芽莊越式料理

Open Now

Now Closed

Monday blue 唔想返工呀！岀去食飯 抖抖氣我地去左popcorn 食芽莊 唔係好肚餓 所以就揀左撈檬食 我見隔離枱既海南雞飯好大碟 下次黎可以試試我地叫左河內炭燒豬肉檬、脆皮蝦卷撈檬上菜時 職員好細心同我地講 碗撈檬本身有味 可以加魚露一齊食佢個炭燒豬肉檬好特別 係炸豬肉丸同一條豬肉佢個豬肉丸有小小香茅味 大大粒 口感一流另外 個脆皮蝦卷 外皮金黃鬆脆 扎實飽滿既蝦捲 每一口都有QQ既感覺👍🏻而個檬粉不過不失 不過唔知點解我果碗無芽菜 我同事果碗有芽菜🤔

看完電影，路經已開業一陣子的芽莊，就隨意去試一試。簡單與朋友各點了一碗雙併粉，生牛肉併牛爽腩粉和生牛肉併牛丸粉，一碟芥蘭苗和牛油雞翼。因下午四點多，人流不太旺，下單不夠五分鐘食物已到齊。生牛肉、牛爽腩和牛丸都不錯，但美中不足是湯底是暖的😑芥蘭苗不太油和不太多豉油，比較適合清淡一點的我。牛油雞翼都脆口和不太油，但缺牛油香味。整體都可給75分，會有興趣再來的食肆。P/S: 如餐廳注意一下不應該讓員工在客人面前脫去鞋子和睡覺會更佳😒

最鍾意食芽莊啲生牛肉同雞絲河粉，因為湯底一流。以前試過覺得同其他連鎖越南店啲味道差唔多，近半年好像換左廚師，湯底夠鮮甜，飲晒啲湯都不會口渴，應該是冇味精，超好食!

平時行開將軍澳，都唔覺眼開左間新餐廳，我諗應該第一次係將軍澳食越南餐廳。1點入到去，人流唔算多點左2個主食+1個雞串呢個招牌安雞飯，肉比較乾身，而且凍凍地，應該直接雪櫃拎出嚟就放上碟，洋蔥喺生洋蔥，應該都無處理過，直接上碟，一入口嗆到，差啲辣死，唯一好嘅只有飯，比較乾身，唔錯！但下次應該唔會揀呢味「招牌」飯！！！炭燒豬肉撈檬，真係好大碗，好豐富，加左酸辣汁真係特別開胃味道一流雞串，大大串，又嫩又多汁好少餐廳免加一

Popcorn 既呢間越南餐廳新開張都有一段時間，到而家都仲有好多人排，我就趁午市就完唔多人既時間去試試。餐廳既環境好舒服，空間都算大。Menu有好多頁，雖然好colourful但望得耐都有少少暈。最後就叫燒雞撈檬同脆皮蝦卷撈檬，原本想叫多個春卷個見到d人個撈檬都算大所以就無叫，同埋用脆皮蝦卷當春卷咁食。試過兩個我覺得味道唔算好特別，份量就好足，烤雞好大香茅味，雞肉都，而撈檬就好多香草，我就唔太岩了。反而見到侍應傳個春卷出黎好似好吸引，好想試下!!

冷冷的寒風襲港，氣温下降至8度，令整個人不願動，想懶懶躲在被窩裡。是日，中午來到將軍澳一間新開不久的越南餐廳，想吃碗暖笠笠的粉，扺禦寒冷的天氣。中午人流很多，不過幸好不用等位，環境尚算清潔又坐得舒服。午市一般僅得單點，價錢偏貴，一碗湯粉由約$60起至近$80不等，沒有飲品。小妹點了碗手撕雞湯粉/$68，份量適中，湯底帶有淡淡平時吃越南河的越南香料味，基本上整體非常平淡，手撕雞不過不失，新鮮度一般，而河粉亦算彈牙，不足的是全碗找不到留下的香料或菜，僅得河粉及雞絲。弟弟就點了碗河內炭燒豬肉檬/$78，相反這碗有極多香料，炭燒豬肉味道尚可，不過不失，但總覺得不值這價錢。另點了客香茅燒牛肉卷/$68，一碟原來只得四小舊，大跌眼鏡。可以沾上提供的魚露甜酸汁一併吃，可是靈魂。牛肉卷內的牛肉塊偏硬，夾着米粉，薄荷葉，生菜等，味道不是大有驚喜，尚算中規中距。總括而言，個人有感價錢與食物味道不太相乎，味道雖不會太差，中規中距，就是不太扺吃吧，這價錢附近有更多選擇。

將軍澳站的商場新開了兩間越南餐廳，分別是「What the Pho」及「芽莊」試完兩間，高下立見。首先評論 「芽莊」。#等位: 人齊才能入座。#地點: 位於Popcorn 最中間位置，人流最多的地方。靠向露天廣場環境開揚而且有不少自然光透入。 「勝!」#室內環境: 餐廳設有高枱及2至4人位。裝潢簡潔，有點快餐店味道。半開放式廚房，特別醒神！#食物選擇: 主要分為飯、粉麵、越南法包及小食。沒有餐牌，只在幾張紙上寫上菜式及價錢，沒有圖片。春卷大比併: 芽莊勝！【越式炸春卷 $58】炸春卷只有三小條，但旁邊放有青瓜、西生菜、蘿蔔絲及九層塔，非常豐富的配料。配料多個主角，有些喧賓奪主。春卷用生菜跟九層塔包著，口感豐富又有層次感，沾上魚露上後更能去掉油炸物的油膩。炸過後的春卷，不像一般的油炸物又乾又硬，而是鬆軟中富有韌性。 炸好的春卷裡有滿滿的蔬菜 ，味道一流。牛油雞翼大比併: 芽莊勝！【牛油雞翼 $48】奶黃色的牛油雞翼令筆者回想起已經結業的「燕萍」，燕萍首創牛油雞翼，顏色金黃、牛油味濃厚而且不油膩……真令人回味。可惜被租金迫到結業，到現在筆者仍然未能找到能夠取代燕萍的牛油雞翼……說回「芽

聖誕剛旅行胡志明市返嚟，有啲掛住當地平宜又好味的越南牛肉河粉，本來行緊去想試popwalk 嘅，無意中見到新開嘅芽莊，轉軚試下。生牛肉湯河，份量湯正常同粉都OK, 牛肉好唔掂，又鞋又唔香，最基本的做得唔好，失敗！招牌雞飯quite OK, 份量算多， 雞肉唔肥但比較油，雖然沒有海南雞飯嘅雞咁滑，但幾入味，無嘜雞皮，感覺新鮮無雪味。飯是有味雞油飯，比較乾身，配比較油的雞都可以。青檸薄荷soda 用新鮮mint leaves, 不錯，但$38 偏貴，餐廳唔駛加一都OK la. 我6點去到食，無咩客人，女侍應service OK, 會refill 水杯水，上菜都好快，其餘有幾个後生仔男侍應service 就怪怪地？

今次走訪是位於popcorn內新開之越式粉麵店, 此店舖前身為西餐廳， 但一次亦沒有有拜訪過、 今次見新開又是集團式經營， 想想其食物水準你應有保證、 所以今次便帶同老爺一同去食午餐。。。店舖以粉色作主調, 一進場視覺上已很舒服、 餐牌亦很分明以不同顏色作分線 , 當日所見平日用膳午市沒有加一服務、但就沒有套餐供應, 所謂有得必有失、雖然沒有套餐上場， 感覺上午市沒有加一心理上還是覺得較為可取~各款醬汁樣樣兼備。。。先上場是生牛肉河粉HK$65. 湯底味道帶有陣陣牛肉清香， 不過入口不算太濃郁、 牛肉片在上枱間已差不多有九成灼熟， 個人感覺牛肉片可以略為肥多一點口感更好、 至於配料九層塔及辣椒粒等亦以配備在另一碟上， 可供客人自由配搭~另一碗便是燒雞撈檬HK$60. 最初點畢之後還誤以可能是雞翼， 幸好上檯間已推翻了這個誤會、 啖啖肉之燒雞肉粉嫩可口， 不過就可能略嫌調味之時較為輕手、 亦可能個人某程度上比較喜好濃味一點，撈檬之(碌冧) 通常都是每家廚房自製，所以每每略有些微區別、 此店之(碌冧)個人亦感到温文了點， 如果火一啲感覺應該更好~總結吃過上述兩樣出品都感覺不過不失, 不是不

今日心血來潮想食越南菜屋企人咁岩就揀左間近既越南餐廳食下午茶但係職員話未人齊就唔俾人入搞到企左幾個字先有得坐底😐因為係下午茶 所以只係叫左三個主菜同一款小食(四個人去食)首先就叫左個蕃茄蟹湯檬有蝦球 碎蟹肉同幾片扎肉係入面湯底味道麻麻 令人失望 最後都冇食曬😧燒牛肉撈檬同燒雞撈檬食得過 撈檬入面放左蘿蔔絲 青瓜絲 花生碎等等 兩款分別都有四大嚿肉 可惜佢供應既魚露甜酸醬 只係得甜味😟 一d既辣味同酸味都冇 鍾意食酸辣既朋友未必會鍾意😞越南春卷唔夠香脆 皮太薄身 認真唔抵食😬雖然唔洗加一 但係埋單都覺得呢餐唔值呢個價 今次試完應該都唔會再黎食~😕

第一次常試幫襯，門口識員安排坐位冇系統及態度差，黑面，一肚火走，和家一起走到其它食店，啲服務好佢好多，你間店食都冇鬼食，態度咁差，不吃把了.............

之前既呢間舖係CAFE, 依加就變成食越南菜, 望落門面似係走新式風格, 起碼唔見到身穿越南長衫既接待員店舖設內外用餐區, 面積唔算大, 枱與枱之間都比較迫狹侍應送上餐牌, 每種食物種類以唔同顏色紙區分, 食物款式主要以飯, 粉, 小食, 越式三文治, 亦有特式飲品供應, 最亮眼係"不設加一"呢4個字..........哈哈..........作為晚餐之選, 主要點左呢2碗粉作為主菜 :天氣轉涼了, 想食碗熱湯粉, 呢碗手撕鷄湯粉 ($68), 鷄絲舖滿係河粉之上, 配以炸蒜及䓤粒增加香味!  先飲啖湯試下味, 幾鮮甜夠晒味, 鷄肉食落有少少鷄肉味但質感有D嚡, 而河粉比較厚身, 口感唔夠滑!  一碗份量剛好, 唔會話好飽, 仲有位置可食其他菜式!友人一睇餐牌已選中呢碗燒牛肉撈檬 ($60), 檬既份量唔算多, 反而佢既燒牛肉比較之下就算多喎, 都有成4大舊!牛肉燒得幾香口又夠熱, 肉質唔會乾及嚡, 調味得唔錯, 配以撈檬既酸汁一齊食又幾夾!最愛既牛油鷄翼 ($48/4隻)出場, 伴以少少沙律菜, 4隻鷄翼都好飽滿, 炸至金黃色都幾靚仔熱辣辣放入口, 皮脆肉嫩, 肉汁流出黎, 唔怕辣既