麵館皇 (Closed)

今日聚餐，有位同事上網搵左幾間餐廳提供我們選擇，我們選擇左麵館豬軟骨煮得好香，聞到生抽和老抽味，飄逸一陣陣鎮江醋，軟骨好容易咬碎，真是連骨都可以食埋口水雞肉好嫩滑，好香醬汁，小心雞肉會有黑印，如果見到有黑印，可以要求侍應換過，他們立即幫我們換過，態度友善對待擔擔麵偏辣，可以加入湯汁，有濕濕感覺，要食得辣才叫這餐，但好好味跟餐送豆漿或茶

冬天食呢間啲麵最正見住啲湯麵滾住過黎，掂到個碗都「辣」親呀我最鐘意食手幹麵，因軟硬度最岩我刀削麵就太硬了，米線果啲又無咩特別佢個湯底好甜，但有啲藥味的，本人不抗拒的，所以要行10分鐘都好，個個星期都至少一次我食親都係口水/醉雞，因對比其他選擇，好似較低脂咁（唔食皮）另外就係份量啦，都幾大份嫁，次次食親都有雞肶添醉雞的話，都好入味，我唔太好酒，都唔覺得難頂，而係好欣賞佢嘅酒香如果係口水雞，則係有麻香，唔辣的（我覺得）不過佢啲麵嘅份量時多時少咁統一番啲就好啦仲有檸茶都幾澀

我本是登龍街長期Fans,知道「面館皇」新開分店，決定去支持一下！首先職員態度勁差已經算數，再講食物，我點了一碗糖醋魚配刀削麵，漏單已經算數，等了20分鐘追了又追，終於來到，送上一碗的糖醋魚，（汁超稀，淡而無味）超難食！同登龍街那間差不遠，我絕對不會再來！

唔知大家中唔中意藥膳湯/肉骨茶呢？😍我個人係十分大愛藥材味既野😂無原因的... 同事推介我去呢間食，當然要去試下啦～👉🏿✨麻辣口水雞配拉麵 Hkd 56 💸 有埋野飲📌上菜速度好快，係用石鍋裝住，keep住熱辣辣😍藥材味十分濃郁！飲第一啖超級滿足，濃濃的藥膳味，好健康又養生！📌佢個口水雞大到驚人，應該有半隻啦，食個時唔覺辣，食完之後啲辣慢慢滲出黎，好過癮🤤多數都係雞胸肉，冇乜骨，懶人恩物👻而且個汁酸酸辣辣超開胃！仲會有啲黃瓜仔，超抵超大份呀👍🏿

Went for dinner. First thing first, their menu is really confusing. I wasn’t sure if it’s trying to be confusing so Ordered Ribs with noodle in soup, deep fried fish with veggie rice and their signature pan-fried dumplings. Ribs tasted quite bland, but found noodle to be ok. Noodle was all in different shape as it’s apparently hand cut noodle and I think that made it more chewy. Soup had quite strong herbal taste. Deep fried fish with veggie rice was fine too. Deep fried fish had not much textur

今次其實係第三次光顧呢間麵店。位於銅鑼灣區，價錢合理，份量足，重開到零晨，等埋男朋友練波後食就very good😉平日會叫嘅係麻辣口水雞藥膳湯刀削麵，但因為我喉嚨有啲唔舒服，就轉左叫醉雞。我個人認為麻辣係比較好食，麻辣料幾香。藥膳湯十分足料，濃濃嘅藥材味，每次飲完都會面紅紅喔。麵條無偷工減料，有咬口，不錯。我見到師傅喺廚房即叫即整的😍店員很友善的姨姨！坐得舒適！而其他食物也不錯，但不是特別突出，所以只附上圖片，不詳細提及😀但提醒一下，我曾經午餐到過這店吃，價錢平了，但湯是沒晚餐的好喔。這一點要留意一下。

相約好耐沒見朋友在銅鑼灣行街前,在麵館皇食下Lunch。 麵館裝潢設計簡潔,座位寬敞環境舒適。 我同朋友也是選擇【麻辣口水雞配藥膳手擀麵】附送飲品 這口水雞是雞腿位置,入口皮滑肉嫩又爽口沒雪味,可惜唔夠重麻辣香,但仍然 開胃。 這麵以鍋上台,可保溫度, 不易冷卻。 這手擀麵算薄身,麵質煙韌彈牙, 口感豐富,完全是我喜歡的口感, 吸收藥膳湯底, 味道不錯。 想不到這湯頭有淡淡藥膳味道,但味道稍顯略淡些, 如濃一點會更美味呢!

晚上同友人閒食去了一間食上海野的餐店叫了囗水雞刀削麵和酸辣湯麵口水雞份量算不錯,而且還有雞脾,又少少辣幾開胃而刀削麵的湯是藥材湯底味道不錯,反而Ｄ麵質就唔太岩我口味酸辣湯麵的材料不少,但加左麵底後反而不甚喜歡

平時一個人我都鍾意黎呢到食，除左因為唔算定價高，係因為好味同份量足知道係呢邊開左間新舖，當然黎呢到食，環境夠大夠舒服，食都安樂得多店員態度又好好多最愛食呢個藥膳刀削麵，每次黎都必點藥膳湯底夠濃郁，香氣四溢用上煲仔盛載，份量好多，食唔多野既我都唔係每一次都食曬，加入少許木耳絲蔬菜絲，口感更豐富刀削麵完全滲透藥膳湯底，口感又煙煙韌韌，十分好吃而口水雞更係我必點，不過唔食得辣既朋友就唔好試了，但味道係不錯的，而且大大碟惹味又夠辣，肉嫩美味而下面的青瓜夠爽脆又辣辣的，好醒胃，同樣好吃!

主打手擀麵同刀削麵，呢兩款麵同菠菜麵、年糕要加$3，其他選擇仲有好多，但唔使另加錢，例如麻醬冷麵、拉麵、米粉、米線或湯飯都有。麻辣口水雞$56 手擀麵+$3呢個麻辣口水雞，出色！首先，因為怕麻辣嘅辣度太強，店員提議麻辣醬分開上👍🏻👍🏻對於我唔辣得嘅程度嚟講，它堅麻、堅辣，堅香。其實幾惹味。。。如果食到辣會巧喜歡哦⋯⋯口水雞凍上，本身有點鹹味，就咁食都好味！雞件好多，$56蚊嚟講怕老闆會蝕本😅而且好食，因為雞夠滑，又多肉，正！滋補藥膳罐湯嘅手擀麵order完同朋友掛住玩電話，一陣子過咗無為意店員先端上手擀麵，突然聞到陣陣藥膳味先發覺麵已到，好香呀。個湯底重藥材味，食到咁上下d麵吸收咗陣藥材味；加上手擀麵本身都好滑，好食。唔好比它粗壯嘅外表呃到，其實它好幼薄，好透明易食😬

麵館皇在港有多間分店，之前在登龍街分店享用了一次午膳，雖然環境一般，但招牌麵食確實不俗。今次試試謝斐道的分店，店舖裝潢較新淨光猛，但服務及衞生仍有改善空間。 麻辣口水雞刀削麵是餐廳的招牌菜，麵食以燒熱的瓦鍋盛載，出品熱辣，在炎炎夏日需開大空調才不至吃不消！以藥膳罐湯作底，正中筆者下懷。就個人口味而言，加強藥膳的味道會更為吸引。 至於刀削麵本身，比一般麵食厚身及富咬口，掛上湯汁品評味佳。麻辣口水雞與湯麵分開盛載，醬油惹味帶辣，但不過火，加上絲絲甜味，就算不嗜辣食的朋友也不會有太大負擔。放眼雞件，份量豐足，味道嫩感也屬不俗。 熱奶茶奶輕茶澀只屬一般。 單計麵館皇的招牌麵食，值得給予一個笑臉，但計及員工的服務態度與食具的衞生情況，則只有 OK 評分。期待餐廳可留意一下！

今日同朋友喺銅鑼灣shopping，大戰完一輪早已飢腸轆轆，見到麵館皇好似唔錯，就決定係度晚餐。最吸引嘅莫過於店內主打的刀削麵同手擀麵，有「十大名麵」之稱，好快就決定到食乜！晚市套餐（$62）包一鍋麵配一款小食，而刀削麵、手擀麵均要另加$3。手擀麵麵的真身太讓人喜出望外了，大大鍋，熱辣辣，不斷冒緊煙。湯底有濃濃的藥膳味，不會苦，我很喜歡！至於麵質，手擀麵較薄身，口感煙煙韌韌，挺不錯。刀削麵刀削麵同手擀麵大同小異，分別在於比較厚身，適合喜歡有嚼勁的朋友。小食：口水雞肉質嫩滑，調味夠辣，連雞皮都食埋。麻辣牛展醬汁都在底下，撈一撈就超入味了！以呢個價錢食到咁嘅質素，麵館皇算是相當抵食，有潛質成為我在銅鑼灣的飯堂啊！

星期六晚上十點幾，餐廳內仲有三枱食客，我叫左個晚市套餐，裡面有好多配搭，有麻辣口水雞配米線 $62，加個酥炸小雲呑 $12口水雞份量多，而且麻辣香味絕不馬虎，個底有青瓜做配料。米線個湯底有陣藥膳味，飲埋個湯都唔會覺得太濃味噌，加上有菜，感覺好健康。反而個炸小雲呑就好差，賣相唔得，遠睇似炸雞軟骨，而且皮厚，食落去成口都係油，食兩三舊後寧願放棄佢都唔想勉強自己。整體黎講想簡單一個人食餐豐富既，呢度係其中一個選擇。

麵館皇一直都係我起銅鑼灣既飯堂，無論晏晝晚飯、晴天雨天、一個人定兩個人還是諗唔到食咩好，麵館皇都係我第一選擇，價錢平又有質素，重點我真係好好好中意食佢d麵一路食都係登龍街果間，原來開左新舖，就帶個未食過刀削麵既肥仔去試下七點左右未到peak hour，新舖裝修好有連鎖集團既feel 叫左必食既*口水雞手擀麵* 我最鐘意佢個藥材湯底，d雞份量又多肉質又滑！個麵一黎仲咕嚕咕嚕好滾！雖然好想快d食，但記住要等個湯冷靜d先好飲啊然後仲叫左*酸辣湯刀削麵*呢個我第一次試丫，果然刀削麵係唔會背叛我嫁，同酸辣湯一齊，好好味，睇下d麵幾有質感，厚度適中，中間又無生粉，好有口感Overall 成餐飯坐得好舒服，未食過既肥仔都話好食，新舖真係唔錯！水準一樣，以後除左登龍街舊鋪，又多個地方選擇啦

今日去信和見完個客，順便喺銅鑼灣食埋個 lunch 先返公司。諗住是亘食翠X攪掂算，比我經過呢間個招牌幾得意嘅 Noodleholic，就一於入去試吓。因為12:00都未夠，好彩都未有好多人，我一坐低就比佢個口水🐓手擀麵吸引住，二話不說就嗌咗份。口水🐓嚟先，D雞好大件，仲有D🥒墊底，都幾大份。雞好滑，肥而不膩，辣味夠晒，又香又麻。特別之處係加左豆豉，香味更加有層次，真係唔錯。個手擀麵嚟啦，我冇諗過咁大窩！一嚟到就聞到好勁嘅藥膳味，我問侍應，佢話係用咗莎參、玉竹、當歸同杞子煲成，唔怪之得咁香！啱晒我呢D鍾意食辣，又成日話要養生嘅港女！D麵都好彈牙，手擀嘅真係唔同。加埋D黑木耳、椰菜同大葱真係好鮮甜，成窩比我食晒。我食到咁上下都陸續有人入嚟，五六十蚊有咁多野食，食料又用心，真係好抵，繼續加油！