Nun Korean Dessert (Closed)

放左工，突然想食D甜野嗯。。。。應該係因為用腦過度。。。。因為次次用大多腦都要補糖是旦搵間走入去，食個格仔餅加杯熱柚子蜜就當Dinner了一復甜品店都當格仔餅就係件甜點，但真係要食格仔餅就會選擇街邊買。今次，難得地見到配料同格仔餅比例正常既店連個碟都畫返幾筆，格仔餅的鋪排，生果的份量都是好像認真去做，至少不是事旦放上碟而柚子蜜應該都係現成沖的，但不會太甜或太淡，洽當好處

大熱天時最好就係食凍冰冰嘅甜品 早幾日同朋友行銅鑼灣shopping食完飯就去食甜品雖然晚餐都飽飽地 呢間之前同朋友食過tst分店果間覺得都唔錯**芒果軟雪糕 $52**芒果好甜好好味，軟雪糕好軟滑夏天食真係好正**草莓果肉沙冰 $45**叫左一杯飲品shared cream都好多下好邪惡啊！但好味!士多啤梨唔太酸，杯沙冰飲到好多果肉粒粒，飲完可以去甜膩感，唔錯!**抹茶丸子軟雪糕 $45**丸子太受歡迎，賣晒，店員為我換上麻薯粒，感覺都唔錯，食落煙煙韌韌。綠茶雪糕最佳拍檔係紅豆，當然唔少得佢!雪糕份量比想像中多，食完真係超滿足。****打卡有coupon送 ****眼花花超多選擇呢度d甜品真係好多款式份量都唔細，如果唔想太飽記得要留肚

因為門口寫住買雪奶等其他可以有半份小食或一杯飲品送 同甜品圖片幾吸引 就入左食 但落單果陣話暑假期間無得送 咁點解仲擺個牌喺出面 個員工話入面無位擺🙄🙄咩料 咁都算拉 之後睇餐牌見到打卡可以即送雪糕 打左後又再一次去落單 點知又話下次先用得 咁又點解要寫即送😑😑好拉 都唔理拉 無得送就無得送拉 既然黎到 都試下好唔好食 叫左哈密瓜雪奶同炸雞槌 哈密瓜唔新鮮 食物味道一般 唔算好味 可一試 但我唔會再去🙄🙄

係銅鑼灣番工既好處係可以隨時隨地去買雪糕食！今次個同事心血來潮就買左呢個雪奶番office食！雖然係外賣，又開始溶，但我仍然覺得好好食！韓式宇治金時紅豆雪奶 ($68)外賣番office食，我知佢溶溶地唔太美觀但對於抹茶控黎講，又真係幾好食呀！D紅豆真心好正，好甜！再加上佢有d nuts係上面，成件事更加正就算佢溶溶地都覺得好好食美中不足係佢上面既雪糕竟然無哂抹茶！唯有食曲奇味，但又不錯bo

炎炎夏日來到銅鑼灣，我正想找間韓式甜品店，食個刨冰休息一下，於是便和幾位朋友到Times Square附近的Nun Desserts.餐廳屬自助形式，先付款後取餐，亦很方便。我們三心二意，選擇良久後決定了三款。雪冰選擇了Tiramisu雪奶（$68），賣相吸引，而且配料和質感真的與Tiramisu相近，除了朱古力和咖啡粉，亦會有Tiramisu 慕絲,所以味道很香醇。而雪冰亦很幼細，入口即融。芝士蛋糕焦糖窩夫（$62）窩夫烘的香脆，而且𥚃面保持濕潤鬆軟，加上蛋香味很重。窩夫上面是忌廉和芝士蛋糕粒，芝士蛋糕份量多，芝士香滑但未算突出，餅底則重牛油味。雪糕有驚喜，看似雲尼拿味，但原來是特別少見的蜜瓜味，單獨食很香，但還是雲尼拿雪糕和窩夫更配合。來韓式甜品店，當然要點我喜歡的紅豆麻糬年糕吐司（$48），麻糬年糕煙煙韌韌，加上黃豆粉和杏仁片的味道，既香又配合。而且最頂有雪糕凍熱交融，和吐司內的紅豆蓉配搭，令口感豐富。整體甜品質素屬中上，賣相吸引，而且份量都大，不過若雪糕和雪冰不會溶太快，便更好了。

同朋友喺銅鑼灣食完晚飯諗緊去邊度食糖水好咁個朋友就介紹我哋去咗呢間韓國甜品舖頭食寒冰宇治金時紅豆雪奶 喺冰上面審上灑綠茶粉， 鍾意食綠茶產品嘅我就梗係唔會放過啦 冰上面嘅中間位置有紅豆蓉若果愛甜嘅朋友一定超鍾意 冰好似棉花咁樣入口即溶，正棉花糖雪糕吐司 棉花糖同麵包永遠都係最佳拍檔 棉花糖 外層焦香 在喺上面加上杏仁碎 多是非常厚身 食落口層次感非常突出

今日食完飯又想找下朋友見下面，佢話有間吾錯就話不如去，大約等左15分鐘就入到去。抹茶控的我當然試韓式宇治金時紅豆雪奶$68，我地差不多等左15分鐘都未有先問才知道冰有晒要即制，但講都吾講聲就叫我地等就吾係咁好啦，同舖頭比較細，食完要即走。講返個雪奶……味道抹茶味重但吾苦，上面朱古力醬又冇咩味道添，只係奶味偏多，雪奶淡淡雪花冰味不錯加上勁多紅豆一起食剛好，杏仁片都吾少而加上冰一起食都增加不少口感，但唯一係份量偏細…因為以價錢我仲以為會大少少添。我地仲見到如果like左佢地facebook 仲有張券可以下次有得換雪糕券添（但要食滿100蚊先可以用）。但講真這個價錢我可以有更多韓國甜品選擇。

夏日炎炎，當然食冰係最佳享受啦行街行到悶就幫親左韓式冰店。叫左士多啤梨藍紅莓芝士蛋糕雪奶$72 轉左cookie雪奶表面係berry果肉，生果幾多芝士蛋糕好芝味，雪奶夾住士多啤梨醬，甜度爆晒，幾岩鐘意食甜食既我

銅鑼灣一向美食雲集，今天和朋友們經過這邊便一起試試這間韓式甜品店。餐牌上的甜品款式多， 而且價錢適中。朋友和我都熱愛抹茶，毫不猶豫便點了韓式特濃抹茶紅豆奶油吐司($49)兩大片厚厚的吐司上塗了韓國著名的抹茶牛奶醬，奶味重的抹茶醬非常吸引，配上厚而鬆軟的吐司令人想一吃再吃。紅豆不會太甜，份量亦剛好。韓式鮮香蕉奶油雪糕吐司($55)相對抹茶那款，這款比較遜色。相對上麵包較乾身，可能是奶油份量不足吧。可能有香蕉的緣故，這款吐司較飽肚。夏天都想吃點涼涼的，於是我們在眾多的韓式冰中選了韓式鋒芒畢露芝蛋糕雪奶($72)夏天芒果當造吧，芒果不會酸。雪奶內的芝士蛋糕塊都較都算大件而且份量亦不少，整體滿意。期望下次再來試試其他新甜品。

去書展前同朋友食個tea，大熱天時梗係要食甜品啦!原來係季節限定，叫左大魔王朱古力窩夫$62曲奇雪糕透心涼，曲奇碎夾係中間伴有香蕉同藍莓粒，好健康朱古力窩夫面頭係朱古力可可粉同朱古力醬，蛋漿溝左朱古力整，成件都係朱古力味，窩夫熱辣辣架甜度非常高，食完好邪惡呀賣相精緻，生果同朱古力窩夫砌得好有美感，一層一層的感覺滿足晒視覺感受芒果黃金雪奶$68芒果肉超多，果肉好甜呀面頭有芒果汁同芒果雪糕底下雪奶加左煉奶同醬，非常甜但冰感十足，冰要加左配料先有味～

呢幾日都好熱，食完晚飯同朋友過黎食韓式冰涼一涼，我地9點黎到，唔算太多人，一入去就有位坐一人叫左一個甜品，麻薯雪奶，麻薯好煙靭唔太甜，雪奶其實即係有啲奶味既韓國冰，啲冰好似雪咁一粒粒咁，入口即溶，好消暑之後仲有密瓜雪奶，喺冰上面加左一個哈密瓜雪糕同新鮮蜜瓜，雪糕有好重既哈蜜瓜鮮味，水果又甜同啲冰味道好夾最後叫左個芒果意粉雪糕，顧名思義，係意粉狀既雪糕，口感特別，芒果好甜夠熟，雪糕大大份，好解渴

早幾日食完飯，朋友仔話不如去食甜品，結果揾到依間韓式甜品。個鋪頭環境好韓風，打開餐牌，有好多韓式甜品供選擇，本來想叫杯特式飲品既我，佢竟然話賣晒，有點失望。依度要去counter叫餐同比錢，最尾選左個宇治金時紅豆雪奶同香濃邪惡tiramisu 雪奶。宇治金時紅豆雪奶：紅豆好甜，綠茶雪糕都幾好味，雪奶冰第一啖好綿，但當食多幾啖，d冰粒其實好大粒，我食到一半已經唔想食⋯同我係韓國食既雪奶，根本係兩回事⋯香濃邪惡tiramisu雪奶：雪奶上面tiramisu蛋糕，蛋糕味道一般，tiramisu同雪奶味道都幾夾，但係都係雪冰好大粒⋯最後，如果我要比咁既價錢去食，真係一d都唔值⋯

星期天中午熱本想喝咖啡山長水遠去cafe，cafe沒開兩隻企鵝快溶了我要求吃甜品便和企鵝二到NUN餐牌看一會有很多女孩子看到會喜歡的甜品 企鵝二大膽的說要那杯像藍威寶的飲品 (汗) 然後再點了個士多啤梨雪奶等了一會，牌子beepbeep 這個顏色，第一眼我只想到 Finding Dory。誰知道杯裡真的藏著兩條魚! 荔枝味飲品 配(有黑點的)雲尼拿雪糕 雲尼拿雪糕好味其實這杯飲品幾特別，有花心思只是太甜甜到我們無法喝下去還有那兩條魚形軟糖，味道格格不入再來士多啤梨雪奶士多啤梨堆得像山不過不失奶味不濃。後感感覺這店的甜品感覺太著重賣相/gimmick味道方面還有改進空間對不起喇企鵝二

Decided to have both our mains and desserts at one same place as we wanted to avoid the hustle and bustle of moving from dinner place to dessert place, and this Korean place served both. Just normal ones, the noodles was like Sau Tao壽桃牌’s instant ramen Well but our focus was the desserts anyways~ Love the texture of the waffle, crispy and hot on the outside + soft and fluffy on the inside! Love it with the caramel which matched well with the waffle! The toppings including cheesecake, toasted al

未去過食韓色甜品，今晚有機會去試一試，這間食店係時代廣場附近，鋪頭細小，但一樣吸引不少食客幫襯，顧客都唔介意坐得逼，待應都好識做，見客人在外面等位時，都派上清水解渴。Oreo碎碎雪奶，大大碗，雪粉滑滑，奶粉味濃厚，唔太甜，雪粉上佈滿Oreo朱古力粉末及餅乾，雪糕軟滑，在口中慢慢溶化。棉花糖雪糕吐司，剛剛焗起，熱騰騰，未食已被棉花糖燒焦、杏仁碎香味吸引了，棉花糖拉起絲絲棉花糖奶，厚多士雖厚，但內心是鬆軟，旁邊配上大大球軟滑曲奇雪糕，冰火交融，無懈可擊！宇治金時紅豆雪奶，清爽的色調好吸引，未食已經比它顏色清暑了一半，好濃味綠茶粉，佈滿香脆杏仁片，雪奶夠滑，唔太甜，反而由韓國來的紅豆就甜了些，但好綿綿滑口，雪糕夠實，清暑至愛。