能記飯店

Open Now

Now Closed

山長水遠到這間1962年成立的菜館,真是令我有點失望,d燒鵝好鬼肥,d肉好"鞋",不過d肉真係熱熱地,d蠔餠仲唔掂,d蠔又少，中間又好似唔熟，上菜時間都很耐,d伙記叫極都冇人應，可能佢地生意真係太好,來來去去都是得一絛友做野,總之,去完一次就夠,冇下次!

食深井燒鵝...唔食能記就即係無食過正宗既深井燒鵝, 真係好好味, 又夠香仲熱架添, 而且D伙計又好招呼, 個老闆真係好NICE架. 有傾有講.除左燒鵝之外, 佢地既小菜又夠鑊氣, 連例湯都唔求其架, 好有水準, 唔似得出面個D味精水, 佢真係真材實料架, 好正, 有機會不過試下其他再同佢比較下, 一定覺得佢....正!!!!!

o個o度個老闆係咪好好人、親切呢???有冇食o個度d瀨粉呀???我o地每次都會o益o黎食o架！撈埋?俾你果碗燒鵝汁黎食，真係正到暈呀~除o左椒鹽乜、椒鹽物係我o既至愛..炒蜆都唔差o架！

哈哈~今日明知有得食燒鵝~心情特別興奮雀躍! 能記o既靚燒鵝果然係冇令我失望(我都係由細食到大,屋企人幫襯o左依間o野起碼十年喇~)燒鵝皮脆肉腍,水準完全超越晒D 大酒樓,連D 酸梅醬都係特製o既~總之一個字"正!",食到我唔停得口~其他招牌小菜亦都好出色,椒鹽大蝦,椒鹽吊片同椒鹽白飯魚都整得好香口,好惹味,咬落口又好鬆化喎~仲有我屋企人仲叫o左個煎蠔餅同埋家鄉煎藕餅,又係好有風味,唔錯~感覺幾特別丫~^_^而最值得捧場o既小菜一定係"豉油王炒魷魚桶",完全係水準之作,必試呀~!D 魷魚o既質感好腍,炒得好夠鑊氣,愛o黎送飯簡直係一流.下次一定要再叫呀!^o^不過最令我失望o既係椒鹽炸豆腐,依味菜我細個食過覺得好好味,依家都仲記得,不過今日去食又覺得好普通~其他小菜好似炒鵝腸同埋炒蜆都係麻麻地咋!anyway,一家人o係依度食飯個氣氛真係好正斗~

呢間燒鵝店我細細個就幫襯架喇！食物夠新鮮又好味，以前都有賞試去過附近其他燒鵝鋪頭，但始終覺得呢間最㊣！最o岩一大棚人去食啦！