一心素食 (Closed)

觀塘，一個工廈林立的地方，雖然近年越來越多樓上食肆出現，但素食還是當中的少數。在觀塘工貿區裡，素食的選擇其實不多。在她開業之初，已經想來試試，不過沒有伴，結果一直拖到今時今日。真的沒想過觀塘那麼多素食的朋友，今天大約1時去到，全場爆滿，要取票排隊。等位時，職員已經先給你餐牌看看想吃甚麼，務求你坐下就點菜，省些時間。餐牌上的食品全部標記是全素或是奶素，方便顧客選擇。羅宋湯（全素）午餐有羅宋湯和忌廉湯供選擇，我選了羅宋湯。味道普通，平時喝的有牛尾和蕃茄，我當然知道素食不會有牛，但這個只有椰菜，蕃茄也欠奉，我覺得不合胃口。忌廉湯（奶素）朋友點了忌廉湯，她說夠香，味道不錯。沙律（前菜）午餐有湯，也有前菜，我們沒有選擇麵包，選了沙律，原來是日式芝麻醬豆腐沙律。醬汁除了芝麻醬，其實還混了日式芥茉醬，兩種味道的醬料，有點畫蛇添足，不倫不類。時蔬雜菌湯南瓜麵（$49）我望住餐牌，其實沒一樣吸引我一定要吃，最後選了這個時蔬雜菌湯烏冬／南瓜麵。因為未吃過南瓜麵，就選來試試。端上來時，見到的是一碗菜，完全遮蓋了麵。雜菌正正常常，但蔬菜就出問題。因為切得太大粒，為求看在完整，沒有灼透入心，吃下去很濃烈的菜青味

叫咗兩個套餐，因為懶一次過叫晒頭盤至甜品，啲湯呀飲品呀一次過嚟晒，不過都冇所謂啦~素肉千層麵：芝士味唔會太濃剛剛好，但都幾滯，食落好似有肉嘅千層麵咁，啱晒我哩啲食肉獸；黑松露素圈焗炒飯：炒飯炒得爽身，素圈好有魷魚圈質感，充滿黑松露香味，當中都有好多菇。$99 一個套餐有咁多嘢食，碟頭份量十足，好味抵食下次要試下中式嘅餸菜

經過多日的大魚大肉，終於體重有明顯的上升，同事提議吃素，一向不好素食的我也唯有隨行。椒鹽豆腐經過油炸的豆腐粒，外層微脆，內裡熱辣辣而且軟滑，叫上椒鹽，十分香口。欖菜干煸四季豆始終比較喜歡川菜的味道，比較惹味，這個略嫌味道較淡。咕嚕肉賣相和平時的咕嚕肉非常相似，如果不是在素食店，肯定被騙。招牌一心炒飯炒飯乾身，粒粒分明。加入了蔬菜粒和冬菇了，雙重口感。炒淮山麺感覺有點似平時的炒麵，不過少了一份油膩感。涼拌春耳爽口，拌上芝麻，作為涼菜不錯。西蘭花雜菜烏冬減肥餐必須品，吃大量蔬菜。烏冬很滑漏，軟硬控制得剛剛好。老實說，作為肉食類的我，間中吃一頓素食也顯得非常不自在，雖然素食的味道不錯，而且比較健康。但是總覺得欠缺了什麼，明明吃得很飽，又像沒有吃過飯一樣。疑惑？！

今日兩人前來，叫左個lunch:燒汁茄子猴頭菇飯。好味又有益，啱曬母后口味，惜猴頭菇的份量不多。餐湯選了羅宋湯，偏酸的口味但我喜歡。前菜迷你而新鮮，是個小沙拉菜mix。因為己到下午茶時間，又叫了兩個tea set。炸紫薯外酥脆內香甜，不是單一的紫薯，而是混了粟子，加強了口感。素火腿雞蛋三文治真的很不錯，魔女我吃得爽意。唯一令我有點失落的是，那個雞蛋沒有像坊間厚炒，而是異常單薄的蛋片，兩三片重疊着，再放上那幾可亂真的火腿片，美味得可以。三個餐三杯飲品，要了華田，杏霜。全下重手下料不欺場，好滿意的一個星期六下午。別忘了打咭後告知待應，會送上一迷你泡芙哦。

一入餐廳,侍應示意我地於門口風口位就座,我地見餐廳入面一點的位置有數張空台,也有其他食客坐入面,便要求坐入去, 可是侍應聲稱入面既台已被留位而拒絕, 可是到我地用膳完畢離開為止, 入面仍有數張空台沒人坐!食物方面,一心炒飯太硬, 意粉有酸味, 不知是否食材不新鮮, 本不想浪費食物, 但實在吃不下去, 吃剩很多, 唯一可取的是蛋糕......

做得太耐食肉獸,好想食返餐素,上網找下資料,睇下有冇好評價餐廳先,發現一心素食好多好評,地方又唔遠,離牛頭角站五分鐘路程,一於拉埋朋友去試菜。睇下餐牌有咩好食先,午市套餐價錢由(44元-59元)十分抵食,分量大,唔怕平時大食嘅朋友唔夠飽😜

現在超愛光顧供應【少油、少鹽、少糖、少加工】食物的餐廳。吃對的食物，能減低腸胃的負擔，人會精神D，皮膚會靚D，情緒都會平穩D架！這間位於觀塘的一心素就係其中一間讓【外食族】能夠食得健康又愉快既餐廳啦，仲幾【抵食】添。約70-100元既Dinner set包了飯前水果、西湯、多穀面包、主菜、甜品同飲品！平日晚上人客不算太多，環境又寬敞，可以【攸閒地和朋友坐足幾小時】。叫左一心招牌炒飯、意大利芝士焗素肉千層麵同鮮菌蔬菜釀大啡菇意粉3個主菜。鮮菌蔬菜釀大啡菇意粉既貌相同味道最好！下次黎都會再叫黎食～雖然【蛋糕】不是全素，只是蛋奶素，但已比普通蛋糕健康好多啦 ！芒果千層蛋糕：中間夾了芒果果醬，蛋糕質感棉滑鬆軟，幾好食！布朗尼：朱古力味再濃郁d就好啦。

星期一既日子揀左食素，可以清清腸胃，今日去左公司附近既一心素食，叫左個茄汁雜菌粒炒意大利飯，黎到見到係有d驚喜，因為個樣真係唔似素食，仲好吸引咁，食落口就充滿番茄香味，酸酸地勁開胃，食多幾啖更滲出淡淡既菇香，層次感十足，就算未有肉類都覺ok，加上飯質軟香有咬感，而且又唔太乾，確係算得上幾好，但以觀塘工廠區樓上舖黎講價錢就真係幾貴，同埋仲要加一，真係幾令人却步，耐唔耐食一餐就得，成日食真係會破產！

係facebook見到咁多人講起一心素食，我又係觀塘番工，緊係去試下！我1點45分去到，未到下午茶時間，我已經見到乙5.6位等緊！個店員好nice，好親切咁招待我地，又比我地坐入去等2點下午茶開始。一睇餐牌，真係9元下午茶，不過要加一。但點計都比外面平！因為價錢平，我都無期望味道好好，但結果喜出望外！我點了蕃茄蛋面，當然仲裁免費加大的飲品，味道鮮甜，蕃茄足料，真係一讚！不過，真係只有下午茶係平，其他時間黎食都幾貴！如果想食個平平下午茶，一心係好選擇！

所謂素食，明顯地跟宗教有關。雖然本人並未有任何信教，但亦會尊重不同教派。話說佛教講求靜、和、養等等外人不懂的禮節，心想這餐廳必定讓客人有此感覺。當然不負所望，職員們都持有有善態度，開朗平和的性格。令整餐晚飯都進行得舒服，慢慢的。食物方面:前菜: 雜菜湯，沙律，大豆芽沙律 - 只有只許切粒雜果，完全沒有淹糖在於簡。湯 - 因不能加肉煲起，一定沒有動物脂肪，沒有任何油份，在於清。大豆芽 - 加麻油，好像有點過多，而本人不接受大濃味，所以唯有淺嚐。主菜: 素海鮮淮山麵素海鮮不像真實質感，其他雜菜卻配得很夾。紫菜的香加上清湯的淡，令人食得舒服，不會覺得太濃太咸。淮山麵一來以為有經炸過工序看似即食麵，吃一口就知道固中分別，完全沒有公仔麵油膩，只感覺麵很清爽，而且煮得剛好不會太淋身。跟餐甜品: 雪梨雪耳杏仁糖水 (中式)其實就糖水就已經有約10款選擇，但大部份都件裝蛋糕。單主菜碗麵都多得吃不完，當然只可選擇容易消化又清新不膩的。跟餐飲可選普通飲品，同時亦可加錢配特飲。所謂特飲，指鮮揸蜂蜜配水果果汁 或 新鮮五青汁 幫助清理腸胃。

湯底濃香番茄味，配上煎蛋及素麵，很不錯。素食店標榜食得健康，感覺不油膩。下午茶連大柸裝凍檸檬茶，非常經濟抵食。此店環境舒適，空間感大，服務有禮，有機會會嘗試晚餐。

今日係觀塘行街街行到天都黑又要搵野食，搵間就近又未食過既。之前都聽朋友講過係觀塘工業區新開素食餐廳價錢適宜，份量又十足，唔好以為聽到係工業區就好遠，其實係個大型商場大概行十至十五分鐘就到。食素？我初頭聽到都以為又係素雞素鴨炒個麵咁，點知其實去到又好西式化，可以話係新式素食餐廳。離遠都望到，閃閃下既門面，三樓就係一心素食。入到入面晚上七點半左右，人客都多，不過唔洗等位，原因係入面非常之大，差唔多有成二千幾呎。係e+正直夏天坐低真係好似天堂咁，冷氣開得好足。座位唔差好嘆好舒服，坐低之後服務員好快就來服務我地。個餐牌有好多野揀，最後我地叫左個兩人餐。首先好快咁就上左個湯，其實有紅湯白湯揀，我地就叫左黑松露忌廉湯，入面有一粒粒黑松露，而且反起黎好香既菇味。除左湯仲有一個冷麵前菜，有wasabi調味，入口清新，麵好彈牙。食完麵仲有個餐包，個包食得出仲係新鮮，無話晚上去食而變左味。入面有滷水蛋，菇，豆干，蘿白，豆腐，全部材料都好夠滷水味。值得一提係豆干豆腐，豆味濃郁，而且又有口感，一d都冇煮左好耐淋曬既感覺。西蘭花夠新鮮夠嫩口，一d都唔老。唔好以為酥炸好油膩，其實食到最尾隻碟一滴油都無。炸完既菇完

響香港食素已經越黎越普及, 好多人會以健康宗教為由, 間中食素清一清.放假日陪亞媽探親戚, 特別帶佢試下新興素食, 等佢唔洗下下食酸辣素雞果D野.樓下有個大招牌, 示意3樓就係.入到去地方好大, 好多卡位, 坐得好舒服.睇下餐牌, 有中西餐, 好多款式選擇. 最後決定揀2人套餐($249), 有埋餐湯, 前菜, 餐飲.餐飲揀左雪梨汁, 火龍果汁, 果汁好新鮮, 唔甜非常好.先黎小食類, 日式咖哩香樁手抓餅, 手抓餅其實唔知係咩, 但睇樣似泰式薄餅果D, 表面唔太油, 薄薄地韌韌地, 點埋咖哩汁, 唔錯.小菜類, 時蔬腐皮卷, 表面唔油, 腐皮幾薄, 有D粉絲, 蔬菜絲, 都係點咖哩汁, 幾香口.小菜類, 蓮藕猴頭菇炒時蔬, 猴頭菇炒到林林地, 蓮藕好爽, 有蔬菜落肚無咁濟. 粉麵頖, 鮮蔬三絲炒河源米粉, 米粉炒得夠乾身, 唔油唔硬, 好香口, 好似響茶餐廳食果種味道.整體唔似平時既素食得一種味, 呢度煮既方法好似平時餐廳既小菜, 好味, 份量夠.而且一路有好多人黎食, 但年紀唔係上一輩人士, 係後生或中年人居多.

生日月份，晚晚應酬，食到肚腩也凸出來了！看來要食清d.可是向來齋口唔齋心的我，成日心思思掛住食。本想食得健康，又要過到健康果關，都係食素吧！約好志同道合想食素的朋友, 來到觀塘這家素食餐廳.(其實我覺得牛頭角MTR近D)最後點了2人套餐HKD249包1個粉麵飯 + 1款中西式小食 + 2款小菜 +餐湯+ 前菜前菜-酸蘿蔔青瓜這是很開胃的前菜,現在很少餐館可以吃到這種酸蘿蔔青瓜了.忌廉湯這個湯原本就是素食.特別在這個CREAM底唔杰, 但卻好濃奶味,(唔係勁落粉打芡果D貨色.)七彩雜菌釀大菇伴時蔬以薯仔, 翠玉瓜, 紅蘿蔔伴碟新鮮大菇表面, 釀了芝士, 粟米, 蕃茄碎, 其他菇類.大菇菇仲厚過我的尾指, 新鮮菇本身有種酸酸的味道 而表面溶化了的芝士, 與爽脆鮮美的大菇好夾但菇菇連同配料太厚, 不能一口吞下.配料都掉到碗內呢! 香炸素鱔其實是大菇菇切成條狀, 沾炸粉後落油炸.雖然是炸, 但炸得唔硬.(我唔鐘意食硬掘掘的食物)表面炸粉鬆脆, 入口唔油膩,中間菇菇又爽脆, 再配埋五柳甜酸汁, 跟本不覺得正在食炸的食物.XO炒飯原本只為保証食得飽, 才點這個飯作後備.但來到這裡, 已經半飽了.看

這家在輔仁媒體被報導後，聲名大噪，希望可以保持水準吧這次是二人四餐下午茶，因為當日早上進行了跑步訓練，又沒吃午餐。1.野菌公仔麵(合要了2份) - 傳說中$9下午茶，但絕不將貨就價，湯底喝起來很舒服，菜很新鮮。2.咖哩手抓餅 - 當作小食不錯，頗香口3.芝麻醬秋葵 - 吃起來頗爽4.雜菌稻庭烏冬 - 和公仔麵的評價差不多，但價錢則屬正常水平。環境不錯，坐得頗舒服。職員態度方面沒甚麼特別感覺，但我們坐了個多小時都沒特別問題。建議：可以主動問客人是否將飲品需要加大，看到飲品的分量這麼大實在嚇倒了。咖哩手抓餅上碟的咖哩汁可以減1/3，分量太多了，點不完會浪費。會encore!「素肉」選擇也有不少，大家可以考慮。這不算一份很深入的食評，但為了鼓勵這些小店，多寫兩句還是要的！