娘惹嫁到 (Closed)

今晚專程來到吃這間主打正宗馬來西亞娘惹菜餐廳！去到門口見到有介紹話大廚曾經喺馬來西亞當地娘惹血統酒店擔任總廚主理，心諗應該有信心保證😆這一間餐廳表明不加味精，全天然香料製作🍴今晚2人點餐：鮮蝦深海魚蛋喇沙 + 雞肉喇沙 + 一件斑斕蛋糕2人都係第一次食，所以分別點左喇沙湯試試果然喇沙湯底好濃郁！好懷念去馬來西亞嘅時候～雞肉喇沙嘅雞肉部份肉質好嫩 唔會鞋口！ 深海魚蛋都好彈牙！至於個甜品佢哋係每日限定班蘭蛋糕好香班蘭味！

今天與同事去荃灣海濱花園尋覓好吃的午餐。留意到這間店午市只開星期五，我們特意來品嘗一下。店舖標榜正宗馬來西亞檳城祖傳娘惹菜，令人充滿期待。肉骨茶配米粉 （可以選配飯）肉骨茶十分香濃，吃起來帶點點藥材味，很正宗的感覺。味道香濃好味，飲得多又未會口渴，相信是真材實料，不會有飲到味精那種口乾。而且排骨也很好吃，肉質林林的，也很入味，十分推介。鮮蝦喇沙有兩隻蝦，是已剝殻的，有加到分，加上很鮮味。麵底方面有油麵＋米粉一起，令口感更豐富，而且麵很吸湯底，好吃。湯底微辣，很惹味，很濃郁。原味鴨蛋咖央多士多士很有趣，味道口感都有像蓮蓉般，甜甜的，外皮香脆，是很不錯的小食，但吃不出有鴨蛋在內。

今早入去荃灣海濱花園做完野, 肚餓食個lunch, 想去搭巴士時, 見巴士站斜對面有間餐廳叫娘惹嫁到, 個名好怪, 但唔係住呢度唔知附近有咩食, 見係食咖哩喇沙係我飛佛, 不過冇乜食客, 但見好新裝修, 咁就試下冇壞。嘩, 食個牛尾咖哩飯要72蚊, 真係唔平, 我問老闆娘喇沙係咪出名d, 佢介紹喇沙牛尾, 我一向喜歡四圍比較唔同餐廳嘅牛尾。雖然lunch 78蚊係幾貴, 但我都想睇下係咪有驚喜。主角一到, 喇沙好香, 見到牛尾大舊到呢, 仲要係好多肉,唔係得掤骨, 我馬上相機食先些比朋友。跟著一口咬落去, 竟然好彈牙, 除了肉質正仲有2成好軟熟嘅脂肪, 同肉質混和口感一流。呢間餐廳一定係入靚貨先有咁好質感。其他配菜, 豆腐好多, 麵都唔錯。仲飲左幾口湯。再望下四圍裝修, 有一張poster介紹原來老闆係馬拉華僑, 好似係馬拉那邊的大酒店總廚之類, 難怪手勢咁好。可以話佢整牛尾仲好食過食一般和牛。當然我唔係有錢人, 好少去酒店食好高級嘅野, 極級和牛我未食過, 但都有食下dan ryan, outback之類, 佢地都未必做到呢個水準。仲要夾喇沙, 真係冇乜地方有得食。(黑色飲品是羅漢果

This is not a big restaurant with some 20 seats. It also advocated the orginal taste of the Malaysian and Singaporean Nyonya food. I was so attracted to give it a try.The shop was special that we have to write the order ourselves and then pay at the counter first before the food would be served.We ordered a Laksa with shrimp and fish ball, as well as a banlan sandwich. The food came really fast.The Laksa soup tasted absolutely amazing. Not being overly sweet or spicy or sour, it stroke the v

近掛試過一些新開馬拉店. 今日順帶試埋拒, 畢竟不是旺區.  但第一口 飲下喇沙麵湯底.  不然令我帶有意外驚喜. 因湯底夠味夠濃, 可能有加海鮮殼去煲. 帶有甜味,不會口喝.   加央鮮打, 有蛋味. 不是一般超市買的現成貨.    肉骨茶底無偷雞, 不是混成品貨加 味精. 是煲出來的口感, 也是沒有味精.  但肉骨就無脂肪帶不出骨底香氣. 可能呢排豬貴掛.  走時, 肉骨茶味仍在口腔. 令我意想不到.  近排也算是第一次食到 近乎 馬拉 或 星加坡 當地 既口味.  算是一間將品質放在食材身上既小店. 

估唔到就向屋企樓下有間可以食完encore的"娘惹菜"餐廳😋 值得下次encore!😆鮮蝦深海魚蛋喇沙：魚旦彈牙，有青口，有蝦，因為呢個汁我地叫左個白飯黎撈亞參鮮魚湯：雖然多骨，但魚肉好滑，好鮮甜加拉武牛尾芒果沙律：牛尾多肉，芒果超多，連沙律菜都好多斑蘭咖央多士：斑蘭夾少少椰蓉 好香脆脆既飛碟多士好好食(仔仔超中意😚)雖然樣樣野都好濃味，但食完唔會要即刻要飲野

我又又去荃灣喇! 跟著家姐去搵食 #有姐的細妹像個寶系列! 正唔正宗我唔知, 因為我無去過馬來西亞, 就算去過都未必知道何謂正宗! 正所謂每人口味各異, 好食咪 duck lor…喇沙, 喇沙, 我最喜愛食喇沙!鮮蝦蘇東喇沙 (墨魚) $80 ~ 原來蘇東 = 墨魚! 我覺得呢碗喇沙湯底偏淡少少, 麵係油麵及米粉2拼夠爽身彈牙! 蝦身已去殼, 食落較方便, 墨魚無乜味道, 不過都幾爽口! 雞肉喇沙 $68 ~ 呢個喇沙湯比較濃味及有層次, 質哋較厚, 好味過海鮮嗰碗! 不過雞肉略少及碎! 娘惹蜜糖豬手 $88 (淨餸) ~ 有5件, 好淋好入味, 甜甜哋! 深海魚旦 ~ 一坐低家姐就話要 order, 魚旦彈牙有魚味, 醬汁少少辣, 好惹味! 加拉武鮮蝦沙律 $78 ~ 蝦肉爽身大大隻, 配上甜紫洋蔥及新鮮菠蘿, 蘋果沙律, 辣辣哋好醒胃! 薏米水 & 龍眼特飲 (全名唔記得) ~ 唔太甜, 夠冰凍, 足料好味道! 註: 豆腐卜吸晒喇沙湯, 簡直係全碗喇沙既靈魂! 

香港食東南亞菜有好多選擇，但係好多餐廳都係用濃味就等於東南亞風味……好Sad今日試咗間馬拉娘惹菜，堅正！鋪面整潔好簡單，座位唔算超多20個左右吧！叫咗兩個食物，飲品：肉骨茶 配飯；娘惹喇沙鮮蝦深海魚蛋麵；薏米飲品娘惹喇沙鮮蝦深海魚蛋麵：有驚喜！喇沙湯底香而不辣，仲有好濃郁蝦味，非常開胃。麵底係油麵同埋米粉兩種撈埋非常有口感，唔係求其淥隻麵俾你！蝦夠新鮮肉夠爽，魚蛋好彈牙有魚香味，唔似一般普通魚蛋！肉骨茶 配飯個湯飲落去好香，夠濃仲有少少好似藥材味，感覺足料！香飯配菜都俾得多唔孤寒！湯入面嘅排骨好冧同夠入味，應該都煲咗好足夠時間！不過有少少藥味就未必個個都喜歡！薏米水真心正，後生仔通常都唔中意阿媽整薏米水，味道怪仲有一粒粒米。呢杯真係有心機，薏米煮到變咗溶咁，飲落去夠香唔會怪味！臨走前同收銀位，應該是老闆娘傾咗兩句。原來餐廳係兩公婆開，廚房老公係馬來西亞娘惹人，老婆係香港人。所以食物真係做到真正娘惹風味！真心覺得可以一試！

香港食喇沙嘅餐廳，不過出邊味道間間都差唔多，可能醬料都係用同一個供應商，冇乜邊間有特色，直至試到呢間娘惹喇沙，食得出湯底用咗好多不同種類嘅香料，味道特別得來又惹味。配料有鮮蝦兩大隻，好細心剝咗中間嘅殼，食得出冇雪藏過，十級新鮮，唔似出邊好多都係比冇晒味嘅玻璃蝦。深海魚蛋似潮州白色魚蛋，鮮味過港式炸咗嘅魚蛋多多聲，下次會試吓墨魚，應該都唔錯，。油面彈牙，米粉爽口，食到尾都唔會比熱湯浸到霖晒，加上大量芽菜，超級滿足！一定會再嚟！

唔洗出上環, 可以喺荃灣食倒咁正宗咁好味檳城嘅娘惹菜, 仲要一尐都唔貴。啱曬尐喇沙控。老闆就係上過 ViuTV 節目 "唔係本地菜" 嘅 馬來西亞娘惹人 Derek, 曾經係當地酒店嘅行政總廚, 因為 Working Holiday 識左宜家嘅香港人太太, 隻身來港創業。因為喺電視見到佢對於煮食嘅熱誠, 決心要尋找此店一試, 估唔到喺荃灣一個小屋苑可以品嚐倒咁正宗咁足料咁好味嘅喇沙, 唔洗再山長水遠去上環先食倒, 真係好開心。今次 lunch 先試一試喇沙, 下次再試埋個蝦醬炒蟹。

本來開喺西環嘅娘惹嫁到結業，實在係西柚們嘅損失。大半年後，終於都喺荃灣開返。雖然地點對我地港島人來講比較遠，但距離係無阻我哋對正宗馬來西亞娘惹料理嘅思念。新店比舊時大好多，客人都坐得舒服好多。至愛招牌美食，肉骨茶，牛尾喇沙，同舊時一樣咁好食。尤其牛尾，肥瘦適中。深海魚蛋又係必食啦，唔使多講，好彈牙！咖吔多士，宜家仲有多種口味！以為原本班蘭味已經係最好食，原來新嘅藍花鵝蛋味，將咖吔多士嘅香又提升到另一層次！更香濃！大廚好鍾意創新，特飲又多左幾款，香茅柿子特飲真好味。

I’m a Singapore with Peranakan family blood ties living in Hong Kong for many years and has been searching for best home food for a long time. I must say that this is the best and most authentic Peranakan Laksa I’ve ever tasted. I’m a fan of their food ever since we found them in Pok Fu Lam (near HKU area) and has followed them here for my comfort food. Although they used to have a small stall, local neighborhood business but it’s a rare hidden gem in the city. I’ve recommended HK friends and r

食物質素不錯，但出來的賣相普通。要了一個豬手飯，飯在下，菜及豬手放飯上，另外，醬油放到全碗飯都是。吃剩的豬骨沒骨碟，放到一枱骨，賣相欠佳。另叫了一個肉骨茶飯，味道很好，又是賣相安排不好，骨頭又是放在桌上，令人感到不快！最後要了一個㗎央糯米飯，有特色，手打的，馬拉風味，不加榴蓮，加了點椰奶，清新可人。優質食物小店，能改善出菜及收碟安排，必解決顧客不快的感受。總結：食物質素好，能夠多個骨碟，多點體貼安排就更好！