九記打冷.小菜.粉麵 (Closed)

好久無吃潮州打冷了，心思思想吃蠔餅和鵝片～決定和朋友就來到尖沙咀九記吃個夠😄我們點了鹵水鵝片，鵝片嫩滑，鹵水夠入味，下面的豆腐件和芽菜也是精華所在，不消一會我倆就把它消滅了～蠔餅，份量超大～～蠔仔的數目多得我都數不到，廚師技巧很好炸得相當鬆脆，吃下乾爽而且不太油膩，我們都吃得很滋味～～炸鮮蝦，一碟有8隻，每隻也很大隻，炸得鬆脆到連蝦殼都可以吃掉，鮮蝦肉質爽口，很新鮮，上面舖有香蒜，極之惹味～鹵水生腸拼鵝腸，難得來到吃打冷，也要吃個鵝腸吧，兩種腸都爽口入味～整體每碟份量都很足，一開始我們預計要打包走，想不到吃時太美味，輕易就把整台食物吃掉了😂

跟朋友來佐敦午餐, 忽然想食蠔仔粥, 找到了在漆咸道南的這一家。兩個人吃不到太多東西, 一個菜、一個粥、加上我想吃的鮑魚, 就夠了。蠔仔粥$48: 上菜時非常的熱, 試一口湯, 味道鮮味, 鹹淡度剛好, 蠔仔細細隻但都鮮味不腥, 間中吃到大地魚乾的味道, 較濃郁芳香, 飯的份量十分多, 似乎足夠兩個人吃。四季豆炒鮮魷$108本來想要的西蘭花沒有了, 改了四季豆, 走過油的四季豆, 有很爽脆的口感, 而又不油膩, 菇片不知是否用同一方法處理過, 特別的濃味, 魷魚頗鮮味又不會韌。果皮蒸鮑$42本來對海鮮類沒特別期望, 畢竟這不是海鮮餐廳, 但出乎意料, 鮑魚蒸得很好, 不會太熟, 入口軟身, 搭配了果皮香味, 一絕。原來還不收加一, 都幾實惠, 抵食。

聞說這家九記在尖沙咀屹立多年，這家餐廳的特別之處是，既有港式粉面、亦有正宗潮州菜，正所謂「一雞幾味」，實在令人難以抗拒呢！牛雜麵既然有港式粉面，當然要試一試我最愛的牛雜麵！有牛肚、牛雜和腸等等， 頗為入味，而且伴上店家的特製辣汁，絕對是精選配。炸蠔仔餅蠔餅簡直是這家店的精選之一，蠔仔一粒粒的十分飽滿，蠔仔肉鋪滿整個盆，實在吃得我們不亦樂乎！胡椒豬肚湯一百元也不用，豬肚湯的材料極豐，充滿軟稔適中的豬肚，配上厚切鹹菜，而且湯頭十分惹味，絕對是心機菜！豉汁蒸蟶子蟶子如手掌一樣長，配上粉絲、豉汁醬後，啖啖肉且新鮮非常。值得一食。就是炸蠔餅和豉汁蒸鱔已值回票價吧！下次必定再來試試其他海鮮、潮州菜：）

有朋自遠方來，係尖沙咀落腳，同佢地出去玩返到嚟都差唔多成10點幾，難得呢間開到咁夜，就入去試試佢個打冷😛入到去服務真係100分！個姐姐勁好笑容又Nice，呢個真係好加分！ 我地點左3樣野，潮式滷水拼盤，我哋揀咗有燒鵝嗰款，姐姐話要細拼就得，你都都幾大碟， 入面咩都有，生腸有驚喜，好爽！豬大腸通得好乾淨，全部都勁入味又唔死咸！食到停唔到🤤 潮式凍大頭雞魚，d魚肉好實淨，唔會係一pat野咁，配普寧豆醬一流！呢個食法真係最傳統👍🏻 最後，呢個蠔仔粥真係唔講唔得，粒粒蠔仔都大粒，點睇都唔會係蠔仔🤣連朋友都話正！鮮味十足，完全唔會有腥味，最衰太飽，3個人食唔到太多，下次一定要食埋佢個大大粒蠔餅😋

九記位於尖沙咀鬧市之中，作為傳統食店立於旺地，實在是食家口福。店內充滿了各潮式食品的推介，不論是餐前小吃，午餐主食，中午麵餐，晚市慶功的選擇都一應俱全。滷水拼盤就是潮式食品不二之選，作為餐前小吃實在是啟動胃口的最佳選擇。滷水拼盤包含了爽口豬脛肉、五花腩肉、滷水豬耳條、滷水豬腸、豬生腸、魷魚片、紅腸以及滷水豆腐，款式之多可謂花多眼亂，在我而言還是喜歡夠傳統的紅腸呢。黃花魚味香濃，配合普寧豆醬和芹菜的香味，使其味道更為可口；對喜歡食魚的朋友來說，可謂不二選擇。蠔仔粥可說是潮式食品的招牌菜，而九記就以真材實料去製作。粥剛好食到米飯與粥水相容狀態；而與一般蠔仔粥相比，九記選用的蠔仔確實稍大，而且數量亦不少，對於不喜歡食飯的我，蠔仔粥真是極好的白飯代替品。吃飯時，若果手提電話電力不足，可以租借移動電源，非常方便和貼心的服務。

和家人去尖沙咀品嚐傳統美食，選擇了位於漆咸道南的>>>九記打冷.小菜.粉麵<<<。 除了招牌的打冷、小菜和潮州粉麵，亦供應滷水和海鮮等佳餚。 當天忙著吃飯，沒有把全部美食拍下，就介紹有拍照的幾款吧。鵝片可算是比較簡便的潮式食品，大廚把鵝隻一片一片切下，便可上菜；品嚐時，只需沾上少許醋汁便可。鵝肉味香濃，若能再切薄一點，相信可令口感更軟滑。下邊墊有滷水豆腐和大豆芽菜，整個菜式更見豐富。 我們想吃鮑魚，然而鮑魚有多種煮法，最終選擇了果皮蒸鮑魚。果皮的香氣和鮮甜的鮑魚非常配合，這煮法不但提升味道，令其更有層次，而且更加體現傳統中菜的精髓。 欖菜肉鬆四季豆鑊氣十足，欖菜肉鬆突出了四季豆甜美，煮得火喉恰到好處，口感軟硬適中，老人家亦吃得開懷，誠意推介大家一試。 餐廳置有多部電視，老人家沒有錯過賽馬，當然食得更開心。

九記打冷好出名， 幾次行過都爆棚，今晚難得有位， 簡直喜出望外👏👏沒有什麼豪華裝修，都是一般的茶餐廳格局， 流動性大，個個食完就走。多款魚可供品嚐，但都是時價，要問左價錢先呀今次主打食鹵水，所以無考慮叫魚韭菜鵝紅雞紅食得多， 有鵝紅當然要叫，大大粒， 口感較雞紅煙韌， 唔會入口就散曬，而且個汁好好味， 韭菜又多大腸腩肉雙拼大腸肥得嚟唔覺膩，煮到好林，腩肉肥瘦均衡， 肥的口感甘潤， 瘦的無柴口感覺， 重點係鹵水味夠，抵讚果皮蒸鮑魚唔算大隻，但果皮好香潮州炒麵線韭菜、芽菜、蛋絲、鹹肉絲、 洋蔥絲一齊炒， 十分惹味， 普通的炒粉麵食得多，轉下口味都唔錯，份量好大，2個人食唔哂大地魚乾炒芥蘭大地魚乾切成小塊， 非常脆口，咬落卜卜聲， 喜愛這種口感的朋友 要試下食完要結帳，因為已經有人等枱，這餐非常滿意

好耐都冇食過打冷啦，朋友建議下黎到尖沙咀呢間九記打冷小菜粉麵餐廳用餐。餐廳位於漆咸道，由於係大路比較易搵。雖然係星期日晚，但係由於時間比較早嘅關係，啱啱有位。鹵水鵝拼盤 (⭐⭐⭐⭐⭐)我哋點咗唔少美食，食潮州嘢當然唔少得鹵水拼盤。但我哋冇揀一般嘅鹵水拼盤，揀咗鹵水鵝拼盤，加埋鵝片先至滿足。份量可以揀大細。拼盤用料都幾豐富，有花生、豆腐、紅腸、豬頸肉、鵝片等，令人胃口大開。潮州蠔餅 (⭐⭐⭐⭐💢)除咗鹵水拼盤，我哋都叫咗潮州蠔餅。蠔餅份量好大，都幾香口。不過食蠔餅食少少就會肥膩，容易有飽肚嘅感覺。豬紅 (⭐⭐⭐⭐⭐)豬紅係最值得推介嘅一味菜。咬落好有口感，配埋啲汁，味道滿分。菜脯煎蛋  (⭐⭐⭐⭐⭐)菜脯煎蛋份量都幾大，菜脯煎鹹鹹地，配蛋係絕配 。我哋食到好滿足。全餐埋單四百蚊左右，下次會考慮再幫襯。~~~~~~~~~~~~~~~~~~~~~~~~ 九記打冷.小菜.粉麵 尖沙咀漆咸道南67-71號安年大廈地下推介菜式：菜脯煎蛋、鹵水鵝拼盤👍🏻潮州風味 👍🏻價錢合理 👍🏻優質打冷

今晚係尖沙咀行過一間食打冷既餐廳，裡面裝潢好似茶餐廳，座位與座位之間都算寬闊，食飯傾計大聲少少都唔怕。炸生大蝦$76好奇心驅使下叫左這個菜，之前食打冷都未試過有炸蝦食，新鮮炸起原來又會有另一番風味，蝦肉一樣彈牙鮮嫩，仲多左份油炸既香口。蒜茸炒通菜$63鑊氣快炒，所以通菜依然爽脆，份量勁足，隨時夠3、4個人一齊食。韮菜豬紅$68豬紅入味實剩，韮菜亦非常入味。椒鹽九肚魚$108，上粉夠薄唔油膩。咸檸檬雪碧$24，咸檸好夠咸，值得一試。熱清心丸綠豆爽$48，即叫先煮，亦做得番傳統味道，出面已經好少地方食到。

今晚陪好姊妹到尖沙咀整甲，順便四處逛逛，逛了差不多兩小時已經開始肚餓，決定在附近隨意找吃。發現華美達酒店附近有間潮州食店，就決定試試看吧！餐廳主打潮州打冷，但都有不少鑊氣小炒，潮式粉麵。鵝片打冷必食潮州鹵水鵝片，色澤偏深證明鵝肉鹵到非常入味，鹵水味甘香濃郁，鵝肉鮮嫩多汁，肉質鮮美。潮皇雞套餐套餐只收$58，已經包了一份潮皇雞，滷水豆腐，滷水蛋，紫菜湯，雞汁蒸飯，非常便宜，而且份量十足，雞肉鮮嫩滑溜，豆腐軟淋入味，雞汁飯香濃撲鼻，味道鮮甜。蒜香骨炸到金黃酥脆，蒜味香濃，肉質鮮美而有咬口，超惹味。方魚肉碎粥方魚味道完全溶入粥㡳，入口鮮甜美味，堅正！蒜茸炒通菜份量大而且鑊氣十足，通菜爽口脆嫩，味道清甜。

經常係尖沙咀漆咸道搭巴士返屋企, 經過九記時總會見到好多客人幫襯, 就算依家香港巿道噤差, 入到九記都客滿, 好彩剛剛有食客埋單, 唔洗等位.一入餐廳第一個感覺係待應服務態度好好, 待應妹妹好熱情.打開個餐牌即刻知道點解噤旺場, 因為好多小菜都係其他餐廳無提供!第一係鵝紅.第二係薄殼.所以估計老闆係潮州人.另外再點咗酥炸豬大腸同鵝腸.一碟酥炸大腸內有兩種炸大腸, 有膏同無膏都有, 我比較中意食有膏, 皮脆內軟有少少油香, 滿意.自己唔多中意點辣油, 因為自己唔好辣, 食鵝腸係唯一例外! 而九記嘅辣油又辣得洽到好處, 配合埋一齊, 完美!鵝紅同薄殼都係第一次食, 鵝紅入口同豬紅無太大分別, 最大分別係鵝紅更加入味, 我中意味濃, 所以哩碟鵝紅更啱我胃口.相信接近季尾, 所以薄殼比較細, 但肉質鮮嫩, 極有潮州風味!其實九記重有好多人無佢有嘅潮州菜, 不過肚腩空間有限, 下次再黎過!食完之后係餐廳門口煲煙等巴士, 見到貼係餐廳門外嘅相, 先知道原來頭先招呼我地果位熱情小妹妹係老闆黎架! 所以話人不可以貌相! 切記!

在尖沙咀要食打冷小菜就會想起這家店鋪門面像一般茶餐廳一樣 門面需簡單但食物不錯去的時間是晚市 只剩下幾張桌子 幸好不用等位·炸生鮮蝦 HKD$78 一送菜就傳來陣陣香味 蝦殼被炸到脆卜卜🤤還有很香的蒜蓉 蝦肉質挻彈牙 而且份量很多·潮皇雞(例牌) HKD$88 這個真的是例牌來嗎 送餐來的時候看到呆了雞肉很滑身 味道有點像沙薑雞 很快被我們食清光難怪是小店皇牌食物 我挻喜歡這個味道😋😋😋·豉椒炒蜆 HKD$96去打冷/大排檔必點食物之一 我和家人很喜歡食味道微微的辣味挻惹味 而且很大碟挻新鮮的肉質·菠蘿咕嚕肉 HKD$96這個小菜很久沒有食了 味道酸酸甜甜挻開胃夏天食這個最好不過 再用來拌飯簡直是一流❤意想不到在尖沙咀會有價錢不太貴的打冷小菜以尖沙咀來說這個價錢算是不錯 性價比挻不錯

滷味絕對是男人至愛，得閒同朋友去食返個滷味，飲杯啤酒，真係人生一大樂事。汕頭沙薑雞餐：沙薑雞醃得入味，雞肉嫩滑，又不會有肉雪味，雖然不是新鮮雞，但處理得不錯。滷水豆腐拼滷蛋煮得入味又不會過咸，加上清新的紫菜湯，幾十蚊一個人都好足夠。滷水拼盆：樣樣滷味都有齊，爽彈的墨魚、爽脆豬耳、紅腸及豆腐等等，送啤酒一流。南乳雞中翼：雞翼炸至外皮乾身脆口，表面灑上炸香蒜，有淡淡的南乳香，外脆內嫩，十分惹味。淨牛雜：牛雜有腸、肚、肺、膀，妏得夠腍又入味，下面還以生菜墊底。

每次放工經過這間九記潮州滷味店，見到佢門口掛住的一隻隻獅頭鵝就食指大動，今晚放工就同老公兩個人過去食個晚食。晚市有套餐都要幾十蚊起，亦有多款小食及滷味。鵝件(例牌)這裏最出名一定是獅頭鵝，連骨上的鵝肉比鵝片有咬口，可以食到滷水的味道滲入骨內，鵝肉既香又腍，下面則以滷水豆腐及花生墊底。凍烏頭餐牌上寫時價，問一問原來都是百多元，即刻叫了一條，烏頭肉質結實，未到冬季，黃油不算豐富，魚肉雪白，加上特製的黃豆醬，帶起魚肉鮮味。蠔仔粥每次食滷味一定會叫蠔仔粥，蠔肉粒粒脹卜卜，新鮮有蠔香，加上冬菜等味道，整體鮮味十足。

天氣真係好熱，好適合吃潮州打冷，有時行經尖沙咀 ，都好想試佢嘅潮州菜，今日喺附近做完facial，約定老公今晚放工來吃。入門口已經見到潮州嘅凍食海鮮，各款滷水非常吸引，點了一條潮州凍食馬友，老公想食鹹菜豬肚煲，仲有佢最鍾意嘅蠔仔粥。潮式凍食馬友配豆醬，馬友好新鮮，肉質好鮮甜，沾少少豆醬更加突顯魚的鮮味，錦上添花!。鹹菜豬肚煲~ 鹹酸菜好爽口，豬肚份量都唔少，有口感但唔韌，個湯嘅胡椒味辣辣地，十分醒胃。蠔仔粥(碗)，好大碗， 大量蠔，脹卜卜，好新鮮，師傅仲加咗魚乾， 增添成個粥嘅海鮮味，老公食到舐舐脷。澄海獅頭鵝套餐亦包括湯,飯,好抵食!澄海獅頭套餐~ 包括白飯一大碗及紫菜豆腐湯，獅頭鵝鵝肉鮮嫰，加埋滷水豆腐同花生，鹵水汁味道香濃甘香，整個套餐嘅性價比非常高!