南亭 (凱譽)

Open Now

Now Closed

2024年6月22日，我有幸造訪了位於尖沙咀的南亭。上次光顧是跑馬地南亭,當時就被這家日式串燒店的精湛廚藝和優質的用餐體驗深深折服。這次造訪尖沙咀南亭,再次得到了完全的滿足。首先是招牌菜式 -- 鵝肝雞翼。酥脆多汁的雞翼配上醇厚細緻的鵝肝,交織出美妙的口感層次。鵝肝的香氣撲鼻而來,回甘豐富,點綴在雞翼上猶如天衣無縫。接下來是我最喜歡的白鱔。鮮嫩多汁的白鱔令人回味無窮。每一口都能感受到食材的優質,以及師傅精心炮製的功力。蘆筍豬肉捲同樣亮點十足。蘆筍的清香與豬肉的鮮嫩完美融合,令人回味無窮。這道菜的每一個元素都體現了廚師的匠心獨運。最後的牛小扒更是一大亮點。肉質Q彈多汁,恰到好處的火候讓牛肉散發出陣陣誘人的香氣。淋上恰當的酱汁,突出了牛肉的鮮美,絲毫不會掩蓋肉質本身的味道。作為餐後甜點,燒丸子為整頓大餐畫上了完美的句號。軟糯的丸子外表一點不膩,內餡恰到好處的甜味令人回味無窮。這是對整頓大餐的完美總結。總的來說,每一道菜品都精心製作,食材選用上乘。加上尖沙咀南亭便利的地理位置,我衷心推薦這家餐廳,相信它一定能帶給你一次難忘的用餐體驗。

🏮日式串燒真係食極都唔厭！！！早兩日收工約咗班朋友去咗，位於尖沙咀既南亭，食物質素方面真心有驚喜，如果唔係太熱氣都想成日食～～～前菜🥗一坐低佢哋就會有兩個新鮮菜條，配搭住師傅秘製嘅菜醬，當中白雪雪嘅沙葛清爽多汁，真係好食到想encore！！！串燒🍢半熟和牛片我本身最鍾意食牛～佢地嘅燒半熟和牛片確實令我有驚喜，每一片都帶住豐富嘅油花同嫩度，口感極為頂級，和牛經過簡單嘅調味，再以專業嘅燒法處理，帶出獨特嘅油脂香氣，真係令人垂涎欲滴🤤和牛燒到外焦內嫩嘅完美狀態，每一啖咬落去，肉質鮮嫩多汁，鍾意食牛牛嘅你哋一定會同我一樣對佢地嘅和牛沉船❤️鹽燒牛舌芯一上台已經聞到燒牛舌芯嘅濃郁牛肉香味，再加上淡淡嘅焦香味，香氣撲鼻，垂涎三尺，1秒喚醒食慾🙈牛舌肉質鮮嫩多汁，一啲都唔韌，好淋好好食，呢種口感令人愉悅，一試難忘燒羊扒燒羊扒都令我驚艷，微妙嘅黑椒同蒜香味相輔相成，增添左羊扒嘅豐富度。肉質都柔軟多汁，加上小小黑椒辛辣同蒜香嘅香氣，令味蕾陶醉其中👍🏻👍🏻汁燒雞肉大葱串汁燒雞肉大蔥串味道鮮美，口感豐富。雞肉肉汁甘甜帶有微微焦香，以及大蔥嘅蔥香風味，雞肉口感外酥內嫩，搭配住脆嫩嘅大蔥，每一啖都可以感受到美味同

對比了尖沙咀的居酒屋 覺得南亭性價比幾高 決定試一試強烈推薦：蘆筍豬肉卷：夠香口，蘆筍同豚肉好夾元祖牛舌芯：爽口彈牙，厚薄適中雞皮蝦大葉卷：口感豐富，好惹味雞腎：新鮮 ，調味好好清酒燒白貝：清甜爽口，送酒一流每一樣都好新鮮好好食值得一提係店員服務態度超好！

串燒之選！牛方面， 牛小排超級香，完全唔會韌！呢個必嗌！我地仲點左招牌牛舌，大推！銀鱈魚汁燒好入味，超級juicy，食完想嗌多幾串..其他串燒例如雞腎，雞亦都好好食，大家一定要黎試下同家人一起来的 试了好几杯果酒强推蜜柑味和柚子味 好正～微醺的聊天氛围，吃上几个小时超级开心！

我係香港食過最好食嘅日式串燒，每一樣都好有誠意，必點牛小排，薄切牛舌，牛味好重，好好食汁燒銀鱈魚好新鮮，好香！ 環境好適合同朋友小聚，食下串燒飲下酒係值得回頭的日式串燒餐廳

和朋友即興前往棉登徑，發現了一間隱世日式串燒店。我們走進鋪頭時，立刻感受到非常濃厚的日本氛圍，彷彿置身於日本的居酒屋。座位旁都有隔板，創造了私人空間，讓我們可以盡情地聊天，每一座位上都先有一碟麵豉醬，鹽，店員先上一碟清爽的包心菜，給我們醒醒胃，麵豉醬香甜可口，豆香滿溢，包心菜沾一點試試，出奇地好吃😋 雖然是給我們沾串燒，但未開始已經不知不覺吃了半碟醬，串燒是師父即燒的，一直飄來香氣，令人垂涎三尺. 日本蕃茄沙律 $72先來一個沙律醒醒胃，再慢慢等串燒。青瓜絲，蟹柳絲，車里茄加上沙津醬，甜味和酸味相輔相成，清新且爽口燒鱈魚乾 $58脆脆卜卜的口感，燒烤後的香味與魚的鮮美味道相結合，沾點蛋黃醬讓味道更加提升。送酒恩物🥳蒜香安格斯牛柳 $78牛肉燒得剛剛好，嫩滑多汁，帶有蒜香味道，但又不會蓋過安格斯獨有的牛肉味道，中間粉粉紅紅，熱辣辣，非常美味日本燒雞髀肉 $38脆脆的雞皮下的肉質鮮嫩多汁。沾點鹽，雞肉的味道更加出。雞翼 $46日式雞翼串燒很考師傅的功架。這個燒得外脆內嫩，燒烤的香氣融合其中，雞味濃郁，肉汁全鎖在雞翼內，不會乾巴巴的，咸度剛剛好。必食之選大蝦 $78蝦有手掌那麼大，鹽燒後又香

首先一入到去環境就好靚 好似去咗日本居酒屋咁然後就上咗前菜 個樣好似普普通通咁 但好好食！啲蔬菜都好清甜今次食飯試咗燒鱈魚乾（$58）好食 好脆 同fd唔洗兩分鐘就清曬！然後就係銀雪魚（$68）個魚皮好脆！肉汁鮮嫩！有驚喜 真係一定要食免治軟骨雞肉捧（$98）我都係第一次試～ 好特別！啲醬汁都好好味最尾係雞翼（$46）啲雞肉好滑 好多肉汁 啲皮又係好脆餐廳仲有好多好多串燒真係好值得一試 例如佢個燒冬菇真係不得了 仲鎖得住肉汁！之後都會回頭再食

前菜方面，有個野菜沙律，配咗佢哋公司嘅特製既野菜醬，好開胃🤤仲叫咗個鱈魚乾，勁卜卜脆～係牛方面，牛小排，勁香，完全唔韌，大家一定要叫。我哋仲嗌咗佢一個招牌牛舌，係薄切牛舌，好味～然後我哋嗌咗個粟米，有浸好香嘅牛油味，再加少少焦香，大推！我哋仲叫咗銀鱈魚，勁juicy!!!我哋有少少攤凍咗，但係都好好味😋我見佢哋仲有個蒜蓉牛油燒蠔，呢個都勁香，食落口係有少少辣身，大推介！其他嘢食例如雞翼，雞軟骨，雞腎，雞肉棒，帶子都好好味🤤大家一定要試吓呢間日式串燒店仲有清酒叫，但係第二日要返工，所以冇叫到。侍應好有禮貌，服務態度比一百分～下次會再嚟食！

環境ok，地方大過跑馬地，坐得舒服啲，不過燈光有少少昏暗，係有懷舊居酒屋嘅感覺，整體都可以🍶串燒好好食，我地去親，食食下都食好多野，每次都滿載而歸hhh，我特別推薦雞翼、白鱔、牛舌、羊架、鹽燒牛小排、蘆筍豚肉卷。燒雞翼外脆內嫩多汁。白鱔幾新鮮，塊皮香脆可口，鱔肉彈牙，燒牛舌好香好淋，爺爺都食到。個牛小排真係好香好淋，油脂分布得好均勻，一啲都唔韌，一塊接一塊，好好食。蘆筍豚肉卷，新鮮嘅蘆筍同香口嘅豬肉都係絕配！口感層次豐富，食落唔會好膩，幾清新，真係好好食🤣個雞軟骨都好好食，好酥脆香口，鹹淡啱啱好，真係一粒接着一粒，自己都食咗三串。另外個羊架大大件，好香，一黎到都忍唔住咬咗啖先打卡🤣外層燒到微脆，充滿烤肉嘅香味，入面就保持嫩口多汁，口感豐富好食！😋除左野食，服務態度親切友好，員工好nice，樂於解答問題，服務效率高，佢地會主動關心我地嘅需求，令我地成個用餐體驗愉快，小朋友佢地好開心，以後會再黎！

前幾日同男朋友一齊去食左哩間日式串燒居酒屋，本身我都鐘意食串燒，食完之後我真係徹底愛上左哩間串燒店。講真嘅，價錢方面佢地同其他日式居酒屋差唔多，佢地嘅員工話佢哋大部分串燒都係當日串，咁的確啲野食感覺上係比較新鮮，好似雞肝白鱔果啲。以前成日覺得係香港搵一間好食、價錢又抵食嘅串燒店真係好難，直到遇上佢😍😍😍，真係要再講多次，深深愛上❤️佢地嘅雞皮蝦大葉卷，喺其他地方好少見！我最愛❤️(本身我都鐘意食海鮮既🙈)香口嘅雞皮同新鮮嘅紫蘇葉包住鮮嫩的蝦肉，味道口感超正。雞皮既燒得岩岩好，脆脆地，蝦肉又可以保持鮮甜既原汁原味，再帶啲紫蘇葉點綴下，成個feel就係清新又美味，我地仲嗌左sake，配搭起黎，除左正，諗唔到其他詞。之後就係燒日本刺身帶子！！帶子燒得岩岩好，外層燒到幾香口，同時入面仍然保持到鮮甜鮮嫩多汁。我哩個e人真係好想去問師傅點做到，真係好好食🙈(但比人阻止左🤣)燒雞翼係店員誠心推介，聽說呢度嘅燒雞翼好似經過特別既調味同處理，所以好好食好香，的確係好好食、好香，肉質鮮嫩多汁，外皮香脆，真心回味無窮。燒雞翼應該會係肉食愛好者既最愛之一🥰呢度嘅雞皮係令我覺得呢度既服務態度真係好好，有求必應，因為

之前一直幫襯開港島區南亭，前幾日第一次去尖沙咀食，串燒質素都非常之好，白鱔燒得好香，唔腥唔多骨，羊架成熟啱啱好，最鍾意食佢哋嘅鴨舌，好香口餸酒一流，個雞腎就還好，不過雞肝又幾唔錯幾新鮮。啲員工好熱情好有活力，服務態度都好好，問佢地推薦咩sake，佢地都好熱情推介，無hard sell嘅感覺，唔同價位都有推薦一支。同埋因為我哋鍾意慢慢食飲下酒傾下計，所以我地同員工講可唔可以慢慢出啲嘢食，佢地都真係好warm有求必應。

訂咗7/9，8pm星期四夜晚，入到去全場先至得嗰幾台客，都要安排個客兩個人間隔，坐二人枱，張枱又細，座位又逼夾，張枱仲細過啲連鎖店，請食物質素差劣，燒物完全唔合格，燒烤功力全部嘢唔湯唔水，淡而無味，茶泡飯，我淨係覺得自己用好似用開水撈飯，稻庭熱烏冬個湯都係一樣，淡而無味嘅清水湯，加幾條紫菜就就俾人，月見免治雞肉棒叫做可以食落肚，我只係覺得佢整返熱俾我，一啲都唔覺得係燒出嚟，冬菇全部淡而無味，冇一樣嘢係可以比正面評價，服務唔係特別好，成個場冇人都唔會考慮俾個客坐得舒服少少，串燒一定要兩串起，每一項食完嘅食物，完全唔會有想影相嘅感覺，亦都冇辦法記起食咗乜嘢味道，淨係覺得整體感覺極差。比咁嘅錢，早知食佢隔籬嗰間。真係求其自己燒都好難難食過佢。連帶子都可以燒得咁差，又細粒，賣相又唔吸引。連俾個客坐舒服少少都唔捨得，連冇人都唔會俾個客舒服少少，等人哋開心啲買多啲野食都唔識。係唯一一餐食居酒屋，係覺得難受，45分鐘都未夠，真係就食完即刻埋單走。真係好難有咁差嘅體驗。

同朋友兩個人經過尖沙嘴見到入去試下環境都坐得幾舒服食物唔錯 選擇都幾多服務都幾好但我係唔明點解餐廳制度所有串燒一定兩串起先比叫如果係成本問題其實可以set最低消費或者set total果個串燒數呀乜都要叫兩串變相唔可以試多幾款有d得我一個想試既又要逼住叫兩串又例如我朋友唔食冬菇我又想食平時其他餐廳可以叫一串我一個人食岩岩好但依度一叫就要叫兩串 一個人食4舊冬菇又太多變相咁樣好多野都無叫黎食我覺得個制度好奇怪

老爸父親節想吃燒鳥，由於疫情關係，已經有兩三年沒有幫襯，食物水準依然保持得很好，燒雞翼，雞皮，芝士年糕，豆腐，牛舌，羊扒，銀鱈魚，銀杏，飯團全部都處理得很好，外脆內軟。更重要的是全店所有同事的服務態度也超級好，笑面迎人、誠懇熱情、對老人家也很有耐性，所以真係好希望喺呢度講聲 thank you! 我們真的吃得很愉快，以後也會多多幫襯。平時很少寫任何食評或留言，但尖沙咀南亭同事的服務實在太好，想借此表揚一下！❤️❤️❤️

非常受歡迎的日式料理1. 味道：串燒味道很香，在燒烤的過程中，食材的自然風味被釋放出來，再加上燒烤時所使用的調味料，讓每一口都充滿了美味的滋味。2. 質地：牛肉串通常嚼勁，但有少許咸3. 新鮮度：串燒的食材新鮮保持到最佳的口感和味道。4. 服務：服務員的態度友善、用餐環境整潔。總體而言，呢間串燒是一種非常美味的料理，但要品嚐到最佳的口感和味道，就需要選擇好的食材和店家，並注意食品的新鮮度和衛生問題。這店是不錯選擇！