牛記茶室 (Moved) New Location

我地成班朋友黎到中環, 但又唔識去, 唯有打電話問餐廳既人, 佢地都好有心機話俾我地聽點去. 去到之後, 就叫左沙嗲金茹肥牛煲, 同埋炸魷魚, 及玫瑰雞, 大致上都幾好味, 而且仲好平. 最重要就係比起其他餐廳, 伙計同埋老闆都好好服務態度!!

22/2(五) 7:30pm放工後,我倆於SOHO區徘徊,打算於此區充肌才看映畫.決意到歌賦街的牛記一試.七時多,牛室內食客三數桌,轉眼已近滿座.格局跟一般茶記相若,我倆被安頓於置中的小圓桌,點了魚腩粥$23,沙爹牛肉炒芥蘭$48,長洲三寶$60,茶走$10魚腩粥--粥底談不上綿口滑身,且略為稀身;而魚腩質地較散,亦帶濃重的魚腥,不濟!沙爹牛肉炒芥蘭--芥蘭老得要命,害得舌頭也受折磨;牛肉大大塊,肉質尚沒過份的腍口.長洲三寶--銀魚,蝦干及魷魚干這三寶跟薑絲蔥花同蒸;一道平庸的菜式也,動輒六十大洋,不值!茶走--極甜,溝淡後也不見得香滑;連茶走也不太曉得為何物的茶記,好歹有限!唯一亮點是老中青的侍應皆效率高,老闆亦頗健談!看見蘇絲黃及肥谷等名人均對此店讚不絕口,難道自己點錯菜?

係中環午間搵食真有點可怕,二十年前跟今天毫無分別,原先想往銀杏館,但一位難求,信步沿街而下,多口一問旁邊幾間舖子亦說全訂了座,真係生意多到唔憂做,就連我唔多會再去既九記,都有條人龍,十二點半都未到,已經人頭湧湧,見牛記仲未比人攻陷,求其坐低,普通茶記格局,唔駛同d西裝友逼仲好,從午餐中選了蝦醬蒸鮮魷,唔駛十分鐘有得食,是一早蒸好之故,飯跟菜分開上,鮮魷平舖在布包豆腐之上,茨汁不多,並不會杰撻撻,布包豆腐蒸得千瘡百孔,鮮魷咬落已知並沒有落師傅,亦沒有給化學品糟質過,豆腐是不吃也罷,反而例湯是老葛湯,火喉足,味夠濃,是我心中杯茶.雖然味道毫不突出,又沒有華麗既裝修,但平實唔花巧,個人而言是可以再黎,做人同做生意一樣,得外表係無用既.

論食物,牛記水準是ok,不過如果你對服務有要求,牛記絕對不是你杯茶.尤其在中午的高峰時間,中環能夠找到位子又未滿檯的地方,牛記算是其中一間.因為,一個"等"字,絕對讓一班與時間競賽的打工仔卻步.催單,沒有用,因為阿姐會向你講:"0野食到就會俾你架啦"cancel單,更好,一句"隨便你啦",阿姐已經見慣,做少好過做多.所以,如果你怕等,怕受氣,或者趕時間的話,在這裡真切的告訴你,千萬千萬不要來.當然,如果你認為有奇蹟出現/有大把時間花/不介意看著隔鄰的客人吃完還未有你份的話,還可以一試.

小弟很喜歡食o野, 但很少寫食評但可能跟其他人分享一下自己的經驗, 會是一件更開心既事上一次光顧, 己是很久之前的事... 今日跟數位好友, 特意去試一下一些大眾化的老店1. 因為未人齊, 先叫了一個椒鹽鮮魷, 炸得剛好椒鹽份量適中, 咀邊不會沾到油- 不錯2. 蘿蔔牛腩煲- 清湯做得好, 但少少過肥- 咀邊食到有油- 要減少一半用油量會較合理3. 玫瑰花皇后雞- 非常好, 有鼓油雞的氣息, 加入了煙燻的做法; 使口感更加豐富4. 啫啫田雞煲- 田雞太少, 啫啫煲一般都會多油, 都預o左味道算是合理地香, 但不可以說是好好食=普通5. 生炒骨- 口感和肉質都很好, 皮脆肉嫩; 以現時食肆的水準, 可謂最好的一批6. 金銀蛋豆苗- 最普通的一味, 不太特別; 如用魚湯的話, 可能會變得好完美7. 煎肉餅- 脆口o野, 肉味濃; 相信最合適夾西班牙紅酒(有少少酸既酒體, 一定會比單寧多一點的法國酒更匹配- 可惜今次冇開來飲)8. 鼓油皇蒸長州三寶- 白飯魚, 蝦干加起來都不太咸, 最合適配粥- 其次白飯七個人都算清晒枱, 環境算是一般不過, 老闆認真地做食物, 為大家帶來大眾化的美味

其實之前去食勝香園都會經過..男朋友有時都提議試下牛記..佢話睇谷德超個專欄推介牛記..但我每次都好固執地要走去食勝香園..12月30號星期日..約左男朋友同佢d frd過中環睇相展...諗住睇之前去食勝香園..點知勝香園無開..咁就去左食牛記...我記得上黎睇過好多人都話叉燒炒蛋好味..所以特登叫左試下...叉燒炒蛋等左好耐先到...炒蛋炒得好滑..拍得住澳牛...而且我一個人食叉燒炒蛋係勁多..叫男朋友幫手食左d..佢都話唔錯...例湯ge西洋菜湯都煲得好似屋企o個d...下次去一定會試下佢d雞！

今日午飯過黎牛記, 同平常一樣多人叫了叉燒韮皇炒蛋同事食飽, 清檯, 我仲等等等!一路望住廚房, 睇下有冇野食到.............唔知今日什麼事, 全餐廳人人等.....最後冇食, cancel 單, 走!! 買外賣....!

一眾13人往山上跑,人家高跟鞋我就跑鞋走到上歌{富}街,樓下己叫爆,只好上閣樓.要阿姐換大板.要了~長洲3寶=正似足以前阿媽feel~牛腩煲=大根好味過牛腩但還是上環生記好~炒豆苗=想不到加兩條中芹會正咁多~豆豉o魚油密菜=同自己炒一樣,但席中有人稱奇~椒鹽魷魚=香,蘇,脆~太后雞=先以豉油雞一般製,再以玫瑰煙燻,所以出來比豉油雞乾身.~琵琶豆腐=去旺角食啦~豉汁蒸鱔=無泥味,但又無味喎~立味波菜~煎肉餅=好受歡迎,原來佢地幾愛脆口嘢...~肉未苦瓜=不當造雷公錘沒了...~煎鑲茄子~好,不過不失

本想到勝香園，但見人龍太長，見這裡門面很多介紹，感覺好像幾好，就決定一試。叫了二個小菜套餐，包括：花雕沙薑雞和叉燒炒蛋。例湯- 暖暖唔熱，感覺已打了折扣，味道偏淡，更加唔吸引。(味精還要落得不少)花雕沙薑雞- 花雕味唔覺，沙薑味又少，雞又韌又凍，可以說完全唔得，但看門外的介紹又說怎樣怎樣好食，唉~叉燒炒蛋- 叉燒非常瘦又好韌，炒蛋已算是最好味的了，真失敗。食到唔湯唔水，還是立刻放棄，出門口排隊再食過，相信都沒有下次再來的可能。

每次上牛記,一向只是單拖,甚至兩口子的事,這夜在牛記,竟然坐滿一圍.全因司馬兄一聲令下,眾人坐在一起,大塊肉,大啖酒,大聲笑...事先講明為麻甩菜,牛記一向標榜住家風味,吃些什麼大家心照.如肉餅,雞,蒸魚之類.未入正題,先一人一碗老火例湯,清甜好喝.玫瑰雞充滿酒香,但不失雞味,肉質嫩滑,肉餅兩味,一味炸肉餅,做法"先蒸後炸",外表如藕餅,吃落很鬆化.另一味的土魷蒸肉餅,充滿著濃烈的土魷味,兩者之間,個人心水傾向前者.清湯蘿蔔牛腩,亦是此店之名物,其清甜的蘿蔔更不能錯過,最後當然連湯也一滴不剩.清蒸海班,店主麥生說特意在老遠的長州送來.不理是來自何方,吃過至好講.學黃麗梅口吻好有魚味!)真的,除吃出真正海魚之鮮味外,蒸得很有火喉,魚肉剛好離骨,肉質幼細嫩滑.大大碟的薑荵炒蟹,反而很一般.其他的如及第胡椒湯,豬潤極其爽口.長州三寶更是送酒之佳品.大塊肉,大杯酒,用茶杯盛紅酒,飲完紅再飲白,未喝光的紅酒加上白酒,即刻變成Rose.雖然並不是甚麼佳釀.一樣飲得高興.最緊要飲得開心.對嗎?飲勝!

10月25日, 呀比黎中環同我食lunch~ 天氣微涼, 本應正好去食一個勝香園大排檔茄面... 奈何等食的人實在太多, 對面九記人龍又長到嚇親人, 正想著放棄兼逃出歌賦街之際於街口就撞見呢間人流不多但門口店內貼滿報紙介紹的牛記茶室~ 好~ 即管試下佢啦!!::: 牛腩撈麵::: $ 23牛腩撈比想像中大碗!! 份量好似比個飯仲多!! 首先講d麵底啦~ 非常之爽口彈牙, 而且食到有d蛋味定唔知麵粉既味, 感覺好鮮~ 唔會淨係得鹼水味~ 撈埋個腩汁真係好一流!! 讚呀~ *o* 而料呢有牛筋同牛腩兩種. 當中牛腩又有2隻肉質. 一種係好入味, 淋淋地既; 另一種就好似燒肉浸腩汁甘, 好硬好難咬.牛筋幾好~整體上係好味的~::: 蝦醬蒸腩肉飯+ 例湯+ 凍奶茶::: $ 30先飲湯先,唔記得係乜湯,唔係太好,叫做飲得落肚…白飯同餸係分開上既~ 不過雖然個餸既主角係腩肉, 但係其實就真係數得出有幾多片, 同埋係用豆腐顫底...超失望!腩肉好咸,不過一d蝦醬味都冇…豆腐就係底,索哂d油,冇味仲要chi住隻鐵碟,食咗一半就冇食…凍奶茶少甜, 有茶餐廳既標準水準~ 茶味奶味俱佳~ 唔錯~佢有兩

nov 6, 07晚,4人來dinner,叫咗 : 1)蘿蔔牛腩-上次食過,覺得好好味,於是今次encore-牛腩大部份都好嫩,但友人就講同1條街嘅x記好d,因為對方喺用坑腩-但個蘿蔔比上次煮得腍咗,好似上次個質素好d 2)油泡田雞-田雞個size喺大,啖啖肉,但無鮮味-ok啦 3)炒菜心-見到都好大條,呢個就掂d,唔油,伙仲好清甜添 4)鹹魚蓉蒸肉餅-肉餅好滑,不過如果唔叫飯,就稍稍鹹咗d-其實唔錯5)白粥x 1-都綿 6)枝裝可樂x 2

在牛記吃了個午餐：咖哩雞飯，沙葛湯，熱奶茶。沙葛湯不錯，夠料夠味，不是味精滾水湯。第一時間喝完了一整碗。不久，咖哩雞飯也送到，唉~~ 看到那個濃濃稠稠的淺黃色的咖哩汁時，就心知不妙，結果真的如此，只吃到奶味，沒有咖哩的味道。而且整碟飯還偏凍，白飯也結得一舊舊，真的有點失望。這次嚐到的只屬普通貨色，希望有機會試牛記小炒時，會有不同的體驗。

20071018說的是二樓，總是樓下人聲鼎沸電視撈飯好不熱鬧，樓上也一徑冷冷清清安安靜靜，偏坐一隅，倒也可以舒舒服服的聊天。三個女孩子，就叫三樣餸。蝦仁炒蛋：蝦鮮蛋滑，簡單小炒見真章；清湯蘿蔔牛腩：令我幾次前來、一吃再吃的一道菜，清香入味，不過最喜歡就是蘿蔔，牛腩反而其次，湯就有點偏鹹；沙薑雞半隻：熱的沙薑雞還是第一次吃，有點奇怪，雞肉都算滑，不過還是不能清碟。也圓了友人想一試牛記的心願，只是碟頭偏大，這裏到底還是適合多些人來。

幾時都話,如果城市中的綠州是寶力湖桑拿的話,Soho中的綠州,一定是牛記茶室.自貴如結業之後,牛記更成為焦點.在Facebook內的"牛記粉絲團"group,再一次挑起條筋,中午走去搵牛嬸.先來碗鮮甜又好喝的番茄薯仔湯開頭,再用韭王叉燒炒蛋送飯,兼附送電視正在重播著"真情"的叉燒炳.炒蛋火路恰好,又香又滑,充滿住家風味,不是,應該是比媽媽做得更好.炒蛋並不是做菜甫蛋,過熟就乏味了.門外的招牌,大隻字寫明"街坊感情送",相信住在附近的華人街坊,一早受夠Soho上一些鬼五馬六的西餐廳,在沒有飯開的日子,也會自自然然走過來.使鬼靠蘇絲黃推介?下次真係要約埋在附近上班的Ryan兄來吃牛腩,玫瑰雞.