鳴虎 (北角匯二期)

Open Now

Now Closed

星期五落一田掃完貨，順便就揀咗呢間鳴虎食個拉麵。呢度有堂食坐位，以小店規模嚟講算係座位充足，所以輕易就搵到一個有利位置，然後再出去點餐。點餐後，店員會通知客人取餐號碼，請客人自己取餐。一人一碗拉麵的確令人大滿足。蝦味噌豬骨湯拉麵湯底味道濃郁。除咗有濃濃嘅豬骨湯味之外，仲有滿滿嘅櫻花蝦味道。而且仲配有8成熟嘅溏心蛋，配拉麵就最夾。博多黑蒜油拉麵同樣有溏心蛋、紫菜、木耳絲等配料。佢嘅黑蒜油顏色唔算黑，但仍然充滿蒜香。

📍 📍 📍 鳴虎 (北角匯) (北角)北角渣華道123號北角匯二期B1樓一田超市內今日嚟開北角做野，想食個quick lunch就又嚟咗鳴虎啦😋基本上依家想食拉麵都會幫襯鳴虎，因為實在太喜歡佢個濃厚既湯底😍，唔會令人失望，加上分店都多，想食都唔難搵😎👉🏻鳴虎－日本魚乾豬骨湯拉麵💰$88😋😋😋😋.8/5以豬骨做基礎湯底，加上日本魚乾，湯底濃郁，質感濃稠！含大量木耳絲，蔥花，原隻溏心蛋，紫菜及兩片火炙叉燒。叉燒肥瘦比例同厚薄適中，帶輕微炙燒香，肉質夠嫩，拉麵為幼身，質感彈牙🥰岩岩好既溏心蛋，帶住微微醬油味的嫩滑蛋白，加上濃稠合度的蛋黃，入口蛋味十足！但係同上次我食嘅黑鳴虎比較，我係鍾意黑鳴虎有黑蒜油多啲！回頭：YESYES，絕對快靚正！同真係好鐘意佢湯底濃厚嘅拉麵🍜喺香港來講好食嘅日本拉麵！

喺北角一田行街，買完嘢三四點肚餓，見餐廳幾日式精緻嘅裝潢，入咗呢間鳴虎食咗個拉麵。叫了綠色虎拉麵，不得了，面頭有大量嘅香蔥及日本嘅大蔥頭，再加入咗四國的香蔥油，香味濃郁，個豬骨湯底都好正宗，味道好純樸，湯頭濃稠。個叉燒肥瘦相間，唔會十分乾，旁邊好多木耳，吃起來非常之爽口，食麵嘅時候口感會豐富啲。而旁邊有一整隻滷水蛋，份量非常之夠，咬開中間流心嘅蛋黃非常好味！朋友叫咗個鳴海老拉麵，湯底加入咗北海道嘅鮮蝦及櫻花蝦粉，鹹香十足，海鮮味撲鼻而來，令人齒頰留香。呢碗嘅叉燒一樣經過少少火炙過，所以外皮會焦香啲，油脂豐富，配搭埋個濃郁湯底，完全喺日本食到嘅味道！仲有啲小食，怕唔夠飽，叫咗個餃子，都係非常日式味道，皮非常薄，外皮好香脆。

每個星期六都喺北角上5小時課堂，八點落堂嘅時候都餓得嘰哩咕嚕🥲於是臨急臨忙，走到去北角匯搵嘢食，落一層B1 一田入面有嗚虎拉麵。日本魚乾豬骨湯拉麵$88呢排因為皮膚敏感，唔食得海鮮，於是就叫咗魚乾豬骨湯拉麵，即叫即煮，落單10分鐘就有得食，拉麵湯底非常之濃郁，雖然同喺日本食嘅拉麵專門店唔能夠比較，但係食到一碗熱辣辣拉麵已經非常滿足👍🏻😊蝦味噌豬骨湯拉麵$88朋友就點了蝦味噌豬骨湯拉麵，同日本魚乾分別不大，但面頭有大量蝦乾，另外有兩塊肥美厚嘅叉燒，非常滿足🙂😆加埋可樂，真係可口可樂，又可口美味！😊

北角匯樓下一田超市裏邊有幾間食肆，今晚試咗鳴虎拉麵店舖係先購票，然後自助取食物我就揀咗黑蒜油拉麵，朋友就揀咗淡咖喱炸雞丼。因為鍾意食炸雞，所以另外再加多一個炸雞小食同煎餃子拉麵係幼身嘅，而個湯底好濃郁，雖然係黑蒜油拉麵，但蒜味唔算好重，都係豬骨湯底，上面有大大塊叉燒，青蔥，而個半熟流心蛋非常好食，大加分淡咖喱炸雞丼，其實日本咖喱一向都唔會太重香料味，咁樣更加可以食到淡淡的生果甜味，雞件炸得啱啱好，唔會太乾。炸雞配咖喱，果然非常下飯小食嘅炸雞，雖然冇咖喱汁，但基本上都唔會太鹹，就咁食都好味而餃子當然係非常薄嘅日式餃子，煎到個皮有啲脆，入邊嘅餡料仲有少少肉汁，都非常好食

嗚虎係一間無服務，自助收枱嘅拉麵店。我試咗佢哋嘅白松露雞肉湯底拉麵，感覺一般。松露係香既，但唔係好突出。麵底軟硬OK，唔會太爛或太硬。湯夠濃 ，有雞味，但有啲油膩。叉燒好鞋口，唔夠滑及入味，而且份量唔多。隻蛋可以話唔合格，太熟，冇流心。環境方面都算正常，但全程食野都有隻大烏蠅和小蚊螆飛黎飛去😵同同事上司去就有點老監。整體黎講，呢間拉麵店唔算差，但都未至於好到令人驚喜想encore 個種，頂下拉麵癮都可以既。

呢幾日睇得多日本旅遊節目🤭心思思想食拉麵🍜 諗起屋企附近嘅一田有間拉麵小店，估唔到又幾好味喎😍如果同我一樣鍾意食辣湯底嘅就要試吓佢嘅📍鳴虎 嘅🐯赤虎特濃辛口拉麵🍜啦湯底濃郁得嚟帶有麻香味，辣得嚟湯底唔會太杰/過鹹，非常惹味😋😋而且拉麵煮得剛剛好，軟硬適中👍🏻夠爽口，配搭日式叉燒、木耳絲同糖心蛋，份量剛好🥰另一款✨黑鳴虎🐯博多黑蒜油拉麵湯底濃郁得嚟唔油膩，配搭黑蒜油層次豐富，香味突出👍🏻不過唯一美中不足嘅係如果個湯可以再熱啲就更加好啦😉每次食拉麵，我都特別鍾意嗌煎餃子🤭今次都唔例外要試吓佢哋嘅✨肉餃子🥟，即叫即煎熱辣辣👍🏻外層微微香脆，咬落鮮嫩有肉汁😋😋呢間餐廳除咗主打拉麵之外，仲有多款丼飯同小食選擇☺️

嚟一田購物，順便喺場內食個 quick lunch。有人鍾情拉麵，揀咗呢間喺香港多區都有分店嘅「鳴虎 Nakitora Ramen」。店鋪地方不大，設有一排曲尺型吧檯座同三張 4 人桌，環境行簡約木系風，感覺舒服自在。點咗綠虎-四國香蔥油拉麵 ($88) 同 大阪風咖喱豬扒丼 ($58)，另外再加咗罐可樂($12) 同一碟肉餃子 ($38)。湯底味道好濃郁，香滑醇厚，鮮甜得嚟更夾雜住陣陣清新嘅蔥香，很有層次。拉麵粗幼適中，口感軟滑而富彈性，加上又長又直，更易「掛湯」。火炙叉燒亦很有驚喜，份量大塊又夠柔軟，食落肉質好鬆化，肥瘦分明，有淡淡肉香。另外木耳絲同半熟蛋，食味亦不俗，前者爽脆醒胃；而後者流心之餘，更有點漿口，好食。大阪風咖喱豬扒丼 ($58)  豬扒大大塊，炸得非常香口，外層脆漿輕巧，咬落唔會成口粉，肉質嫩滑又 Juicy。咖喱汁濃稠適中，惹味得嚟又不失日式咖喱獨有嘅香甜，用嚟撈飯一流！餃子外形脹卜卜，餃皮咬落非常香脆，入面塞滿了椰菜豬肉餡，豬肉有鮮味又富肉汁，趁熱食好滿足！

鳴虎剛進駐北角匯一田時並未有拉麵供應，換了位置後終於可已招牌拉麵作主打店舖面積不小，位與位之間有一定距離，感覺舒適裝潢以木系為主調，採用日本傳統拉麵店格局食客可以看到廚房製作食物的過程，透明度極高各款拉麵以顏色命名，有五款以豚骨湯為基礎的口味綠虎四國香蔥油拉麵湯底濃厚，夾著清新蔥香，香氣四溢赤虎特濃辛口拉麵加入辣椒味帶刺激感，醒神開胃追加配菜$8有紫菜，可令拉麵口感更上一層樓半熟蛋外層蛋白彈牙，內裏蛋黃綿滑，蛋味香濃醃製入味的嫩筍入口甘甜，口感清爽，一口麵一口筍乾剛剛好火炙叉燒油脂分佈均勻，肥瘦適中，肉質軟腍嫩滑小食龍蝦沙律混入龍蝦肉和蟹子，與紫菜一起吃，十分美味

最近朋友購買了，北角的新居屋，一於和他實地再觀察一次，但大家都未食午餐，於是品嚐了這間在土瓜灣十分有名的拉麵店.雖然這間不是本店，但是連鎖式集團品質控制也是能夠控制到的，餐廳環境佈置十分之明亮，座位十分之舒適，半開放式廚房可以看到廚師埋頭苦幹為一碗精美的拉麵所付出的心思，真是令人佩服.這一碗蝦味味噌豬骨湯拉麵，利用北海道的鮮蝦配上櫻花蝦熬製的湯底十分之香濃，充滿了淡淡的鮮香蝦味，飲完每一啖湯口腔，也充滿了蝦🤭🤭🤭.至於拉麵方便麵質比較爽口，也有掛汁的效果.另一碗，又是不同的感覺，充滿了日本四國香蔥的感覺，香氣十足，配上香滑的叉燒簡直是最完美的配搭香脆的餃子也水準十足，保持一貫的質素.

前幾日到北角匯地庫嘅一田超市補貨，購買生活必需品，行完超市見到有間拉麵鋪，一於入去醫肚先～<日本魚乾豬骨湯拉麵> $88<蝦味噌豬骨湯拉麵> $88<半熟蛋> $12同朋友分別點了日本魚乾豬骨湯拉麵同埋蝦味噌豬骨湯拉麵。魚乾豬骨湯底用咗四種鮮魚&店家秘製豬骨湯底熬煮，湯頭呈奶白色，鮮味濃厚。蝦味噌豬骨湯底就加入北海道鮮蝦、櫻花蝦粉，令味道除咗帶有豬骨湯底嘅味道之外，更帶有一份蝦乾香味。拉麵用咗幼麵幾掛汁，伴有火炙叉燒&半熟蛋。半熟蛋呈流心狀，蛋味濃郁；大量黑木耳絲&蔥花，令口感更多層次，湯底濃而不膩。<芝士魚條拼魚餅> $48魚條入面嘅芝士香甜美味，魚餅口感煙韌。

北角匯商場最近經常去，只一程車就能到達，有超市，商店，又有食肆，選擇多，非常方便。今日有點肚餓，在超市內找了一間拉麵店下午茶，填飽肚先逛逛超市。特濃辛口拉麵 $98湯底燈紅色夠火辣。辣味慢慢滲入口腔，惹味十足。呢種辣度完全可以接受，不會辣到麻痺，有餘韻。麵條幼長，有彈性，夠爽口，掛湯力不錯。火炙叉燒又大塊又厚，認真抵食。邊位有少少脂肪，另肉味更加甘香，不嚡口。燒得焦香，軟熟。雞蛋做到糖心效果，蛋味濃厚。

假日和友人去北角海旁走走，煙雨濛濛。在北角碼頭散步後，中午先到附近商場裏的拉麵店吃碗拉麵，稍作一歇，度過休閒的假日。店舖位於一田內，位置方便，設有吧台位和一般四人座位。店內盡頭是軟座位，可以坐得更舒適。蝦味噌豬骨湯拉麵($88)，依餐牌上說，加入北海道鮮蝦、櫻花蝦粉、鹹中帶甜的味噌，整碗湯底濃郁，特別能嚐到蝦香。拉麵頂層鋪上大量櫻花蝦，增加蝦的脆口感之餘，也為拉麵和湯帶來櫻花蝦的鮮味。麵條掛上蝦湯底和櫻花蝦，鮮蝦味濃郁。博多黑蒜油拉麵($88)，加了黑蒜油的拉麵比一般拉麵多了一陣蒜油香。掛上黑蒜油的拉麵也更滑，麵條彈牙入味，吃一口麵條，再喝一口濃郁黑蒜油湯底，香濃惹味，齒頰留香。筍($12)，點了筍這一個追加配菜，加入拉麵吃。爽口入味的筍，配上彈牙的拉麵，呈現兩種不同的爽口。波子汽水(原味)($18)，有點像喝有氣的乳酸水，與濃郁湯底的拉麵一起，相輔相成。波子汽水(草莓)($18)，微甜的草莓味，配上一口拉麵，能解拉麵的膩，帶來一種清新的感覺。波子汽水(可樂)($18)，這個像是乳酸味的可樂，跟一般的波子汽水可樂不同，如果喜歡乳酸味可一試，個人則比較喜歡原味。

今晚到北角和媽媽行完一田，順道在附近吃晚飯，發現這家鳴虎好像不錯，於是就來試試水準。餐廳雖然在一田之內，但店舖空間亦比一般拉麵店大，座位亦夠寬敞。拉麵主打豬骨湯底，有不同特色的湯底，好像黑蒜油、海老等，另外不同的小食如餃子及炸雞等選擇。綠虎 $88綠虎是以經典的豚骨湯底作基礎，加入蔥油的豬骨湯，有濃郁的豚骨香氣，一呷香濃順喉，但卻濃而不膩，加上淡淡的蔥油香氣以及鮮味，為豚骨湯底帶來新的滋味。麵條本身的味道及口感，口感筋道醇厚，頗有嚼勁，富小麥香味，而豚肉叉燒肥瘦均稱，入口甘腴味美。赤虎 $98另一碗點了赤虎，同樣是豬骨湯，但加入了大量辣椒，湯底顏色呈鮮紅色，辛香味濃而辣度十足，而湯底鮮味與豬骨香濃互相陪襯，味玉的水準不錯，蛋黃半熟流心，顔色澄黃鮮艷，味道甘香。鳴虎炸雞 $48炸雞即叫即炸，外層焦香酥脆而內裡嫩滑，雞肉肉質軟嫩不乾澀，加入檸檬味道酸爽，十分惹味。胡麻菠菜 $38最後點了一客胡麻菠菜，菠菜翠綠嫩滑，配以清爽微酸的日式胡麻醬汁，正好可以為拉麵解膩。

今日又自己一個食lunch喇👉🏻👈🏻不過今次就無咁講究，就去左食啲快·靚·正嘅拉麵呢間拉麵其實都有好多分店，之前係土瓜灣食過，印象很不錯‼️原北角匯都開左間分店「赤虎」呢個係特濃辛口拉麵🍜鍾意食辣嘅一定會鍾意❤️因為呢個辣度係有後勁的，會令人想追住嚟食麵質係Q彈嘅幼拉麵，係我鍾意食果款塊叉燒亦完全唔吝嗇，有兩大塊㗎～～仲係有啲厚度的經過火炙後，油香更突出❤️「鰹魚汁浸菠菜」呢個炸雞反而就有啲失色……外層完全唔香脆，入口好淋，好似食緊熱左嘅粉漿咁呢間分店係一田超市入面的，唔係好多人，所以可以慢慢食麵無問題