王子神谷 (Closed)

💁‍♀️ 想睇無經過系統壓縮嘅高質食物相，記得CLICK我PROFILE留意我呀❗️🥞 𝙷𝚘𝚔𝚔𝚊𝚒𝚍𝚘 𝚈𝚞𝚋𝚊𝚛𝚒 𝙲𝚊𝚗𝚝𝚊𝚕𝚘𝚞𝚙𝚎 𝚂𝚘𝚞𝚏𝚏𝚕é 𝙿𝚊𝚗𝚌𝚊𝚔𝚎 𝚠𝚒𝚝𝚑 𝚂𝚘𝚏𝚝𝚌𝚛𝚎𝚊𝚖 HKD88 @ojikamiya #王子神谷.⠀👽 大媽點了期間限定推出的北海道夕張哈密瓜配牛乳雪糕梳乎厘班戟！蜜瓜不算很甜，但這個價格絕對對得起同類產品了，重要的是沒有沾上很人工化藥水味的那種糖水。😃.最讓我覺得好吃的反而是蜜瓜口味的軟雪糕，那個甜度是剛好還挺清香的那種果味！但係質感較其他同類餐廳比較軟身 🍦 班戟倒還有進步空間，以疏乎厘來說不夠鬆軟喔。.服務方面店家有需要留意打尖插隊問題，當晚我地買左食物之後等候領取食物，但因為好多人都係點同一款，到領取嘅時候，員工將食物排列係取食物的窗口，還沒有來得及叫號碼，就立刻有一名南亞裔男客人直接領取並轉頭就走！😳我們見到員工錯愕，但並無阻止（我明白因為員工覺得反正都係同一款食物），但在一旁看到整個過程的客人包括我們，都會覺得問題出在不應該把數份食物同時排列在領取窗口，畢竟雪糕容易溶掉，衛生也是一個問題。另外應該先叫號碼才把食物端出窗口，這樣

與朋友食飯經過尖沙咀，行過見到完全冇人，所以用一試無妨既心態去試一下la, 咁服務其實都幾好既，會講明因為係即叫即整既關係所以就要等15mins, 咁就叫個焦糖脆脆pancake配北海道雪糕黎試下首先係脆脆同配料好好食，d cream都幾好，少少甜得黎有奶香味。可惜既係pancake唔夠鬆軟，缺乏空氣感，同埋撈埋d忌廉好快會變成一pat麵漿咁樣。如果整得比較好既pancake應該係用叉切落去時好鬆軟，有空氣感但同時挺身，亦唔會好快同cream溶成一pat漿，所以我估計應該係recipe或用料有少少失誤~另外雪糕有落焦糖，焦糖味道都ok, 但可惜既係雪糕味道一般, 略嫌太水，缺乏北海道牛奶既濃厚，乳香同忌廉感覺不過公道講番，價錢上佢又未算好貴，份量都多，地方亦方便，所以都叫做不過不失！

吉士草莓梳乎厘班戟賣相正常，蓬鬆感欠佳無想像中咁厚，梳乎厘班戟食落暖暖地，幾有蛋香味，不過入口無乜空氣感，無咗軟棉棉既感覺。吉士醬份量夠多，味道香甜，食哂成個都唔會太膩。

今日落微微雨，見到少人排隊，決定試試日式梳乎里班戟 - 焦糖脆脆脆皮濃厚北海道牛乳軟雪糕 - $90 🥞🥞即叫即製，老闆好細心， pancake製好，客人準備攞先會放雪糕，因為怕雪糕好快溶🙈🙈🙈有2片厚厚嘅Pancake🥞，蓋上新鮮打好嘅cream，再放上焦糖脆脆，提子乾，杏仁，爆谷，牛奶軟雪糕有少少焦糖點pancake有好重蛋香味，口感比較紮實，鬆軟綿密，但唔係入口即溶個種，個人比較偏愛呢個質感，個cream打得好smooth，雪糕🍦夠凍夠滑，而且好重牛奶香，聽講所有原材料都係日本運返嚟，食完真係大大滿足今日有優惠，加$10可以有杯野飲，叫左杯水果茶，有一個熱情果，好香，叫咗少甜，好味！老闆非常nice，見到我同婆婆一齊，送咗一杯水果茶俾婆婆飲！老闆同我講：「多謝你支持，下個禮拜再嚟都唔知會唔會再見到我啦，最近真係靜左好多，可能捱唔落去！」真係好心酸，希望大家多多支持本地小店！非常好食！！

📍 王子神谷 70%Mix朱古力瀑布配日式梳乎厘班戟 $65 我係souffle pancake lover，夢想係試勻曬香港咁多間souffle pancake。之前見ig咁多人黎呢間打卡，食珍珠瀑布pancake，當然要朝聖一下。點左個有朱古力醬同士多啤梨既0%Mix朱古力瀑布配日式梳乎厘班戟-一拎上手已經覺得好正，朱古力醬怖滿哂成個紙盤，梳芙厘又厚又鬆軟, 口感輕綿, 濕潤度適中，蛋味香濃。帶有少少苦澀既70%朱古力醬，吃完成份都唔會覺得膩-吹捧得有少少過火， 不過以呢個價錢嚟講好過k11個間，試一次係ok-地址：尖沙咀彌敦道132號美麗華商場1期地下G38號舖-推介指數👍🏻👍🏻👍🏻抵食指數👍🏻👍🏻👍🏻(5個👍🏻為滿分)

叫左一個cream brulee pancake 一個strawberry pancake 一個around HKD50幾只有外賣個pancake好鬆軟sauce都好多呀不過可能因為冬天係街食個pancake涷得好快呀

點了一個 火炙焦糖 梳夫厘，旁邊有珍珠伴碟，梳夫厘 乾淨淨，成舊蛋糕甘，原全無梳夫厘質感，完全沒蛋香，不濕潤不幼滑， 伴碟珍珠 完全沒甜味，肯定只用水煮， 我不會再光顧了，

嚟到尖沙咀美麗華附近，就梗係要去一去呢間嚟自台南梳乎厘店嘅過江龍「王子神谷」，店內用上嘅全部都係來自日本嘅食材。珍珠瀑布：呢次當然要揀小女友獨愛既奶蓋黑糖珍珠梳乎厘，喺被濃香奶蓋掩蓋住嘅超厚梳乎厘，食一啖滿滿嘅幸福感隨即湧現，蛋香甜度適中，非常輕盈，同本身比較濃厚嘅奶蓋有種強烈嘅對比，但係兩者亦能互相配合，令其口感更好。

我係班戟愛好者夢想係試暈晒咁多間梳乎厘班戟上次見朋友食珍珠奶茶嘅班cake先知佢開咗呢間野然後我就當然要朝聖一下試吓佢好食定唔好食啦見佢竟然唔係好多人冇人喺度排緊隊買但都算有好多人喺度等緊等嘅時間唔算話耐我揀咗個焦糖杏仁味嘅但同我想像有啲出入因為我覺得冇我想食到嘅口感但味道還可以

第一次品嚐不是日本來港, 而是台灣來的Fluffy Pancakes店, 從她的名字來看還以為是日本來的. 在週末的尖沙嘴不用排隊的甜品店, 我心諗是否食品質素問題? 結果雖不中, 也不遠矣! 九十多元的Fluffy Pancake加雪糕然後要立食, 很Luxurious. Pancake口感偏實, 不太鬆軟, 空氣感和蛋味也不太足夠. 加上蜜糖脆脆, 乾果和腰果令其爽脆, 但不是太甜就是和Pancake味道不太調和. 雪糕和焦糖醬表現比Pancake好, 但....這不太考驗到食肆本身的功力吧!

今日約左朋友係諾士佛臺食晚飯，因為早咗收工所以就喺附近行吓街，係上諾士佛臺果條長樓梯隔離見到新開咗一間食梳乎厘班戟既鋪頭，所以就買咗份嚟食吓。叫咗軟滑吉士草莓梳乎厘班戟同芒果柚子蜜蘇打綠。軟滑吉士草莓梳乎厘班戟 ($68) : 賣相好似件蛋糕，食完第一啖真係返唔到轉頭 🤤 好好好好好正呀 😍 呢件完全啱哂我口味，超嫩滑既吉士醬，配上暖笠笠既梳乎厘班戟，好味程度超乎我想像。👍🏻👍🏻👍🏻👍🏻👍🏻芒果柚子蜜蘇打綠 ($34) : 跟班戟叫會減 $10 蚊都幾抵飲，估唔到呢杯王子推介飲品係咁出色既，芒果柚子味道濃得嚟唔會太甜，而且重食到芒果肉同柚子肉，超級正呀。😍

王子神谷 #尖沙咀成間餐廳嘅裝修外型都好似係日本嚟咁，但其實佢係台灣過江龍嚟嘅疏乎厘，位於美麗華對出嘅一間小店，冇堂食嘅座位，但係附近都有啲樓梯位可以坐。當你夜晚九點幾左右去到，即叫即整，等咗10分鐘左右就有。焦糖脆脆脆皮濃厚北海道牛乳軟雪糕 $90有兩大塊疏乎厘，上面鋪滿忌廉、以前美心天使蛋糕嗰啲焦糖脆脆同埋乾果，配上淋有焦糖醬嘅牛乳軟雪糕，外型唔錯，味道都可以，但係口感就一般，空氣感唔夠重，較紥實，又偏濕，有少少塔塔地黏黏地嘅感覺。最好食嘅反而係雪糕，幾香牛乳味配上焦糖醬、腰果、杏仁令到成個味道甜得來仲有少少nuts嘅香。整體來講中中挺挺，唔係一間會想再食嘅疏乎厘，亦唔特別推介。另外佢哋而家期間限定日本福岡田甜王士多啤梨味軟雪糕配疏乎厘$95，見到真係有幾舊士多啤梨，但都係普通原味嘅疏乎厘，值唔值得試就見仁見智。味道: 3/5性價比: 3/5

星期六下午茶時間估唔到依間竟然唔駛排隊同等好耐pancake 即叫即整，大約要等10 分鐘到可以叫佢比住野飲先如果叫pancake, 叫埋野飲可以減$10~所以依杯奶蓋烏龍只係$20奶蓋口感唔算好濃厚個種，偏奶味多d,無芝士味烏龍茶底就好濃～～兩者溝埋一齊既甜度同埋奶同茶既比例岩岩好等候期間睇埋店員點整好漲卜卜呀～～～～點知原來一筆起就會開始縮，，可能因為依家氣溫都係得十幾度，冷縮既關係塌得特別快$60 既原味有兩層～～食落去唔會好空氣感仲有約30% 既實在，我覺得同k11 個間既口感係差唔多唔會甜，加埋cream 食就岩岩好無乜蛋味，純粹食佢口感～～感覺同k11 個間差唔多，但個間有得坐同享受一下件pancake依度要係隔離樓梯搵位坐或者企佢門口食，，始終差甘d

雖然呢間野睇落好日本, 但其實係台灣既過江龍佢地有賣梳乎厘, 沙冰同雪糕, 不過一場黎到緊係試佢地出名既梳乎厘啦梳乎厘都係即叫即整, 所以就算唔洗排隊都等左差唔多十分鐘珍珠瀑布($52)個睇好ig-able, 一共有兩塊梳乎厘, 加上大量既珍珠, 珍珠係幾有咬口但係食食下又有D奇怪 , d cream 溝埋一齊隻味變得酸酸地 ... 梳乎厘蛋味唔算太香, 同埋天氣凍, 攤一陣變凍已經唔好食 ... 

同朋友食完壽司郎，經過呢間店舖就想食梳乎厘pancake。而家開同類ge舖頭成行成市，我曾經食過天仁同bove出品ge梳乎厘pancake，前者我推薦鐵觀音口味，後者就原味加蜜糖，對於日本ge過江龍，當然都要試一下。之前睇過有某社交平台提到有珍珠瀑布梳乎厘pancake，完全擊中中意飲台飲ge我，雖然唔係好中意食珍珠，不過噱頭呢家野，都要去湊下熱鬧ge。比錢時staff話要等15mins，所以我同朋友係the one兜左個圈就返來接pancake la，不過一入口…um…唔係我想像中熱辣辣，而係暖暖地，唔通係因為呢兩日急凍所以連熱pancake都咁快變暖？同埋點解無咩香味…甚至有少少微酸ge感覺？至於珍珠，的確煮得幾淋下，不過太淋無乜咬口…又係微涼ge狀態，係我一早預備食個熱pancake時但得到ge係呢個效果，加上唔係第一次食呢類pancake，有比較下我唔會encore王子神谷lor..可能雪糕相對來講唔錯ge，我坐係樓梯食個陣，見唔少人都係買雪糕食…p.s. 9月尾時仲係見到$48，昨晚見已經加價好似加到去$56，加幅都幾多下…但我前邊提及個兩間都仲平過佢又好食過佢呢…