芽莊越式料理

Open Now

Now Closed

1️⃣燒牛肉撈檬 $68燒牛肉肉質非常軟熟滑嫩，調味惹味👍🏻是整餐下來評價最高的拉分燒牛肉🐂；撈檬配料有生菜、胡蘿蔔絲、花生碎和青蔥等。撈檬的表現卻平平，感覺檬粉本身與魚露甜酸汁的品質一般#餐廳必點之選🏅 2️⃣手撕雞湯粉 $70 👎🏻很普通、沒有驚喜的雞湯河。雞肉肉質不夠嫩、湯底鮮味欠奉、上菜時湯頭熱力不足———————————————————————環境：6 /10服務：6 /10衛生：6 /10味道：6 /10性價比：中下回頭率：15%

周末午市唔係太抵食，又冇套餐又唔係好特別。 ➡️ 生牛肉湯粉 ($70) ⭐️⭐️⭐️ d牛肉太厚切，所以唔會入口即溶，而且要浸一陣先可以熟到。粉嘅份量就適中，加埋越式配料調味都算正正常常，總括而言我都係比較喜歡平時薄片d。 ➡️ 燒牛肉撈檬 ($68) ⭐️⭐️⭐️ D肉整得好淋，配埋生菜、蘿蔔絲同蔥一齊食，好有咬口又飽肚。 ➡️ 牛油雞翼 (四隻) ($48) ⭐️⭐️⭐️⭐️ 最好食係呢個小食，牛油味好香，大隻得嚟又焗得好脆，得4隻唔夠喉！ .............................. 芽莊越式料理 地址📍: 將軍澳唐德街9號POPCORN 1樓F18號鋪 總評分: 6/10 .............................. 味道😋: ⭐️⭐️⭐️ 環境👀: ⭐️⭐️⭐️ 服務👨🏻‍🍳: ⭐️⭐️⭐️ 抵食💰: ⭐️⭐️⭐️

是日好肚餓，所以可以入咗嚟試芽莊🙂我哋叫咗一個沙律、串燒同牛肉粉兩個人分但餐廳竟然上咗粉先😅次序有點錯亂😂熟牛肉湯河🍲整體來講牛展好林，河粉可以不過係問佢拎多一隻碗分享嘅時候個碗有幾粒好硬嘅飯痴喺上面😅😅之後到嘅係雞串燒放喺鐵板上面熱辣辣，滿滿沙嗲醬生熟恰到好處👍最後上嘅係青瓜牛柳沙律🥗上面鋪滿芋頭脆脆，個汁酸酸地好開胃沙律入面最多既係青瓜🥒菜比較少，有兩粒辣椒🌶掂到辣椒既都有點太辣😂

外賣要求的不外是快，好味同抵食。這間叫外賣多數半個鐘內可以到。招牌會安雞飯 $98 👍🏼👍🏼👍🏼炒蒜子通菜 $66 👍🏼👍🏼👍🏼👍🏼香煎墨魚餅 $78👍🏼👍🏼👍🏼手打牛丸河粉 $70👍🏼👍🏼👍🏼👍🏼牛油果鮮蝦米紙卷 $88 👍🏼👍🏼👍🏼以上的菜式通常都不錯同堂食差不多，大家可以一試。至於，香茅串燒雞 $78及牛油雞翼 $56真係需要改善一下，因為試過多次叫外賣，來到的時候肉質已經變得嚡口及乾身，與堂食相比差很遠。所以應該唔會再叫，要食就留返直接坐喺舖頭度食啦。

芽莊越式料理 (將軍澳)將軍澳唐德街9號POPCORN 1樓F18號鋪鑊仔牛柳粒炒飯牛柳粒比我想像中細粒 但係就好淋，好入味超多炸蒜粒，令到成個飯好香河內牛展粉湯底比較偏向清淡餸料十足 成碗有成七舊牛展，食極都仲有蝦米仔芥蘭苗芥蘭清甜嫩口牛油雞翼呢個小食我哋放到最後先食意想唔到佢係放左咁耐咬落去重係熱辣辣脆卜卜又唔會太油熱桃蜜柑桔水賣相幾得意 但飲落口 我就麻麻哋味道偏酸評分:8/10

一家三口，游完水搵飯食，就揀咗呢間，餐廳坐位闊落，唔迫夾，坐得舒服牛肉湯河，湯夠牛味，牛肉亦好食，河粉夠滑，加埋配上既九層塔同辣椒，正牛油雞翼炸得夠香夠入味，顏色亦好吸引，表層脆卜卜，配上的辣椒醬又夠辣，推介炒通菜中規中矩，無乜特別，份量都多，但略嫌多油，食落口好多油咁香茅豬扒煎蛋飯又係推介，豬扒有碳燒味道，唔知係咪用碳爐燒，豬扒夠’林‘，附上的2隻蝦就好一般，唔太新鮮，但豬扒真係好好食，值得推介比大家

今日好晏都未食晏想搵下午茶食，見呢間下午茶都幾豐富，就試試。點了個$78嘅下午茶，其實都唔平。呢個價錢有小食，主食同飲品。叫咗蝦米仔芥蘭苗，份量唔少，個汁甜甜哋幾好味，芥蘭苗好嫰。主食叫咗越式雞翼扎肉撈檬，個雞翼好入味，好香口，煮得啱啱好，超好味，碗檬粉好大碗，其實以下午茶呢講，真係超飽。飲品叫咗凍青檸梳打，調得不錯，好清新又消滯。其實以下午茶呢講，其實都唔平，不過如果要食 late lunch 又係一個幾唔錯嘅選擇。

本身苦惱地諗緊食咩好，見呢度嘅下午茶都好似幾啱食，就入咗嚟試下喇。呢個係午餐嘅小食，本身個汁都幾濃，加埋蝦米同花生嘅口感，普通嘅芥蘭都變得層次豐富，好易入口。呢個係餐飲，桃蜜熱柑桔。桃嘅味有啲假，同柑桔唔太夾。如果呢杯嘢飲係凍飲可能會好啲，因為可以令嘢飲更清新。呢個撈檬非常清爽，配埋酸酸甜甜嘅撈檬汁，簡直係最好嘅夏日午餐之一。扎肉好普通，唔係豬耳扎肉，亦唔夠肉汁。鷄翼好香脆，同牛油雞翼非常相似。呢度嘅牛丸粉係我食過最好嘅牛丸粉！湯底有好濃郁嘅牛肉味，好有越南牛肉粉嘅風味。牛丸係手打嘅，真係食到超濃嘅牛肉味同埋屬於牛肉嘅口感，仲有牛筋喺入面添！整體來講，呢度嘅環境同食物味道都好好，而且一定要試下呢度嘅牛丸同雞翼！其實呢度嘅下午茶可以有好多配搭，但係由於有啲小食係幾有特色嘅，建議大家可以選擇主食加小食嘅配搭。

之前已經食過太古分店嘅芽莊，已經覺得真係好好食，今次決定試埋我冇試過嘅撈檬😛首先係墨魚餅揸得超級香同脆! 我本身以為會係墨丸嘅口感，但係佢真係比墨丸彈牙勁多！每一啖都會食到佢一粒粒嘅墨丸，非常足料😍另外佢嘅春卷亦都好有驚喜，佢個皮非常薄，接近透明嘅狀態🤣🤣而且仲好脆另外我見到旁邊都好多人食嘅燒牛肉撈檬，同出面食到嘅串燒一樣個汁調得好好🥺跟住啲肉又好淋身，撈檬搭住好多料，蘿白絲、生菜、芽菜、花生粒，全部都好有咬口搞到我牙較都就嚟甩🤣🤣🤣佢個豬扒真係唔係講笑咁多！覆蓋左成個碗🤢豬扒比佢燒到微焦咁樣勁香囉😫總之就好食啦!!

這次來到位於將軍澳站popcorn商場的芽壯，是因為之前和友人吃過，河粉滑滑的，所以好想再光顧。但是，老實說，店員的服務態度真的好需要改善，特別是稍高級的店員，態度真的不行，就算食物多好吃也大打折扣呢！講返食物，今次點了手打牛丸湯粉，選的是河粉，和上次一樣，河粉的確好滑，牛丸也好有牛味，而且湯飯底濃郁，食物是不錯的，但店員的服務態度實在太不好，令人大感失望，引致不想再光顧，這點真的要好好改善呢！

晚餐時段不想排隊 看見popcorn2樓芽莊不用排隊，就決定吃這家解決晚餐。 聖誕新年吃了太多油膩餐，請吃個湯河清淡點。我們點了生牛肉河粉，湯不是很夠熱，我覺得越南河粉的湯不夠熱就扣了很多分。湯底味道ok。另外叫了越南法包，裡面有新鮮牛油果🥑和雞肉， 這個味道還不錯， 包上來的時候還是熱的， 雞肉味道也比較足。不過雞肉的份量有點小。吃越南餐怎麼可以少了越南春捲，這裡的就3條春卷，給了很多生菜。價格是68，份量有點少。

繼上次在旺角新世紀廣場吃完這一家芽莊越式料理餐廳後，因為對它的淨手打牛丸湯念念不忘所以再來了一次，這次除了牛丸湯外還加了一個軟殻蟹米紙卷，也挺不錯，軟殻蟹炸得很香脆但配上很多菜不會很膩，只是價錢有點略貴。

星期六晚上約會友人來到將軍澳popcorn商場芽莊食越南菜，兩位岩岩好有位，不用等位就可以入座，太好了！第一次來呢間用餐，餐牌睇來都好多選擇。我選了河內手撕雞湯粉，價錢$70，大大碗，河粉好多呢～加上河粉好滑，雞絲稍為有點不夠多，如量多一點更為理想，湯汁亦幾香濃，不錯！友人選了上等手切牛柳湯粉，價錢$88，河粉同樣好大碗和好滑，而手切牛柳好吸引，牛柳片好有牛味，朋友都食到Lam Lam 脷，話好正呢，值得推介

夏天太熱有時都無咩胃口，想清清地可以食越南菜。3個人叫左3個主食3個小食。. 招牌會安雞飯，個飯都幾好食，d雞都滑既，但就無咩特別，唔算濃味，適合小朋友食。生牛肉湯粉，食越南野唔少得要叫既，佢既湯好味，加埋河粉食會無咁咸。牛爽腩湯粉，純粹想試下，都唔錯既。牛油雞翼，比想像中好食，岩岩炸好，熱辣辣，又唔會炸到乾曬，讚👍🏻越式炸春卷，都係熱辣辣咁上枱，佢個皮唔同平時酒樓果d皮，無咁厚，所以咬落去唔會成啖油。香矛燒雞串，燒得d肉有少少o鞋，不過個味都唔差既。. 總括黎講，d野食都唔錯，價錢都唔算貴，但係份量就比較細，大食少少既人可能唔夠飽。

已經食過兩次，冇一次令人滿意，今次一定要負評，等大家知道你哋嘅趕客之道。第三次嘅趕客之道:「暗串客人遲到」本人先攞位，太太因為交通問題遲咗15分鐘，嚟到嘅時候比職員暗串遲到。「冇乜人性」因為BB係車仔瞓咗，竟然要求我哋收起架車，因為會阻住佢哋開櫃門，但係其實嗰個位座咗人之後都開唔到櫃門，即係坐喺嗰度既客人都會阻住佢哋做嘢。座位方面既設計冇乜人性，連啲職員都冇乜人性。其實入邊冇乜人，但係連我哋嘅容身之地都冇，唯有食第二間，廢事阻住佢哋做嘢。提醒大家如果黎依間芽莊食嘢，需要具備極高嘅耐性。