餃掂手工餃子雲吞專門店

近日天氣好熱冇胃口食飯，今日就去食至愛嘅餃子我叫咗個雲耳椰菜煎餃子同一支冰凍嘅山楂雪梨水 餃子外皮煎到脹卜卜好脆裏面充滿肉汁又多餡料，山楂雪梨水酸酸地又唔太甜好啱又濕又熱嘅天氣…爽呀 仲有自家製嘅醃酸蘿蔔好好味夠爽脆😋

今日去左新都城"餃掂"食晚餐，一聽個名就知食餃子啦。餐廳格局好得意，餐廳形狀似彎月，位唔係太多，但坐得舒服。我都幾鐘意食餃子，鐘意有好多唔同口味，呢度既餃子全部人手包，全部都大大粒。龍鳳松茸雙湯餃 92今日出糧，食餃子都可以食好啲，就揀左呢款雙口味，白松露餃加黑松露餃，黑松露香味濃郁，白松露就清香啲。呢個仲跟個狀元九鼎湯，用左粉葛、鯪魚、赤小豆等等去煲，徤康有益，係無味精架。食完湯餃再食煎餃，煎得好金黃，好脆口。煎莞茜豬肉餃 57鐘意莞茜味，夠唒香。煎芝士粟米豬肉餃 52滿滿芝士超邪惡。麻辣松花皮蛋 25流心皮蛋，個調味好正。

記得呢間餃掂最開始都係得太子2間分店，依家愈開愈多😳連屋企附近都有！作為餃控點忍呀🥺😍至尊松茸餃 $80👀叫咗中size～湯餃會跟一碗狀元九鼎湯！飲落好舒服順滑，冇味精喔🫣佢哋嘅餃子啲餡脹卜卜，入面係粉嫩嘅豬肉，店內本身嘅甜豉油同辣菜脯都好食✨8隻都好夠飽了～😍龍鳳松茸雙煎餃 $98👀煎餃更香口～同埋兩面都煎到金黃酥脆～令人胃口大開🤣🤣入面有好多黑松露醬🥰如果本身中意食黑松露嘅非常推薦☺️😍蜜檸薏米水 $20👀甜中帶甜，有啲薏米做咬口，幾好飲～

最近屋企附近新開左間餃子店，餃子一直都係我幾中意食嘅食物，呢間手工餃確實唔錯。🍴香煎芝士軟心餃 十隻 $68價錢雖然比一般貴，但幾驚喜喎，入面有好多鮮甜嘅粟米夾豬肉，芝士醬幾香濃，加落粟米豬肉估唔到咁夾，值得一試。🍴芫茜豬肉餃 十隻 $65芫茜熱潮下呢到都有茜食，做餡料味道唔會太搶，豬肉大大舊。🍴四川涼麵 $30天氣熱最啱食涼麵，過冷河後麵質彈牙，下次會叫中辣更過癮。🍴蜜餞雞翼 五隻 $32甜甜地好開胃，有住家味。🍴餃子麵 併雲耳椰菜餃 $55清清淡淡，水餃脹卜卜，呢個款式都唔錯。

又黎到Happy Friday, 我哋兩公婆近近地去將軍澳食個飯。我成日都同老公講想自己包餃子食，但得到既回應係：「自己包仲貴過出去食！」所以我今日要食餃子😁依間店好多不同款餃子，有選擇困難症既我就將重任交俾老公，先送碟醃蘿蔔、酸酸甜甜好爽脆，又開胃😊佢點咗：野生松茸素煎餃$58滿滿既松茸和雲耳、炒過特別香既韮菜，濃濃既田園氣息，味道濃濃竟然可以與肉餃媲美，真係令人驚喜。元貝豬肉湯餃配狀元九鼎湯湯底清甜濃郁、真材真料！湯煮餃子食到佢皮滑，元貝浸出淡淡咸香，豬肉新鮮既肉味同元貝好夾呀👍🏻香煎軟心芝士餃煎得超香脆又唔焦，一啖咬落去、超濃郁芝士味，配著粟米粒既口感，正呀！四川涼麵（小辣）花生碎、蔥花鋪面，加埋麻醬，令平凡既涼麵條一點都不平凡！麻醬和花生碎令面條口感和香味倍增！惹味唐芹拌豆筋豆筋豆味香濃，辣得黎夾著芹菜香，芹菜爽口微辣，依個配搭不得了👍🏻麻辣松花皮蛋帶點流心既皮蛋香滑之餘，帶著蔥香，麻辣既蔥味，口感豐富～依度啲餃子即叫即煎非常新鮮，佢既小食非常惹味好岩夏天食😋另外，佢依度既醬料好有特色，鐘意食辣既一定不應錯過佢哋既 「菜脯豆豉醬」同埋「四川麻辣醬」老公話自己包餃子，不如出去食！

喺寶琳搵朋友食飯，經過新都城中心，見到開咗一間新嘅餃子店，我呢個餃子控就提議食呢間餐廳啦。呢度嘅格局都幾特別，沿着電梯有一個弧形，座位唔算多，今日平日就冇乜人。叫咗最出名嘅松茸餃和龍鳳餃，配狀元湯。餃皮幾簿，所以都明顯分得出黑松露和松茸餃，餃子啖啖都係肉。黑松露餃就比較濃香，松茸就比較清香，有幾款醬料揀，但我覺得反而咩都唔點，先突出佢嘅松茸香，我幾鍾意黑松露餃。狀元湯都比我想像中好飲，係清甜嘅粉葛魚湯，飲完唔會口渴，完全唔味精。另外叫咗四個小食，小食每款三十零蚊，都幾抵食。四川涼皮和皮蛋都唔算辣，食得辣嘅朋友可以叫中辣或者大辣，相信會惹味D龍鳳蛋係黑松露+松茸，同餃子一樣，香味幾好。一杯山楂雪梨水下火。今餐都幾滿足，兩人$250左右，可以試到咁多樣嘢食。

突然好想食餃子，見附近有餃掂就緊係要食。呢到有好多唔同款既餃子，岩哂唔同口味既人食，有煎餃又有湯餃。我就叫左個至尊松茸餃，見到好多人都有食，松茸既味道好清香，而且清而濃郁，甚至濃到同肉既味道相映成趣，好足料。 呢個元貝豬肉餃好足料，食落每啖都有爽口既口感，再混合埋豬肉腍身既口感，夾得嚟又得意。 呢個韭菜煎餃都係煎得好香，加上入面既韭菜好多汁，好有油香，食落好香口。 一定要推薦香煎軟心芝士餃，呢個芝士餃價錢唔貴，但質素絕對係非常高。餃子入面既芝士好多，每啖咬落去都會爆哂出嚟，感覺好正。最重要係煎得好香脆，而且送上枱既時候仲係熱辣辣，咬落芝士味更加香濃。

話說咁啱泥開將軍澳整嘢，知道“餃掂”有分店係樹，我作為餃子怪，當然要試下啦，哇…一試，忍唔住要讚一讚。我經常去開灣仔，西環店幫襯，出品水準好有保証，餡料，湯料用每日新鮮豬肉制作，最正係無味精；尐小食好好食，醋汁和食物醃製時間非常好。今次泥到，可能太肚餓，點了芫茜湯餃，雪梨水，一飲湯，wow....味道有少少少少分別，濃郁左，清甜左，魚同粉葛味好出，，再食餃子，硬係覺得有好香的豬肉味，皮面煙軔，粒粒漲卜卜，大大隻；再飲埋個雪梨水，無得彈。食飽後我細細聲問個個靚靚姐姐，係咪妳哋尼間好味尐咖？佢就好有禮貌帶點自豪地講，“點會吖，我哋老闆經常親自到店鋪巡視，食果尐食物咖，間間一樣咖啦！” 讚地方整潔，唯一是人客坐位可能有多少進步空間少少意見

餐廳位於將軍澳區，鄰近地鐵站附近，從寶琳站步行過去只需要五分鐘左右，餐廳位於大型商場之內，地理上十分方便快捷。重慶鮮肉餛飩，味道不錯，份量十足，最愛就是他的湯底，充滿重慶的感覺，辣味十足，但最重要這是一種田園的辣味。另外，鮮肉餛飩，口感不錯，每一口也是鮮肉，也在享受肉類的鮮味，不會血腥，但充滿肉質的口感，肥瘦均稱。四川涼麵，辣汁出色，麵的軟硬度剛好，十分喜愛，自由配搭份量，因應自己的需要加入，更能帶出獨特性。

寶琳呢度新開間餃子店，呢間係香港有咁多間分店嘅美味餃子，仲要都開到嚟將軍澳呢邊。舖頭位置非常方便，喺新都城嘅天幕隔離。門面非常容易搵到。呢間餃子店最出名嘅就係佢嘅松露餃，所以今次嚟到都一定要食佢！叫咗一份龍鳳搞，四隻係白松露，四隻係黑松露，煎得非常香口美味。都係鍾意食煎餃多過湯餃，所以另一款都叫左煎的豬肉餃子。另外都叫一份小食，係一份皮蛋仲有一碗湯送添，雖然唔使錢，但係佢都好足料。最後影埋個環境俾大家睇，都幾大

今日經過寶琳新都城，咁啱見到呢間新開嘅餃子店，雖然係平日嘅晏晝，但都有唔少食客，餐牌上見到有好多款唔同嘅餃子，望落都幾吸引，所以就同朋友一齊去試下。我哋分別叫咗完元貝餃同松茸餃，兩款都叫咗煎餃，不過松茸餃就跟埋碗狀元九鼎湯，即係粉葛鯪魚鯽魚湯，飲落一啲味精都冇，非常有屋企嘅感覺。元貝餃煎得好香口，入口好多肉汁，入面有一啲金菇，都幾有咬口，亦帶有貝香，都幾特別。至於松茸餃就好有菇菌香味，味道好濃郁，再配上秘製醬料，食落都幾惹味。另外我哋仲叫咗個重慶鮮肉雲吞，雲吞嘅皮非常之薄，每一啖一粒咁，食得相當滿足。小食方面都唔錯，黃金原味皮蛋賣相好精緻，加上醬料一齊食，感覺好開胃。我就比較鍾意呢一個唐芹拌豆筋， 非常清新，我本身係一個唔鍾意食西芹嘅人，但呢一個小食味道相當唔錯，令人一啖接一啖咁食晒。

真的很喜歡吃餃子，最厲害的一次是一餐幹掉二十隻。現在新都城開了「餃掂」，讓餃子迷有多一個高汁的選擇，亦讓我的口腹之慾都可以「搞掂」。至尊松茸豬肉餃 (湯餃子 8只) $80餃子外皮透薄，但夾起時又不易破掉。內餡是滿滿的松茸及豬肉饀。全店的餃子標榜用新鮮豬肉製造。豬肉顏色粉嫩，證明新鮮程度滿分。肉質彈牙鮮味，完全沒有坊間某些餃子的雪味和豬肉羶味。另加入了松茸這種珍貴的食材，有豐富的營養價值，吃餃子也能養生。松茸有菇菌的爽脆口感，汁水豐盈。松茸跟豬肉，一葷一素，一軟一爽，味道平衡，吃完一頓餃子都不會感到膩滯。隨餃子另附上松茸醬及菜脯豆豉醬，松茸醬的味道有點像香樁醬，為餃子加添多些鹹鮮。龍鳯松茸餃 （黑白松露）(湯餃子8只) $92「龍鳳」即是兩款黑白松露。店方毫不吝嗇地加了很多黑松露醬在餃子餡當中，多到可以從餃子皮透現出來。味道非常香醇，混合松茸後，菌香味倍增。想不到黑松露除了可以配搭意粉外，跟餃子也是相當匹配。白松露比黑松露更珍貴，但個人覺得黑松露餃的味道比白松露突出。點選湯餃更會附上一碗狀元九鼎湯。名字非常「架勢堂」。其實就是粉葛鯪魚赤小豆湯，湯水呈奶白色，質感帶點濃稠，真材實料。粉葛

我同女友都係餃子控，最鍾意周圍去搵好食嘅餃子～我們分別叫了幾款煎餃及湯餃～首先要讚一讚呢度嘅煎餃子！係兩面都有煎到金黃薄脆，令口感更加豐富😍香煎軟心芝士餃 7隻 $57 我地除了係餃子控,所有芝士嘅嘢我都唔會放過，呢一款餃子就正正啱我口味～餃子外層香脆，內裏有流心濃郁嘅芝士，配上新鮮彈牙豬肉，味道恰到好處又有口感👍🏻👍🏻👍🏻龍鳳松茸雙煎餃8隻 $98 想不到煎餃和松露可以如此搭配～我比較鍾意食黑松露，味道非常濃郁，很惹味女友就鍾意食白松露，味道鮮甜，仲食到一絲絲野菌元貝豬肉餃麵$63湯餃子又是另一種口感～咬下去比較爽甜元貝清甜～與豬肉十分搭配上海麵幼身有嚼勁配有芫荽及香蔥，令湯底更加香～調味料亦很豐富～另叫了一款小食-黃金原味皮蛋 $28望到這個菜式外觀好吸引，已經好想叫😍皮蛋晶瑩剔透，入口鮮甜，蛋黃煙韌👍🏻👍🏻👍🏻女友本來就唔食皮蛋嘅，係我鼓勵下都嘗試了，仲竟然食咗幾舊添，因為沒有了普通皮蛋的腥味，所以更容易入口推介俾本來唔食皮蛋嘅朋友們～～自家製山楂雪梨水$20雪梨水甜度剛好，入口清甜解渴～食完咁多煎餃，確實是清熱解膩之選總括而言，呢一間餃子每一款味道都精益求精～鹹甜適中！小食亦

得知將軍澳新都城開了一間新的餃子店，所以今天跟友人經過就特意去試下。聽說他們的從容校非常好吃。打開餐牌有很多不同的餃子選擇，不同餡料可以選擇不同製法，湯或者煎餃也可，而且款式非常多，非常難決定選哪樣吃好。 最後選了龍鳳松茸雙湯餃配狀元九鼎湯及元貝煎餃。龍鳳松茸雙湯餃配狀元九鼎湯$138一次過可以嘗試兩種美味，想不到黑松茸餃非常多松茸，配合豬肉味道非常濃郁。另外白松茸餃沒有這麼濃，但是味道也十分突出，適合一些喜歡淡味一點的人士。元貝煎餃＄67元貝餃味道相對沒有這麼濃，可是原本味道非常新穎味道有點像金菇。餃子入面的元貝肉不小，十分足料。 蜂蜜檸檬薏米水$20

作為將軍澳人，一向都知道呢頭冇乜嘢好食，突然有日發現喺寶琳呢度開咗餃子店，梗係即刻要來試吓！環境👍🏻👍🏻👍🏻👍🏻呢度嘅店舖唔係好大，所以如果真係想食嘅就早少少過嚟啦～今日我去既時間大概係兩點幾，所以都唔算係特別多人，lunchtime既話應該都要等一等。不過佢好在所有位置都唔算迫，都坐得幾舒服架。食物👍🏻👍🏻👍🏻👍🏻叫咗黑白松茸龍鳳餃，估都估唔到竟然會喺餃子入面見到黑松同埋白松，但係食落口兩者都配合得好好，肉唔會搶奪左松茸嘅味道，食落去亦都非常平衡。由於我叫蒸餃，所以有一碗老火湯送。湯味道清淡，飲到係好足料，嫌淡既仲可以自己落鹽添。今次仲特別叫左份雞翼，味道偏甜，鐘意食蜜糖既就岩哂啦。飲品方面都係行養生路線，味道好解膩，食完煎餃飲就岩哂啦！