餃掂手工餃子雲吞專門店

一直在界限街果間餃掂買開十分好味，今晚shopping 路過見到這處新開張，因為已吃過飯，所以只買了一個淨湯回家，可是只是一碗湯+水，十分之失望及激氣，品質相差如天與地！沒有下次幫襯

我一向鍾意食餃子 你話餃子餡料重要？唔淨止嘅 ～呢間店比一般餃子店高一個檔次呀😎餃子浸落湯夾起時皮唔易爛而且有咬口 非一般餃皮👍🏼係特別嘅原來所有餃子湯低都係葛魚湯 真心講 清甜～😋（飲X晒）😛今日我第一次嚟 食咗個芫荽 大白菜雙拼湯餃，喂～芫荽餃好得woo, 好特別👍🏼👍🏼👍🏼食得出芫荽新鮮無苦味，白菜餃都好得 食到大白菜甜味👍🏼今日埋單$61 ，雖比一般店舖貴但淨睇佢個湯都值20蚊圍起每隻餃都只係4蚊左右 加上餡料好新鮮，心諗 有幾多間餃子店可以連湯都飲晒架所以做食唔難，用好食材有心去做食先難，難得！呢間店 值得推介😉

高質餃子專賣店最近開分店開到入來寶琳新都城啦😍😍😍湯壽喜燒牛肉餃$72/10pcs🍲充滿日式風味，隻隻都好飽滿。牛肉味道濃郁，壽喜燒味有存在感，好有驚喜，而且好juicy😙但個狀元九鼎湯底簡直不知所謂，要鹹唔鹹，純粹普通蓮藕湯味，仲要係無落其他配料個隻蓮藕湯😒煎元貝豬肉餃$67/10pcs🥟豬肉配元貝我都係第一次食🐚元貝好香~整體保持juicy，餃子皮煎得幾香煎野生松茸素餃$75/10pcs🥦本身想嗌大滿貫素餃，點知已經賣曬，睇來應該好好食🤔

行過見到，之前從未試過，見到有四川涼皮，買返一碗外賣。首先見佢即淥個粉皮，然後阿姐踎喺地下用盆水過冷河(衛生方面好唔掂喎)，跟住個粉皮就只落花生同埋辣椒油加幾粒鐘蔥(有啲青瓜絲墊底)成個粉皮只有辣椒油味，係咁多。

呢一間餐廳真係完全冇加味精，連埋個湯底都非常之好飲！今次我就叫咗10隻韭菜豬肉餃啦，簡簡單單嘅韭菜豬肉餃都可以整得咁好食！而且呢度嘅皮真係好薄，咬入口嘅時候見到滿滿嘅豬肉！仲要湯汁都好好食！而且10隻豬肉餃都只係$54 ，絕對係非常之抵食嘅

🤎餃掂🤎好開心玩FlowChurch呢個日日餃住你Challenge嘅時候，係寶琳竟然開左間新嘅手工餃子雲吞專門店🥲呢間手工餃子店有12款餃子選擇，每款都可以揀7隻or10隻，另外佢每款都可以揀煎餃或者湯餃。佢有3大類別： 🤍粟米豬肉餃 $49/7隻真心覺得餃掂嘅煎餃好出色，每一款都煎得好脆，而呢一個粟米豬肉餃，啲料好足🤍野生松茸素餃 $58/7隻自己覺得呢一隻唔係好勁松茸味，淨係食到韭菜味，所以我覺得唔係好值得試🤍香煎軟心芝士餃 $57/7隻呢個軟心芝士餃又係勁正，呢款得煎餃，無得用湯餃。佢入邊有芝士同粟米，啲芝士勁流心，真心欣賞。