妹記大排檔

Open Now

Now Closed

旺角分店就食過好多次今日黎開尖沙咀朋友話想試呀～點左～乳鴿兩隻呢個都保持水準嘅都係好香又唔會炸到好乾有啲肉汁甘～金沙蝦球呢個就略嫌佢個鹹蛋黃外皮整得太乾好似有啲硬身咁食落去個皮係好香嘅鹹蛋黃比得好多～鴛鴦蒸魚呢個就略嫌有少少腥唔知係咪我比較敏感啦一上枱我已經聞到少少腥味鴛鴦係麵醬同豉汁～椒絲腐乳萵筍呢個見好特別就試吓我覺得整得幾好食腐乳好惹味萵筍切片切到好薄沾到好多腐乳汁～豉油王炒麵賣相就幾好但食落略嫌甜咗少少呀～豉椒炒蟶子聖子係細隻嗰啲都炒得入味嘅幾香

同朋友聚餐 4人行, 唔想成日食Cafe 西餐日本野咁，一於嗌餸食飯去大排檔！旺角分店就去過幾次，第一次黎尖沙咀呢間！餐廳喺商場室內，好似少左啲大排檔氣氛咁,anyway！ 嗌左鬼馬油炸鬼，個名好過癮。炸両入面係墨魚滑,呢碟真心有驚喜！ 之後嗌左半隻蔥油雞, 椒鹽鮮魷, 粟米魚塊, 海鮮 雜菜粉絲煲，都不過不失 正正常常。餐廳有限時食，而且都幾多人,建議可以打電話book位先。當日星期六又幾好彩 walkin 有位，餐廳又大，我覺得 如果同朋友諗唔到食咩嘅話 呢間都係不錯選擇。

好耐無食小炒, 近排疫情有啲反覆, 就嗌外賣反屋慢慢嘆小炒凍左會唔好食, 我哋就揀左比較近地鐵站嘅妹記大排檔<梅菜扣肉>宜家比較少見梅菜扣肉呢道菜, 屋企人又鍾意食, 於是嗌左份扣肉底雖然係時菜, 但肉嘅份量一啲都唔惹少, 扣肉好肥美, 味道比較甜, 可惜梅菜好少扣少少分<京都骨>京都骨一定要嗌, 新鮮熱辣辣, 又大份又好食脆中帶甜, 大人細路都啱食<魚香茄子煲>魚香茄子煲有鑊氣, 茄子軟硬適中, 好送飯<金銀蛋浸時蔬>最後黎個無咁重味嘅浸時蔬, 均衡營養

呢到嘅餸菜都好大碟。鹹魚雞粒炒飯 - $52（午市套餐，送一罐汽水）好大碟，亦都炒得好香，粒粒分明，有鹹魚嘅鹹香味，雞粒好滑吾靭，亦配有翠玉瓜，蛋等配料增加口感。蠔仔煎餅 - $88蠔仔份量都吾少，仲有芫荽，炸得好香脆，仲有個汁點綴下，2種風味，比較油膩。安格斯牛柳粒（燒汁野菇）- $148呢個可以選黑椒汁，燒汁野菇，同埋尖椒炒，我地選左中間，菇菌數量吾少，配燒汁都煮得好好味，但係主角安格斯牛柳粒吾太重肉味，而且比較韌，建議大家吾洗特登比貴價錢食安格斯牛柳粒，食普通嘅就可以。鬼馬油炸鬼 - $88有2大條，表面都炸得脆，入面係墨魚膠，都食到d墨魚粒，但又冇咩墨魚味，有個酸汁比你點。

7月中同朋友一行4人六點幾就去妹記食早晚餐，入座時比較少人，只有90分鐘限時用餐。到我哋食完已經全滿。餐廳雖然大，但係枱亦多，座位就大排擋嘅木枱，叫多少少食物就唔夠位放⋯⋯我哋叫咗妹記炸豬手。水準幾好，又大隻，皮炸到脆卜卜。西蘭花帶子。冇特別，普通茶餐廳質素。椒鹽鮮魷。熱炸食物，惹味。魷魚也易咬。荀殼魚。太細條，冇乜肉。豬仔脾。豬肉冇醃味，只係表面醬料有甜味。總括而言，價錢都相宜，質素普通，食物分量細，地方坐得唔太舒服。作為放工，午膳飯堂可以，但同朋友聚餐就不太合適。

發現室內大排檔都唔係一個好嘅選擇嚟聚舊同傾計😂以前大學時期聚會都有食過妹記，發現整體質素變差了🫠· 椒鹽八爪魚咀八爪魚咀比想像中大粒，外皮脆口唔厚粉，肉質彈牙，微辣，適合用嚟送啤酒🍻· 蠔仔粥不過不失，蠔仔🦪都唔細粒的。· 金銀蛋菜芯味道正常，沒有突出地方。· 金沙大蝦球外層蛋黃炒到起晒沙，包住成個蝦球，但唔知點解冇乜咸蛋香，調味可以再鹹啲，蝦球冇蝦味🥲但記得好耐以前喺舊舖食過黃金圍蝦係好味的😟😟· 蔥油吊燒雞（半隻）見到係招牌菜，決定試試佢，ummm…冇特別之處，蔥油唔夠香，而且肉質較鞋身。

看完電影已經9點多，沒想到這個時份大部分餐廳已打烊。朋友上網查找，終於找到了這間經營至11點半的「妹記大排檔」。餐廳內燈火光猛，座位都頗為寬敞。超大碟的鬼馬油炸鬼！外層炸至脆卜卜，中間釀了墨魚膠，完全是2種截然不同的口感。可以蘸甜酸汁來吃，有開胃感覺。這裡的食物份量偏多，每款上枱都是大大碟。八爪魚咀沾上炸粉漿炸起，口感有嚼勁，帶著椒鹽的鹹香惹味。用來做佐酒小食一流，可惜當晚筆者和朋友都沒有喝酒。今次點了3碟都是炸物類，相當邪惡。但蠔餅就相對遜色。蠔入口未夠鮮甜，炸粉漿比例偏多，而且也頗為油膩。

今晚跟同事歡送，主角話要試大牌檔，見好耐冇食，就提議左來妹記。地點在尖沙嘴，方便大家。我10幾年前妹記還在街市時已有幫襯。今晚8位食左首本名菜椒鹽墨魚🦑咀好食，保持到水準椒鹽鮮魷炸漿太厚面皮，好難咬！飛天通菜可以啦炸蠔餅呢樣簡直「完全」唔掂！炸到我食唔到任何料，食唔到蠔，只係不停咁食到厚面皮的炸漿。而且又超級油膩！呢碟食剩晒咕嚕肉不過不失，唔可以話好出眾，好多地方更加出色沙嗲牛肉粉絲煲可以啦！豉椒炒蟶子、炒蜆落單時問份量多少，是不是一隻隻計，店員話唔知🤔⋯⋯ 咁算，一份！兩樣野上菜見到殼仲多過蟶子或蜆，唔得！小雞雞呢樣反而比較好，沒有骨，味道不錯👍🏻炸大腸可以啦！虎皮椒可以啦！整體覺得好失望好失望⋯⋯呢10年間中有幫襯，今次質素堅差啦⋯⋯ 真係沒有下次了😫😫😫😫😫

有個中學同學嚟緊要去外國讀書，於是乎我哋就Gather 埋晒本身熟嘅一班中同一齊食飯，而最啱多人一齊食飯嘅地方就係大排檔，貪佢可以俾我哋叫好多餸一齊Share 嚟食，所以我哋今次就揀咗喺妹記食飯啦。我哋有八個人，所以就揀咗咁多野食，有啲係朋友食過覺得好食嘅，而有啲就係我覺得大排檔必嗌之選🥹aka我鍾意食嘅餸。1. 鬼馬油炸鬼 ($88)個名都幾鬼馬嘅。。。😅 但我覺得味道就麻麻咁囉🥲講真一上到枱我哋大家都喺到問咩嚟，完全睇唔出佢係油炸鬼，咁又真係幾鬼馬喎衰鬼😅 然後佢係一個長條形切到一舊舊，入面釀咗嘅蝦膠入去咁。咁其實簡單嚟講，佢係炸蝦餅但出面再加咗層炸皮。然後咬落口嗰陣時，面頭炸皮係幾脆，但入面嘅主角，蝦，係一啲都唔彈牙。。。一啲蝦嘅口感、鮮味都冇。。。淨係有少少蝦肉嘅顏色同調味咁😅妖😅我敢肯定係佢打蝦膠嗰陣時為咗cut cost 加咗勁多粉入去😁難食到癲，一定冇下次。2. 煎蠔餅 ($72)煎蠔餅係我最鍾意食嘅餸之一，亦都係家父嘅拿手小菜之一，所以我要求都幾高🤣。一個蠔餅要做到好食，一定要脆，而且每一啖都要有蠔，蠔要夠鮮甜，調味唔可以蓋過啲蠔原本嘅味道，要相得益彰，廚師嗰煎嘅時候亦

一行4人，星期六晚尖沙咀區臨時搵地方食晚飯真係唔容易，優質少少嘅餐廳門口都企滿人。突然諗起都一段時間無去妹記，非常好彩上到去剩返最後一張4人檯，真係一拍即合。好奇怪店家每檯係提供一壺熱水，大排檔食物提供熱水比客人飲用，唔知點解即刻令我諗起食神其中一段戲言歸正傳，食大排檔就梗係要配大啤。啤酒係用雪過嘅碗serve，夠傳統大排檔feel，讚！另外叫左杯特飲-百香果檸檬烏龍茶，酸酸甜甜有茶香夠清新，配炸物飲都唔錯，感覺上好似比飲汽水健康啲-椒鹽八爪魚咀：🌟🌟🌟🌟椒鹽味同炸粉適中，墨魚咀爽口，讚👍🏻-椒鹽雞翼：🌟🌟🌟比墨魚咀再香辣啲同粉厚啲，個人會鍾意墨魚咀多啲-蠔餅：🌟🌟🌟🌟傳統廣東炸蠔餅做法，雖然粉漿偏厚，不過蠔仔算多，同埋我鍾意佢個餡加埋芫荽。因為自己係芫荽怪，因為呢點所以呢個菜式係私心推介😂 -西蘭花帶子：🌟🌟🌟普普通通，急凍帶子加西蘭花，預計中嘅味道。-銅煲雞：🌟見menu有段報章介紹寫用泰國香料煮（香茅、南薑、檸檬葉），好似幾特別就叫嚟試下。結果係全晚唯一食剩嘅小菜。雞件過熟嚡口，味淡，完全食唔到任何香料嘅味道，失望！-肉絲粉麵：🌟🌟🌟麵底都炸得脆卜卜，味道不過不失不過妹記搬左嚟呢

《妹記大牌檔 - 尖沙咀》估唔到幾個番office 工既女仔既聚會，最後竟然會係去左食大排檔飲啤酒🍻不過而家既大排檔裝修得好靚仔架啦，好似話已經無以前既咁有風味🤔其實都真係想搵間坐街邊既體驗一下🤣話說星期四我地三人行收左工六點半左右就去左尖沙咀既妹記大排檔，剛剛好唔洗等位直入，但就要八點半交枱，兩個鐘乜都夠食啦😉我地一共點左四樣野食：💁🏻‍♀️蝦乾炒飛天通菜 $？？唔記得😝飛天通菜炒得好香，識落冇渣，餸飯食一流👍🏻💁🏻‍♀️椒鹽墨魚咀 $85作為前菜梗係要叫香口嘢😝墨魚咀唔會揸得太乾身，都幾彈牙， 不過炸粉略嫌厚咗少少🤔但係冇影響個味道嘅💁🏻‍♀️黑椒薯仔牛柳粒 $158牛柳粒軟林林好易咬得開，甜甜地幾開胃，不過個薯仔味炒得好淋，識落有少少爽口😂我個人係比較鍾意食淋啤啤嘅薯仔💁🏻‍♀️豉椒炒蜆 $98一上枱嘅時候其實有啲驚訝，因為真係好細碟，喂但係佢嗰啲唔係蜆係花甲黎，所以睇落大隻啲，食落冇沙口感都唔錯😎朋友佢哋仲叫咗一個白飯兩份分同埋叫左支藍妹，最後我哋埋單一共$468，每人$156，三個人食叫唔到太多餸但係都好抵食嘅👌🏻下次要試吓痞喺街邊嘅大排檔先得💪🏻有無好介紹？

疫情其間食過一次，沙嗲汁金菇炒牛河，驚為天人，但呢個不在恒常餐牌內，迫住常常上去睇下有無得食，直至疫情中段佢直情停業了。疫情過後再來呢，乾炒牛河不過不失，有鑊氣。又試過排骨炒牛河，果個就好麻麻，最好唔好點啦。

好內無食過大排檔，呢間又幾抵食大份!多人去大檔好處就係可以試到多款唔同菜式，我地叫左飛天炒通菜、豬手、蠔餅、咕嚕雞球、炸墨魚餅等等，全部都好大碟，夠晒飽肚，仲要味道唔錯!!個人覺得飛天炒通菜最好味，有少少泰式味，時菜加上蒜、少辣調味，又有鑊氣，好惹味!炸蠔餅幾乎係去親大排檔都必叫~超脆但蠔仔就要尋覓下先得啦.反而咕嚕雞球令我小失望，雖然炸得算脆同大碟，但個汁唔夠味，而且同D雞肉唔太襯..如果下次有咕嚕肉食就好啦!!!

今日午餐點評：同life上樓既妹記大排檔姐姐，見我一個人想入去食午餐就直接叫我做安心，帶位. 十分有效率.一坐低就直接俾午餐牌我，我叫左個椒鹽鮮魷飯，凍咖啡.諗住即刻炸既野要等耐啲，姐姐就秒速俾左個例湯我，我就可以飲住湯等. 加分重點個湯係無味精，唔會好咸.之後5分鐘內，就上齊咖啡，飯. 一個字：快！我先岩岩用完酒精搓手液，野食就上齊.整體椒鹽鮮魷係香脆同食得出係即炸，加埋辣辣地既炸蒜，係好好餸飯.而且都有幾條菜俾你，都幾有誠意.飯就一般啦.

📍旺角妹記大排檔 第三次食妹記🤓不過今次搬咗舖之後唔知係咪師傅轉左 味道一般般(´･_･`)🦑鮮魷炒通菜 $92呢一個通菜味道比較淡 冇咗一般大排檔嘅風味😂😂可能行健康路線！不過鮮魷嘅份量十足 對得住個價錢🙏🏼🫶🏼🍳瑤柱蛋白炒飯 $98用瑤柱蛋白炒飯代替白飯果然係明智嘅選擇！😚🤣個人來講好鍾意食翠玉瓜 所以呢個炒飯都不錯~ 不過味道依舊偏淡！👅🦪炸蠔餅 (蠔仔煎餅🍪) $88個樣係咪好靚呢？但係我覺得味道就一般啦 首先炸粉好厚 同埋啲蠔冇乜鮮味/蠔味😵‍💫😵‍💫有一種唔知自己食緊啲咩嘅感覺 希望餐廳會好好改善！🐚豉椒炒蜆 $98豉椒炒蜆份量比較少 我諗加埋得20隻🥲🥲味道okay 不過我覺得份量唔夠~_~;🍋凍檸茶$21🍇果茶$28~總括而言尖沙咀依間妹記仲有好大嘅進步空間！雖然價錢都幾合理 但係味道方面 其實我記得之前食兩次都幾好食 可能今次帶咗啲新嘅菜式組合😖😖✨希望下次再嚟食會有驚喜啦♪( ´θ｀)ノ📍旺角妹記大排檔 地址: 尖沙咀金馬倫道5號太興廣場3樓 (尖沙咀B2出口)————#gluttonlifecafe #gluttonlife尖沙咀#尖沙咀 #hkfoodie #y