鄰居 (Closed)

已經多次幫襯，次次食都覺得好好味道，佢嘅漢堡飽🍔夠晒多肉汁...我同老公兩個小朋友加埋工人姐姐個個食過都話正！食完一輪過後，又會返尋味想再嚟食過值得大家一試嘅漢堡包，價錢合理唔算太貴！我的朋友都會間中就來幫襯，第一次介紹我嚟食嘅就係我妹妹，真心覺得冇介紹錯，因為我試過去荃灣食過另一間漢堡包店，貴又貴過佢味道都冇佢咁好食....多數我哋都會食雙重芝漢堡包🍔叫套餐包埋一罐罐裝汽水，最正係佢有薯條加埋番薯條兩款口味！

之前去親深水埗 每次食完野經過先發現呢間🍔店 今次終於入去食喇！-雙重芝士牛肉🍔芝士雖多 但芝士味唔夠重 漢堡扒唔重牛味 不過咬落都實過嘉寶塊漢堡扒！-鄰居🍔餡料豐富 尤其有菠蘿🤣食落都唔會覺得好膩！不過我食到好呢啡😂衰在口唔夠大 個包一啖咬落去流晒汁！漢堡扒咬落係幾多肉汁 但唔重牛味 反而我覺得係豬肉味重🙈塊扒我麻麻地！但整個漢堡味道唔差！-另外 好中意食雙色薯條😍薯條粗身同長條 而且番薯做薯條甜甜地同薯仔一鹹一甜咁幾好味！整體黎講 鄰居 都係一間價錢親民、味道唔錯既🍔店！

嗌咗個鄰居漢堡($62)，跟set(+$18)加薯條同嘢飲，再+$12轉咗做鮮果汁，另單嗌咗個大啡菇牛肉漢堡($62)、水牛城雞翼($32)、可樂($8)。薯條係雙色薯條啊(普通薯條x蕃薯條)，其實我唔食蕃薯，之前有得揀轉蕃薯條嘅地方我都揀晒普通薯條。見佢雙色就試吓啦，都ok，冇我想像中嘅好粉好淋嘅感覺，但都係鍾意薯仔整嘅薯條多啲 (不過鍾意食蕃薯條嘅朋友就覺得幾正)個鄰居burger有舊厚厚嘅燒菠蘿，塊包搽牛油烘過，塊牛肉都juicy，呢個價錢呢個質素好抵食 不過開放式廚房就有少少油煙味

Non-fast food burgers usually come a lot more expensive, but venture into Cheung Sha Wan for cheaper food of high quality.Most of the time, eating burgers is a clumsy affair, with all the sauce dripping down my hands. Besides that inconvenience, with the Covid situation now, I feel better not eating directly with my hands. So it’s a good thing that this cheesy goodness came with an appropriately-sized burger wrapper that for once let me successfully finish my burgers with clean hands.

呢間黃店burger bookmark 咗一段時間，前排終於有機會一試😋~🍁 鄰居漢堡($62)鄰居漢堡係signature 之一，配料超級多，有手打牛肉扒、煙肉、磨菇、菠蘿、車打芝士、蕃茄同紅洋蔥等等，配埋自家製醬汁，味道豐富有層次🤤牛肉扒牛味尚算濃郁，加埋菠蘿，搞到個burger 好juicy😍而麵包外脆內軟，烘得啱啱好😋另外加$18可轉套餐，有雙色薯條同罐裝飲品，薯條炸得乾身，唔會太油膩，蕃薯薯條真係幾時都咁好食😆

長沙灣呢間漢堡店深受街坊歡迎，甚至唔係住呢區既我，都要慕名而來🤣主打手打漢堡，款式雖然唔多，但勝在好足料，同埋價錢好貼地，大約$50-$60一個，而且設有開放式廚房，可以見到漢堡即點即整既過程－－－－－－1. 鄰居漢堡 $62 8/10呢個係小店招牌漢堡之一，配料一層層好豐富，包括有手打牛肉扒、煙肉、蘑菇、菠蘿、車打芝士、蕃茄、紅洋蔥、生菜等，一啖真係食唔哂，菠蘿同牛肉既汁會漏出黎🤤非常juicy，成個包唔會好膩，因為有菠蘿同配菜做平衡，加埋自家製醬汁一齊食，非常滿足👍🏻.2. 薯條粗身香脆，仲有幾款醬汁可以蘸，唔會淨係得咸味，幾好食😋

即興去到長沙灣食嘢，嚟試下朝朝暮暮咗好耐嘅Neighbor🤩啲嘢食非常打卡able! *🥴溫馨提示：落單係出去點餐㗎!😣叫咗個大烤菇牛肉漢堡同埋鄰居特飲~漢堡：足料大份! 烤菇個size同塊肉一樣😍一啖都咬唔曬成舊包，最後我食咗洋蔥同一面包底先，跟住其他先夾埋一齊食😂超多汁! 食完之後成張包紙都係汁，同埋舊菇食到最尾都仲出緊煙🤣特飲：特飲相對就冇乜特別，可以話係fresh啲嘅果汁，但放心唔係糖水佢哋上菜嘅時候會好似圖一圖二咁擺開，再另外上一張紙比你自己夾個包入去，所以大家記得帶定酒精清潔雙手先再掂啲嘢食呀！

聽說餐廳經常大排長龍，證明人氣鼎盛，試完以後都覺得食物質素還是不錯的😋👉 雙重芝士牛肉漢堡雖然是雙重芝士牛肉漢堡， 但牛肉同芝士的份量都不算是很多😶， 不過值得一讚是手打牛肉漢堡很juicy的， 但係下次就⋯💁🏻‍♀️👉🏻 黑松露醬蘑菇牛肉漢堡配雙色薯條黑松露醬偏淡， 漢堡似普通蘑菇漢堡🙈 但加配的薯條非常非常出色👍特別係蕃薯薯條， 甜甜的但食得出是天然的甜味，薯條有咬口又唔會太乾😋👉🏻水牛城雞翼雞翼不過不失， 醬汁酸酸辣辣， 都幾開胃的😂

係一間好多朋友都介紹我食嘅漢堡店🍔今次咁啱去嘉頓山 就順便去食啦🤤估唔到整體嘅味道都唔錯！店舖入面嘅座位唔多但氣氛唔錯🤎———————————————#雙層芝士牛肉漢堡+ 菠蘿($52+$8)💘推薦轉套餐：雙色薯條+罐裝可樂(+$18）味道：9/10牛肉方面真係有驚喜🤤🤤🤤咬落會食到滿滿肉汁💦而且唔會係好油膩嗰隻食到最後更加會係個包裝底見到有好多汁牛肉味都頗重👍🏻漢堡中間夾住左生菜、生洋蔥圈同蕃茄本身我唔係幾鍾意食生嘅洋蔥🧅但佢加係漢堡入面 而且放番茄係中間有解到油膩 另外我再加左菠蘿🍍同漢堡非常夾😆肉汁加菠蘿汁一齊 會爆汁😈但非常正🙌🏻另外雙色薯條都好意外地好食特別係番薯條🍟！！！兩款薯條都外脆內軟而且食完漢堡之後食凍咗都可以keep到個口感反而就係薯條嘅味道就淡咗啲不過整體之下我都已經好滿意🥰———————————————環境: 8.5/10 服務: 8/10會想再食: 9/10———————————————店家資訊•店名: 鄰居 •地址: 長沙灣元州街162-188號天悅廣場地下A8號舖———————————————#foodhealinghk荃灣線#foodhealinghk西

長沙灣黃店💛.餐廳門口同入面都有貼文宣座位比較少 只有5張枱左右所以可能要係門口等一等今次等左廿分鐘都唔算太耐但每張枱都隔得比較遠 唔怕隔離枱聽到同朋友傾計.餐牌選擇方面都算多有牛有雞有素菜~又有漢堡又有沙律又有熱狗仲有薯條雞翼洋蔥圈🧅.*落單係先付款的*今晚就叫左黑松露醬蘑菇牛肉漢堡 (下面個碟)再加18蚊轉套餐~ $78漢堡上枱後 店員會俾漢堡紙你包住個漢堡黎食 方便啲 唔洗食到里咁Hea(-´∀`-)但個包就麻麻地!睇到有黑松露但個味好啖個包睇到有烘過下 但完全唔脆唔係好食到有自家醬汁食既時候手打牛肉扒既汁就漏哂落張紙到薯條份量ok 少脆.水牛城雞翼 $32/4隻個汁同其他餐廳差唔多 有少少辣 普普通通.如果排長龍 唔太建議去排或者可以叫外賣自取

小編同朋友仔因為機緣巧合嘅情況之下，終於拜訪喱一間出名嘅黃店漢堡店😝🙊大家睇到啲相就知道個漢堡幾大份，食完真係好滿足！🥰.#鄰居漢堡 🍔入面嘅材料非常之豐富！有手打牛肉扒🥩、煙肉🥓、蘑菇🍄、菠蘿🍍、蕃茄🍅、紅洋蔥🧅、羅馬生菜🥬、自家醬汁🥫，加埋兩塊鬆軟嘅麵包，真係冇乜可能一啖就可以食晒咁多材料🙈🙊小編覺得呢款漢堡就相對比較適合重口味嘅朋友仔😏 先係塊牛肉扒係非常之厚實同Juicy！🐮然後佢啲煙肉就會煎得好香脆，但係就比較偏鹹🤭 不過有酸甜嘅菠蘿同埋多汁嘅蕃茄，令到食落口唔會過鹹！味道係豐富而且有層次感嘅😉👍🏻·#大烤菇漢堡 🍔相比之下小編同埋朋友仔都比較鍾意呢個漢堡！🤤 佢入面嘅配料就係有大烤菇🍄、手打牛肉扒🥩、番茄🍅、紅洋蔥🧅、羅馬生菜🥬、自家醬汁🥫當中嘅大烤菇絕對係畫龍點睛之作！🤩 佢哋嘅大烤菇烤得好香之餘，唔會乾，而係非常非常Juicy！配合埋成個漢堡，食落口嘅味道會調和左，又唔會覺得好Heavy！味道係更加得小編心♥️ 真係好正💯.#雙色薯條 🍟只係需要加$18就可以將漢堡升級至套餐！有雙色薯條同埋罐裝飲品！雙色薯條嘅意思，就係番薯薯條🍠 同埋普通薯條🥔，小編其實係好鍾意食番薯薯

夜晚經過長沙灣，見到呢間店舖細細間，裡面已經滿座，門外有幾組人排緊隊，於是人排我又排。餐牌上選擇不多，小食，沙律及漢堡等等。開放式廚房，自助形式購買。烤大啡菇沙律加雞扒加菠蘿，所有最好味既食物，集中於一身。烤菇一點也不會乾，多汁又彈牙，其次雞扒惹味，加埋菠蘿，酸酸甜甜，真係好夾。呢個組合係我既私心推介，無得輸。另外，朋友點了牛肉芝士漢堡飽，麵包有烘底香口，份量大點都係要分開吃，一口咬唔哂。食物即叫即整，新鮮熱辣，點都會好味。

好耐冇食漢堡包🍔而且無乜幫襯連續快餐店食漢堡之後好耐發掘香港漢堡小店💛發現好多都好高質好值得支持喔👏🏻-黎到長沙灣嘅鄰居身邊朋友同網上評價都好高今次試完絕對無令我失望😍-首先係大啡菇牛肉漢堡🍔佢個手打牛肉真係好出色 好有牛味牛肉汁亦好多蕃茄同生菜放係牛肉下面 所以肉汁菇汁唔會令到個飽濕晒個包好鬆軟 唔會一食就淋晒仲有個大啡菇 有個包咁大架😆菇味同樣好出 同牛肉擺埋一齊又好夾🤝加18蚊有雙色薯條同汽水 成個套餐食夠晒飽☺️-雙色薯條呢個idea我好中意當然本身中意食薯條🍟而蕃薯條亦少有小店會做之餘帶一點點健康哈哈🍠好抵讚呀！-第二份係雙重芝士牛肉漢堡加配套餐落單時店員有特登提醒雙重芝士係一塊牛肉叫我地唔好同雙層牛肉芝士撈亂👌🏻指示好清晰👏🏻個漢堡真係好多芝士 食落可以拉絲添架🧀包同手打牛肉 頭先講左 真係好正好回味🤤-另一抵讚位係店員上菜時專登附上張紙可以手揸個包食啲料唔會跌黎跌去三角開口位確保唔會漏汁 唔會整污糟手好體貼🥰-超開心滿足嘅一餐💛多多支持啦😉

呢間位於長沙灣既鄰居漢堡，次次搭巴士經過都好長人龍，今日終於有機會試下🤤漢堡都係$60-70蚊一個，加$18有得跟餐，另外仲有小食(雞翼 炸芝士等等)我地叫左兩個餐同水牛城雞翼。食物係即叫即做，要預d時間等下。🍔🌭大烤菇牛漢堡$62+18 🍄 大蘑菇烤得幾好，咬落滴曬汁，原隻烤菇非常厚肉，個size仲大過個麵包，下面係芝士同漢堡扒，比起double cheese burger 口感再濕潤d。包身夠挺，唔會食到散曬雙層芝士漢堡$70+18 🧀 佢既漢堡扒夠曬厚身，兩塊手打牛肉漢堡扒兩塊芝士十分邪惡，淡淡肉好滿足。推薦要加$18升級做套餐，佢跟既係雙色薯條，有兩種：平時食開既薯條同蕃薯條，份量好多，蕃薯條食落甜甜地。雖然唔太脆，但份量搭救。🍟🍟水牛城雞翼$32$32蚊有四隻，水牛醬汁酸酸辣辣，外層脆脆地，肉質幾嫩滑而且夠入味。呢間既小食幾出色，下次都想試下其他小食。

朋友推介黎食，再加上係黃店一定要支持下! 閒日12:50到唔洗排隊，一點後就開始多人。因為本身店舖面積本身面積再加上距離1.5米既要求, 座位比較少，加上漢堡即叫即做 要等一段時間，所以要預留時間排隊呀! 叫左個鄰居漢堡。初初見到漢堡入面有菠蘿都嚇左一嚇，諗起地獄廚神 lol 不過食落個味係夾既。塊手打牛肉扒果然好juicy 煮得岩岩好 唔會過熟。其他蔬菜亦非常新鮮. 個汁係自家醬汁，我就試唔出係咩味啦 不過係幾惹味! 整體黎講係好高質既漢堡，價錢又合理!另外加18蚊做套餐有埋雙色薯條同汽水。薯條有正常同蕃薯薯條，後者唔係道道有得食，好好味! 超高質又抵食既黃店，支持!