一心素食 (Closed)

過完年食過太多油膩野，都會覺得好飽飽滯滯咁，過完年後回復正常生活就搵下D清淡既素食調節一下身體。是日走過黎官塘和朋友一齊黎試下呢間素食餐廳。餐廳既素食有好多種類，想食多D既仲有自助餐，我地兩個人就揀左晚市套餐，有前菜有湯仲有野飲，每份都係$89，真係好抵。前菜有生果有湯，紅湯同白湯水準都唔錯，生果方面都幾新鮮，可以開開胃。另外仲叫左一杯熱朱古力同大韓薑蜜，大韓薑蜜薑味同埋甜味都配合得幾好，飲完個人都好暖。主菜特色鮮蔬奄列炒飯呢個炒飯份量真係好多，入面有好多唔同既蔬菜材料，加上一層厚厚既蛋皮，食完蛋加上入面既炒飯，係唔錯既口感，仲有跟飯既新鮮沙律，食完炒飯可以幫助消化。牛蒡水餃雜菜鍋湯底十分清，都係蔬菜既鮮甜味道，沒有一點味精味，有水餃，冬菇，藕絲同埋菜，材料十分多，有藕絲會有足夠既飽肚感覺，又不會覺得滯。跟餐仲有飯後甜品，芒果千層蛋糕十分軟身，食落好滑身，喜歡芒果既朋友要一試。 仲有一款中式既雪梨糖水係呢D咁凍既天氣真係好滋潤。好少有素食餐廳可以咁高性價比，晚市套餐份量多，小菜甜品都有十分超值。想再食素既時候一定會再黎。

講起素食，喜歡西式、地中海式的。以雞心豆、橄㰖、蕃茄、雜菌、茄子等簡單的食材，煮出各式各樣的精緻菜式，最重要是味道絕不比肉類比下去。印象中，中式素食雖然沒有肉，但油和調味下得多，不覺得特別健康。想起港大飯堂的羅漢齋頹飯，更是有心理陰影。這天，正在搜尋牛頭角的餐廳，見到一心素食，突然有癮。來到見到眼前的景象，當下呆了。沒想到場面如此墟冚。地方頗大，12時半幾乎全場滿座，再遲10分鐘便得等位。走來走去的店員忙個不停，環境氣氛像飯堂，又像茶餐廳。有時候都幾矛盾，忍耐忍苦是種美德，是種修行，但換個角度，何不採取主動，與其忍耐，不如改變。對於人生的哲學、智慧，還需要慢慢歷煉。＄49免加一的午餐，有湯、前菜、主菜和飲品，十分抵食。有13個午餐選擇，看似很多，其實都是差不多的材料、醬汁併成不同的配搭。另有2/4/6人套餐。健康沙律盒相比午餐，＄19的健康沙律盒有點貴。跟西餐的沙律前菜有點相似。沙律菜新鮮爽脆，黑醋汁酸得開胃，算是個清新的開始。鮮忌廉湯／特色前菜日式芝麻醬加wasabi撈冷麵，芝麻醬美味，wasabi清新刺激，配冷麵一流。忌廉湯稠得實在，味道濃郁，奶味奇重。吃到像奶的忌廉湯，新鮮感十足

記得以前知道有一間餐廳既下午茶只係$9，即刻走去食，食既時候都諗下佢夜晚其實係有咩食嫁呢？今晚比左個機會我去搵答案 ...... 位於觀塘工業區，以食齋為主題，餐牌都好多唔同種類既齋菜，難怪坐左咁多人係度。 餐廳都有介紹食材既功用，果然係健康齋！ 餐前先有個麻醬冷麵，帶少少芥辣味，幾開胃。 牛蒡湯水餃，湯清清地唔會太濃味，水餃雖然係齋，但食落去都保留到平時肉餃既口感。水餃皮唔會太簿，夾起時都唔會穿。 菠蘿咕嚕肉，呢個整得好好，本身自己都幾鐘意食咕嚕肉，佢有真正咕嚕肉既口感同味道，但又用齋嚟整，我相信放番真正既咕嚕肉係度都未必分得出。 石鍋雜菌茄子猴頭菇，茄子用石鍋上，仲見到佢好熱而出既泡泡，茄子整到好淋，猴頭菇食落都有食肉既口感。 姬松茸豆腐羹，杰杰地，飲落口感都幾似食翅既感覺，有大量菇，荀同豆腐，個羹都好入味。 蟲草花羅漢上素齋，用左好多唔同既蔬菜去整，再加埋蟲草，而且味道偏淡，真係健康素食者必選！ 食完晒仲有泡芙做甜品，估唔到齋鋪都有泡芙食。經過今晚，我知道除左$9下午茶以外的一心都咁有驚喜。

今晚做個孝順女，帶媽咪去食素。 因為媽咪信觀音，平時初一十五都會自己煮齋黎食，聽到我話肯陪佢食素，佢開心到不得了。 一心素食喺觀塘工業區，入面都幾大，好多枱可以容納好多人，仲有卡位可以坐。 留意到呢個素食盤菜，都幾新穎，冇諗過原來盤菜都可以變為素食，不過盤菜要預早訂購，所以今日都係食返普通野。 Menu有散叫同餐，其實散叫既野喺餐入面都有，所以叫餐相對地抵d，不過4人餐怕食唔哂，所以揀左2人餐再加多個餸。 前菜: 冷麵冷麵帶有芝麻醬及wasabi味，唔會好攻鼻，都幾清新。 姬松茸豆腐羹有d似碗仔翅，入口都係杰身，入面有姬松茸，菇類，荀同豆腐。豆腐唔係平時見到既軟豆腐，而係豆腐乾。姬松茸亦係養生之選，可以增強身體免疫力。豆腐羹咸度剛剛好，加埋醋更能帶出佢既味道。 牛蒡湯水餃牛蒡湯好清，水餃較淋身，入口同平時食既肉餃唔太似，好似食緊粉團，而水餃皮不夠薄，只屬一般。 菠蘿咕嚕肉素咕嚕肉炸粉唔多，食落口感覺似真係食緊肉，比出面真既咕嚕肉冇咁炸同油膩，個汁令人好開胃。 石鍋雜菌茄子猴頭菇石鍋一黎到仲滾緊熱辣辣，整個鍋味道濃郁，d汁好惹味，茄子亦都好多，猴頭菇食落口有d似雞肉，唔講

去完開倉要休息下, 就搵地方食野, 朋友話呢間素食都唔錯, 見佢咁講就黎試試.起初我以為素食多數以中式菜式為主, 呢度原來有西式素食, 款式都幾多, 不過好似中式類吸引D.要左個"咖哩手抓餅", 睇落都煎得焦香, 食落有D油, 唔算太脆口, 入面個餡煙煙韌韌無咩味道, 全靠個咖哩汁調味."猴頭菇炒時蔬", 猴頭菇幾香菇味, 其他時蔬都係一般既蔬菜, 幾爽口, 不過炒得比較油膩同咸, 食完有D口乾.另外會有餐湯同麵包送, 餐湯無咩特別, 淡淡地, 祗係夠熱最好.

周日上午上過瑜伽班，吃個午飯才回家。路過>>>一心素食<<<，難得在工廠區內遇上素食餐廳，便去看過究竟。內裡座位很多，裝修光猛簡潔。餐廳提供不同午套餐，可按人數選擇。冰是獨行俠，仍不缺選擇啊。餐單上的資料相當詳盡，適合各類素食者尋找合適膳食。揀好心水，自行在點餐紙上剔選，填好檯號，交給侍應就已大功告成。不消一會，侍應先送上忌廉湯、沙律和大韓薑蜜。忌廉湯很清，內裡只有菠菜絲，但味道不會太淡，調味恰到好處。沙律以 wasabi 調味，然而辣度不會太過「攻鼻」，既提神也提升食欲。大韓薑蜜的薑味濃郁，只是略缺蜜味香甜。主菜為肉醬吉列素扒焗長通粉，與坊間所見的焗肉醬豬扒可謂無差異哦。長通粉表面以芝士烘焗，非常香濃，肉醬味道調配合宜，味道濃淡得宜，值得一讚。素扒造得十分認真，口感與豬扒有八分相似。要是「齋口唔齋心」，或者被傳統素食悶壞了，定要一試這款素扒。驟眼一看以為是香腸的圓片，其實是蘑菇，爽口的一片為整個主食增加口感層次。份量十足的一個午餐，只售 HKD49，可謂超值，無論是否素食人士，也可考慮一試啊。

紅湯偏酸白湯有松露味亦好creamy湯飯湯底偏咸有素雜丸咸菜唔係我嗰杯茶素丸嘅咬感好怪雜菜准山麵准山麵超彈牙有啲似公仔麵湯底亦偏咸雜菜好咬口又新鮮portion 勁大份套餐有埋包真係完全食唔曬不如個價set平d份量細啲仲好

上星期三去了觀塘食素食午餐，同老公一人叫一份午餐set，老公叫黑松露肉扒焗意粉，好有黑松露味，焗意粉好大份，芝士味好濃好香。我叫了一份肉酱豬扒焗意粉，芝士味也好浓，好有肉味好有咬感。而且太大份也吃不完。兩個餐湯也很好味。

今次又來到觀塘工廠區揾食， 朋友成日話肥但飯始終都係要食，咁今次就試下素食， 清下腸胃啦雖然位於工廠區內但位置係十字路口位，十分易找餐廳十分寬敞， menu 也頗多選擇， 雖然是素食，但肉類餸菜也不少和風芝士年糕不油膩，而芝士溶得剛剛好酥炸三拼鮮菇炸粉十分簿，很新鮮, 呢款本人十分推薦一心一品素鮑魚雖然是素鮑，但味道十分似，而且醬汁不會鹹南乳素肉腩石頭鍋好奇好想知道素食既腩肉會如何， 口感不錯， 雖然未至於像肉質感但也有七成像總括素食都係一種好好既驗， 比想像的還要吃得飽，下次都可以多嘗試素食

朋友是素食之人, 他相約我官塘工廠區食晚飯 ~ 一心素食 .在街見到一心素食二拉架 介紹 2 人套餐只需 HK$249 及有得預訂素盤菜.位於官塘鴻圖樓3樓店簡潔以白色為主裝修,地方舒適.* * * * *點了二人餐前菜豆腐沙律滑溜溜豆腐及新鮮沙律菜,配芝麻醬,非常開胃.* * * * *冷盤素鮑魚撈起 (蛋素)撈起寓意一生運財,風生水起,好意頭新年菜式.這撈起十分豐富,有以切好條彈牙素鮑 ､爽甜蘿蔔絲､ 爽口青瓜絲 ､新鮮生菜絲等, 而下面有好滑烏冬,配合芝麻醬撈起來食,非常清新好食.* * * * *小食酥炸三拼鮮菇三拼鮮菇有白玉菇 ､靈芝菇 ､雞脾菇,菇外層非常熱辣香脆,而內層保持菇甜鮮味不乾,沾點沙律醬更滋味,必點小食.* * * * *自家秘制南乳素肉腩石頭鍋這石頭鍋內有好有質感素肉腩､好軟蓮藕､枝竹､花生等,配咸咸地南乳汁,非常好送飯.* * * * *百結炒東坡素肉塊有東坡素肉塊,口感好似真肉有肥膏口感,配打結腐竹及紅黃椒一齊來炒,但汁不夠惹味呢!* * * * *一心炒飯炒飯有內什菜及冬菇等,說到飯粒炒得好乾身,好好味,* * * * *香甜水蜜桃布甸及蕃薯糖水當然二人

說話香港地好少有西式素食店(中式素食店就有大量)對我們這些常吃素的人來說，得閒食下西式素食是一個唔錯既選擇，轉下口味其實好耐之前都試過這間素食店，一向印象都唔差，環境又舒服，服務又好，價錢又大件夾抵食，但因為地方離屋企遠，所以少去幫襯剛好前兩日去觀塘做野，所以順便去食麻晚飯才回家(其實一直都心思思都想去，但冇機會)一去到門口就有位姐姐帶位，本來佢安排咗我去一張2人枱到坐，但因我不滿意這個位置，主動要求轉枱，他們也非常佩合我的要求，很快已安排較好的位置給我真是值得一讚！！開始有少少肚餓，打開食評，找找有什麼好吃，發現有一款食物有讚有彈，就是素肉千層麵，我依D有挑戰精神當然試下龍與鳯啦(其實係我想食千層麵)，落單前侍應姐姐好好人溫馨提示我焗的東西要等候更耐的時間，我說：不緊要，我不趕！！好快前菜和湯黎先，我一路慢慢地享用前菜和湯，一路等千層麵，湯是黑松露忌廉湯，非常濃郁好味相反前菜沙律就一般般冇咩特別，大約等了15分鐘，待應姐姐主動走來跟我説，我已幫你跟進緊千層麵（其實我冇吹佢，可能佢見我飲完湯，但主菜未到，好心主動幫我跟進）這是第二讚好快千層麵在我眼前，非常濃郁的芝士味，啖啖芝士加素肉醬

話說12月頭左右跟朋友黎食過，當時覺得一般，冇咩特別，可能個日身體有少少唔舒服啦今日相隔一個月再黎，發現好味咗好多菜式多咗好多野選擇，最後我同家人選擇了自選2人餐，主菜自選1款+小食自選1款+小菜自選2款+2碗湯+2款前菜+2杯飲品開頭我們怕我地3個人唔夠食，最後竟然3個成年人抱住個肚走非常抵食，2人價錢3人享受！！個炒飯裏面放咗D脆米粒炒，非常得意有口感，個沙嗲煲出奇地野味，撈飯食真係可以食多幾碗個小食炸粉漿適中，不會太厚粉，唯獨D菜比較少，如果多D就剛剛好，值得再去多一次，希望一次好過一次

是咁的，話說在搬到觀塘區工作因此晚上經常幫親此素店。昨夜同朋友晚飯，食物質素下降到忍唔著影相po文😫真心失望....搞到以後都唔想再去...千層麵一到😱油到浸死人，唯有盡力「筆」D油出嚟...那個千層麵是第二碟了...第一碟焗到燶曬，痴底仲要黑色😑本來店員呀姨唔想換(我明白，作為一個普通員工當然唔想搞咁多野)，於是我叫佢「筆」下😂變左炭痴曬底點食？佢「筆」左兩下....就攞左個千層麵去換了...由於朋友個千層麵搞好耐，唔等佢我食先！本身無特別，只覺得個黑椒汁比平時辣左濃味左，有時師傅心情+手勢影響好難講，於繼續食....食食下，無hi到黑椒汁的通粉好似有D怪味😨食多條試下👉🏻微酸😑但我已經食左4份3碟了，叫佢換都無意思...祈禱明日別肚瀉吧！後來朋友的千層麵上枱...也許油價真的下跌，師傅益街坊啦，真係油到嚇死人...筆」完油再食那個麵😔好似都係酸酸地...食過好多次都無呢D問題，忍唔著問店員呀姨係咪廚房換左師傅？轉左食譜？店員呀姨話無😕咁D油及酸味唔係來自親食譜啦...椒鹽豆腐，這個不錯香脆可口，是這餐飯唯一好食的 成餐飯又貴又唔好食....以後都會想再去！！

見朋友一次又一次光臨, 所以就決定一試。餐廳幾寬敞，安排到坐卡位，闊闊落落，野食就叫左：百結東坡肉：百結係鮮腐竹，軟身又淋，東坡肉雖然無做到塊皮，但肥膏同肉都合格，只係汁杰左Ｄ同味道一般香炸素鱔：最差既一碟，無心思又無味道，鱔只係用大冬菇切成一條落炸粉炸，完全無味又唔脆，只靠點酸汁調味酥炸三菇：有雞脾菇，白玉菇同靈芝菇，食到菇本身既味，因為雞脾菇口感爽Ｄ，所以我覺得好味Ｄ，其餘就一般，同埋油左Ｄ，有種成口油既感覺帶子松露炒蝦：獻汁杰身，蘆荀同椒都可以，唯獨麵粉製既蝦同蒟蒻做既帶子無味道，帶子樣似半粒墨丸，蝦就只係用染料加紅色，完全無神態雜菌釀大菇：最好味，最靚既一碟，雜菌加埋沙律醬同芝士釀起磨菇面再焗，旁邊仲有煎過既椒同用醋做既沙律菜，好開胃總結：如果期望佢做到真肉咁出色，一心比唔到你，但如果純想食素都可以一試

偶然食素都算係一種身心靈放鬆，雖然我唔係佛教徒，同事當中有時會食素，但係我感覺食素唔需要去區分任何宗教；抱住一個平和心情去試一呢間素食飯堂。一入去同茶廳差唔多，環境尚算可以；只係如果比以前食開素食既地方，場內可能人太多聲音較難平和，但總括係呢區食素食，應該可以方便日後其他食素朋友，係另一選擇。先講下餐湯，平時係屋企煲我都唔會加牛肉，呢度同樣都係；味道比我煲濃郁，睇怕我可能時間要掌握下。先煲出呢個味道香春菜菘子菩提炒飯，比出面食肉食既炒飯，少油味道唔會過鹹，以前食過素食，呢個飯係最維陣既素食選擇，同事話有啲偏甜，可能炒飯有提子乾關係；所以味道的確係有少少甜，但我食落覺得OK!最好配埋佢前菜"中華沙津"食味道會有所提昇呢個係我個人建議時蔬雜菌湯烏冬，之前睇食評都話啲菜切得太大舊，我覺得還可以，如果太細舊會令到菜碎晒，因為平時係屋企煮都要用水灼一灼，因為方便煮之後唔會碎呢個大細OK！烏冬浸湯味道都幾好清清地只係如果菇類再多少少就更好啦!(因為我係一個菇迷)忌廉汁菠蘿燴意粉，呢個算係唯一個唔係全素既菜，同事話味道太甜，可能菠蘿加上忌廉汁關係啦！味道還可以，只係唔係好夠熱，再熱番少少就應該無再呢