芽莊越式料理

Open Now

Now Closed

將軍澳 Popcorn 商埸有兩間越南食肆，分別為 Greyhound 和芽莊，兩間的質素不相伯仲，前者地方較大，裝修較好，自然價錢亦較貴，我較喜爱後者的實而不華，昨天和太太在商場戲院看過早場，來到芽莊午膳，叫了脆皮蝦卷撈檬和手打牛肉湯粉，前者是太太的至愛，蝦卷即叫即炸，皮脆蝦肉新鮮，至於我的牛丸湯河，亦不遑多讓，爽好彈牙，湯底鮮甜，簡簡單單的一餐，較上茶樓等位輪後，舒服得多，由於無加一，埋單祗是$118。

老婆自從上次吃他們的手撕雞絲越式湯河之後，總會時不時嚷著想再去吃，漸漸他成了我們的飯堂⋯手撕雞湯河粉 $68老婆非常專一，每次一定會點他們的雞絲湯河，她說他們的手撕雞肉很多鋪得滿滿，調味也很適中，精髓在於他們有放炸蒜，吃下去多了一陣香味，正正是每次她點得原因。海南雞飯$78而我這一次剛點一些不同的，試了他們的海南雞。雞的量很多，飯是黃色的，有淡淡的薑黃味。飯的質感似糯米，好QQ。整體幾好，可以試一試。

大學時期喜歡去soho 芽莊食大大碗Pho，依家有冇細左，都唔係好記得了。將軍澳依間，裝修好睇又舒服。嘢食都不錯，價錢合理，食得飽足。今次叫咗燒牛肉撈mong, 鍾意佢的薄荷味。清新。跟住encore炭燒豬扒，但係今次配蛋同埋飯，預期中嘅發揮，蛋本身就係好味。跟住仲嗌咗個牛油果卷，上碟嘅時候好難睇，比啲沙律菜遮住曬。牛油果係新鮮嘅，都唔孤寒，不過炸蝦係淋晒。咁就爭啲。仲有一樣encore，斑斕茶。Lotus tea is also good. 用新鮮茶葉。壺仔細細但係裝到好多份量。酙到好多次。配埋蜂蜜感覺好舒服同養生。$38 only! 人哋一杯都要呢個價錢。不會成日食但會繼續支持

逢假日因工作辛苦的關係，即使有時間都不會想煮飯，多數會到附近鄰近的地方簡單吃飽，然後再放小朋友玩一會兒便回家。今次第一次在芽莊越式吃，之前以為很貴而未曾光顧，這次仔細看一看餐牌，各式越式湯粉大概$60-$70左右，所以決定試一試。⭐️手撕雞湯河粉老婆大人非常喜歡這一碗湯粉，說湯有濃濃的雞味，又配上很多很多的雞絲，還要是老婆最愛的雞胸部分她吃得津津有味，讚口不絕⭐️牛肉湯河粉我當然是揀牛肉，是ok的，當然沒有老婆的雞河粉說得這麼誇張。

叫咗個燒牛肉撈檬，即叫即整，所以上菜既時間耐咗少少。燒牛肉好炭燒味，好腍同埋醃得好入味。個撈檬就正正常常，冇乜特別。如果唔食芫荽嘅人記得落單嗰陣要講埋，因為佢係切碎撈入去個檬粉到，所以唔記得走嘅話應該成碗唔使食。

今午吃了一間令我們由期望變失望的餐館，這晚我們決定去這間我們過住有好感的餐館。好感的意思是來過三次都覺得水準不錯。 我還記得第一次來，每樣菜式都令我們雀耀不已。 一星期後已急不及待再來試，同樣令我滿足而回。今次，我們叫了蕃茄蟹湯檬、順化牛肉湯檬和一碟菜。不幸是，中午失望一次，今回又要再次失望。蕃茄蟹湯檬做得很粗糙，蟹肉少得可憐，沒有蟹味，湯毫不濃郁，檬太腍。順化牛肉湯檬比較好些，但檬同樣太腍。細看價錢，好像加了少許。但失望之情卻多了。 可惜，將軍澳又一間餐館要KO了。

打算帶小朋友去玩namco,就緊係要醫飽個肚先有力氣陪癲啦🤭見到芽莊，突然懷念pho既味道～一上枱就係見到好多好多各式既蔥😂，味道唔錯，湯都濃味，不過可能我放左陣先食，啲牛就有小小un，放兩粒辣椒呢碟就比較失色，唔知係本身放廚房凍左定撈檬要凍，脆皮蝦卷凍左唔脆，撈檬啲粉都好碎濕濕🙁呢碟就...好似茶餐廳啲碟頭飯咁😂見餐單竟然有牛油果，身為牛油果愛好者。決定一試。呢杯佢寫係沙冰，但比較似係牛油果奶昔，無沙冰既感覺。但係好飲，好濃結，都有牛油果味，飲晒成杯都飽左半個胃

時間：晚餐時間，雖然要等位，但不是要等太耐。食物：食物質素不錯，牛腩湯河，湯底鲜甜，不是味精的味道，但配芽菜略小。飯的味道也好味，是用心製作。價錢：價錢合理。服務：因為是新裝修，所以望落去舒服，唯獨位同位之間有點迫，快食尚可。要長說話，聊天，就不是合適地方。環境：整體舒服份量：合適，不會太细。

同事話呢間幾好食，仲免加一添，放工專登過嚟試吓。見門口有少少人等緊，好快已經有位。因為我一個人，所以安排咗我坐咗喺呢個位，有啲似大排檔又有啲似日式壽司店嘅感覺，幾得意😉 但係有一樣唔好嘅嘢就係啲店員成日推住架車，裝住用過嘅餐具，喺我後面經過，呢個都唔係問題，而係成日撞到我張櫈，半個鍾內撞到三次，雖然佢哋都有講唔好意思之類，但係希望日後可以注意吓呢個問題，因為真係好滋擾😒餐牌上都有好多選擇我幾鍾意食撈檬㗎，可能因為配埋啲醋一齊食啦，酸酸哋特別開胃，唔經唔覺好快就食到見底😜 炸蒜好香脆，不過食完成口都係蒜味😝 仲有蘿蔔絲青瓜絲紅蘿蔔絲，同埋小小香蔥， 仲有啲花生碎， 令口感提升。至於蝦卷，外層係炸過嘅腐皮，包住啲蝦膠，腐皮唔算好脆，蝦膠唔夠彈口，但味道係ok嘅。

員工管理餐廳欠缺彈性，有事發生也堅持自己做法食品選擇亦欠彈性，尢其是越式粉類，完全不可轉粉、㩚或其他！就算再多分店，再多內部培訓，服務質素依然差勁，是一間再不需要再次光顧的餐廳

好久沒有到Popcorn午膳，到步才發現原本想食既泰式餐廳無左，唯有轉場去食同樣可以食酸辣開胃野既芽莊。我地點左炭燒豬扒撈檬，順化牛肉湯粉同越式炸春卷。炭燒豬扒，外層燒得香口，肉質鬆軟，上菜前將豬扒剪開一大半，當食個時，就輕而易舉咁將豬扒咬開。順化牛肉湯粉和生牛肉湯粉的分別在於牛肉部位，順化用的是牛，牛炆得夠腍，湯頭濃郁，放青辣椒入湯裡，辣味會慢慢散發出來，辣得黎很滋味。越式春捲很細一件，但都幾油，所以店員建議用生菜，九層塔及青瓜食用，減卻油膩感覺，不過我覺得春捲內已經包左蔬菜，點魚露好食d, 酸酸既汁令香脆既春捲味道更上一層樓。整體食味不錯，唯小食價錢偏高，3條春捲仔索價60元有點不值，下次黎叫都係叫湯粉等主食比較化算。

對唔住真係好難食，牛肉超硬，雞肉超鞋，湯底冇牛味，軟學蟹一啲都唔軟，超硬 ，變咗嗌左硬殼蟹。但員工服務態度好。 以後唔會幫襯 ，嘢飲好貴， 不值得呢個價，普通飲品。餐廳裝修還可以。

之前係尖沙咀食過幾次芽莊,一直覺得質素唔錯今日同偽。公主經過將軍澳，見到有間分店就順便去試吓啦，見到都有人排隊，諗住應該幾穩陣喇，點知.......先嚟嘅係"香茅燒牛肉卷"，賣相係可以，但食落原全冇味道，連燒牛肉本身嘅油香味都唔見埋再嚟嘅係"芽莊牛油雞翼"，似係預先炸起再返炸，食落又冇牛油嘅香味，感覺似食普通炸雞翼"生牛肉湯麵"嚟到梗係飲啖湯先啦，個湯味道都夠，不過又係唔夠熱，攪到d牛肉淥極都好似差小小咁還好麵質都算可以.....最後杯"牛油果沙冰"，反而有驚喜入口夠晒香滑，不過口感似奶昔多過沙冰但都算好味問心講~食物質素同尖沙咀鋪差太遠喇要食下次都係去返尖沙咀好個人認為，可以不試

第一次試將軍澳分店，會再黎😋門面同店舖環境比人好型格感覺餐牌如果第時有埋食物圖片，就更好。<上等手切牛柳湯粉>牛分量夠，湯底正呀！好入味！唔油膩但有牛香。<牛油雞翼> 炸皮夠薄，略嫌唔夠牛油香。<燒牛肉米粉卷>米紙夠薄無穿，好黏好柔韌，牛肉入味，加咗青瓜，食落好清新，唔錯❣️貼心加咗沙律菜喺中間，米紙卷唔會互相痴住。<越式凍咖啡>太甜.....太多煉奶喇。

本來打算到 popcorn樓上酒店飲茶，途經這間芽莊越式菜館，新開冇幾耐所以打算轉軚過來試一試。餐廳內座位比較狹窄， 餐牌上款式不是太多選擇， 我們order咗越式生牛河 ，香葉紙米卷， 燒牛肉撈檬。但味道非常美味，喜出望外。越式生牛河，湯底清甜 ，牛肉嫩滑， 可粉又滑， 最重要配搭埋一碟九層塔， 香草青檸辣椒， 味道配合得剛剛好。這個燒牛肉撈檬，牛肉燒得剛剛好，肉質嫩滑多汁牛肉味重， 味道香濃 冇得輸。香葉纸米卷， 睇落好似好普通，但美道好fresh, 內裏的薄荷牙菜香葉加埋他們越式醋汁， 非常清新可口以後又多一間有質素的食肆選擇了。