和藏 (Closed)

同伙記黎葵興附近做野，佢介紹黎工廠區LEE到搵好野食！真係好隱蔽的地方，不過是夜黎食都全院滿座，我諗啲生意都係全靠口碑！半自助餐形式但係岀面都幾多o野揀！自己個餐！有刺身拼盤，鐵板牛，秘醬蝦碌同黑松露鮑魚！岀面燒物區都好多野食，咩都試左D！燒菠蘿好甜好多汁、燒大蝦有得揀蒜蓉OR芝士，我兩款都食均、燒帶子大大粒、仲有一燒就好多人拎嘅燒蟹蓋！色香味俱全！店員每隻都會問我地加唔加蛋，調好味加D蔥花擺得好靚先夾俾我地好香蟹膏味！推薦加蛋，再好味D！唔係怕三高真係會食多幾份！話明和藏生蠔環球磯燒海鮮自助餐，主打GE海鮮都絕不欺場！好新鮮！生蠔每次拎兩隻，食完又拎，好少有得任食，好爽！個餐個車打芝士包，店員攞O黎果陣仲提我地要襯熱食LEE個！其貌不揚但切開不得了！香濃的半溶芝士配埋勁脆GE包好香口！呢個松葉蟹肉窩飯一樣好掂，個石窩夠熱，可以keep到個飯GE溫度，成個飯拌好O黎食好香，仲有蟹肉的鮮甜。雖然話食自助餐食飯好似好蝕，不過我個人點都要有啲飯氣落下肚，而且係好食GE我同伙記都清晒LEE一窩！2個鐘話咁快就過！食完走果陣店員仲提我地係1樓車場到走，原來地下已經鎖左！今次真係無介紹錯，如果下次

朋友知我鍾意尋幽探秘 佢話以前團購 o黎過食 semi buffet 幾好今次我 o地一行四人就跟佢搵食~工廠有自助餐食已經好出奇入面仲要整得好靚呢 入到 o黎好有別有洞天 ge 感覺!一 o黎到就有個海產刺身冰山我成碟都係滿滿 ge 刺身~ 好新鮮 ar!仲有一板非常鮮甜 ge 海膽 依個係黑松露伴磯燒鮑魚本來覺得兩樣 o野會唔 match點知配搭得好濃香惹味 wor好好食 鐵板秘醬蝦碌酸酸甜甜，好開胃燒牛肉都係大推!! d 牛肉炒兩炒就食得肉味勁香濃，就連配料 ge 洋蔥都索哂 d 肉汁超級好食 外面自助餐有唔同 ge 磯燒食物唔係燒定擺 o係度, 係 keep 住燒 ga好有 heart ar我食 o左燒蝦, 帶子, 蟹膏, 肉串同菠蘿店員會問你加唔加料 ga有得加蒜蓉, 芝士同蟹子蟹膏仲有得加蛋 o添 ga, 好多花款原本我等緊燒菠蘿 la店員見有兩 o舊細 o舊 D 燒得比較乾係毫不猶豫重新燒過另一 o舊比我!對食物質素好有堅持同 dump 本 另一必食就係任食生蠔全晚都有個店員 o係度開生蠔d 蠔好新鮮, 絕對回本 ar甜品質素都好高個豆腐花係自製 ga!左下角我影到少少

之前係新聞就聽過和藏呢個名，就係之前團購網結業，但餐廳老闆都比買左嘅客人去食，自己硬蝕，所以和朋友聚餐就揀左黎和藏支持一下良心小店係工廠內食半自助餐真係第一次，但係裝修都唔輸蝕，感覺像發掘到一間隱世食店人多可以安排入面有個角落位，間開左自成一格，私隱度高又坐得舒適，唔駛同人迫住坐，幾有食私房菜feel。坐好店員就好快送上一大盤刺身冰山，好大一盤好多款式咩都有啲勁大板海膽超正，好新鮮，海膽好鮮甜，一啲都唔腥～🍴抵讚岀去望下有咩食～呢到係半自助餐，但係岀面都好多野食，有海鮮、熟食、粉麵、老火湯沙律甜品 etc當然唔少得呢到重頭戲的燒物、刺身同生蠔，全部任食！！！食左一round熱下身已經覺得值回票價～ 不用排隊排好耐、好似搶咁先拎到呢啲東西食，大家都好自律排隊，由於條龍keep住唔係好長，所以大家都可以慢慢食完再攞～生蠔都幾大隻肥美阿！食完岀面自助果啲，又可以慢慢嘆下 Set內的鮑魚，呢個煮得非常軟淋，配埋個汁食只能話鮑魚好有鮑魚味鹽燒三文魚旗，又係好好食！個燒汁好正，魚皮烤得香脆，但入面的三文魚肉又煮得剛剛好，完全無overcook，入口即化的感覺，食這個配啤酒喝一流🍻🍺又係Set內的龍

酒店自助餐價格愈來愈高昂，質素較好的都要近千元。朋友説工作地方附近有家隱藏於工業大廈的半自助餐，推介我一試。原本想工廈的餐廳環境應該一般，但這家店的門面竟也頗華麗！一出𨋢轉彎，就看到這個水晶燈了。套餐包括一個刺身拼盤，刺身的款色很多，味道亦新鮮。看到一整板海膽，真是食指大動！鮑魚煮得軟嫩和入味，很容易切開。而且甚有虛榮感呢，哈哈。小牛扒一點也不小，份量多，每塊都是大大塊的。牛肉味濃，連洋蔥都炒得好香。菜單上還有其他菜式，全部水準都不俗，感覺有點像吃私房菜。自助餐的部分都不錯，選擇也夠多。海鮮的款式比得上酒店，我比較喜歡蝦和螺，兩者肉質都十分彈牙。想不到工廈都有即開生蟑吧？職員開蠔後，會沖一沖水清潔。每次可拿兩隻，開蠔速度正常，排隊不太長。生蠔雖然不是每隻都好肥美，但隻隻都非常新鮮。以這個價錢有即開生蠔任食，實在相當超值。我整晚差不多吃了一打生蠔，好滿足。刺身有四款，我只拿了三文魚。每次給的數量頗多，另一張相有影～最近時興的磯燒海鮮也有提供，而且不用自己動手，哈哈！磯燒海鮮有蝦、帶子，甚至有蟹膏！職員會細心問你加不加蒜蓉、芝士、蟹子等等的配料，我就食了蒜蓉蝦和芝士蝦，味道很好。所有蝦都開

最近係facebook見到有人share呢間餐廳於是今日行完葵廣，就行落葵興一試！兩個人食 6點半左右入坐好彩早食 因為7點左右就有好多人入座了餐廳係工廈入面，餐廳唔算大，但裝潢很好，幾有日本味！一坐低唔夠一分鐘，店員已經拎野食過來。首先黎左個頭盤刺身 有龍蝦仔，三文魚之類，很新鮮，而且如果唔夠，係可以再加的餐廳提供不少飲品，都係任飲的，我就飲左兩三罐呢個係鐵板祕醬蝦碌，大大隻蝦，而且佢個味好特別，少少酸咁，非常惹美，可惜每人得一隻，可以任食就爽了。呢個就係車打芝士培根包， d芝士味好香好濃，個包都好脆，但有d濟，所以我只吃半個。店員會keep住拎d野食過來，岩哂我呢個賴人。有黑松露伴鮑魚食，太好仲有自己炒既牛肉，d肉幾靚，睇得出餐廳比足料三文魚鮨燒得不錯仲有一個粥底比你打邊爐，安格斯肥牛任吃仲有一些食物就要自己出去拎，有好多即燒串燒，燒貝又有，燒蝦有，即切既豬髀肉，仲有即開生蠔，可見餐廳都幾dup本我諗我最後都回到本的！

從來無食過一次咁既所謂自助餐，成個海鮮櫃得幾隻螺，幾隻小龍蝦，刺身話任食但長期無供應，全晚得一次攞到四片三文魚。人手不足一人燒烤，一人開生𧐢，條龍長期有十人以上排緊。地方又細，根本咁少野食無可能叫得做任食，我連相都影唔到一張，因為你一定食唔飽。夠膽既朋友可以去試試，我保證你一定後悔。講返私房菜果Part，味道ok,但份量太少。雖然只係三百幾蚊個人，但我從來無想過會咁少野食，我都係睇完之前既食評見到有咁多海鮮食我先黎試下，就係咁賴左野

第一次4人去食，之後有一人肚疴，没有懷疑此店，見第一次去食物0K，之後9人再去，有5人勁肚疴要攞sick leave,大家確定此店衛生有問題，決定以後不再去，各位真係要小心呀！

生蠔同刺身都要出去排隊拎，排一次隊只可拎到兩隻生蠔兩塊刺身🙄好孤寒囉！我出聲講先比多兩塊刺身😑排又排得耐，完全失去自助餐既意義，兩個鐘完全唔夠時間。開生蠔果位小姐態度都幾差，拋生蠔落人隻碟到😕😕其他野食味道都OK既，但就冇乜驚喜。加埋一埋單大概$400一個人。我認為呢個價錢其實有好多選擇，唔需要食呢間。食得唔盡興唔飽之餘又貴又要受開生蠔小姐既氣，真係咪攪，一定唔會再有下次😯

一連兩晚食自助餐，之前一晚食左一間好好味既酒店自助餐，禁不住用封筆已久既帳戶寫返食評，估唔到第二晚食既呢間位於工廈餐廳仲正。呢間野其實想試好耐了，近1-2年都見到有團購，食評又唔錯，今次終於忍唔住買左來試，呢個似係半自助餐，有8個餸陸續送上。自助區域方面，放係出面既熟食只有3-4款，仲有丸類，菜，烏冬等打邊爐配料放係度俾人放落粥底火鍋，仲有冷盤：凍蝦，青口，螺，對我來講都唔太啱食，反而吸引我就有羅宋湯（推介），有好濃郁既蕃茄味，令到平時唔太鍾意飲呢款湯既我都飲左兩碗，可惜果晚無我最鍾意既中湯，湯隔離就係魚生櫃，由於頭盤已經食左，所以都無乜留意，魚生櫃隔離就係我最鍾意既即開生蠔（推介），呢個都係食呢間既重點，當晚款式係法國生蠔，每次只可拎2隻，有海水味但味道唔算太重，唔使加檸檬或醬都夠晒味，而且大隻過出面以$10/隻做招萊的餐廳。開蠔隔離有幾個韓式爐係度燒雞串，虎蝦，扇貝，生蠔俾大家任攞，d海鮮都好新鮮，睇得出老闆既不計成本。連加一$350左右有8道高水準料理，魚生，燒佐肩牛片，即開生蠔，燒海鮮，豆腐花，雪糕，韓國汽水任飲，而且樣樣都做得好出色，真係唔讚唔得，絕對有下次！

朋友之前中左六合彩, 好豪氣地話請我食自助餐, 有人請食梗係第一時間舉手讚成啦。 我們约好在葵興港鐵站會合, 然後由她帶路, 大概行10分鐘左右便抵達。 原來餐廳係工業大廈內, 一出 "車立" 門就見到大大幅生蠔的poster及和藏水產的門牌。餐廳地方非常寛敞, 由於時間尚早, 食客不是很多。 餐廳內設有蠔吧, 飲品柜, 沙律吧, 甜品, 刺身區等等. 亦有熱食食物, 非常多選擇.這間餐廳主要以半自助餐形式, 我們點了B餐。 B餐包括4款指定私房料理, 還有生蠔海鮮自助餐, 另外還有安格斯牛肉 SHABU SHABU.   如人數有2-3人會額外多送數款指定菜式.黑椒墨魚仔: 墨魚仔非常鮮味而且唔勒, 黑椒味非常香濃..羊架: 羊架肉質鮮嫩有少許羊羶味..... 鐵板袐醬蝦碌: 蝦碌大大隻, 蝦肉鮮甜肉厚. 加上濃濃的袐醬汁..非常入味    意大利海鮮冰山 : 即是刺身拼盤, 賣相不俗.. 非常夠新鮮.. 種類款式也不少. 有三文魚腩啖啖肉, 入口即溶, 帶子粒鮮甜, 希靈魚亦很生鮮好有口感.. 而螺片非常有咬口.      炭燒三文魚脂: 即三文魚旗, 魚皮煎得好香口, 肉質非常鮮

今日和友人去了一個好特別的地方慶祝生日。就是在工廠裏面,而家都好盛行。 今次就嚟到葵興區,因這裏有個法國生蠔環球海鮮自助餐。個名都好勁。其實係一個半自助餐,有3個餐供選擇,由6pm ~10pm 自訂兩小時。好有彈性,唔錯。我地就揀了B餐298元一位。去到目的地,推門進去,一啲完全唔覺去了工廠,裏面裝修很好舒服,坐位擺位會太迫。我地約了6點,趁人少少就望下有什麼野食。嘩...見到個好多海鮮嘅個海鮮山,好新鮮.又有3款熱葷，炸物。多款飲品。仲有些打邊爐的食物。蠔當然唔少得,有兩款可以任食。仲有魚生,甜品,生果。真係環球海鮮自助餐,唔係浪得虚名。咁多嘢食,點都要攞啲嚟食。椒鹽豬扒,已切了細細件,微辣,唔靭,味道啱啱好。西蘭花班片~西蘭花好爽,班片都好大件，好新鮮。生蠔當然要食啦…我係門外漢,但都覺得好新鮮,充滿海水味。自助餐的食物不敢攞太多,因為仲有B 餐的食物要吃。原來B 餐都有好多食物~香草蜜汁京燒豬仔骨黑松露醬伴磯燒鮑魚,鐵板秘醬蝦碌,茄汁蟹肉意粉,意大利海鮮冰山,炭燒三文魚鰭，車打芝士培根脆件,金華火腿上湯娃娃菜依啲都有好多樣,真的不用吃自助餐啲食物,哈哈。意大利海鮮冰山~好新鮮,有

平時有去開工廠食嘢,因上樓比較抵食。今次友人就介紹我嚟到這裏,這裏是半自助餐形式,友人已在訂位時已揀了298元位的B 餐。依道距離葵興地鐵約10分鐘行程,唔遠都好易揾。上到門口已見到好大個蠔廣告牌,估到應該有蠔食,之後見到餐廳個招牌應該無揾錯均方。入到餐廳裏面,完全無感覺至身於工廠內,好乾淨,好多位。自助餐梗係要去巡下場先。這裏熱盤和海鮮,甜品都是自助的。海鮮冷盤都好新鮮好多種類,有蝦,螺,蟹腳。另一邊就有好多款飲品,仲有3款不同轉換的熱盤。和打邊爐的材料。熱盤望到啲買相都可比美酒店buffet 。還有些炸物,款式真的不少。再行過啲，原來仲有魚生和蠔。另一邊廳，就有多款甜品和生果,感覺只是吃這些已足夠飽。巡完一圈返嚟，見到枱面有個粥底火鍋啦。之後,店員送上個意大利海鮮冰山,有好多種海鮮~三文魚,蝦,螺,北寄貝,帶子,喜靈魚,尤魚。每款都好新鮮,鮮味。蝦肉更是好爽甜在自助餐就攞了炸春卷,好脆。生蠔有兩款,任攞。但每次只可攞兩個,鹹鹹地,好有海水味。B 餐還有香草蜜汁京燒豬仔骨,黑松露醬伴磯燒鮑魚鐵板秘醬蝦碌車打芝士培根脆件金華火腿上湯娃娃菜蟹肉意粉炭燒三文魚鮨。仲有無限量供應安格斯牛肉S

已經嚟過好多次了基本上生日又好百日宴又好都總會諗起嚟食每次嚟個菜單都有唔同，一次比一次精彩！呢度啲食物質素好過好多海鮮餐而且基本上食晒佢上嗰6-8味餸已經好飽自助bar的食物都係點綴話雖如此但你係仲有生蠔，串燒，蟹腳任拎所以次次都食唔晒啲嘢咁走呢個都係唯一缺點講番啲私房菜質素好好，每樣食物都好用心去做熱辣辣咁送嚟好多時仲有職員講解要點處理，要點食有好多仲係有爐興住，甚至即時喺你面前煮熟夠晒新鮮熱辣職員收碟都好勤快，都很有笑容同禮貌一定會再來

在工廠區有自助餐廳，餐廳唔大，熟食加埋得幾款，6：30pm入場，7：30pm已無乜剩，況且唔加落去....團購話生蠔有兩款，但我眼見只有一款，而且每次限攞2隻，生蠔唔肥，而且有d食落唔太新鮮既味，蟹肉亦唔彈... 雖然餐廳款色少，但每台都上外面攞唔到既菜，例如鮮奶布丁、意粉、煎蝦等... 部分味道又唔差既

朋友介紹葵興都有生蠔Buffet食.. 聽聞是不錯的.. 一早訂左位到時去試一試.. 一上到去見到門口都幾特色有日本feel.. 當然唔少得生蠔任食的推介.. 其實睇落自助餐的範圍不大.. 但食物選擇都算齊全.. 有熟食小菜, 沙律吧, 長腳蟹, 蠔吧, 甜品區.. 最特別係半自助形式.. 有部分菜式會根據人數多少而上.. 基本上食完指定菜式都已經飽飽地.. 所以熟食都只係食左少少.. 刺身拼盤: 賣相不俗.. 都算夠新鮮.. 但係見到蝦刺身係全隻的.. 跟平常食的不一樣.. 還有兩隻泰式鮮蝦刺身.. 反而三文魚卻令喜出望外.. 因為是三文魚腩啖啖肉.. 好有口感.. 而田螺都好大粒質感彈牙.. 黑椒墨魚仔: 墨魚仔有滿滿的黑椒味.. 確實充滿胡椒味.. 帶出墨魚仔的鮮味.. 呢款小食如果可以送埋酒就一流.. 茄汁蝦: 同掌心一樣大隻啖啖肉.. 還有濃濃的茄汁味.. 不過賣相卻不太討好.. 汁只留在蝦外面.. 沒有滲透在蝦肉裡.. 美中不足.. 羊架: 雖然唔知咩汁煮.. 但係甜甜的又有香菜調味.. 能夠帶出羊架的鮮味同肉汁.. 熟到剛剛好.. 不過每人只有一隻未必夠喉呢.. 三文魚旗