Nepal Nepalese Restaurant

Open Now

Now Closed

雖然去過尼泊爾, 但冇食過當地菜餚, 反而事隔數年會在香港第一次食, 3月14日晩約朋友聚會, 其中生日那位提議到蘇豪區覓食, 於是一行5人就走到此區左挑右選, 最後揀了這間食尼泊爾菜. 當晚點了:3個頭盤: 蔬菜momocha(餡角) - 是蒸的,有點似中國包點 炸茄子- 好味, 就正如自由貓所講. 什菜咖哩角- 好味, 香脆而不油4個主菜: 咖哩石班魚- 唔錯, 朋友們話個汁有點似罐頭 沙甸魚的汁 羊肉- 好正, 完全同意自由貓所講. 皇室什菜- 清清地, 略淡, 個汁似白汁 香煎雞- 都唔錯本來只叫了2份Naan, 但汁實在好味, 所以我們再order多2份Naan, 再加1份香草飯, 最後將所有汁都解決埋. 雖然每款菜餚的份量都比較細, 但加埋薄餅同飯, 都夠飽. 望過餐牌甜品方面冇特別, 所以冇試. (我們去了對面間Cafe食芝士餅飲咖啡)是晩埋單約HKD680. 我覺得好OK, 有下次的!

the coffee is just amazing, unlike any coffee you have tried before. it tastes like ginger but it's not ginger... wonder if anyone of you knows what it is made of.

其實我都係第一次食尼泊爾食物，都唔係好似"終極纖體"講到一無是處。1.炸茄子係一d都唔油，頂瓜瓜，真係要讚。要知道茄子係銹物，特別吸油，能夠炸到唔油，又唔削，好難得。2.南瓜湯，夠濃又有南瓜味，應該唔係開粉既，朋友要個菜湯，普普通通。3.另外叫左一個用鐵板上既魚，有d鞋口。至於個羊肉(Royal Khasi)，個汁係橙橙地色，好香濃，送飯或者麵包("naan", 蒜茸同薄荷味都唔錯)一流，羊肉就夠軟身，水準之作。至於個兜一坐低就有得食既薄脆，可沾綠色或者紅色醬，十分香好，一食停唔到口，好彩佢係好薄，食得多都唔會頂住個肚，食唔到正餐。因為我地人唔多，所以未能夠試多幾款菜，有d可惜。不過，我地已經plan定下次再黎試菜！

入面有位出面又有位，泊底入去求其食完即閃。食物，本來就唔合我口味，求其叫又好諗過先叫都係咁上下。都唔明點解可以唔執的。整體上都係油淋淋（炸茄子）乾爭爭（串燒）或者鞋烚烚（羊）又或者硬掘掘（薄餅）。而陣香料味無係最頂唔順的。由其個湯，好似咖喇底咁味O_o"!so餅真係so到好so。太地道的口味似終唔合我。

個人而言，食物只是一般，但都可以試下既

個個都話呢既香草飯同南瓜湯好好味，咁梗係要叫黎試下架啦，南瓜湯真係好好味，但香草飯就唔係咁岩我食，可能因為我鍾意食日本果種黏飯，所以呢度D鬆散既飯真係食唔慣。餐前既脆薄餅都好好食，唔點醬都得(我又唔食得辣)，喇沙汁（定咖喱？）都好有水準，雞肉亦好嫩好滑，但係菜就有好重香料，食唔慣。我地實在叫得太多野，結果食唔晒，要打包naan bread 同個沙律。果度都幾細，D桌又放得迫，唔係咁好坐，食完都想快D走，服務方面都OK啦，但唔夠殷勤。

Last December I went there for the first time.We ordered pumpkin soup with naan bread,curry beef,fish,coffee,and their home-made icecream for dessert.All the dishes were big and wonderful,except that the lamb was too dry and hard.But typical Nepalese lamb was like that.The atmosphere was very mysterious,and the service was excellent.The staff there all came from Nepal.The price was fair,about 150 per person.Tomorrow I will go there for lunch again.

舊友從多倫多來了﹐想試些很少食的東西。想來想去也毫無頭緒﹐於是上openrice search下有乜好食。星期五晚八點鐘﹐到soho的這間尼泊爾餐廳食晚飯。一入去既感覺並不是特別的好--地方不大﹐大概可以坐二十五人左右。還播著不知是不是尼泊爾的音樂。坐低睇menu﹐真係唔知係乜--不過好彩每碟菜都有頗詳細的英文description。那些侍應又幾有禮貌﹐幾熱心。無耐﹐侍應便送上一些好似"taco"但又無taco般厚的東西--表面鋪著些洋蔥﹑椒粒﹐還有兩種不同的醬--一種是紅色辣的﹐另一種是綠色香草似的。不過都幾特別。最後叫了“大獲好評”的Saffron rice﹐還有羊肉(one is curry and the other one is kinda dry)﹐另外﹐叫了雞和魚。仲有兩種湯--一是豆湯﹐另一種是很多人推薦的南瓜湯。當我們正等待Main dish時﹐他們送上熱騰騰的湯。還有﹗﹗﹗﹗熱騰騰的麵包﹗﹗﹗實在太令人感動啦﹗其實那些“麵包”好次naan bread。好正﹗再試那兩碗湯﹐豆湯一般﹔但那南瓜湯就...好好好味啦﹗天呀﹗好感動呀﹗好Thick﹐感覺很滑溜﹐入口那種感覺好

You are wrong if you think only lamb is available here. Try that tasty "Saffron rice"! One big bowl, more than enough for two persons. Get two more "main course" and two drinks. Will get you full (not fool). And remember do not waste any marinade!

國慶前夕去左睇王大導的"花樣年華"~~你問我正唔正我實答係一貫王家衛風格.但係無啦啦睇完想去食碗雲吞麵同去金雀食扒,哈哈~講笑,雲吞麵成日都食到,而金雀就係我在銅鑼灣搵食,諗到第一百個都未必會諗到果d..~ 其他戲迷會唔會睇完拿拿臨走去金雀扮周慕雲,陳太就唔知,但係我地就去左中環soho搵野食~ 前幾日借左本"肥谷飯局"俾女友睇, 睇完女友大叫"Orange Tree"!!!我話今日未必有位wor~但係佢係都要碰下運氣,去到結果係:意料中事~咁仲有咩idea?佢話黎到呢度唔想食中菜,即係憶江南,滿漢居,貴如呢d唔使諗,~亦都無理由去肥天使(Fat Angelio,s),食俄羅斯野呢?但係今日唔想食咁貴,墨西哥野佢又唔岩,Elgin Taste澳洲菜佢仲憎,Cubana 呀?我去過喇~~有個陰陽怪氣的manager令我留下過深刻印象..聽到都無管凍,Divi又無咩信心,南蠻亭食串燒點食得飽呀? 咁行返落士丹頓街呢~路經有間食New Orlean野,但係一聽到係來自美國就真係皺眉頭.Le Fauchon恐怕無二千銀都走唔番出黎,以我地兩個咁樣食法...Lava前排黎過麻麻地.

南瓜湯做得唔錯！creamy 得o黎又帶小小辣味~配埋一o的油都冇o既烤薄餅，簡直無得彈呀！根住嗌o左個魚同tandoori chicken！個魚係佢介紹o既..配合custard 幾滑~而個雞就係with tomato onion sause！兩款食物d 味道都唔濃，反而淨係食到香草味~味道麻麻..我諗下次都係食番鐵板好d..至於好多人讚o既黃飯..我就覺得普普通通喇..雖然佢d 飯真係一粒粒o既，不過就冇乜飯香！本來諗住食完之後計陣計就叫甜品..點知個waiter 就無啦啦走過黎同我地講"埋單?!"佢咁問到唔通唔走咩?!..不過隔離抬d 外國人仲早過我地黎啦！好唔fair嗟~

黃飯=saffron rice

Can anyone tell me the English name of 黃飯please?Thanks!

香港咁多尼泊爾人但係食尼泊爾菜的地方唔多~ 一行五人~walk in 周六去~ 都仲有位哈哈.. 我地都係叫燒雞呀~ 羊呀~ 一定要叫個黃飯.. 唔叫你實後悔 地汁酸酸地又唔係好辣~, 岩我呢一d 唔食得辣的人~ 五個人六舊水唔貴呀~ 再話貴果個真係傻..``

0 尼度0 既0 野食同north india food 差不多，都係比較注重汁料既配撘，每樣菜式都配以香濃漿汁，加埋簿餅一齊食可以話有另一種風味。食完飯一定要飲尼度d coffee ，十分香濃，杯野未上到台檯己經可以聞到coffee 既香味。正!