喜相逢 (砵蘭街)

Open Now

Now Closed

今日同朋友喺附近行完街，經過呢間餃子店就入去醫下肚。餐廳嘅裝修幾特別，有懷舊嘅風味。原來入面除咗餃子之外，亦都有西餐供應，十分多元化。今日我同朋友就試吓啲餃子先，落單紙簡潔易明，都幾方便。豆漿:今日我同朋友行街行到好鬼熱，一嚟到就即刻飲返兩支豆漿先，豆漿都係用返大和嘅樽裝豆漿，凍冰冰好解渴，又唔算貴。-白菜豬肉煎餃:白菜豬肉餡料充足，亦都煎得好香，唔錯。食得辣嘅人一定要試吓佢個辣椒醬汁，將餃子點落醬汁再食，味道更加有層次。-雙拼水餃我哋見到雙拼都冇額外收費，就點左香菇元西豬肉同埋白菜豬肉餡料。香菇元西湯汁好好味，而且入邊嘅元西味道好出，鍾意食元西嘅人不妨一試，由於我哋煎餃同水餃都嗌咗白菜豬肉，我同朋友就比較鍾意食煎餃子多啲，可能因為大家都比較住鍾意食煎炸野掛🙈🙈-醉鴨舌一食落去就有香濃既酒味，再加上鴨舌本身大大條，食落啖啖肉，幾好食，仲有少量杞子半碟配搭，賣相加分。

💁🏻‍♀️ 喜相逢 (太子) 🍴-四川菜食得多, 有四川風味既餃子真係未試過~白菜豬肉餃 ($40) + 韭菜豬肉餃 ($40)湯餃份量幾足, 好大料, 餃子人手包製, 白菜同韭菜都幾新鮮, 再點埋秘製麻辣醬汁來食, 好有風味!香菇元茜豬肉煎餃 ($33) +  雞絲湯麵 ($36) 推薦! 連小丸子呢D唔中意食元茜既都覺得幾好味! 加埋香菇好夾, 餃子煎得好香脆, 加埋雞絲湯麵食落唔會好膩, 配搭得宜!/📍 喜相逢 (太子)太子 砵蘭街420號地下B號舖

能夠相愛係一種緣份，塵世間太多恩怨，悲歡離合，人類都只不過係命運裡面操控既棋子。唯一可以做既就係珍惜現在擁有既野因為你唔知道幾時有一日，佢會好無情咁將佢帶走。對我黎講，我會珍惜而家令我每日都想食我自己鍾意既野，呢間「喜相逢」今晚一定要試試佢！👇📌必食 · 推介 - ▪ 秘製 · 醉雞 - $78▫ 醉雞呀！雖然係例牌但份量比我想像中多，而且真材實料，雞皮夠薄身酒香濃郁；話明秘製當然有佢既獨門秘技啦，所以調味方面比出面既醉雞相比，我覺得稍為清香。食落肉質腍滑入味，唔會太油膩，認真唔錯。📌湯餃 - ▪ 香菇芫茜 · 豬肉餃 - $40▫ 跟住就係最馳名既湯餃呀，一碗完全無味精既老火湯做湯底，豬肉餃加入芫茜、香菇粒加強口感。但最重點就係芫茜既清新，食落完全唔抗拒；加上餃皮夠薄，餡料夠多，真係話咁快就掃哂成碗呀，食得過！📌煎餃 - ▪ 白菜 · 豬肉餃 - $33▫ 另外煎餃都唔錯，表面輕輕煎過，夾落夠乾身唔會油淋淋，呢點抵讚。趁熱食既話，咬落仲相當脆身，裡面餡料均勻受熱，所以口感特別豐富。整體我覺得呢間小店值得再黎，鍾意食餃子既朋友可以一試呀 ! 

今日lunch想食下餃子同四川菜😛香港餃子舖真係愈開愈多搵到太子嘅「喜相逢」距離港鐵站出口只係半條街 相當方便店內冷氣十足🥳讚啊！大熱天時出面天氣真係好熱🥵強勁嘅冷氣係非常重要！睇睇菜單有六款口味嘅餃子☺️煎餃、湯餃兩種食法仲有好多涼伴、醉浸系列嘅冷盤小食夏天食真係一流！😁樣樣都好啱胃口 今次又選擇困難啦😛醉豬手($78)出乎意料咁好食！真心高質！一嚟未食已經聞到好香酒味🤤面頭舖左啲紅棗 啲紅棗係處理過嘅食落係脆脆地嘅紅棗乾😚好有heart喎至於豬手皮係好爽有彈性 充滿骨膠原👍🏻👍🏻入味得嚟 唔會浸過頭過咸😊推薦！麻辣水晶涼皮(小辣)($36)配料超豐富 😂有雞絲、青瓜、芫荽、蒜蓉、花生😍涼皮晶瑩剔透 小辣都幾麻🤤調味較重醋味酸酸地😊雲耳椰菜豬肉煎餃($33)六隻 有啲擺盤喎🤣驚喜睇個名都知內餡口感好滿足啦☺️皮唔厚😊餡同料比例平均 每一啖都食到餡料「喜相逢」嘅煎餃無乜油 似係輕輕煎一煎辣一辣嘅感覺唔係一般街外連鎖店嘅整法要盡快食 因為呢種煮法放得耐餃子皮比較硬湯餃 雙拼($40)(韭菜豬肉餃x香菇元茜豬肉餃)芫茜控韭菜控福音！😂😂兩款餃都極濃味！尤其芫茜🤪一啖芫茜味上腦湯餃比煎餃保留較多

間舖頭嘅裝修好靚，所以忍唔住入去試一試啊😍😍😍我哋叫咗秘製醉雞例牌，而家間餐廳嘅醉雞係唔同其他舖頭，食得出係加咗另外嘅酒😘😘😘十分香！雞肉亦都好嫩❤️❤️❤️❤️大大力推薦😂😂😂😂另外就叫咗一個煎芹菜豬肉餃，因為我好鍾意食芹菜，非常之好食😊😊😍個皮好薄，仲有個醬汁十分夾😍😍😍😍另外我哋叫咗個鴛鴦戲水，韭菜豬肉餃和香菇元茜豬肉餃❤️❤️❤️都係一樣好有水準！蒜蓉萵筍絲，份量好多，正😍😍😘😍

如果唔係朋友介紹，真係唔會留意到太子呢個位有一間餃子店🙈成間店舖嘅裝修都好古色古香，有一種純樸嘅味道🙂最估唔到嘅係夜晚餐廳一變，變為一間供應西餐嘅餐廳😂有機會會嚟試下🙌🏼今日就最主要講翻餃子先啦🥟我同朋友每人嗌咗兩碗湯餃🤓我嗌嘅係雲耳椰菜豬肉餃拼白菜豬肉餃~而朋友嗌嘅係白菜豬肉餃拼香菇芫茜豬肉餃(中辣)🤗餃子皮夠薄，而且餡料滿滿🥰唔會食到肥豬肉😛所以餃子都係即包即煮，食落去真係有家嘅感覺☺️食嘅時候記得連埋菜脯粒一齊食，微辣又爽脆，正😚朋友嗌嘅中辣係指湯底會係中辣程度嘅酸辣湯，好好飲，不過辣度略嫌不足🙊另外仲嗌咗兩個小食，分別係麻辣粉晶涼皮同涼拌木耳😋兩款小食都夠大份👍🏼涼皮、雞絲、青瓜絲、芫茜加上芝麻，帶點微辣，不過口感夠哂清香，我同朋友都對呢個小食讚不絕口，必試🤩涼拌木耳夠爽口，加上大量芝麻，感覺更加香口😚配上麻油同醋，食到停唔到口啦🙈

太子地鐵站附近有間古式裝修食舖，日間做餃子麵食，晚間就做西餐酒吧，坐底橫觀四周，有幾分似歐洲老China Town feel，加埋隻四腳踏雪嘅黑貓，仿如王家衛下嘅一位食客😆星期六一個下午孖住愛人入去食餃子，老闆娘介紹佢係四川人，香料都係響四川運過嚟好正宗，可惜我倆都不好辣，都係揀返清湯餃。韭菜豬肉餃 $40 八隻，好香韭菜味，餃子皮煙煙韌韌，包得滿滿實實，只略嫌有啲鹹。芹菜豬肉餃$40八隻，最喜歡呢個調味，芹菜份量多且清香。注意此餃乃季節限定。雲耳椰菜豬肉餃，拼白菜豬肉餃，同樣$40 各款四隻，雲耳椰菜豬肉餃，咬落爽爽，口味清新；白菜豬肉餃，最普通嘅餃，反而同我平時食嘢好唔同，唔知係唔係用咗黃芽白。雞絲湯麵$36，好喜歡呢個麵，簡簡單單食到雞絲、冬菇絲及大量蔥花嘅鮮味，麵條亦好好食，軟硬適中。

呢晚約左朋友仔去食野，諗左好耐都未知去邊好，見太子站附近應該都有幾間餐廳，就過去再搵。出左站之後見到對面有間bar就行過去，發現居然左邊系bar餐牌，但右邊個間居然系食餃子上海菜的餐牌，我地見咁有趣，就一於試一試。出面同裏面的裝潢都好古色古香，好有feel。我地隨便叫左少少小食包括晶瑩皮蛋。宜家就沒有酒賣，所以都是叫幾杯汽水幻想下他是啤酒就算。皮蛋不錯，有少少麻辣。但麵食就麻麻，好似未煮熟。煎餃都衹是還好，叫煎餃，但只是個底少少煎過，食落完全沒有煎過的香味。而且韭菜肉餃居然得韭菜，肉就冇咩..

太子D出口尼邊比較靜，但係總有啲小店係令人有驚喜～係d出口一轉右，行過兩三個舖位就見到尼個好傳統嘅木門，好有特色～喜相逢主要以手工餃子，湯餃煎餃為主，今次我叫左雲耳椰菜豬肉餃煎餃同埋白菜豬肉湯餃，再加埋每次我見到都會叫嘅醉雞，可能太熱，唔算好有胃口，叫個例牌就岩岩好！醉雞份量合理，而且非常入味，又有酒香，肉亦好滑尼一個係煎餃，皮嘅厚薄好適中，而且入而餡料好豐富，唔會煎過龍，唔會好重油膩感，好好食！湯餃，每一粒都有成隻湯匙咁大，皮好滑，滑到會夾唔實個種，同埋根本唔需要任何調味，好好味呀餃子唔算一樣好難整嘅食物，但係要做到皮薄餡靚就真係好有難度，而且要包到靚，有摺痕，而唔會過厚或者易穿，好有難度，但係尼間做得好好！

📍 喜相逢經過太子砵蘭街見到呢間主打手工餃子既小店，簡約而充滿古色古香設計，而佢又有川菜供應，吸引左小編同男朋友入去醫下肚。-店鋪主打手工餃子同川式小食，價錢好經濟實惠，大家可以黎試下。-白菜豬肉煎餃餃子皮都算薄身，肉餡脂肪比例均勻，粒粒都脹卜卜好足料，肉質夠曬滑嫩Juicy，如果餃子皮可以煎得再脆d就好啦-芹菜豬肉餃入口好多肉汁，材料一樣好足料，加左芹菜所以好脆口，如果覺得淡味，可以配埋旁邊餐廳自製既豉油。-涼拌萵荀絲 (小辣)份量超級多，就係想像中既味道。點左微辣，一dd辣味再帶少少酸味，加上花生芝麻夠香口，青瓜增添口感，好開胃地址: 太子砵蘭街420號地下B號舖

自從限制令放寬之後，放工之後多了外出晚餐。這晚和男友在旺角的寵物街行左一陣，經過太子站對面這間古色古香的店鋪，走近才發現其實是兩鋪兩店- 一間鋪位有兩個招牌，門口也有兩份餐牌。不要看錯了，喜相逢是右邊餐牌，主打每日新鮮製作的餃子和上海菜。我們看店鋪裝潢特別，似是酒吧又似餃子店，加上價錢不貴，覺得不妨一試。餐桌上也放了兩份餐牌，喜相逢的餐牌是一張類似點心紙，上面主要都是上海小食和餃子煎或是湯餃，最有趣的是鴛鴦戲水。問過店員，原來這是辣的湯餃。由於我們小食已經點了麻辣的水晶皮蛋、水晶粉皮和重慶小麵，水餃就選煎的韭菜豬肉餃。韭菜豬肉餃，擺碟有心思，中間放了麻辣汁。重慶小麵是冷盤，主要蔥碎，豬肉，灑上芝麻帶出香味。小麵帶酸微辣，味道頗開胃。水晶粉皮則是寬闊的透明麵條，加上蒜頭和大量花生作爲味道提升。味道比起重慶小麵更爲麻辣，口感刺激。水晶皮蛋外貌與一般吃的烏黑的皮蛋不一樣，晶瑩剔透。皮蛋淋上麻辣汁，底下鋪了青瓜絲讓口感更清新，頗有心思。

很久沒有為餐廳寫食評了，留意到身邊不少的餐廳改頭換面，就再有衝動嘗試新店，寫寫感受。今次想留名的餐廳就是這間喜相逢，中西合璧，有中菜水餃又有西式薄餅和甜食，很有趣的一件事，而我打算先試中式，下次有緣再試其他。我們點了一份蒜蓉翼尖，煎餃六隻，名為鴛鴦戲水湯餃八隻，裏面包含了芹菜豬肉餃和香菇芫荽豬肉餃，另外兩份小菜，就是水晶皮蛋和麻辣水晶涼皮。水餃方面我比較喜歡芹菜豬肉餃，其他餡料都一般。雖然不知道什麼是鴛鴦戲水，點了試一試覺得有點咸，個人認為煎餃比較吸引。小菜就推介蒜蓉翼尖，可以用作佐酒小食！至於水晶皮蛋和麻辣水晶涼皮，不太特別。二人光顧了$165，份量適中，如果水餃大隻一點就更好。

老闆娘係四川人🇨🇳所以味道非常正宗，主打手工餃子同涼拌小食。裝修好似間中式酒吧咁，仲有個開放式廚房。💗蔥油雞 ($78/例牌)呢個組合有d反傳統，由涷食雞件配上熱辣辣蔥油。雞皮爽滑，底下有層水晶啫喱，再到口感結實嘅雞肉。聽講係走地雞，所以脂肪比例較少，肉質較瘦相對冇咁滑，但健康好多🐔白斬雞冇用鹽醃過，未夠入味，雞味亦未算好濃，所以一定要點即叫即撞嘅蔥油🥣蔥同薑嘅份量足料夠哂香，但都係唔夠鹹。💗雙拼湯餃 ($40)餃子包得好工整，隻隻大小一樣🥟外皮薄身得嚟唔易穿，食落比一般餃皮更煙韌，悲傷小姐特別欣賞👍🏼餡料脹卜卜，菜同肉既比例啱啱好，唔會淨係得肥肉，伴碟嘅生菜食落都爽脆清甜。🥬白菜豬肉餃較淡味，更食得出菜嘅清甜味，咬落去好多肉汁，餡料比較柔軟。🐷雲耳椰菜豬肉餃口感就較豐富，雲耳增加爽口，配上嫩滑豬肉，食落偏鹹鮮。配埋四川麻辣醬油吊味，帶少量蔥、芫茜同辣椒粒好香，花椒油唔會太麻，唔食辣都接受到🌶💗雞絲湯麵($36)麵條幼細，口感較軟滑，唔會煮到淋哂依然有咬口，不過悲傷小姐本身比較鐘意爽口彈牙嘅粗麵多d🍜舖面嘅雞絲唔會得個一束仔做裝飾咁少，食落都唔算「鞋」🐥清湯底帶濃烈嘅麻油香。整體味道偏

今日下晝去左太子砵蘭街既喜相逢，淺嚐兩味菜。第一個叫咗醉豬手，第二個叫咗湯餃雙拼，白菜豬肉拼韮菜豬肉，(因為西洋菜老闆說不合時令)個醉豬手酒味好濃，落咗好多花雕，肉質彈牙，亦都夠入味，份量亦唔少，唯一既瑕疵係有少少毛未拔清。湯餃有得揀辣度，味道似係酸辣粉既湯底，不過少咗蒜蓉同花生，餃子皮餡勻稱，肉汁豐富，亦都鮮味，略嫌同個湯底唔算好夾。飲品只有豆漿，汽水。洗手間乾淨，但有D雜物，收費只收現金。店鋪風格半中半西，有D似唐人街既鋪，(雖然我未去過)

餃子我就食得多，不過好多時食完都衹會覺得滿口味精，口渴非常，不過總有例外的，<喜相逢>既自家制餃子，就真係真材實料，感覺完全係媽媽係屋企包既餃子一樣，沒有奢華感，感覺實在，比較正氣的一種住家感覺。香菇元茜豬肉餃: 本身其實都不太愛元茜的味道，出奇地將元茜同豬肉用來包起餃子做湯餃，感覺完全不一樣，沒有我討厭的味道，反而覺得清新好食。雲耳椰菜豬肉餃: 餃皮晶瑩透薄，雲耳椰菜同豬肉比例剛剛好，少肉多菜，而且新鮮即叫即造，吃下去感覺好清好健康。白菜豬肉煎餃: 餃子是輕煎的，完全沒有油膩感，呢點非常好，煎得乾身，但入面仍然能夠保持住肉汁同水份，不覺得乾硬，非常好食。蔥油雞 例牌($78)例牌份量都不少，蔥油雞肉，肉質實在而不肥膩，雞皮簿而滑，配埋自家制葱油醬汁，味道實而不華，完全充滿着住家感覺，吃的是真材實料。現在還能夠有這樣的住家風味食店，很是難得，難怪會令我再三回味呢道既餃子同每一道菜。<喜相逢>，我一定會再來的。