電磁爐炒？暖暖地，薑蔥還薑蔥、蟹還蟹，完全無融合一齊，薑蔥汁撈蟹，蟹夠新鮮肉彈但蟹味淡，整體一般。避風塘炒蟹，質素好過薑蔥少少，夠熱但無鑊氣。難怪不用 5 分鐘兩碟蟹送到，有做定之厭！蟹肉夠鮮彈但蟹味淡，比薑蔥炒蟹甜，炸蒜辣椒夠惹味香辣，味道唔錯。豉椒炒蟶子，依舊無鑊氣，豉椒撈蟶子罷了，好采蟶子都夠爽甜，煮多兩秒就過熟喇！炸豬手配泰式雞醬，預期之內麻麻地，我諗切片點醋當燻蹄食會好味好多！咸魚茸飛天通菜，比起剛才兩碟蟹同蟶子，依個菜最好食最有鑊氣，蝦醬鮮濃，通菜爽嫩多汁！炸大腸，都好食既，外脆內嫩無過咸，沾上甜酸汁點綴一下，醒神醒胃。雞蛋焗魚腸，熱辣辣但蛋香不足，味啖微腥帶泥味，凍左直頭入唔到口，連飯都費事叫黎撈喇。洒上大量胡椒粉鋪面都無補於事，勁腥食唔到。黃金蝦，暖暖地唔夠熱，蝦肉霉，海蝦細，一般。

星期四晚約埋一班失散多年嘅舊同事聚聚吹水食吓晚飯,有囡囡推介依間樓上舖。估佢坐落女人街應該唔難搵,原來行到去俾啲檔口遮住都唔易搵㗎第一次上嚟唔知頭唔知路就讓後生女佢哋揸fit喇,自己就事前上網睇過蠔仔粥唔錯喎蠔仔粥最先上檯,七個人每人都可以分到兩碗有多。入口感覺好入味,唔似有啲食得出係白粥加入餸料果隻。佢嘅粥水都非常入味,蠔仔飽滿軟滑豬手真好似網友嘅分享一樣好脆口,唔油膩。但就略嫌凍凍哋,其實我哋係第二三檯客咁早到。廚房師傅唔應該咁早就踢晒腳喎沙拉骨都交到貨同樣係入口香酥而唔油膩,咬開時都好juicy,加上汁液亦都好惹味唸住叫個菜食吓,我就覺得依個菜一般,唔似係佢哋嘅強項(炸物)。後加依個鮮魷都幾新鮮,不過大家睇吓佢嘅賣相都幾(求其)

有無人同我一樣鍾意食下d小炒呀 大排檔咁呢？👀👀👀呢間火喉夠 道道菜都好鬼正🤤 仲要價錢好抵食！上次帶fd黎 個個都話呢間正！🙈🙈真心推💘💘🙈黃金蝦 同豬大腸必嗌之選！

收工黎到旺角，係時候祭下五臟廟，諗緊食乜之祭，朋友就話：「不如試下妹記大排檔？」我心諗，下，三十幾度去食大排檔？，但我又唔好意思掃佢興，唯有硬住頭皮話，「好啊，你想食就一齊去啦！」我地行到登打士街附近，再開google map，先塭到呢棟隱藏係漆黑之中既食肆，似係新裝修，lift lobby都光猛既，搭lift上到2樓，就係「妹記大排檔」。聽到「大排檔」， 以為係傳統嗰啲坐接櫈，大熱天時都冇冷氣嘅大排檔，好彩實情唔係咁，呢度等位都有櫈坐啊！我地walkin，等左大概半個鐘就有位。叫左金沙鮮魷 $78色澤好靚，散出陣陣咸蛋香味，咸蛋黃都好成功咁痴住d鮮魷，唔會一夾起就甩皮甩骨。魷魚都大大塊既，夠爽口。沙嗲粉絲蝦煲 $78熱辣辣成煲上，份量大到一定夠2個人飽，細食既有機會食唔哂，但我地就當然食得哂啦！沙嗲味夠香，食落濃郁，條條粉絲都索哂d沙嗲味，芽菜完美融入左d粉絲，每一啖，都食緊幾樣野，蝦既份量都多，蝦肉爽甜，唔會梅。

今日去食人人都話唔錯的妹記，係門口已經見到好多人係度排隊，好彩我地預先book左未，如果唔係的話都不知道要等多久。餐廳的裝潢很有有懷舊的味道，是按舊式香港的大排檔味道，墻身挂滿餐廳的餐牌，招牌菜等等。不同的是環境變了，以前的大排檔是在街邊，香港轉型後，大排檔現在都開在樓上店了。我地叫左好多野食，味道到唔錯的。飛天通菜都算係妹記招牌菜，上菜時仲熱辣辣，通菜非常翠綠，好快就食曬。蠔餅好大份，炸到金黃色買相好吸引，但係味道都一般，面粉味較多，鮮味不足有少少失望。戰鬥碗的碗是冰涼冰涼的，用來喝啤酒好爽。

相約左一班莊員去食飯，諗左好耐邊到有得成張圓枱一齊坐，仲有得飲啤酒🍻呢？最後決定黎妹記，貪佢可以有個戰鬥碗飲啤酒，夠豪氣係餐廳門口要齊人先入得去，有好多人排隊，好似仲無得book位添，於是等左差不多一個鐘先入到去，然後我地就拿拿聲叫野食，因為實在好肚餓。。。。先黎既有蠔仔粥，好大鍋，而且粥底夠綿，裡面有好多蠔仔，雖然唔太大粒，但粒粒都好飽滿，搞到我地每人食足兩碗先至停之後有個西蘭花🥦炒帶子，個帶子炒得岩岩好，唔會炒得太老，份量都唔算少~~再黎就係鬼馬油炸鬼，其實就係將魚肉放到油炸鬼中間，炸得好香口，加埋個醬汁更好好味，就算肥幾磅都要食跟住係個金莎骨，相較起其他菜就失色左少少，較為普通最後係原隻豬手，炸得好好，裡面仲係有好多肉汁，外層係脆既，內軟外脆，食完係想再encore!!!!餐飯食得好滿足，價錢又合理，唯一希望改下既係等候既時間可以短d就好

乾淨企理嘅樓上大排檔環境唔錯晚市比較熱鬧 多人嚟食比較適合一大班人嚟打冷今次同朋友嚟食叫咗四樣嘢每樣嘢食都大大碟都夠飽如果係大食嘅人就覺得岩岩好好不過 我覺得多數你食大排檔嘅人都係志在同朋友吹下水見下面蠔仔粥分量都大啲蠔都幾新鮮 鮮甜但有啲蠔食落去有少少沙叫咗碟炒菜味道算唔錯同平時酒樓 其他大排擋嗰啲差唔多 冇太大分別沙薑雞啲雞肉都滑 啲汁夠包住啲雞肉食落我同啲朋友覺得佢唔似係新鮮雞不過都ok嘅咸豬手我自己平時好少食嘅都唔太差落單速度快上菜速度都好快前後都冇十分鐘就上哂所有菜色

一人多食飯就頭痕人多就嘈d friend 又大食所以唔可以揀d貴餐廳通常去MK 首選都係去妹記有必食推介一定要食墨魚嘴炸得香口第二款必叫既就係豬手份量多 （四人以上先好叫）我d 朋友仔就會必叫薯仔牛柳粒食咁多肉一定要迫佢地叫一個菜海鮮雜菜煲d 菜有海鮮既鮮味佢地次次都會叫炸大腸熱辣辣好香口呀通常食飯都走唔甩會叫貴妃雞半隻就算人多都係叫半隻另外半隻會叫風沙雞同埋去得妹記食飯我都會叫湯一個湯大約可以有六至七碗人多就叫兩個😂😂

有冷氣，地方闊落，坐得舒適。炸大腸，炸得過火乾身，食落吾嚼口，脆卜卜，似食烤鴨皮。沙嗲粉絲牛肉煲，沙嗲醬汁有點稀，不夠濃厚，粉絲份量不多。黑椒薯仔牛肉粒，薯仔冇炸過，無香味，牛肉不過不失。

一家旺角樓上大排檔，座無虛席，仲有好多年青人黎食，環境舒服。招牌炸豬手好大份，肉質有點咸，外皮勁脆，食落卜卜聲。鬼馬油炸鬼，真系好鬼馬，吾知系咩餡，食落有豆腐既清香。

約朋友係旺角食飯，因為唔想食樓上cafe，但係旺角好難搵到個地方一班friend傾計，朋友介紹去妹記食大排檔。一路以為大排檔一定係露天，跟朋友行下行下，先發現呢間大排檔原來係室內，地方仲要幾大。不過可能因為係假期，所以等飛都等左好耐先至入得。我地一行四個人叫了四個菜，妹記豬手同埋鬼馬油炸鬼都係出色既，點個個醬個味道好夾，兩個菜都係比我地最快夾曬，極度推介！「飛天通菜」炒得都幾入味，幾好送飯；「豉椒炒蜆」份量太少，好似殼多過肉，味道唔錯。因為我地四個人都唔飲酒，無得試呢度最出名既戰鬥碗，不過淨係食餸的話，呢間都係唔錯既選擇。唯一最唔好既係環境太嘈，基本上好難同朋友傾到計。

妹記大排檔適逢有個大學同學係大陸落左黎香港搵我地 就決定帶佢去食下大排擋 就揀左妹記啦因為有冷氣舒服啲 而且有個戰鬥碗影下相 今次係我第三次去食啦 每次都要等二十分鐘到 因為呢個地方好適合一大班朋友聚餐活動 所以等枱期間都會見到waiting area係一堆堆一大班人係到haha好熱鬧架 不過就一定要人齊先可以入座今次我地嗌左三個餸 蠔餅我覺得太厚粉啦食唔到啲蠔薯仔炒牛柳粒好味好香好好送飯魚香茄子煲不過不失啦我覺得食物係一般既但勝左環境好適合一班人聚會

還挺喜歡吃大排檔的，不過一般都會去新界吃，陳根記是讀書時候吃得最多的一家，不過現在辦到了紅磡著，有點遠啦，後來看到了旺角妹記就去試試，感覺也很不錯，價格便宜，味道還可以