北方餃子源 (榮華商業大廈) (Closed)

同男朋友中午放飯一齊黎食 我地都好餓因為朝早都冇時間食早餐所以中午就叫咗比較多嘅嘢食我地點左 炸醬撈麵 10隻西洋菜豬肉餃 5隻煎素菜餃配上海麵 我自己就想食清清地因爲早幾日肚仔唔舒服 我就點左上海麵 同食左幾隻西洋菜豬肉餃男朋友就點左炸醬撈麵同埋佢食咗我點嘅5隻煎素菜餃講番我果個先上海麵個湯底 清清地 唔會好油 都幾岩戒口人士食用 麵質軟硬適中即叫即煮 好味飽肚男朋友食既炸醬撈麵 同樣都係即叫即整 黎到嗰陣仲喺度諗會唔會唔熱 但係原來一路撈一唔攪嘅時候啲熱氣就會升晒出嚟 另外個炸醬好夠味 配埋青瓜絲真係一流而講番重點 餃子！ 一款係西洋菜豬肉餃另一款係煎素菜餃我個人就好鍾意食西洋菜嘅 咁呢個餃子我覺得西洋菜味好重因為入邊包含咗好多西洋菜 另外嗰啲汁亦都非常之多咬落去嘅時候好容易會爆汁 頂呱呱！而素菜餃都好好食 我男朋友同我講 果皮脆脆地加上入邊既汁都好夠外脆內軟 再加上入邊有啲木耳絲咬落去爽脆爽脆 口感好豐富 佢叫我下次好番一定要再食番呢個素菜餃好味指數極高🥰🥰🥰🥰🥰🥰

餃子好食，多款。驚喜係擔擔麵好食，帶少少麻辣，又有好多花生醬。 食下食下會愈來愈濃，也會愈來愈飽，明明知道會好飽，我都仲係會擔擔麵同餃子一齊食！ 呢度唯一唔好係好迫，搭枱，侍應唔會殷勤，不過香港係咁架啦，食餐晏仔，唔會要求好多的。我地呢餐兩個擔擔麵，2份餃子（一份5隻）， 一杯豆漿發及一杯奶茶。

今日終於到星期五了，平時成日都食茶餐廳所以今日想食啲清新健康嘅食品就想到”北方餃子園”。駱克道這家的和其餘的分店一樣有一個大大隻字金色招牌。今日好彩一入去唔使等位，餐牌上邊全部都是不同餡料的水餃好多選擇款款都好想食，做法有蒸和煎兩款，淨食份量有五隻或十隻一份選擇，亦都可以配麵食。今日叫咗個韭菜豬肉餃湯麵另外再加左一個白菜豬肉煎餃和同事分着吃。麵食一碗裏面有五隻脹卜卜嘅水餃，麵質似上海湯麵覺得不錯，餃子餡料足每日新鮮製作，質素好又彈牙，煎餃雖然係外層香脆但係入邊都有好多肉汁鎖住，沾一點醋一齊食更加好味。本來今日想試佢個西洋菜牛肉餃不過老闆說未造好所以冇得食下次要再去😋😋👍🏻👍🏻

近哩一年，差不多每個月都最少食一次。朋友要食素，我都只係點素。今次兩個人，點左一碗淨餃同一碗餃子麵，無叫小食。今次試下比較新嘅「特級素餃」同平時都有食嘅「碧綠素菜餃」。食左好多次，但最近先發現，原來淨餃子係可以跟湯上，仲唔使加錢。（先前成日都叫淨餃，但就係無湯嗰款，嘢食好快凍。）「特級素菜餃」嘅入面係冬菇絲，木耳絲同紅蘿蔔絲。有麻油嘅香味。「碧綠素菜餃麵」一碗餃子麵，有五粒餃。麵係白色嘅上海麵，面質比較「林」。「碧綠素菜餃」入面包左雪菜同菇絲，同特級素菜比，哩一款係比較酸。（先前食唔覺最酸，今次有左比較，就明顯左）

向來喜歡食餃子，在港島食餃子的專門店不多。北方餃子源絕對係性價比高的一間。以連鎖店來說，食物質素算保持得很好。平常最愛吃翠肉瓜餃子，因過年吃太多，決定定今晚行素食主義。兩個人的晚餐，點了涼拌辣雲耳，碧綠素菜餃面，碧綠素菜餃十隻(湯上)同香煎素鵝。今天的雲耳偏辣同有點太油，浸一浸湯比較易入口。素菜餃主要餡料有雪菜同木耳，餃子嘅味道主要來自雪菜，味道尚可。全晚比較有驚喜就係香煎素鵝，煎得非常香脆亦唔油膩。雖然餡料不多，但調味不錯，可算係色香味俱全。二人晚餐埋單$168，以銅鑼灣晚餐價錢，實在非常抵食。

食餃子，總會諗起餃子源，最鍾意食佢哋嘅京蔥羊肉餃，惹味得來又唔會穌，見到有新款式就走去試吓先！西洋菜牛肉餃($49)係失望嘅，西洋菜香，不過牛肉有沙嘅，而且佢嘅免治牛肉好多骨，第一次食餃子食到要吐骨...... 話雖如此，食左咁多次餃子源，都係第一次發生咁嘅情況，唔知係師傅一時失手呢....

天氣略微有冬意，加上微絲細雨，便想吃些熱騰騰的食物，溫暖一下。於是便跑進這家老店了。平常我都是幫襯灣仔店，今日是第一試銅鑼灣店，質素保持得好好，和灣仔水準一樣。不像某些分店，會將餃子都煮得皮都爛了。這家店最好的地方，在於它有許多的餡料選擇，而且它還會不時推出新的口味，增加食客的新鮮感。非常努力留住食客。今天點了京蔥羊肉餃配湯上，味道香濃又沒有羊騷味，京蔥令餃子增加了脆脆的口感，非常好吃，而且根據中醫所說，羊肉有暖身的功效，最適合現在的天氣吃。同時加點了一個豆湯薑湯丸，同樣表現出師傅的巧手，湯丸熟透而不爛，薑湯有微微辛辣味，令人感動。

打完波，行去撘車返屋企，行行下肚餓，看到此店，餃子賣飛佛，零考慮，直入，已過午飯時間，店內無乜人，看看餐牌，好多款餃子選擇，可以煎或湯，亦有飯麵食，喜愛香口野的我當然要煎餃子，肚餓，所以叫左個山東手撕雞飯，再加個煎京蔥羊肉餃子！枱上備有小碗給客人載醋，麻辣醬，辣椒醬。頗細心。山東手撕雞飯先來，大大碗，份量不少，雞塊大大的，不像一般手撕雞撕到一絲絲，此做法更有咬口，鷄上淋上店家自家醬汁，香濃惹味，但如果你不喜歡芫茜就未必會喜歡（像我），但係好食的，之後餃子亦送到，我已食完半碗飯先食，餃子依然好熱，皮煎得香脆，一咬下去，爆汁，好香羊肉味，帶點京蔥香，非常正，再點一點醋，再吃一口，完美～！D汁多到差點弄污件衫，要先咬一小口吸左D湯汁先，滿足～！

有好多唔同餡既餃子🥟 煎同湯都有選擇困難症發作啦‼️‼️-最後揀左煎白菜豬肉餃同湯韮菜餃煎餃似炸多過煎好脆但唔太油好熱氣🤣皮比湯餃厚煎同煎餃都好多肉汁-第一啖唔知咁勁🤫彈到隔離位朋友個湯係好淡既清湯，無特別唔似其他餃子舖可以連湯飲哂

呢間係我男朋友返工嘅日子最鍾意食嘅飯堂，男朋友極力推薦，我哋兩個成日食嚟食去都係炸豬扒菜飯，今日男朋友唔係到就轉下款啦。- 山東手撕雞菜飯 $46睇相係咪都覺得好吸引呢，手撕雞份量好多，中間就係佢嘅秘製醬汁。佢嘅秘製醬汁超好食汁嘅份量好多，手撕雞都好多，但手撕雞就鞋左啲喇。將手撕雞撈埋啲醬汁就變成圖二喇，可以見到成碗飯都轉晒色，菜飯菜嘅份量好多，手撕雞份量又好多，撈完成碗就啱啱好，fit晒！佢都幾大碗嫁，男仔一定夠飽唔洗驚，而我就食唔哂喇🙈總結：佢嘅秘製醬汁真係冇得頂，不過手撕雞真係太鞋喇，個人認為食一次就夠，下次我都係食返男朋友至愛嘅炸豬扒菜飯！

We tried the pork & chive and the beef & fennel dumplings (both as regular and friend versions), along with the hot and sour soup. Everything was flavorful and excellent! the dumplings were clearly made fresh, with nice big chunks of fresh vegetables mixed in with the meat. They we're juicy and delicious, and exactly what we wanted! The staff was also welcoming and attentive, and even urged us to take a larger table so we'd be more comfortable. Will definitely be back, and would absolutely recom

本身睇咗呢度嘅食評，俾佢嘅擔擔麵吸引左，諗住入嚟食碗擔擔麵啦😳😳😳。點知入到黎又三心兩意，選擇困難症，結果坐咗15分鐘先叫嘢食。最後叫咗一碗牛肉餃麵，加個辣汁，個辣汁真係好勁，加左一匙已經頂唔順，瘋狂地出汗。💦💦💦佢個豆腐皮蛋，真係極度非常之好食。酸度調節啱啱厚度，豆腐非常之滑溜，皮蛋好入味，可惜皮蛋得少少。👉🏻👈🏻水餃非常之好，咬落去爆汁，又唔會太熱辣親個口。結果，我見到隔離枱，叫咗個炸水餃，非常非常之好食嘅樣。我心諗哎呀，但係已經冇肚再食炸餃子啦！唯有下次再嚟喇🏃🏻‍♀️🏃🏻‍♀️🏃🏻‍♀️

朋友介紹呢間餃子好味, 所以特登過黎買外賣!佢有午市套餐, 我叫咗個韮菜水餃擔擔麵餐跟豆漿 (HKD5×), 係銅鑼灣黎講價錢都算合理!叫完等咗5分鐘左右就有得攞外賣喇! 佢地都幾唔環保, 我叫一個外賣, 有三個發泡膠盒!! 一個大盒放5粒餃子, 1個放麵同1個放湯...不得不讚佢地個餃子大大粒! 啲皮都幾薄, 好香韮菜味! 至於個擔擔麵, 個湯正常, 我叫咗少辣, 但對於唔太食辣嘅我黎講佢都幾辣, 要係咁飲豆漿中和番. 麵身較淋, 我本身中意食牙啲嘅!

It was Friday night around 21:30. A friend and I were able to be seated immediately.After much consideration we ended up ordering: boiled leek & pork dumplings, fried fennel and beef dumplings, and the mixed cucumber to share. My friend ordered the spicy Sichuan noodles and I the sesame butter noodles. All of the food was out in less than 10 minutes, the dumplings taking the longest.I will only comment on what I ate.Mixed cucumber: very refreshing, loaded with sesame butter, cilantro, green onio

之前食過日本餃子，今次就食下中國既餃子，呢間專做北方餃子，仲係連續三年拎左灣仔最喜愛食肆獎，應該有番咁上下水準。店舖都放左好多中國既裝飾，好似頭頂既燈好有古式宮廷既感覺，中間仲掛左大大個金牌係度，仲有唔少既中式細節。當然唔少得調味醬料，有醋有豉油有辣油都係最基本果幾樣。麵食就有《芝麻醬拌麵》($38)，即叫即整真係好熱仲出哂煙，芝麻醬真係超多仲聞落勁香，不過食落又較淡味唔係好出，配既滷蛋乾身不過好入味。餃子叫左《煎京葱羊肉餃子》($33)，全部都即叫即煎，熱辣辣之外個外皮超香脆，食落仲唔會好油膩好多汁但唔夠羶。店名：北方餃子源地址：銅鑼灣駱克道40403號榮華商業大廈地下B舖餐牌: