餃掂快線

Open Now

Now Closed

今日同老公去咗金鐘參加一場品嚐巧克力活動後，就係金鐘搵食。金鐘大部份餐店價位高，幸好竟然俾我見到間「餃掂」，係今個月新開的，價格合理，岩我哋。環境光鮮企理，光猛明亮，全部都好新淨。座位數目中等，坐得舒服。餃子共有十多款，其中有兩款新品。灼、煎和湯三種烹調方式，仲有外賣生餃子。另有手工雲吞、麵食、前菜小食、湯、飲品和特製品。店員俾咗一小碟酸蘿蔔($0)，酸咪咪又爽脆，醃得入味，越食越開胃，好適合做開餐前小吃。次次都要招牌龍鳳松茸雙湯餃配狀元九鼎湯($92/8隻)，今次都唔例外。熱辣辣嘅狀元九鼎湯($0/跟餃子) 足料炮製，好鮮香，味道濃郁，飲完好滿足。餃子大大隻，鮮香嘅豬肉無肥膏，配了不少爽口嘅松茸或幽香嘅黑松露，好矜貴，鮮香美味。另一款揀咗煎大滿貫素餃($58/7隻)，隻隻金黃，好靚仔! 即點即煎，熱辣辣，外皮香脆可口。饀料有黃豆乾、中芹、冬菇和紅蘿蔔粒，色彩和口感都好豐富，芹菜味突出，幾特別!仲點咗兩款小食，有夏日推介嘅涼拌爽脆白菜絲($26)，又真係好爽脆，仲幾香辣惹味，刺激味蕾。黃金原味皮蛋($30) 金金黃黃，係溏心，好靚仔，又黏又彈，不錯！大家都要自家製熱蜂蜜檸檬薏米水($2

🥟🥟🥟喺餃掂只係得太子一間舖頭嘅時候，我已經好鍾意食呢度嘅餃子，我覺得真材實料個湯又好好飲，所以到到今時今日開咗咁多分店我都一直有去食。前排發現金鐘開咗間新分店我真係覺得好開心，因為近我公司可以多啲去食。😔😔😔但係有一日我去金鐘呢間分店叫咗10隻湯餃子，當我咬落第一粒餃子嘅時候發現啲肉好軟，有啲似咬落啲刺身度嗰種軟嘅感覺，常人都知道食咗生嘅豬肉🐷🐷係會生寄生蟲🦠🪱🦠，所以我都好驚🫨🫨即刻吐返出嚟睇，我見到中間啲豬肉係粉紅色透明🥩嘅，所以我就問樓面一個戴眼鏡嘅阿姐啲豬肉其實熟咗未，我係完全平心靜氣咁樣講嘅，亦都唔係投訴，純粹係好怕食咗啲生嘅豬肉，跟住個阿姐就係咁話佢哋啲餃子係用新鮮豬肉做，所以熟咗都係粉紅色嘅，粉紅色嘅豬肉係熟嘅一定係熟嘅，跟住佢就成碗拎返入廚房叫廚房再煮耐啲，所以我都影唔切相做record，跟住我就聽到廚房個阿姐好大聲咁嗌出嚟話佢煮咗成5分鐘，所以啲豬肉一定係熟嘅，而且粉紅色嘅豬肉都一定係熟嘅。😭😭😭😭😭😭😭😭😭😭😭😭😭😭😭之後，另一個樓面扎住一條長馬尾說話有鄉音嘅好肥阿姐，佢就一路好惡咁啤住我一路行去我隔離張枱度執枱，佢一路執隔離張枱嘅時候仲特登擰返過嚟啤住我，係咁不

見到佢做裝修就已經期待，終於附近有餃子店！已經嗌咗好多次，4款餃子最愛係雲耳椰菜豬肉餃，其實4款都絕對足了，小資女們食7隻都夠晒作為一個lunch! 試過2個女仔食10隻湯餃 + 冷麵，一樣咁飽👍🏻價錢係附近黎講都好抵食最正係個湯，完全食唔到味精，飲成碗都唔口渴絕對係無限encore 之選

平時如果唔係好肚餓，但係又夠鐘食野的話，我通常都會選擇食餃子 🥟呢間餃子店而家開到周圍都係 😂 我仲記得我第一次食係銅鑼灣分店，搞搞下連公司附近都開埋 😂金鐘寸金尺土，鋪面預左係細架啦！好好彩我今日係下午茶時間入黎，唔洗排隊 ✌️我本身想叫龍鳳松茸雙湯餃（好誇張既名 😂），但係店員當時話得返黑松露餃咁我就叫左黑松露餃8隻湯上等緊餃子既期間，店員送左一小碟醃蘿蔔比我意外地好味 😋 醃製味唔重（我好怕好鹹或者好酸），爽脆同埋輕微酸酸甜甜 😄另外仲叫左個山楂雪梨水 🍐原來$20都幾大支，飲落去就知好足料，甜度亦剛剛好因為天氣凍，我問店員有無得揀熱飲，竟然有！十分貼心 ❤️呢度既餃子食開，都係品質保證架啦！尤其可以見到每隻餃子既size都大大隻，而且好飽滿，咬落去淡淡肉呢隻黑松露餃子好在就係黑松露份量落得剛好，唔會太搶最鍾意係佢個湯🥣 粉葛魚湯好呀，滋補祛濕～而且你係飲得出零味精，好似屋企煲出黎既湯咁，放心成碗飲曬 😄

韭菜餃（10隻）首先韭菜餃皮夠薄又彈牙，韭菜嘅香氣喺咬開嗰一刻爆出嚟，餡料仲混咗啲豬肉，汁多而唔膩，比例啱啱好，而且湯底好濃郁又有鮮味，絕對唔係平時其他舖頭嗰啲味精湯底！🧄芫茜餃（10隻）至於芫茜餃咬落感受到將芫茜嘅清香，但又唔會太勁，就算我朋友唔係特別鍾意食芫荽都覺得幾好食，舖頭有獨家秘製嘅醬汁，沾少少食辣得黎又惹味！🌿香煎軟心芝士餃（10隻）講到煎餃子，就一定要推介香煎軟心芝士餃。呢款餃子煎到金黃香脆，咬開嘅時候芝士就會溶化流出，勁邪惡！芝士唔會太膩，又帶少少鹹香味，真係啱晒芝士控！🧀自家制山楂雪梨水（支）飲品方面，餐廳有自家制嘅飲品，我地點左山楂雪梨水，唔係一般市面果啲太甜嘅糖水，佢甜度啱啱好，仲帶有一陣酸酸甜甜嘅果香，山楂嘅酸味可以解膩，飲落非常清新。🥤蜜餞雞翼（5隻）最後點左蜜餞雞翼，雞翼外層刷咗一層蜜餞醬，帶有輕微焦糖香味，仲有陣陣蜂蜜嘅甜香。雞翼肉質鮮嫩，咬落去啲汁會喺口腔爆開，味道鹹中帶甜，好有層次。🍗

今日下午12：50分入座落單一碗芹菜湯餃，13：20分先嚟，我就用5分鐘食完。坐對面嘅小姐，12：38分落單，13：20分都仲未見。。其間叫過職員跟跟，但都無用。。樓面一個坐收錢櫃面，2個全力以赴包外賣，1個執枱，抹台，落單兼送餐到桌。。如果午飯時間得一個鐘，就唔好食呢間。。

餃掂一直都係我最愛嘅餃子餐廳之一，最近佢哋喺金鐘開咗新分店，名叫餃掂快線~以為專注外賣，冇諗到堂食環境同樣舒適，仲有好多位~ 幾合適食quick lunch/ dinner~菜單同其他餃掂一樣，選擇多元化首先叫咗「龍鳳松茸雙湯餃」。呢款餃子用咗黑白松露，個人認為白松露味道更加濃郁，令餃子嘅層次感更強!配埋無添加味精嘅狀元九鼎湯, 有淡淡粉葛及紅蘿蔔嘅甜味～「韭菜豬肉煎餃」韭菜味道十分突出，配搭豬肉，好fresh~外皮煎得金黃酥脆， 咬落去即刻感受到香氣四溢~ 感覺好健康~最後，唔可以唔提「日本龍鳳蛋（配黑白松露醬）」呢個流心蛋真係幾有驚喜，蛋黃煮得剛剛好~搭配黑白松露醬，口感層次更上一層樓~! 正!值得encore~~

餃子係我中式comfort food，每次想食餃子都會諗起餃掂，佢地既松茸餃真係食極唔厭，我2016年第一次食餃掂，已經開咗八間分店，最新分店開咗喺金鐘。金鐘新店嘅裝潢同之前分店差唔多，餐廳名字叫餃掂快線，上菜的確非常快👍🏻- 涼拌白菜絲口感爽脆，味道香辣惹味，有開胃作用。- 香菇雞肉煎餃餃子足料大隻，外皮煎得非常香，食落唔油膩，雞肉餡料伴隨香菇獨有香味，整體好健康。- 重慶鮮肉雲吞$44有12隻，肉餡多汁鮮嫩，今次叫左唔辣有啲後悔，都係辣最對味🤣- 龍鳳松茸雙湯餃平時食開煎餃，不過今日有啲熱氣所以叫左湯餃，味道仍然出色，外皮厚薄適中，每一隻都脹卜卜，味道方面無論黑松露定白松露既香氣同味道都好突出。湯餃既湯底係狀元九鼎湯，味道清甜無任何味精。飲品方面，我地叫左豆漿同山揸雪梨水，兩杯都好好飲👍🏻

今日又去左encore餃掂, 原來金鐘都開左分店, 質素一樣咁高咁好味🥹店員仲好好人送左一碟前菜比我地試，overall醋味勁出，好開胃龍鳳松茸雙湯餃每次必點龍鳳松茸雙湯餃, 餃子餡非常飽滿, 黑白松茸同豬肉味道balance得好好, 跟一碗跟狀元九鼎湯, 係用粉葛、鯪魚、鯽魚、排骨同赤小豆等慢煲而成, 清清地但完全飲得出好足料, 天氣凍整番碗最岩✨粟米豬肉餃然後第一次試粟米豬肉煎餃, 入面勁多粟米粒, 餃子係即叫即炸所以外皮好脆, 重點係唔會好油, 而豬肉就keep到少少juicy上海淨麵另外點左碗上海淨麵, 都係第一次試幾有驚喜, 湯底都幾濃應該係加左醋所以微酸, 而麵條就煮得岩岩好彈牙, 唔好睇細細碗其實麵嘅分量都幾多, 配餃子非常夾👍🏻自家製山楂雪梨水飲品點左一支自家製山楂雪梨水, 支野好多渣沉底, 足料🤣 味道好fresh酸甜適中, 山楂會比較出啲, 唔單止開胃仲可以幫助消化

餃子一直都係至愛嘅Comfort food。今次又推薦另外一間我鍾意嘅餃子店先😎餃掂你分店唔少，近日喺金鐘都開咗一間新嘅分店，叫做餃掂快線。個名有少少唔一樣但係menu幾乎都係一樣👌🏻不嬲都係比較鍾意煎餃多啲，今日就試咗特色款式，同埋平時好鍾意點嘅壽喜燒牛肉餃🥟🤤🥟龍鳳松茸雙煎餃 (8隻$98）🥟煎壽喜燒牛肉餃(7隻$58)🍄‍🟫鍾意食松露味嘅人，就可以試吓呢個松露餃😋松露味好突出，再配埋喺餃子入邊，估唔到味道都可以咁夾🐮壽喜燒牛就有啲好似日式同中式Crossover感覺一樣，好有特色🙃煎餃食得出師傅係用心煎，因為呢啲都要需時控制火爐，咁先至可以食出去皮薄餡靚嘅新鮮做起嘅餃子👍🏻呢間分店下午時段通常都人流比較多，但如果想靜靜地食嘅話就可以選擇傍晚嘅時候去👏🏻