大久保日本料理 (Closed)

一共俾咗2次機會佢, 之前果次仲差:刺生唔新鮮, 煮過果d又好咸! 只要4個字可以形容: 不知所謂

食晚市Buffet都ok!壽司同刺身都唔差,幾新鮮!不過炒飯就麻麻地啦...爐端燒可以!服務人員態度幾好,係傳菜方面比較慢,要改善!

之前試過食... 咁諗著再去多次啦點知...都上次差別勁大囉...d壽司飯超酸...全部野食..都上次個dd極大分別!!!

honestly this is like one of the worst Japanese Buffet i have ever been to in my life, not worth it at all!!! even though the service is alright, but the quality of food is just rubbish which you will never believe, $135 is just like being stole from my wallet after the dinner and i had to go out and find something else to eat law....., those 壽司are even worst than those you can buy in Jusco,食完包你一肚氣.

朋友話呢度搞生日會有蛋糕同香檳送,所以就上咗嚟一試啦!接待員幾nice呀^^我地問佢野,佢都好友善咁解答唒我地o既問題,不過見佢俾咁多客人圍住等上樓,都幾慘!我地坐房,有獨立空間始終係好啲!送o既刺身船都唔差,不過始終唔夠食!所點o既有叉燒拉麵,南瓜天婦羅,牛肉火鍋,汁燒雞翼... 個火鍋湯底好香,正!拉麵就麻麻啦,好多味精!最好味都係炒飯!食飽之後,有個經理仲主動幫我地影相,跟住我地仲拉埋佢一齊影!成餐飯响好愉快之下結束!

跟友人們去大久保,想一嚐大家所評論的差究竟有多差.但結果我們四人也是很滿意地離去.一入店,先申報我們有優惠及生日侍應們很熱切地服侍我們(可能因為當時不太多人)還未點食物,即送上刺身一碟刺身的確是細了點,但也可以過一下口癮再跟友人點食物,原來是有規定的,每張紙每次只可點三款食物,數目最多為人數一倍加一半.都是合理的,免得太浪費食物嘛.原來現在惠顧還會送一款食物,我們揀了鐵板燒.只有幾片牛肉,茄子,菇類...但既是送的,也不要要求太甚了.壽司的飯比刺身大件,所以吃下去似是吃飯多於吃刺身.各款刺身也偏細,友人說是發育不良.值得一提的是大久保辣冷麵,很好味!之後吃畢,他們就送上生日蛋糕來.這個蛋糕是敗筆之處.吃一口,我還以為自己正在吃蛋糕上的cream,一點也不似Tiramisu.衛生方面:地面黏黏的.環境方面:也算靜,但有電影播放中,如果不好的可能會覺得有點騷擾.整體也是不錯的

上星期朋友聚會,訂咗响大久保食DINNER!都唔錯,唔錯!另外特定贈送既龍蝦湯底火鍋,好有鮮味;炸蠔都炸得好金香,不過要趁熱食,因為臨尾個朋友食果舊凍咗,佢話無咁好食!個牛肉刺身不至於A貨,但都未至於得雪藏味!之後已經好少叫野食,因為之前既食物已經食到好飽啦^^

睇之前果位人兄食評, 我有疑問, 大久保好似無執過粒, 由始至終都係兩間分店咋噃...因為我以前係大久保熟客, 後尾見D野食無咁好質素同服務無咁好, 就無再去!不過....咁近排行經附近, 又懶得再搵第二間, 咪再上多去一次試吓囉!總算無上錯去, 進步咗!服務態度係好咗, 起碼D野食出得齊, 佢地又幾好禮貌! 刺身唔差, 有鮮味, 回復返最以前水準^^

尋日(31/12)去油麻地個場食八點半至十點半最貴既呢個時段($168 仲要加一), 食完一肚氣, 連一蚊貼士都唔想俾! 食物:魚生普普通通,但d 飯一d 都唔似壽司飯! 熱食都麻麻地,唯一好食少少既,只係佢既海鮮窩！效率:奇差! 未試過係一間餐廳食飯, 落十張單都無一張黎! 吹完之後先勉強黎一兩份,而且分量好「小家」,隻碟就鬼死咁大, 一大隻碟只得三兩片魚生！我地全晚落左二三十張魚生既單,結果黎既,十分都唔知有無! 各位食家所講既野真係一d 都無誇張！態度: 差！著西裝那位貌似經理的先生，收碟既時候倒瀉左我地既鼓油，竟然可以一句sorry 都無, 望一眼就掉頭走! 我和朋友們不約而同咁話, 咁都得!? 賣單時我地連$1 貼士都覺得唔值得,所以俾散子唔想找, 結果個侍應走黎同我地講,「唔好意思,我地唔收散子的！」...........朋友那時說: 算啦! 原來散子唔係錢黎架! 如此食物, 如此服務質素,難怪「大久保」執完一間又一間, 只係剩返油麻地同銅鑼灣, 以後真係請我都唔去! 超級失望!

尋日同屋企人行完工展會，已經是6:00pm..行過見到大久保...見佢有位諗住入去食...但係家姐話呢間野唔好食...不過我話試下啦...人地話唔好食，都要自己試下先知...不過佢5:30已經開始..可以食到7:30但係我地去到已經6:15左右..不過佢地好好比我地食到7:45。食物味道想算ok，款項都有很多，但係佢地成日都漏單....尋日找數都算平...本來88加一，但係我係工聯會會員有85折...(3個人食左250元)

我上次去大久保食中午任點任食,見幾抵就去試下!係就係幾多野食,但係份量就好少..!!例如豆腐得3~4舊~仲要係好好細塊個d !但已寫明2個人份量!!仲有d類似扒既野..又係勁細塊..講真個句..兩個人食5碟都未夠..!!仲有服務就普普通通啦..!!有時叫左勁耐野食都未黎~後尾要吹先黎..講真已經食得唔多野..!~樣樣都細細碟咁..仲要等好耐=.=但食到最尾有個雜果甜品都唔錯..

琴日平安夜係大久保食dinner!!!雖然唔使等位..但係節日既價錢貴左d!!$168..但仲未加一..野飲仲要加廿蚊先任飲野食..好好..好新鮮初初黎得ok快..但之後要崔左幾次先到囉!!服務尚可..環境都幾好..

响附近寫字樓做o野, 所以經常响銅鑼灣週圍食lunch!最近發現大久保o既午餐幾抵, 味道唔差!我食o既三文魚+冷麵都好好味, 廿幾蚊, 抵!

佢地午市定食真係好抵, 大约$30+就有, 不過就唔係樣樣好味。我試過拉麵同冷麵都幾ok, 但如果想食sushi或者卷物就最好唔好喇, 因為佢地d飯唔係咁好食。

事關同爸爸&佢個客响度食飯, 佢同個客係咁傾生意, 我就好無奈, 好彩呢度有新戲播, 食緊野都令到我都無咁悶!同埋聽我爸爸講話呢度有免費啤酒飲, 咁佢成晚就一邊傾野一邊可以飲!呢個場算可以照顧倒不同客人o既需要啦!侍應都唔錯, 傳菜嚟到, 會識介紹食品名稱, 都幾有禮貌!食咗咁多同飲咗咁多都係百幾蚊, 好抵!