牛記茶室 (Moved) New Location

SOHO區食個午餐都幾貴,有時要去NOHO區,平又唔代表唔好吃喎.人家說的最好牛腩(九記),兩三點重鬼死咁多人的勝香園,老伯伯們的銀杏館都正是NOHO的食店,今天原本打算要食多媽吐通同香蜜脆脆...點知人龍都分咗兩條.反而對面九記無人但一向都不大喜歡九記,反取水記. 放是走去牛記食個家常飯好了.鹹魚雞粒豆腐客飯...有湯有飯(今次個湯好渣),但個餸食唔哂.這個菜很香又滑送飯無話可說.於是打包及要多了個白飯作為晚飯...四十蚊食兩餐.啊市發啊市發...新發展後有無平飯食嫁....又要集體回憶呀

SOHO區食個午餐都幾貴,有時要去NOHO區,平又唔代表唔好吃喎.人家說的最好牛腩(九記),兩三點重鬼死咁多人的勝香園,老伯伯們的銀杏館都正是NOHO的食店,今天原本打算要食多媽吐通同香蜜脆脆...點知人龍都分咗兩條.反而對面九記無人但一向都不大喜歡九記,反取水記. 放是走去牛記食個家常飯好了.鹹魚雞粒豆腐客飯...有湯有飯(今次個湯好渣),但個餸食唔哂.於是打包及要多了個白飯作為晚飯...四十蚊食兩餐.啊市發啊市發...新發展後有無平飯食嫁....又要集體回憶呀

睇D惡評睇到我好唔開心呀...我幫趁左咁耐...差不多個個星期都去開最小2次飯呀..每一次我都覺得D野好好食呀...唔止我咁講..我帶去既朋友,屋企人都係咁講呀....!10次有8次我都會食皇太后雞...而次次都係咁滑咁好味而D炒菜...次次都食到靚菜...炒菜唔係要識飛呀...而係要新鮮呀我最鐘意飲佢\地既例湯呢...飲完唔會口乾無得頂苦瓜菜圃炒蛋....蒸肉餅...生炒骨...炒大蜆...樣樣都正!牛老闆..撐你呀!

Went to try after ah so recommendation, but everything was sold out, and my girlfriend had doll noodle tea set, i had nothing.

之前去過食炒麵油到怕怕... 事隔兩年,都仲係摺枱摺凳... 有電視撈飯..., 再去試吓佢啲小菜... 竟然好香好有獲氣! 不過食慣鹹既我就覺得佢淡咗啲,要點士油,otherwise 就真係好正... 下面蓮香既獲氣一啲都無得揮!食咗:家鄉煎茄子... 即係釀魚肉...大大舊煎到好金香, 點少少生抽正到爆... 魚肉又鮮甜喎....薑蔥田雞... 勁香!例湯無乜特別... 蓮香GOOD D.勝瓜牛肉, 嘩! 啲獲氣不得了!連白飯都一粒粒又好香...兩個人唔肚餓都清哂(佢啲野一啲都唔細碟, 我哋又唔係大食個隻), 仲食咗三碗飯...小菜一定會番頭再食... 炒粉麵都係凝住第二個廚做既... 怕油...5 分係比獲氣既 味道4 分

見呀蘇介紹得咁掂咪叫老公去試! 叫了半隻玫瑰皇后雞$75.- - 冇特別, 又唔夠滑! 豉油味 又唔夠! ( 呀蘇講到好好味!) 大榮x隻五味雞好食過佢!清湯蘿蔔牛腩$65.- - 蘿蔔冇渣, 牛腩都淋, 水準只係一般, 可能上鏡關係! 呀蘇有牛爽食, 而普通客就冇啦!+ 白飯1 碗$6.- 山長水遠去到, 真的有點失望! 冇預期咁好! 一般飯店都有的水準!而d 店員向妳張抬前面行來行去都冇人幫妳加水!

今日本身諗住去食九記..但係關左門..所以就試左牛記啦..兩個人..牛腩幼面x2凍奶茶x1 熱奶茶x1兩個面都唔多掂...面比較硬身..牛腩太瘦...個湯味重..應該都煲左好耐..同埋好重味精.兩個奶茶..一個太多奶..一個無奶味..同埋間野基本上連de糖都結埋..應該唔會太好生意...食到半中途..有十幾個大隻佬..由斜坡行落泥..之後企晒係門口...都幾嚇人..最後先知原來係做裝修..入泥食野...整體泥講..食過一次唔會再食..

今晚1家6口來(最終老豆爭住請)咗:1)清湯蘿蔔牛腩-湯底小白色(見到1片香葉),幾清,唔多肥油蒲面,有厚切白蘿蔔,粗條形牛腩,面撒咗蔥花-牛腩腍,肉質仲好嫩,夠味,有1種獨特的香料味,好溫和,好夾-白蘿蔔非炆到好腍,軟晒嗰種。外表看來還好挺身,以為好硬,入口已腍,亦無渣-各人都讚,只是略嫌鹹咗d2)蒜蓉芥蘭-有鑊氣,芥蘭炒到腍中帶小脆,亦是不錯3)咕嚕肉-全晚最唔掂因肉塊太粉,完全唔鬆化-配料有青椒,紅辣椒,菠蘿4)滑蛋蝦仁-個人覺得唔多得因個蛋炒出來雖未至於老,但肯定唔能夠講滑,而且鹹咗d-個蝦又細隻,又無鮮味5)豉椒炒蜆-是大蜆(大約有1/3手掌咁大),因叫咗小辣,所以連紅辣椒都無放,蜆肉鮮味1般啦-料有青椒,大蔥段等6)白飯X 57)汽水X 2枝-被安排坐樓上閣樓,別有洞天,食到中段已坐滿-伙計都勤快,只需揭開壺蓋,很快便來加水。曾漏咗個炒蜆,伙計跟咗1陣就補上-環境就似是屋邨內的飯店-本來老豆要求去鳳城食(其實無咩唔好,只是分別已試過高徒和老臣子的舖,外邊未食過的好菜館,還多的是),被我成功建議來這裡試吓。誰知食完出來還是要下餐去鳳城。講到堅持,真喺唔夠佢嚟

實在太好食啦...以下是我的推介- 苦瓜菜圃煎蛋(呢個係膽..一定食)- 各款蒸肉餅- 西檸雞- 生炒骨- 炒大蜆

牛記名氣大嘛，某日經過中環，走入去吃下午茶腿蛋治，非常失望...在附近逛完後晚上再去試小菜。一，煎肉餅，很濃味，我，但同桌非人人impressed.二，太后雞，還可以，但不太特別。三，蝦仁炒蛋，因為太多人讚，有期望，於是換來有點失望。其實炒得幾好，但這樣的水準在其他地方不難找到。以茶餐廳水準來說，牛記真的很不錯，伙計又好人，小菜不差，但實在用不著專程拜訪。

終於有機會試下呢間街坊小菜館,兩個人叫o左三個小菜,個腐皮卷就爭少少,淋o左的,唔夠脆.沙爹牛肉炒麵同埋肉片炒通菜就真係好好食,好對辦!至於佢地送o既甜品木瓜雪耳都好得,但只係星期六日先有家!埋單都係$131蚊,o係中環消費算係咁啦!一定會有下次!

尋晚做完yoga搵朋友食飯,二話不說,即刻提議去牛記.兩個人叫左:-椒鹽鮮魷:惹味,魷魚鮮嫩.-冬菇馬蹄蒸肉餅:肉嫩多汁,味道剛好,不用餸飯.至愛.-椒絲腐乳炒通菜:用水槓,但略嫌過老.+凍檸茶/凍檸樂其實牛記實在有太多好味菜式-太后雞,煎肉餅,蒸茄子,干炒牛河,雞粥,炒蜆...等等.只可惜是晚得兩個人,唯有下次再食.地方係一般茶餐廳格局,間中遇見"小強",但老闆,老闆娘嘅笑臉,加美食,甚至偶而碰到不少舊友...難怪我始終對牛記有說不出的情意結,久不久就要去幫襯吓

去過兩次. 兩次吃的東西都差不多.第一次去, 兩個人, 吃的是玫瑰雞, 牛腩煲, 油麥菜炒豆豉鯪魚. 雞肉嫩滑, 醬汁香, 我本不愛吃雞卻也十分滿意. 牛腩煲就像前面朋友說的一樣, 好吃得不得了.油麥菜一般但也可以.中間有一次是其他朋友去, 回來一樣讚不絕口.第二次去, 三個人, 加了一個沒吃過這家的朋友. 雞牛照舊, 加了煎肉餅和炒菜. 肉餅有點鹹, 炒菜正常. 雞還是滑但味道變淡了, 好像有點不足. 牛腩是最失望的, 不夠, 用料好像跟之前的不一樣. 有點失望, 雖然不是不可再給機會, 但就沒有以前那麼keen 再去, 或者說介紹給朋友啦.所以我都不知怎麼評分才行.

20070504抵達的時候已經晚上十點，又下著雨，人龍依然不斷，擠在淺窄的屋簷下，顯得有些狼狽。等了有十數分鐘吧，見到店家搬出一張加大的十人桌出來，心知終於輪到我們了：）坐低之後兩三個同事一起發板，即刻點好酒菜，等多一兩個字就有的食，都不算慢了。席間不少是鬼佬，所以也有不少是面向他們的中菜：）咕嚕肉：一向少吃此物，憑感覺認為屬於佳品，酸甜適中，咬落啖啖肉，洋蔥青紅椒亦俱鮮美；中式牛柳：大大件很濃味，要央店家剪開才方便分享，略顯口味過於濃重，不過顯然很對某些同事的脾胃；豉椒炒蜆：源於在店門口看到的大個而肥美的那一盆蜆，炒出來也是意想之中的鮮甜惹味，五分鐘之內就清了碟；蒜蓉芥蘭：水準高於一般，既有大排檔的鍋氣，又不會一味的濃汁厚芡，贊：）腐乳椒絲通菜：普通，有點過熟；蝦醬韭菜豆腐：比想像之中差一點，端上來的時候也算濃香滿桌，韭菜比較出眾，豆腐就有些炸得太過又淡然無味；蘿蔔清湯牛腩：不愧為招牌之一，湯呈奶白色，牛筋腩極之軟滑，蘿蔔無渣；脆皮肉餅：屬於看得出手藝的街坊小炒，熱吃不錯，冷了之後有點偏油；椒鹽鮮魷：來之前同事力薦之物，炸漿有點厚，雖然魷魚夠嫩滑，但調味太重，得個鹹字留低，有些可惜；

上兩個星期睇到U Magazine 介紹牛記o既滑蛋蝦仁，所以特登走o黎試o下，睇o下係咪咁"高水準"……叫o左三個... 都比預期中差... 尤其是係個滑蛋蝦仁……雜誌去得採訪影哂相，影出o黎o個碟就勁得，o係我地上面o個碟…… 蛋仲老過o係其他吃中菜o既地方o既炒蛋… 蛋同o的蝦係炒唔埋一齊，係一粒粒碎o既老蛋… 蝦唔乾淨，o的蝦腸未去哂…同magazine 張相比較，可謂天淵之別……(o個碟應該係佢開張以o黎最靚o既一碟，好唔好吃就唔知喇，因為我吃o個碟係"老蛋蝦仁"，唔係相入面所謂o既"滑蛋蝦仁"。)其他o既有中式牛柳同埋金銀蛋莞菜，都唔想多提……可以用無良心去形容呢間店……雜誌剛剛訪問完，你地好好醜醜做好一頭半個月o丫……完全無heart...