NAM NAM VIETNAMESE CUISINE

Open Now

Now Closed

去新開嘅AIRSIDE湊熱鬧，星期日整個商場人山人海，餐廳都大排長龍，經過Nam Nam 見到佢門口嘅poster好吸引，加上靚靚嘅地磚 ，就決定試下呢間小店🥰我揀擇左個 ‘’越南地道艇仔蟹粉‘’ 裡面有幾款配料，完全滿足哂心多多嘅我，呢碗粉份量十足，味道濃郁，加埋杯青檸梳打，大滿足😋食飽飽再去參觀商場展覽✈️

行入商場見呢間越南餐廳四正 餐牌又有唒圖即管入去試試午市套餐$88起包前菜 +主食+飲品+甜品手機落單，同朋友兩人叫咗沙嗲串燒雞肉蛋飯 + 河内路邊碟頭飯飲品揀咗香茅斑斕薏米水 飲品濃濃香茅味 薏米水非常解渴前菜扎肉蒸粉包&堤岸蔗蝦粉包皮好厚餡好少 食落冇乜味蝦就完全冇蝦味 睇返Menu先知原來佢係蝦肉主食沙嗲串燒雞肉飯 同 河內路邊碟頭飯賣相好好 串燒唔會過熟唔乾但食落串燒無味 點落啲醬度先勉強入口白飯有焊味 爬咗兩兩啖就冇食 浸味真係好怪對比同商場其他餐廳午市定價偏貴 。往上搵可以有更多選擇

食物味道：⭐️⭐️服務態度：⭐️⭐️⭐️環境衛生：⭐️⭐️⭐️雞絲金邊河粉：河粉一舊舊，好大陣粉漿味，湯底淡，料少，惜食嘅我唔想浪費食物都頂唔順，食剩1/3碗，浪費！😵蕃石榴子冰淡到好似走咗糖，蕃石榴子有7粒咁大把，料少，只有啲啲椰奶味！😵‍💫蒸粉包得個咸豬肉味，人生食過咁多蒸粉包，最唔好食的蒸粉包終於被我遇上，點解⋯⋯🥴隔離枱食客唔識用QR CODE落單，職員唔係咁想幫佢手寫單！當時餐廳又未坐滿，又唔係忙！No good! 下次再去此商場，會試另一間餐廳！

本來約了老友去灣仔夜繽紛，點知3號風球要取消，咪轉移地方去了啟德airside搵食，本身都鍾意食越南嘢，就揀咗呢間餐廳，第一次幫襯。2條友點了四個菜，有我最鍾意食嘅扎肉，另外咖哩牛肋條配法包，原個椰青花甲，越式拼盤，估唔到全部食材都好新鮮，每樣都好好食，尤其椰青蜆，好鮮甜，飲到一滴都無剩，值得推介，坊間好似未見過咁整法，我諗我會為咗呢個菜，再去食🤭😋😋餐牌內仲有其他食物都好吸引好想食，但得2個人，惟有下次再去食。

由於近～為食中九龍人，來個airside試食報告Round 3！Nam Nam 標榜正宗惹味的越南美食，他們的越式拼盤，有春卷、蒸粉包、濱海、蔗蝦、香茅雞翼，幾款都做得很不錯，個人覺得有水準！春卷同雞翼做得香脆；香茅雞翼嘅香茅味，亦都恰到好處，唔會死咸，皮脆肉嫩；蔗蝦的蝦膠亦不錯，叫得上美味爽口。比較過幾個站的大型商場德福的越南餐廳，Nam Nam的越式拼盤，無論份量、組合、味道等，都優勝很多。不過，新mall要食好嘢，新店許多東西都需要時間磨合，食都真係要考耐性！冇耐性嘅…就真係遲啲先去試。另外，點叫越式鷄𢇁金邊粉，正正常常，不過不失，亦正是起菜最快的選擇！以粉麵湯底比較，Nam Nam 又較鄰座另一商場Mikiki的越南餐廳遜色一點！

Airside 有吾少餐廳，對於係新蒲崗返工的我，真是一大喜訊，lunch食野多左選擇，今次去左NAM NAM VIETNAMESE CUISINE食lunch。午市套餐包小食，主菜，甜品和飲品。小食定左係堤岸蔗蝦和扎肉蒸粉包各一件。主菜點了牛肉餅配越南米粉。熱南薑桂圓茶。是日甜品係椰汁芋頭糯米。兩款小食幾好味，蔗蝦幾彈牙。牛肉餅同我想像中有出入，佢係一片片，好似扎肉甘，味道尚可，但份量少左d，但越南米粉份量就幾多下。飲品味道偏淡，甜品不錯。下次可以試下其他款式。

the service is crazy!we asked to change seats becoz of water dripping from the ceiling. however the waitress said there WONT be any water dripping while at the same time shes swiping the water on the table. why will u argue with a customer when u see their complaints is not a lie?its a new shopping mall with grand opening. i dont see such a low level quality restaurant would be here.btw, the hygiene here is not acceptable as well.

同家人行新商場試嘅第一餐，四個人叫咗五個餸再加飲品，飲品非常一般。叫咗蒜蓉炒芥蘭，品質可以嘅.鷄絲檬粉，鷄絲有啲乾。咖喱雞，有椰香味都可以。最差係蝦木瓜沙律，非常鹹，味道單一冇層次。跟住最失望係椰青煮蜆，呢個係冷盤，凍食。唔知係我自己睇漏啊定係菜單設計係冷盤。就當佢係凍食啦，屋企人一人試食咗一隻，都話唔好食，前後食咗三四隻，跟住第五隻打開，入面全部都係泥，好恐怖。即刻冇晒胃口。作為一家提供食物的餐廳，呢個係非常大嘅錯失。跟住有個侍應見到，想叫佢嘅時候佢就扮睇唔到，然後等咗一陣我哋叫另外一個侍應，然後佢講咗聲唔好意思就走開咗。咁樣嘅處理手法真係訓練未夠。餐廳開業準備唔夠，座位太窄，隔籬枱走人要推開隔籬枱先可以有空間俾佢走，地板非常滑，四人枱兩張枱唔平，枱凳與地面之間非常滑，一郁少少就會好跣。筷子係圓嘅，冇提供筷子架，即使你放喺碗上面對筷子會滑走，我哋坐低咗一陣已經有兩台客，因為漏單或者其他問題走咗。呢間餐廳我諗都係一試無回頭。好彩最後都有個人主動走過來或取消椰青煮蜆呢個餸。

新開shopping mall人多係常識，所以都唔敢係繁忙時間黎試。最後係tea time 試下，點知真係覺得唔需要再黎。1） 落單後25分鐘先上菜（一碟飯）2） 坐低後完全無人理你，要自己叫她地俾落單code， 餐具同水。 非常自助。3） 其中一個好似發緊夢，係你身邊係咁行黎行去。擺餐具係吉檯面都唔畀餐具你。而且，她一次只會拎一樣野。 eg 一杯飲品，一隻碗，所以d 野食堆滿出餐區上唔切菜。4） 飯係凍，豬扒乾。食完要狂飲水。5） hkd110 一個tea 係新蒲崗有好多選擇，唔使過嚟試。