OH MY GOOSE! (Closed)

這天家裡沒飯開，經過朗豪坊food court 時，見到新開燒味專門店OH MY GOOSE! ，裝修新潮搶眼，所以就在這裡買外賣晚餐。除了燒味飯之外，餐牌還有其他炒粉麵飯款及鐵板玩味菜式選擇，不過很可惜地我原本想點的炒意粉和炒飯這天都停止供應。於是就外賣了這六盒回家，一人一盒不用爭 XD燒鵝飯 $58因為是外賣的關係，這次未嘗到到鵝皮的香脆，不過鵝肉入口，確實是肉滑多汁，吃得津津有味。鵝皮色澤赤紅帶光澤，鵝肉肉質嫩滑，不韌不乾，滲著淡淡甘香的鵝油。蜜汁叉燒飯 $42叉燒燒得渾身通紅，帶有微微焦香，混合蜜汁香甜味道，相當好下飯，只是飯粒就略嫌煮得偏硬。半肥瘦叉燒肉質細緻鬆軟，不過裏面的肉似乎滲得較多紅色 ， 醃製時下的花紅粉可能稍為重手了。手撕雞蔥油飯 $48翠綠色賣相清新悅目，手撕雞口感十足，配合灑上飯面的黑松露，香氣尤其馥郁。混合青葱的炒飯底炒得粒粒分明，每粒飯滲進蔥油精華，蔥香撲鼻，但始終這是油飯，吃得多難免會覺得有點油膩。燒鵝雪菜炆米 $45雖然這是港式茶餐廳經典碟頭炒粉麵，但平日在街上吃到的炆米，要不油膩過濕，要不就斷斷碎碎的，幸好今次這碟算是高水準。配料雖然比較少，但炆米夠

本身對於呢一個冇乜興趣，但係晚上又唔知食乜。喺朗豪坊睇完戲，於是就試一試睇吓喺food court 搵唔搵到位啦! 竟然比我地搵到個吧枱喎！咁就一於試吓新野啦！ 見到個餐牌有黑松露手撕雞蔥油飯，已經覺得好吸引！原來唔係淨係食燒鵝價錢仲要係$48超平！ 男朋友就叫咗個叉燒蛋飯，兩碗無論賣相同味道都好好！ 當然叉燒唔係驚為天人，但係以呢個價錢來講真係算唔錯！好食過好多地方！仲要有好多件叉燒！我叫嗰個黑松露手撕雞蔥油飯我覺得好好味！ 手撕雞都有好多而且黑松露係好平均咁樣分布喺啲雞絲上邊可以食到每一啖都有黑松露味！個飯綠色已經吸引左！再加埋啲姜蓉簡直一絕 好似好誇張咁！但我真係覺得好好味！所以話$48絕對超值一定會為呢一個飯再返嚟食！

夜晚無飯開又唔想落街食，老豆落街買了燒味飯返尼一齊食。這間在朗豪坊的燒味店，四十幾蚊一個飯盒，比樓下燒味檔貴少少，但勝在夠乾淨。外賣盒是可以翻叮循環再用，非常環保。燒鵝脾飯每日限量發售，本來想同老豆一人一個，可惜只剩最後一個，鵝脾肉厚嫩滑，一咬入去鵝汁滲出，充滿油脂香味，最重要係啖啖肉。暗然銷魂飯比較乾身，叉燒顏色呈深紅色，燒得較乾，味道不及燒鵝。本來叫了兩個飯，但見佢比較細盒，所以叫多盒，多個餸食下，切雞飯雞肉嫩滑有雞味，不過薑蓉比較油，有點油浸飯既感覺。

星期日嚟到旺角shopping,本來想先去朗豪坊嘅yum cha度飲茶,不過大排長龍， 由於小女生未吃早餐，實在太肚餓，飲茶對出就是food court， 所以還是去吃點東西再作打算吧!我們不約而同被一間燒臘店吸引住,個名叫oh my goose, 個名都十分有創意！櫥窗掛著一些燒鵝叉燒和雞油雞好似好靚咁，不過仔細一望原來只是裝飾品 ，但像真度極高。 oh my goose裡的食物個名稱都幾得意， 好有gimmick 。見到有個叫黯然銷魂飯， 食咗唔知係咪會特別銷魂呢！有個必食推介叫黑松露手撕雞蔥油飯，價錢又唔貴喎，而且見到有好多食客去光顧，所以就決定買兩個飯來醫下肚。黯然銷魂飯52元黯然銷魂飯原來係叉燒煎蛋飯， 叉燒都瘦，但好稔喎，加多隻煎蛋，雖然平凡但 令整個叉燒飯不覺單調。 黑松露手撕雞蔥油飯48元賣相相當美觀， 手撕雞吃得多但是黑松露手撕雞還是第一次吃。 手撕雞加入咗黑松露，入口都有黑松露的香味， 加入咗蔥油，十分開胃。爆檸茶加8元檸檬、青檸加咸檸的爆檸茶， 三種檸檬加埋和平時喝的檸凍檸茶都有啲分別嘅！總的來說， Oh my goose的食物比起好多快餐的燒味飯都做得出色，而且

「斬料，斬料，斬大嚿叉燒～」呢首歌唔知係邊度流傳開來不過由細到大聽到大。睇電視劇集成日出現嘅場景，一有值得慶祝嘅事情，香港人就會買燒味返屋企加餸。當一樣平民嘅食物越做越高級，連酒店都可以將叉燒變成暗然銷魂飯，定上$100多嘅價錢，其實呢件事情真係有啲瘋狂，但係亦都正正反映左叉燒、燒鵝呢類型嘅燒味係香港人嘅「獨有產物」。話口未完，最近朗豪坊food court新開左一間餐廳，主打同樣係燒味，更加有大家成日聽嘅暗然銷魂飯見到嘅時候咁啱食飽午餐，但見佢嘅叉燒燒味幾肥美多汁，所以就買咗幾盒返屋企晚餐。燒鵝髀飯 $98一隻燒鵝得兩邊髀，限量發售而且價錢相對比較貴，絕對合理。有人可能覺得唔值寧願食普通燒鵝肉，但係燒鵝髀嘅啖啖肉，而且肉質嫩滑軟腍，識得欣賞嘅人自然會明白。$98或者真係相對比較貴，但係佢比其他部位少骨頭；不過可能因為放咗喺食物盒放左一陣，到返到屋企食嘅時候塊皮已經唔算特別脆。貴妃滑雞飯 $42雞肉往往都係最容易食得出一間餐廳嘅品質；呢度嘅貴妃雞肉質相當滑多汁，唔算太油，縱使拎到返屋企嘅時候，雞已經凍左，但係佢反而無凝固左一層脂肪油。少量嘅雞油滲落下面嘅飯底，令白飯多左陣油香。蜜汁叉燒

最近朋友們都因美戰大出血的關係，所以在吃的方面較節儉，故她們多了光顧美食廣場，經濟實惠嘛。她們最近愛上朗豪坊的oh my goose，主要因為所賣的燒味飯比傳統的口味新潮得多，一掃守刻板印象，基本上一星期吃兩次，今晚也不例外。朋友百吃不厭北海道牛乳滑蛋叉燒飯，今晚又吃。她說叉燒肥瘦比例適中，而且雞蛋以北海道牛乳熱炒，奶香十足，入口細膩絲滑，拌入底下的白飯一同吃既不軟黏，也很開胃，令她愛不惜口。另一朋友則吃生炸雞脾飯配黑椒汁，雞脾已經去骨，食用上方便多了，適合懶得啃骨頭的朋友。雞脾外皮酥脆無比，內裡雞肉滑嫩多汁，淋上惹味的黑椒汁，雞脾香香辣辣超過癮，讓人意猶未盡。鐵板10x芝士叉鵝飯也令我驚喜萬分，原以為芝士會很膩味，但吃進口裡卻不會，並有絲絲鹹香。好聞的燒鵝香氣，嗅覺上已很加分，鵝皮香脆，肉質軟嫩，吃起來亦有肉汁，搭配上芝士味道更是一絕。焗飯飯底更以叉燒，雞蛋香炒，嚐起來滋味無窮。平日椰汁紅豆冰喝得多，但麥精紅豆冰倒是第一回喝。麥精紅豆冰有著淡淡的麥香，清爽不甜膩，紅豆顆顆飽滿，煮得綿密，如果不太愛喝過甜的飲品，這麥精紅豆冰絕對合大家味兒。最後朋友外賣了一盒燒鵝雪菜炆米給她上夜班的爸爸

午飯同同事去了朗豪坊food court，food court裏面有很多人不同類型的餐廳，最後揀了這間以燒鵝為主的燒味飯店。基本上除了燒鵝外，還有叉燒、油雞及切雞，款式不算多。燒鵝飯燒鵝外皮燒得微焦，但不算香脆，鵝肉嫩腍有肉汁，雖然不是新鮮鵝，但味道都不會有雪藏味。黯然銷魂飯叉燒比較瘦，肉質比較鞋，是幾個燒味中比較普通。煎太陽蛋蛋黃及蛋白分明，豉油汁淋在飯內，比較濕。油雞飯雞肉嫩滑且入味，不會葱油最後就另上，唔使整盒飯都太油膩。

咁耐無嚟朗豪坊，好多食店都唔同了，好多新潮嘅選擇，例如哩間變奏版嘅燒味，就响food court 一直入就望到佢型格嘅霓虹燈招牌。然後餐牌圖片就見到有經典嘅燒味配搭，仲有啲新派嘅菜式，例如龍蝦呀，滑蛋呀，黑松露等芥辣，酸梅醬同醬油以供不國人的需要。燒鵝瀨實在太難唔點，兩樣都係我至愛。湯頭清澈鮮明，瀨粉爽口，鵝肉啖啖嫩肉香濃，再飲啖爆檸茶，爽。燒味加芝士？乾爽嘅炒飯底，配鬆化叉燒同燒鵝，大量半溶芝士汁，得！

燒味始終由細食都到大，燒鵝 (不是燒鴨) 是我喜歡的其中之一。最理想的是要鵝皮熱辣酥脆，色帶光澤，肉飽滿，嫩而不韌，食落有濃郁獨有的騷香，脂豐而不膩，方為上品。 此店打正旗號以燒鵝做主打，另加創意將燒味變成二次創作新派菜。大廚曾是「深井陳記燒鵝」及尖沙咀「六公館」的師傅，有些來頭： 來到先吃碗「燒鵝瀨粉」$58，我特意點了鵝背的部位： 燒鵝還是熱和脆皮的，肥膏少，甘香，香料有帶出肉香，甚有肉汁，加上滑瀨粉和熱上湯，吃得我狼狽又痛快 XD 和店員傾了幾句。這裡的燒味原來是店內自家燒製，燒鵝用約五斤的黑鬃鵝，醃製、上皮風乾、燒烤再出爐。可能去貨快，所以燒鵝都 keep 到幾新鮮熱騰。 另見有「北海道牛乳滑蛋叉燒飯」$45，幾有諗頭，想點吃，可惜當日未有供應，只好叫回「黯然銷魂飯」$52 半肥瘦叉做得不錯，是用本地脢頭肉烤成，加隻煎得膿邊的太陽蛋，及用新加坡「廣祥泰」調製的甜豉油，算做黃金「鐵三角」組合： 篤穿蛋黃，蛋漿澎澎聲流出，撈埋豉油及叉燒吃，簡單得來好食，「廣祥泰」甜豉油絕對有加分，不會單一股鹹巴巴。 店外有大 poster，展示店的三大招牌「味自慢」。朋友點了第三

咁多人排隊就試下啦！黑松露雞飯！好正嘅油飯，油飯併雞絲冇皮冇咁油膩，又幾好味。蔥油好多計師份量都好多黑松露味好重！不過有少少偏鹹、一定要撈飯食！有待改善燒鵝髀瀨！燒鵝唔算太瘦，燒鵝皮脆！正在燒鵝嘅汁可以任加！爆檸檬茶！唔係太特別，茶味好重唔錯，但所謂爆！只係多一片青檸，飲唔出青檸味。But overall not bad. I would love to try other dishes next time. A good quality restaurant in a canteen

有親戚一家人從深圳來港一天遊，想買些日用品和藥物回去，因為不熟香港地方，請我帶他們去買，我便帶他們去旺角，行左一圈已滿載而歸，最後帶他們去朗豪坊買野和食飯，朗豪坊實在太大，他們行完已晩上9點，急急去食飯，去到food court ,見到一家OH MY COOSE!燒臘店廚窗掛上多款燒味，他們一見鐘情，好想食，但因太多人，等位需時，他們又不想在港過夜，要趕車返深圳，我想不如買外賣，另覓地方食。我立刻下單購買。不足5分鐘，美味的食物已經完成和包裝，快捷妥當又衞生。蜜汁叉燒飯，熱辣辣的飯好軟熟，加醬汁甚好味，叉燒肉嫩不硬，如果加多些蜜汁在面就最好！雞飯，貴妃雞肉好嫩滑，配合薑蔥蓉甚美味。义雞飯，一次過品嚐2款美味的燒味，好抵食！黑松露手撕雞蔥油飯，親戚的兒女比較喜歡新派的菜式，雞絲鮮嫩，蔥油飯味道夠香夠味，尢其加了黑松露，味道甚香濃，他們每人一盒，食得律律有味，邊食邊讚！燒鵝飯，皮脆肉質嫩滑，一口食落，鵝肉和少許鵝油，滿口都是鵝香，好惹味。

放假先嚟落雨，今日肥妹仔下晝出咗旺角，不過就落起傾盆大雨……肥妹仔於是就去咗朗豪坊嘅food court一間叫oh my goose嘅燒味店買咗幾個外賣返屋企同肥爸肥媽食啦!招牌燒鵝飯 $58呢個招牌燒鵝飯係肥爸叫嘅，因為肥爸好鍾意食燒鵝髀，佢個燒鵝皮燒得都幾脆，鵝肉嘅油脂分佈都幾多!好香鵝油味。點埋個燒鵝醬食， 甜甜地，不錯 !個燒鵝汁都幾香，我見肥爸撈埋成盒飯食!招牌燒鵝瀨粉 $58個燒鵝瀨粉既燒鵝唔係燒鵝髀嚟嘅，不過同個燒鵝髀一樣都好好食!因為肥妹仔鍾意食粉麵多過飯，所以就嗌咗個瀨粉嚟食。 佢嘅瀨粉硬度適中，索唒個燒鵝汁， 肥妹仔我食曬成碗呀!燒鵝拼叉燒飯 $58一盒雙拼飯係肥哥食嘅，佢嘅叉燒亦都屬於偏肥嗰一種，叉燒嘅外皮有一陣蜜糖味， 肉質都幾嫩， 係肥哥鍾意食嘅肥叉嗰隻。 生炸雞髀飯配黑椒汁 $45個生炸雞髀，外皮炸到脆卜卜 ，個粉漿唔算太厚。 個飯入邊仲有一隻太陽蛋，肥妹仔我拮爛咗隻蛋黃撈飯一齊食正! 雞髀肉好滑，不過如果多番啲汁會仲加好食。

近排行朗豪坊搵野食 係四樓一直行諗住都冇咩食架喇 一心去食壽司啦 點之離遠見到個燈牌咁既 Logo 行埋去睇先知係食Fusion 燒味飯😂😂仲有馳名既黯然銷魂飯😍😍我放棄左食壽司既念頭 去左food court 搵位Oh my Goose 大賣Fusion 燒味飯連燒鵝肉配海膽都諗到我地每一種都想試 所以叫左三種飯😂黑松露手撕雞蔥油飯蔥油飯顏色好養眼 手撕雞份量好多 雞肉食落有微微的黑松露味道 加上一早調好味的蔥油飯 味道奇夾😍黯然銷魂飯 一見到叉燒肥瘦分明已經暗喜😍一食落去就知道冇得頂 加上微微流心的蛋黃一啖有哂叉燒雞蛋同白飯 極滿足😀雜菌海膽炆飯配燒鵝肉 食落個炆飯有點濕 所以鐵飯上是有意思的再將飯舖底 放一陣先食 個飯會外脆內軟再食一啖燒鵝 好正🤤每個飯可以加8蚊就有油菜 除左Standard 飲品 仲有中國茶tim😀😀整體黎講 係旺角食到呢類Fusion 菜收番旺角區價錢 性價比好高 唯一麻煩既係要自己搵位 下次一於外賣😀

今晚去朗豪坊睇戲，之後就同FRD 食FOOD COURT~我地見到有間新開既餐廳所以試下。每人叫左一個飯/ 麵，加飲品（凍檸茶）$8，加油菜$8 ~我叫左個黑松露手撕雞油飯，真心覺得賣相好得，$50 都唔洗~蔥油飯係綠綠的，因為D 蔥已經混進飯中，吃落去有小小既咸蔥味！而飯亦散發左黑松露既香味，愈食愈開胃，加上好食既手撕雞，我竟然食哂成碗飯。。。朋友叫左個燒鵝脾瀨粉，瀨粉非常爽滑，而燒鵝脾既份量好多，食落唔算多骨，鵝味香濃！正～下次會再食！

今天我和另一同事放工後要往旺角朗豪坊分公司寫字樓開會，本來預計2小時攪掂，怎知中途發現出錯，都吾知要處理幾耐，已經晚上8點，同事提議不如食飯先，但因時間關係只好叫外賣，有分公司同事說附近朗豪坊商場有好多食店，其中一間廣東燒臘店，名叫 OH MY GOOSE,有外賣，味道不錯又抵食，平時佢地都會去食，那麼我和分公司同事就去買晚餐！望到廚窗燒味新鮮，價錢公道，落單至完成快捷妥當，包裝整潔衞生！燒鵝飯：鵝肉又香又嫩，飯軟硬適中，加有蔬菜和特別調製的醬汁，甚惹味。貴妃滑雞飯、蜜汁叉燒飯、黯然鎖魂飯（叉燒飯加太陽蛋）、燒味雙拼飯。所有燒臘飯d材料份量都不少，足足蓋滿整盒飯面，貴妃雞嫩滑，叉燒又林又入味，每盒都加入醬汁調味，有味飯真好食！黑松露手絲雞蔥油飯：手撕雞肉嫩滑，綠色的蔥油飯夠味，黑松露份量不少，香味四溢，伴均勻食好惹味！