NORAYO K.Cafe (Closed)

我和朋友慕名而來，豈料一到門口就是長長的人龍，取籌號後，一等便是兩小時。店內環境有格調，裝潢別具風格，我和朋友餓得不得了，點了炒牛肉，辣炒年糕部隊鍋及蜜瓜冰。炒牛肉是少數不辣的餐點，一貫是甜甜的味道，配上炒雜菜味道不錯，份量也不算多。今晚的主角來了堆滿食物的部隊鍋外圍一邊是香濃的芝士，一邊是蛋漿，部隊鍋裏有年榚，脆皮腸，魚榚，烚雞蛋，公仔麵，韓國粉絲及雜菜。我不是能吃辣的人，但年榚、脆皮腸只要用厚厚的芝士包裹就能去除辣味，只有粉絲是完全索汁，無緣品嚐。整體而言愛吃辣的朋友會喜歡吃，不吃辣的朋友但試無防，以芝士佐食也是一流的。大快朵頤後蜜瓜冰奉上其賣相真的很有創意很美觀，而味道也值八十多元的價值。每粒蜜瓜都是不得了的香甜，吃到底的蜜瓜還是第一口的甜，而蜜瓜雪條較軟身，很甜，配上碎冰食，正！是次用餐一人洗費也要200多元，貴是貴了點，但物有所值啊。

俾佢個蜜瓜雪花冰吸引左，但萬萬想不到會挑戰佢個現炒辣年糕，本來真係怕兩個人食唔哂，但見好多枱都係兩個人叫一鍋，好啦就試下啦！本來想叫藍莓乳酪諾拉，但竟然賣哂於是叫左呢杯，覺得麻麻地，味道比較淡，而且隻芒果味有d奇怪，不過呢杯野係食個炒年糕個陣發揮到好大作用！同樣亦係因為沙冰所以淡左d，不過陣咖啡味幾出，好飲過芒果個個牛肉煮得幾香，不過其實無話特別好食重頭戲黎啦，年糕份量都幾多，不過等佢滾都要一段時間，煲到咁上下可以叫侍應加湯，唔算太辣，我唔食得辣既都勉強接受到，隻芝士腸可能撈左d湯既關係所以好好食爐側邊分別有芝士同雞蛋，粉絲同公仔麵索哂d湯好食，但粉絲易痴底d餸可以點埋側邊d芝士食，隻芝士係平時食pizza個隻，好食半個蜜瓜份量，支雪條係便利店賣個隻，蜜瓜雖然係d冰上面，但都唔凍，如果蜜瓜都雪番一陣會仲好，隻牛奶雪花冰隻奶味係似蒙牛陣味，頭一兩啖都係覺得有d怪，但之後越食越ok可以再淋埋煉奶同朱古力醬埋單連加一$609，都偏貴，食物都ok啦，有個女侍應好好笑容👍可以再黎多次，不過就會食番d便d既野食

星期六晚上7點40左右到，等左20分鐘 我同朋友2人就入得。對於等位安排我覺得應該要改善下 太多人塞住喺門同餐廳入面 都幾影響用餐既人，而且個個都喺到傾計 好難聽到人聲叫number, 有客人因miss左唔知喺到繼續等而有少少爭執 野食方面因為覺得2個人食個年糕鍋太多，於是就冇叫到。叫左個牛肉紫菜卷，冇味 要靠點第二樣野食既汁黎食，食完都唔記得入面原來有牛肉 因為真係冇味，同埋個紫菜卷有蔥，係我唔識野定點，好似第一次食有蔥既韓式飯卷 第二樣叫左炸物辣年糕～ 啲醬好稀 有少少辣咁，有炸紫菜卷同餃子 冇咩特別 可以做得更好最後叫左部隊拉麵，係有茄汁豆芝士午餐肉同腸氣既麵，又係冇咩特別，你諗到既味 另外叫左兩杯野飲 芒果沙求同韓式奶茶沙冰，又係冇味 救命 真係勁淡 仲要50蚊一杯環境方面好嘈 茶樓咁埋單300蚊兩個人都覺比多左，寧願貴啲食其他韓國野 真心失望 唔會再黎 唔明點解咁多人話正同等位 完全係風氣 被騙的感覺

TST 漫無目的行街，行到差不多夠鐘要開飯，就上黎睇睇附近有咩餐廳多LIKE 就食邊間，係傳統羊群心理睇落Norayo K.cafe 都幾唔錯，去試下先因為係樓上舖，所上要係樓梯等，一睇⋯⋯嘩人多到轉左2轉樓梯，唔計係舖頭等果D人多路窄，都係拎左位先，見等嫁都咁多人，當然行陣先番餐廳佈置都幾有心絲，而且好有韓國果D樓上Cafe 感覺，有一排對街的高台位置Mean 好厚，但大部份都係野飲同甜品，只有2頁係主食見個個都點個鍋食，而且沒見過好係幾豐富有年糕，韓式拉麵，芝士，蛋，其他雜菜等我最欣賞係拉麵，當個汁一直滾，D麵同年糕就入曬味真係好正～年糕份量都幾多下，2個女餘可能未必食得完2邊放左芝士同D蛋，其實我覺得佢應該唔係單食應該有食法，但因為唔識就只好算芝士份量不多，重點佢食落唔會討厭或有食唔落感覺今次就沒試其他，因為已經太飽⋯⋯下次啦^_^

突然很想食冰, 韓風咁熾熱, 今天都要睇下韓冰係咩來頭...這是一間走韓sytle既cafe, 提供一般輕食, 例如:步隊鍋, 飯卷, 涼面等...店面要行兩層上二樓, 如推bb車的朋友可能會不方便, 台與台之間很闊落,給人一種放輕鬆的感覺。冰品大致有這幾款, 最吸引我的是蜜瓜冰, 成品可供3-4人, 數數人數便放棄了, 轉而食了個芒果冰。登登...冰品呈椰絲狀, 輕輕的, 入口即溶, 本身帶有甜味,配上芒果醬同芒果很是消暑, 但台式好似更合我口味, 食下時不會啃到, 因太輕了, 總會不小心吸到多剩椰狀冰, 搞到啃親唔舒服, 配上的芒果也沒有大大塊, 味道都是靠那芒果醬提味, 跟圖片有出入。

朋友聚餐唔知食咩好咁岩今日大家都放假一於早啲食晚餐 試下啲人氣餐廳 費事繁忙時間要排唔知幾耐隊啦本來有叫炒粉絲 不過漏左單最後四樣野都夠我地三個女仔食估唔到韓國餐廳嘅意粉都幾好味個汁cremy但唔覺膩除左意粉仲有焗蕃茄,焗蒜頭同太陽蛋做配菜感覺好豐富~配埋一齊食更正餃子拉麵就完全expect到咩味就係辛拉麵加餃子加蛋囉~哈哈其實呢個組合就唔會難食嘅~但冇驚喜囉紫菜包飯都係冇咩特別~合格雪花冰就真係幾正個牛奶冰底好軟綿d橙夠清甜 配埋紅豆同雪糕一齊食真係heaven<3雖然係平日 但臨走都見到唔少人等位唔想等就早d去喇呢間餐廳絕對可以encore

　　Norayo也是一家我難得給過劣評的店家。要不是友人說要來試試，我都不想重訪。根本沒有抱持什麼期望，所之來之前我已經吃了東西，跟上次吃飯後再來是不同的。上次是飯後朋友即興相約，這次……就是為了打底才吃。　　數月前就是這樣走樓梯上來，周邊牆壁還是可愛的手繪地圖。　　店內環境是一如以往的充滿玩味，真想試試跟幾個朋友一起坐坐店中間的圍座啊！但可能春夏到臨，店內開著冷氣，似乎有點冷過頭……　　餐牌（詳細到文末）有很大變化，部份主菜已被刪掉。另外是推出了午市套餐，主菜加一飲品，價位約五十至七十。麵食、年糕甚至米飯各有三數款可選，飲品也不只是檸茶檸水咖啡奶茶。重點是，這裏也有賣冰品了！以後在尖沙咀就多一個冰地之選。Carbonara Tteokbokki（Set）　$58　　以湯碗盛上，與昔日點年糕鍋的樣子在我腦海中互相重疊。Carbonara醬汁微稠，淡黃色的看上去十分自然。奶味香濃，但不算太過油膩，配著清甜爽脆的蔬菜條同吃就更是減膩。　　表面搭著一堆幼細脆條，金黃色的，而且很香脆。沾點醬汁同食，香濃醬汁裹於脆條之上，沒有瞬間稔軟，仍是脆脆的。而年糕條是一貫的韓版圓柱長條，煮得剛好不會水爛。

韓國餐廳香港地大把, 食過咁多間, 印象最差的都算係呢間啦!首先, 佢係一間CAFE並不是餐廳, 所以食物款式出奇地少, 除咗年糕, 飯團同韓國公仔麵外, 真係無其他主食選擇。其次, 價錢太貴, 一杯平平無奇的柚子茶, 加一後既價錢要$55, 仲貴過STARBUCKS! 再者, 食物味道實在好一般. 嗰個現炒炸醬年糕, 見個個都點一大窩好似好靚咁, 以為好正一定要試, 點知就中招啦! 個窩得最多2CM咁淺, 煲極都年糕都硬磞磞唔熟咁, 包麵又浸唔到湯煮唔到! 圍邊的蛋漿又煮到半生熟咁, 一D都唔好食! 成窩料全部都係年糕同椰菜, 得幾條芝士腸仔同魚蛋片同一隻烚熟咗既蛋, 肉都無塊! 而且D湯又無味, 得個甜字加辣字, 4個女仔食完都好似無食過嘢咁! 我地計盡佢連工包料最多值50蚊既呢個窩, 佢竟然收$288仲要加一, 你地自己衡量值唔值得食囉!叫咗個飯團, 無乜味, 唔知食咗D乜。仲有個雞炸雞翼, 撈咗D杰撻撻既甜醬, 都係唔好味, 寧願唔要醬好過!食完呢餐後, 4個女仔都唔飽, 亦都唔想再嘥錢食佢其他食物同甜品, 就選擇離開, 再去第二間繼續填肚。總之, 呢間CAFE就唔值得再去第二

呢間野熱食真係一般，個餃子仲要凍嘅，但重點係d店員好冇禮貌唔會再幫襯!當日我地3個人12:00幾1:00左右去到，等左一陣就可以坐低，order野食，order緊嗰時個韓妹突然走左去，之後再返返黎落order,但完全冇say sorry,d野食又麻麻，個餃子凍架，個飯卷唔太特別好味，問佢攞水，又好似聽唔明咁，仲要食左一個鐘左右，要我地賣單，但我地話仲未食完，個韓妹居然話''ok.I will give you ten minutes."本身仲打算order佢個甜品，不過咁嘅態度，我地冇叫喇!

一去到餐廳門口，已經見到有短短既人潮好好彩今晚吾洗等位就入左去我同男朋友兩個人被安排左去Bar枱正是我想坐既位置👍 環境幾舒服，真系吾錯叫左4樣食物，只有兩樣算系Ok第一樣系韓式雜菜炒粉絲冇驚喜可言，粉絲太稔簡直人口即溶第二樣算好食既系紫菜反卷依個真系估佢吾到甘好食，最正常既一樣食物第三樣系部隊拉麵同第一樣一模一樣簡直系稔到入口即溶，對一個公仔面泥講簡直系失敗之作…第四樣系期待已久既綠茶雪花冰一個幾有驚喜既甜品，份量夠大，而且好足料！不過我個人認為甜左少少，不過都吾錯不得不提既系員工既服務態度超好！！簡直系10個讚

係尖嘴行到攰攰地上黎食個tea，一入黎迎接我地既係一首又一首既kpop。我同朋友一共叫左四樣野，整體黎講都唔錯。首先黎個飲品，味道同係韓國飲既差唔多，蕃薯味幾濃，仲有顏色紫紫地，好靚！紫菜飯捲就普通啦，無咩特別，但要讚既係d紫菜幾脆！炒飯黏黏地，黎面一粒粒午餐肉同好多泡菜，辣辣地幾開胃。甜餅原味既比較好食同正宗，綠茶個皮就差少少。

韓風太厲害了，新進的韓國餐廳真的每月也有數間，胃部實在應接下暇。這裡的感覺價格較親民，今天便與媽媽一起來品嚐一下！餐廳位置方便，就在龍城藥房的對面。不用搭電梯呀，快快的走上樓梯拿籌號，港女性格阻擋不了，〝執輸行頭……〞哈哈！晚上6：10左右到達，已有大約8張台等候中…之後不斷地有其他朋友放工趕到等位，愈來愈多人，開始排在樓梯的位置。幸好，很多在前頭的也NO SHOW，等了10分鐘左右便能入坐！餐廳不是很大，但氣氛不錯。一入門，左手便是望著加連威老道的bar台，感覺輕鬆。與老友吹吹水的，是不錯的位置。中間有一張較大的圓台。圓台的確很適合大伙兒聚會！！餐廳沒有提供很多的食物選擇，相反飲品及甜品的選擇較多。相信大家也會被店家的冰品吸引，但我們只有2人，實在容不下那一碗的冰品，還是留待下一次！餡料健康，就是蔬菜。調味很好，所有材料的味道很夾。其他韓國餐廳的水準也差不多，因此未有留下很深印象。略厭飯卷太鬆散，一夾就散，而且紫菜過份濕軟。味道很好，辣味來得恰當！不過媽媽認為太辣。欣賞不會如一般的死甜，好吃。年糕份量很多，而且質感QQ的，不會太硬，很愛吃！其他配料的，如芽菜、蔥段的份量也很足，而且很

星期六~相約朋友飯聚~朋友建議試試這個新的韓國菜~找了一陣子...原來就在"龍城"對面~哈哈到達時7:00...人也開始多了~還好等了30分鐘就可進入...餐廳只有一位員工會講廣東話~其他的服務生也講韓文...(OPPA不錯很可愛)用餐限時90分鐘...我們被安排坐向街的BRA枱~也很舒服~而且可以叉電先來的是韓式雜菜~炒得不錯很香紫菜卷也不錯~材料豐富~如果吃牛的朋友ORDER 牛肉紫菜卷應該天好吃泡菜炒飯~不會太辣~份量也剛好~最後當然要ORDER甜品~!大愛的抹茶冰~~朋友的芒果牛奶冰

星期六休半日， 約埋同事向公司附近埋食埋lunch先走😬先黎壽司卷7彩顏色豐富～ 咬口一流，青瓜，甘筍既爽，再配芝麻既香👍👇🏿再黎多碟我更鍾意呢款，有紫色仲正👍👇🏿重點黎啦賣相好靚，爐幾特別兩面有旦汁同芝士😬相機食先～ 在旁的同事囡囡～影影影影影😂👇🏿唔客氣～～ 開動！公仔面撈d 旦汁再撈d芝士～～～～～好味到呢～～～～～我們四人，爭住食芝士😂😂😂爭食係開心d既～😂😂😂😂總結： 尖沙咀區價錢合理既韓菜之選😀下次再"爭"過✌🏼️✌🏼😬

Wife and I went on a Friday afternoon before the dinner time rush (around 5:30pm) so we were seated without any wait.We already had lunch elsewhere and was just looking for a nice place for a light dessert and coffee.Ordered the green tea "pat bingsu" and an americano coffee.  The bingsu was overall decent.  Perhaps a bit too liberal with the matcha powder, as it sorta overpowered everything.  Only one scoop of ice cream, but the milky ice shavings made up for it.  It didn't have chewy rice cake