鳴虎 (北角匯二期)

Open Now

Now Closed

一向鍾意食拉麵，對湯底同麵質都有要求，食過好多唔同拉麵，北角匯呢間最啱我口味好味有質數嘅拉麵款式唔需要多✨<鳴海老> 面層舖滿櫻花蝦粉，大量香蔥令味道更香大大片 炙燒叉燒，肥瘦度恰好豬骨湯底好香濃，亦唔會太油膩麵質好爽彈，食得慢浸得耐都唔會淋半熟嘅流心玉子非常軟滑✨大阪風咖哩豬扒丼咖啡豬扒飯都唔錯，咖哩汁香濃，完全覆蓋每粒珍珠米飯，豬扒外層好酥脆，炸完好乾身唔會成口油✨芝麻雞翼雞翼灑上粒粒芝麻，令味道更香即炸熱辣辣，外皮非常香脆✨吉列炸蝦炸蝦大大隻，沾少少沙律醬更好味加支士多啤梨味嘅波子汽水，滿足

自從北角開咗北角匯之後整體嘅觀感真係好咗好多，🤗而且亦增添番一份年輕感，無論係一期定係二期，餐廳都依然有多重選擇，日式越南西餐打邊爐，韓燒依然係應有盡有，😳而且基本上潮流時裝超級市場亦都一應俱全，真係可以用麻雀雖小五藏俱全來形容，😂更加完美嘅就係喺超級市場裏面都有一間日式拉麵餐廳，頓時就好似置身日本一樣，難得嚟到當然亦都要順便品嚐埋😝赤虎— 🍜追求辣椒辛辣刺激咁嘅辣味豬骨湯底，無論從色澤定係香味上面真係無懈可擊，🌶️濃郁嘅湯底，🍜伴隨住辣味嘅刺激感確係過癮，至於拉麵選用嘅就係比較幼身，🍜但依然保持彈性同埋硬度，當然時間都要控制得比較嚴謹，先可以出到同樣質素嘅拉麵，🍜至於配料就有兩塊大大塊肥瘦分明嘅叉燒，即使薄，但係肉味夠濃，🥩再加上有滑脫脫嘅溫泉蛋同埋爽口嘅木耳絲，確係非常之滿足🥚芝士魚條拼魚餅🧀— 除咗拉麵之外小食都表現出色，鍾意食芝士嘅，🧀當然唔可以錯過呢一款小食，一個價錢兩款滋味，🧀首先芝士魚條外皮酥脆裏面包住嘅就係類似魚蛋嘅質地。🧀另外中間就有流心嘅車打芝士，咬開第一啖芝士就會慢慢流出來另外魚蛋肉當然係彈性好鮮味。🧀至於魚餅就好似硬身嘅魚腐一樣，煙韌度高。🧀同樣亦都係有芝士夾心，

北角比較新的商場暫時仲係北角匯，雖然很小型，但勝在有一田超市，裏面有間吃拉麵的質素不錯。嗚虎～日本魚乾豬骨湯拉麵拉麵上枱時上面充滿了葱，味道很香，而且有大量魚乾粉，使整個湯很鮮味，蛋是糖心，豚肉叉燒經輕輕燙過，有焦香味道，拉麵富彈性，非常沾汁。嗚海老～蝦味噌豬骨湯拉麵湯底是橙紅色，明顯落了不少蝦餚製的，味道夠鮮，不會過濃。芝麻雞翼炸得香脆，但又不太油膩，芝麻香味突出。吃日式拉麵當然要配原味的波子汽水，真的夠冰凍。另一選擇就是Zero可樂，如果是玻璃樽裝的更好。

好耐無食拉麵啦，雖然而家0+3 可以飛去日本，但返工又行唔開，唯有放假搵下日本拉麵食下。今日行開北角匯呢頭，見一田入面有間~鳴虎拉麵~，幾多食客圍住，一於食呢間止下癮。拉麵店細細，有4人枱又有bar 枱位，坐得幾舒服。呢度既拉麵各有特色，我同朋友叫左黑鳴虎同赤虎。呢度既拉麵麵質煙韌，比平時食到既幼細，口感唔同，我特別鐘意。黑鳴虎-博多黑蒜油味，湯底好濃好掛麵，黑蒜味超香。赤虎-特濃辛口拉麵，好啱朋友口味，辛辣味道好過癮，唔食得辣既我覺得有啲辣。配料有紫菜、黑木耳絲、流心蛋、葱同2大塊叉燒，肥瘦適中好入味，有咬口。芝麻雞翼，外皮炸到好香脆好香口，又juicy。胡麻波菜，波菜好嫩，撈埋麻醬，好味又徤康。呢度拉麵唔錯，可以再encore 。

屋企存貨已經差唔多用晒，🙆‍♀️係時候去一田入貨😬經過有一間拉麵店，見到都唔少客人幫襯，所以入去試吓啦⋯⋯一定要醫肚先😏🍜🍜鳴虎🍜🍜📍北角渣華道123號北角匯二期B1一田超市內紅虎意思即是係非常辣嘅拉麵⋯⋯特濃辛口拉麵🍜赤辣味會刺激到味蕾！超惹火！正！每款都有一隻半熟蛋！非常滑溜！麵質軟硬適中！加上肥美嘅叉燒！好辣嘅朋友😏千祈唔好錯過！鳴海老蝦味噌豬骨湯拉麵🍜加入鮮蝦丶櫻花蝦粉和味噌⋯⋯湯底非常香甜！又濃郁！一滴湯都飲晒😬😋軟滑嘅蛋白加上半熟嘅蛋黃！超美味！叉燒肥美甘香！經過灼燒後帶出香氣⋯⋯芝麻雞翼非常香脆，又能保留肉汁，肉質新鮮⋯⋯

We ordered three food below:🍜鳴海老蝦味噌配豬骨湯🍤湯底蝦味超濃郁，而且好鮮甜！麵嘅質地好掛湯，吸晒蝦嘅精華😍食落唔會好漏，鍾意蝦味湯底嘅必試❣️🍜黑鳴虎墨魚汁配豬骨湯，黑蒜油🦑墨魚汁呢一款係我成日都覺得必試！墨魚汁味道都好突出！唔會太咸配埋黑蒜油好香好好食🥬胡麻菠菜令我好意外！最鍾意係菠菜夠凍，配埋胡麻醬！可以解拉麵嘅膩👍🏻

行一田行到餓，就地揀左鳴虎食個午餐😬餐廳叫鳴虎拉麵，但冇拉麵，得飯🤭🐷豚肉生薑燒配薯餅汽水$78一入口就有好香嘅薑味，個調味同豚肉好夾，豚肉雖未至於好嫩滑，但口感絕對唔差，仲有點肥帶爽。洋蔥都煮得好入味，唔錯唔錯😋。跟餐個薯餅好好食，係紫薯，入面仲食到栗子🌰，好鬆軟，外層炸得好酥脆，唔會油淋淋，食完都唔覺得膩。🍚飯係日本飯，飽滿軟糯，有少許飯素，如果飯素再多點就好喇🤪呢個套餐男仔食都夠飽😋。🐮燒牛肉飯配沙律汽水$72牛肉都唔少，鋪滿整個飯，煮得好入味，食落有淡淡牛味，肉質都嫩。沙律菜新鮮，配埋酸酸嘅沙律🥗醋好醒胃。🥙日式炒雜菜$48即叫即炒，有椰菜，冬菇，洋蔥🧅，再加一點木魚碎，端上嘅時候熱辣辣，炒得好惹味，KO冇難度🌝。🐔日式炸雞$44炸漿唔算厚，炸至外層香脆可口，雞肉尚算嫩滑juicy,蘸上少許沙律醬，更添滋味。🥤套餐仲包埋罐裝汽水，冰涼又解膩😍

今日同朋友去超市入貨，行行下肚仔餓，被鳴虎拉麵店吸引住，見到有人參天婦羅 ，夠哂特別，真係唔常見㗎 睇完餐牌，就叫咗【鰻魚飯 配沙律 人參茶 $78】好大塊厚厚的鰻魚，肉質鮮甜好味，多汁；珍珠米煙韌好味；配有蛋絲及紫菜可以撈埋飯一齊食；配咗份沙律；韓國人參茶參味香濃，甘甜好飲，夠哂健康 另外我就叫咗【豚肉生姜燒 配薯餅 汽水 $78】好重嘅薑味，好鍾意呀，半肥瘦嘅豚肉，肉質嫩滑，撈埋啲飯一齊食，真係好好味；另外配薯餅，薯餅好特別，外脆內軟，內裡係紫薯配栗子好香好味道；飲品忌廉汽水 另外叫咗兩份小食，一份【人參天婦羅 $48】韓國鮮人參，外層炸得酥脆，內裡爽口，原汁原味，清香甘甜，滋補養生；另一份係【炸餃子 $48】炸到外層香脆，內裡肉質軟熟又多汁 鳴虎 (北角匯)北角渣華道123號北角匯2期B1樓一田超市內

今日去一田換埋啲積分禮品，逛下又見到鳴虎拉麵，其實之前都想試吓，於是經一輪防疫手續，嘟埋安心出行，便找個位置坐下來，坐位也有兩個選擇。選擇了咖喱雪魚柳飯（沙律．飲品）、咖喱吉列豬扒飯（沙律 ．飲品）、日式炒雜菜及日式炸餃子。咖喱雪魚柳飯（沙律．飲品）🥗（秋田米、水耕菜）秋田米煮的飯確實黏韌，口感不錯！雪魚柳炸得外酥內嫩而沒肥膩的感覺，配上甜辣的咖喱汁，絶配！還有鮮脆的水耕沙律菜和一罐裝飲品，超抵！咖喱吉列豬扒飯（秋田米、水耕菜）（沙律 ．飲品）豬扒炸得外脆內肉潤，蘸著甜而微辣的咖喱汁吃，加上飽滿的飯粒黏韌可口，十分美味！套餐更包埋水耕菜作沙律，重有飲品，又抵又好味！日式炒雜菜香噴噴的端上來，木魚絲仍在舞動。除了脆口的椰菜絲，還有冬菇絲、紅蘿蔔絲、紫洋蔥絲和洋蔥絲等等，口感豐富，調味得宜，十分欣賞！日式炸餃子餃子炸得剛好，外脆內軟，調味到位，不錯的小吃！

為了追求健康生活當然要少吃中國製造的食物，在北角逛街的時候，見到一田超市內有這間打正旗號水耕蔬菜和日本米，就和男朋友試一試。【燒鯖魚飯】這個鯖魚是醃過的，肉質比較淋，本身有浸醬汁味，喜歡他的魚皮煎得微香，日本米加上飯素真是令人食慾大增。【豚肉生薑燒】豚肉有大量的薑蓉，一片片豬腩肉都幾入味，不過肉質又是太淋，如果爽身一點更加好吃，另外每款飯都有很多新鮮的生菜，感覺很清新健康。附送的甜品是紫薯栗子餅，炸得超香脆中間紫薯味濃郁，必食！【日式炒雜菜】加上木魚碎鋪在面頭，野菜炒得又香口，椰菜沒有苦味夾着洋蔥的香送飯一流。【日式炸雞】炸粉太多了本身雞肉很鮮嫩。

吸引小妹來光顧這間食肆的原因是：這是一間能夠提供多樣化日式素食食品種類的餐廳。雖然今晚沒有我最想吃的人參天婦羅，但雜菜天婦羅也很不錯，少油是最大的賣點。另外，凱薩沙律亦是全店必食之選：食材新鮮，作為前菜簡直一絕！老公點了燒鯖魚飯，食肆除了用了很有特色的飯盒盛載外，份量很足夠而且燒汁和魚肉很夾。至於小妹最欣賞的是餐廳發售的人參茶，飲下去甘甘的，最適宜中和上火的食物。而且人參茶是供無限添飲的，最適宜冬天暖身。總括來說，餐廳雖然不大，提供的坐位亦不算多，但作為下班後的優質快飯之選，非它莫屬。

今日去了北角匯對出、北角碼頭旁的綠化地段，名為「北角好『楓』光」打卡，真的好像身處日本嵐山，其中小火車非常吸睛。順道也去一田逛一下，不知不覺已經兩點就覺得有點肚餓，經過虎鳴又見有位坐，就叫了兩個午餐，豚肉生薑燒$78，配薯餅及飲品，飲品可以要汽水或蔘茶，豚肉非常入味，生薑味重，配秋田米煮成的白飯更好食，全部都是日本食材，物超所值。朋友叫了咖喱吉列豬扒飯$72 ，沙律菜新鮮，豬扒大塊又鬆脆內軟，配咖喱汁送飯一流。另外加了炸餃子及日式炒雜菜，餃子新鮮炸起並不油膩，炒雜菜也很大碟，非常豐富的一餐。

仲記得上次係土瓜灣食嘅鳴虎拉麵，今次難得發現佢喺北角嘅一田內有分店，於是一於繞路去食返。點知原來因店舖面積關係，這邊的分店並沒有拉麵提供，相反則供應各種以飯類為主食的料理，另有多款小食提供，一場嚟到，都想試吓。我點的是標明熱賣的燒牛肉飯套餐，套餐包括了一款水耕菜，食落相當新鮮爽口，不會常見的苦味及草腥味，證明餐前處理得相當恰當。然後便是燒牛肉飯，這邊的燒牛肉飯色澤均勻，有一條條的紫色洋蔥均勻佈滿係飯上，賣相當吸引，牛肉味香並且有彈性，日式醬汁味濃，再配上洋蔥香，點點的甜味不會蓋過牛肉本身的肉香，反而襯托出來，相當出色。接著朋友點的是吉列豬扒飯，我嚐了數口，豬扒油黃金酥脆，肉質軟硬亦適中，不錯。

今日同朋友去北角一田超市濕平，見到哩間鳴虎，就順便食埋飯。我地叫左......咖喱吉列豬扒飯：正宗的日式咖喱汁，有少少微辣；秋田米，飯粒飽滿，黏度適中；日本豬扒炸到好香脆，裡面嘅肉仍然保持嫩滑同juicy牛柳粒飯：牛柳有濃濃嘅牛味，而且有咬口，加埋炸過嘅蒜片同秘製醬汁，可以餸多幾碗白飯😂沙律菜係水耕菜，新鮮爽口，配上少少日本醋，好開胃追加餃子同雜菜天婦羅….日本餃子炸得好脆，入面嘅肉好鮮嫩，仲有微微的肉汁流出雜菜天婦羅有蕃薯、南瓜、冬菇，薄薄嘅炸漿，香脆可口，裏面嘅雜菜新鮮哩個價錢食到咁高質嘅丼，CP值高。

同北角朋友一齊，我話想食個 簡單快趣嘅 dinner，朋友知道我鍾意食日本🇯🇵食物，二話不說就帶咗我嚟呢間喺一田超市裏邊嘅小店😆我哋叫咗幾樣嘢 share 😆- $78嘅「鰻魚飯配沙律・飲品」：鰻魚厚肉，味道鮮甜😋；珍珠米好食😋- $78嘅「生薑豚肉燒配薯餅·飲品」: 半肥瘦豬肉片🐷，非常軟熟，好有豬味😋，日式🇯🇵煮法 落薑蓉去煮，我鍾意😆- $48嘅「日式🇯🇵炒雜菜」：雜菜爽脆，新鮮簡單好食😋- $48嘅「炸餃子🥟」：外皮脆卜卜，裏面嘅肉好 juicy 😋跟餐包飲品，朋友同我都係叫咗杯「花旗蔘茶」，熱辣辣，出奇地好香花旗參味😋。我哋唔使半個鐘頭就食得飽飽，真係開心快趣滿足😆