OH MY GOOSE! (Closed)

最近忽然想食靚叉燒，見呢間幾多好評就決定來試試。本來想叫叉鵝米，但燒鵝賣晒(只不過晚上7點)，於是叫最受歡迎的招牌黯然銷魂飯。呢個咁得意嘅名，其實係指叉燒煎蛋飯，而叉燒同太陽蛋都是我很喜歡的，如果料靚又做得好真係可以好正。但點知一來到就知道不對路：叉燒一睇就知係又乾又鹹，仲要切得薄薄的，食落果然非常失望。我係叫要瘦叉燒，但瘦唔代表乾囉，如果靚嘅話一樣可以嫩滑多汁。唔知係唔係部位問題太近邊位，但一間高質素有要求嘅餐廳就係唔可以有啲咁嘅嘢俾人。另外太陽蛋不過不失，飯都 ok，但絕對補償唔到啲劣質叉燒。

之前喺網上見到朗豪坊既food court 有鐵板芝士叉燒飯食！所以依日晏晝就襯得閒黎試試！Menu 款式睇落都唔算少，有燒味飯又有粉麵，仲有fusion 野食喎！點知order果陣先知，我想食既鐵板芝士叉燒飯只限晚市供應。。。黯然叉燒飯... 退而求其次揀左依款，Food court 都有正叉燒，愈紅愈濃我就愈鐘意！當然肉質都好重要啦，依個就夠淋又唔會太乾，仲有我最愛既太陽蛋啊！原隻燒鵝脾懶粉... 原來燒鵝都幾好食啊！皮燒到脆脆地，肉厚多汁，燒鵝味都幾濃郁嫁！同滑lud lud 既懶粉真係純配呀！黑松露手撕雞蔥油飯... 估唔到可以咁fusion! 黑松露味好香，同蔥油好夾呀！手撕雞既份量好多，而且唔會好油膩，值得一試嫁

中午十二點去到，因food court 只有四家店，所以挑了以為安全的燒味飯。去到時它剛開舖，掛了一隻燒鵝而已，雙拼飯$56，要燒鵝還要加$10，野飮要加$10。我最後只挑了叉雞飯。因為見到隻燒鵝有點乾。點單後，等了很久才見燒味師傅出來掛雞鵝，開工！！！！！份量不多，叉燒4件，攤開扮多，加一隻翼，2條菜。叉燒全瘦超乾！切雞超喊～～～～～～～重要加勁多䜴油！飯都未食完已忍唔住要打食評lor! 你明白有多難食吧！無下次！

Ever since I saw pictures of this green rice I had to try it.I think OMG are the first to serve truffle chicken with scallion rice but Coco Kitchen is now serving it too.Tried the Coco Kitchen version at both branches and it was so good so that I had to try the original at OMG for a comparison.The menu is quite confusing because the latest review in November has a picture showing that it costs $48 but another review in October shows the price is $54.Went in November and it was priced $54 so I gu

其實依十年都間唔中食吓fusion菜，但food court fusion就較少，因為趕時間，所以選左食食food court， 而依間幾靚吖，外貌協會會員立時上身，你睇吓啲燒鵝，油雞幾靚！！ 芝士焗小龍蝦伊麵 $58響Food count食嘢都唔預有原隻澳洲/波士頓龍蝦食， 但係依度就有小龍蝦食, 佢依度小龍蝦尚算乾淨, 所以都放心食用,最開心就係有芝士焗伊麵，芝士面幾香吓，伊麵軟硬度適中, 放在個鐵pan上，個温度都keep到温暖. 鐵板海膽什菌炆飯 $58 + 爆檸茶 (跟餐$8)朋友點的, 都係有鐵板熱住啲飯，我試左一啖，覺得唔夠海膽味， 但菇味好夠出，因為佢係炆飯，所以有啲“林”身， 爆檸茶係檸檬片加青檸片，茶底唔太濃，比較好彩，如果唔係夜晚會訓唔到. 燒鵝$158 因為見到掛響度的都好靚，脹卜卜，所以忍唔住買個例牌嚟食，肉夠嫩身, 皮仲有少少脆.可能係新開，見到佢地有少少手忙腳亂，等嘅時間都比較長，希望佢可以改善啦！！

原本想食 PepperLunch，路過被人地叫既黃金滑蛋完全吸引左視線😍.💖 北海道牛乳滑蛋叉燒飯 // $49真心好叉滑啊~😆 非常濃郁既牛油香，金黃滑溜蛋漿，加埋半肥瘦既切粒叉燒，好正啊！- - - - - - - - - - - - - - - - - - - - - -

燒臘店總是給人一種麻甩或老套，晚餐時間，光顧的不是斬料回家的主婦，就是內進點個雙拼的叔叔伯伯。而這家座落在朗豪坊 foodcourt 數個月的新燒臘店，因為店舖名稱夠玩味，將食字精神發揮得淋漓盡致，所以餐廳名字一直留在我的腦海中，提醒著我去試。這天跟朋友來到旺角，就前去一試。燒鵝脾瀨粉 $98  叫得 OH MY GOOSE，燒鵝是不能錯過的，所以我點了鵝脾。來到時，瀨粉還散發著熱氣，燒鵝仍是熱和脆皮，配上時蔬，賣相吸引之外，份量亦多。燒鵝脾大大隻，鵝皮香脆，鵝肉入口口感軟而不韌，肉質軟軟，啖啖肉，甚Juicy。鵝脾肥膏不多，調味恰到好處，如果可以原隻鵝脾不斬件上就更完美。瀨粉滑溜無比，一吃直衝喉嚨，熱力差點燙倒我嘴巴！ 黯然銷魂飯 $52 自從人們用「黯然銷魂飯」包裝「叉燒煎蛋飯」之後，這飯就像被賜上光環一樣，有價有市。這裡的黯然銷魂飯用上厚切叉燒、有膿邊的煎蛋和菜心，配上白飯和淋上甜豉油，一點也不會乾。 叉燒半肥瘦，甜味由蜜糖帶出，甜度剛好；叉燒瘦肉與油脂混於一身，吃起來軟身，但有嚼勁，亦有肉味。 煎蛋的蛋黃流心狀，刺穿，蛋汁瞬即流出，朋友說要快速將飯、叉燒、豉油和蛋汁拌勻，

今日要就時間係朗豪坊睇戲，所以快快手去food court食個快飯就算離遠就見到間shocking pink做主色既食肆好搶眼👀✨✨原來係間新派燒味fusion 菜叫<Oh My Goose!>，又幾特別喎！一於就試試佢除了有基本的燒味飯或粉麵🍜外，亦有些較新式特別既菜式，例如水煮🌶或慢煮等。一場來到，就試試頭兩位推介的<黑松露手撕雞蔥油飯>和<暗然銷魂飯>吧！<黑松露手撕雞蔥油飯>黑松露一直係我既致愛之一，想不到竟然可以和手撕雞拌在一起吃不乾不柴的瘦雞肉🐥拌上濃厚馥郁的黑松露醬一起吃，竟然有意想不到的美味蔥油飯亦不是省油的燈，充滿了蔥油的清香而沒有草青味亦不會過咸。怎麼我覺得它有點像份子料理呢<暗然銷魂飯>聽個名已經係香港人既集體回憶🇭🇰🇭🇰🇭🇰半肥瘦叉燒🐷有咬口又不會肥淋淋，啖啖肉！加埋極富蛋味的脆邊太陽蛋🍳，真係要學好姨咁大叫一句 : 好好味吖！🤪🤪🤪原來憑即日朗豪坊戲飛可以有優惠！！早知就拎左張預訂飛先來買野食啦😅😅😅另外還有學生👨🏻‍🎓優惠，附近的學生哥有福了🤩🤩🤩

去開朗豪坊整電話，順道去美食廣場揾野食！去美食廣場既原因係想慳時間，因為轉頭要趕返上去繼續排隊，所以就隨便選擇左速度為先既燒味店Oh my goose! 餐廳對正入口的位置，非常明顯，選擇貴精不貴多，除了各式傳統燒味飯外，主打幾樣招牌食品！以燒味餐廳嚟講，是非常乾淨！ 同一般燒味餐廳一樣，效率都係十分之快！兩個飯好快就整好出嚟，我同朋友一人一個！我就叫左呢個招牌菜，黯然銷魂飯，即係叉燒煎蛋飯，賣相吸引，也傳來陣陣鼓油香！真係OMG! 叉燒食落幾有咬口，帶點蜜汁既甜味，隻雞蛋再生少少就更理想！除左兩個飯外，餐廳仲推介左我食佢哋新出既温泉蛋，我就用佢嚟代替左黯然銷魂飯入面隻蛋！ 因為蛋漿更豐富！連埋温泉蛋既鼓油汁撈入叉燒飯入面，叉燒加埋蛋香更見吸引！ 飯也變得更香甜！非常好味！朋友就選擇左另一招牌菜，黑松露手撕雞葱油飯，賣相同樣吸引！手撕雞嫩滑，帶點麻油香，重點係個綠色既葱油飯，未食已經聞到撲鼻而來既葱油味！綠色既葱油飯入口更是醒神！比一般海南雞既油飯更香！最後要推介下呢杯豆奶紅豆冰！ 我起初以為係一般紅豆冰，細飲之下原來係用豆奶沖調既紅豆冰，相信成包維他奶咁倒落去，真係不惜工本！紅豆粒

今日收工去朗豪坊買化妝品。行到好攰梗係要搵嘢食。諗住走去food court嗰度睇睇。求其醫飽個肚就算數。點知比我發現咗一間中西合璧嘅燒味飯。算係幾新派新潮。不過呢個food court去到六點半已經好多人。所以一定要搵朋友吧定位先。真係多人多到不得了。見到佢哋個餐牌都幾特別。嚟到當然要試佢哋嘅暗然消魂飯。啲叉燒真係燒得啱啱好。食落去都好肥美。加上有少少半肥瘦。食落去都好香口。呢個係黑松露手撕雞蔥油飯。食落去一啲都唔油膩。加上佢個蔥油飯加左少少黑芝麻。食落去都幾香口。少少黑松露加嫩滑雞絲的確幾好味。我老友食呢個流心蛋手撕雞蔥油飯。幼幼叉燒絲配以一個半生熟滑蛋...的確超級野味。我另外一個老友就叫咗呢個....北海道牛乳滑蛋叉燒飯。佢話一個字滑最後我哋四個人食四個飯。都唔使220元....的確幾配合我哋嘅經濟原則。

朗豪坊Shopping完經過Foodcourt，見餓餓地，又有排未到食飯時間，梗係整返個靚靚下午茶，究竟食乜嘢好呢見到呢間「Oh My Goose」店名幾得意喎，於是好想食返個燒鵝飯，點知店員話是日沽清，當然有啲失望見到佢哋嘅櫥窗啲燒味都好靚，睇嚟呢度應該好受歡迎，於是就睇下有冇其他啱食嘅嘢俾我發現佢哋有一個「暗然銷魂飯」，下午茶時段只售$56元，於是決定就要呢一個嘩！賣相好靚好吸引，半肥瘦叉燒，加埋個半熟流心蛋，加埋調較好嘅醬油，傳說終於變成事實，香噴噴，正啊既然試過咁好味兼真材實料，今晚一於做孝順女斬啲料返屋企加餸，全隻豉油雞，要分兩個盒先裝得晒，另外再買多盒叉燒，加埋都係$300左右，媽咪一定鍾意，無得彈

有時候離開香港一段日子就會掛念香港的叉燒飯,剛從旅行回來,馬上要回味一下叉燒飯,朗豪坊的foodcourt有很多各式美食,OH MY GOOSE!的滑蛋叉燒飯最吸引我,滑蛋份量超多,但味道有點咸,叉燒是半肥瘦,金黃蛋汁包圍著每粒米飯,米飯沒有煮得太軟或太乾,每粒也是煙煙韌韌, 朋友點了黯然銷魂飯,叉燒比較肥,多汁,撈飯最好味,朗豪坊的foodcourt環境乾淨整潔, 今天2:00來到沒有太多人,坐得舒服,下次再來試其他的燒味飯

估唔到平日行既朗豪坊都有一間咁有特色既餐廳而且啲名仲好盞鬼。首先係好好笑既招牌黯然銷魂飯，姐係叉燒煎蛋，不過啲叉燒質素真係唔錯，肉質幾嫩，而且唔算多肥肉，仲份量幾多，啖啖肉。而且隻蛋都煎得好嫩，一啲都唔老。店主為左還原真正黯然銷魂飯都花左唔少心思，而且仲幾吸睛。友人叫左個北海道牛乳炒蛋叉燒飯，炒蛋好多而且好香，蛋汁好嫩，而且份量都大碗，如果叉燒再多啲就好，哈哈。每個飯仲有一杯飲料，爆檸茶，姐係凍檸茶，都唔錯唔錯

自從沒有在旺角上班後，幾乎都沒有去過朗豪坊，碰巧有事到旺角，之後跟朋友去Food Court吃午餐，才發現餐廳轉換了不少，當中的Oh My Goose蠻吸食我的，因為他把燒臘新派化，幾特別。 黑松露手撕雞飯 外型很特別，如小山丘的蔥油飯上面有黑松露醬及手撕雞肉。黑松露香氣撲鼻，加上黑芝麻和薑蓉，混合同吃，口感豐富又有創意。 黯然銷魂飯 有看過周星馳食神電影的朋友都應該聽過，黯然銷魂飯其實是叉燒煎蛋飯。 叉燒厚切，肥瘦適中，蜜汁甜味剛好，肉質軟身，仍保留肉汁。 油菜 加$8有一碟油菜。 凍檸茶 檸檬茶以青黃雙檸調製，更帶清香。 飯、油菜和飲品都只是$70一位，在商場都難以找到第二家有如此質數。

旺角雖然食肆臨立，但每到中午時段，每家食肆都總是人頭湧湧的，坐得擠迫，少不免有時要等位，今天答應了友人代為看店，店在何文田，中午送貨到砵蘭街後，便走上朗豪坊的美食廣場內，打算買幾個外賣回公司跟同事們共享。在美食廣場內繞了幾圈，看到一家主打燒味的新派燒臘店，櫥窗內掛起的燒鵝脹卜卜的，外皮很挺身，應該燒起不久，便打算打包幾盒回公司跟同事共享。口喝極了，跟餐的凍檸茶，邊行邊喝，這裏的檸檬茶以青黃雙檸調製，帶有雙重芳香。買了三盒飯，盒內燒味筆者跟同事共享，每種食物皆有嚐過，以下是對每項食物的評價。燒鵝脾飯售HK$98，價格可算相宜，在買飯時看到的斬入盒內的燒鵝皮挺身得很，可惜在外賣盒內焗了一段時間，鵝皮皺了，不脆，但肉汁依然豐富，肉味香濃，用上了質素甚佳的鵝種。黯然銷魂飯漂亮的名字來自周星馳先生的食神電影，义燒跟煎蛋配飯，可算是香港茶餐廳食品中的經典之一。叉燒以梅頭瘦肉燒成，蜜汁甜味剛好，肉汁不少，燒得不俗。叉燒油雞飯叉燒較瘦，比剛才一盒的肉略乾。油鷄滷得入味，肉質甜而不腥，算是冰鮮雞中的好貨色。總結： 在旺角來說含飲品油菜的飯餐，賣HK$40-70屬正常，燒臘品質亦對得起價格。