老北京 (渣甸中心)

Open Now

Now Closed

今晚與 honey 一齊嚟呢間位於銅鑼灣嘅「老北京」品嚐下京滬菜！😚餐廳地方雖然不太大，但環境寧靜舒服！😊🥢蔥油海蜇 $88 ～ 海蜇好爽脆，撈埋青瓜絲、蘿蔔絲、蔥油一齊食，配添好味！🥢蒜泥茄子 $88 ～ 矮瓜真係好清甜、柔軟，加埋一些蒜、辣醬調味，味道恰到好處！🥢糖醋里脊 $118 ～ 排骨冇骨啖啖肉，外皮脆卜卜，肉質嫩滑，配合酸酸甜甜嘅鮮菠蘿、洋蔥、青紅椒，食落味道好豐富！🥢拔絲香蕉 $98 ～ 壓軸驚喜就係呢個雀巢造型、賣相得意超吸引嘅拔絲香蕉；糖漿香脆一絲絲，香蕉又炸得外脆內軟， 令人食得超開心！

已預早好幾天預約訂座而餐廳已確認。突然於餐前一晚於深夜自動取消預約說已滿座。後竟然不再交代完全冇道德可言！太過份，亦沒有禮貌！完全打亂客人計劃，不確會作罷！不會再光顧！而餐廳方面只以訊息交代幾句完全對客人沒有禮貌也不將客人當成一回事！

好耐冇食片皮鴨啦，兩公婆專程嚟咗老北京試一試😋。。老北京入面格局好舒服，私隱度高，有幾間廂房，有私房菜既感覺😉小籠包皮薄有口感，肉汁熱辣辣！片皮鴨 半隻主角片皮鴨出場，岩岩燒香既片皮鴨夾上葱白青瓜，外皮夠脆不會油，口感醬汁都岩岩好😍甜品薑湯湯圓薑汁暖下個胃仔😋同埋見到佢午餐好吸引！ 半自助任食，有湯品/涼菜等等，有我鐘意既麻婆豆腐，下次可以約下朋友仔過來試一試，主要呢度坐得舒服，不會太嘈，同老死聚下最岩😝

呢晚想食片皮鴨，黎到銅鑼灣嘅老北京望到門外都已散發住古色古香氣息餐廳格局比較像私房菜，私隱度幾高。原來呢度午市有有半自助任食，先選一款主食，可任食涼菜、粥及例湯～$65幾抵食，晚市每一碟都不只呢個價錢晚市就只有單點餐牌選擇總共叫了3款+1甜品片皮鴨 半隻 $258 即叫即片，皮脆有油香，肉唔乾麼麼皮屬於薄身果種京蔥羊肉 $158惹味唔羶，夾麼麼皮食亦不錯小籠包 $70/ 6隻 的骰細細隻，肉餡唔算多，但有肉汁。拔絲香蕉定蘋果好？我全都要～拔絲香蕉蘋果 $108拔絲糖漿香脆，打卡鳥巢造型～ 香蕉外脆內軟、蘋果外脆內爽口，兩種口味各有特色之處～值得一試！

今日有幸來到這間餐廳，因為在香港可找到北京菜都是不多。 就算有選擇， 也大多是集團式。所以這間北京酒樓已經買少見少。一來時候， 因為比較早1800。 所以安排了有梳化的位置。而侍應都非常有禮貌， 現時這些服務真的可遇不可求。好有親切感。餐牌上面有好多北京著名菜式。價錢也不算太貴！我們今日試了撚然羊肉，酸辣湯及拔絲香蕉蘋果， 也有黃金（鹹蛋黃）蝦球。這個酸辣湯味道非一般的上海菜味道。不同這個酸辣湯， 不酸稍辣， 材料十足！這個撚然羊肉非常惹味！ 羊肉不太蘇， 但是口感非常好！黃金蝦 - 蝦比較爽，有甜味！ 另外鹹蛋黃剛好不乾身。這個就是拔絲香蕉加蘋果。上枱是有驚喜，因為賣相非常吸引。香蕉及蘋果可再乾身一些就更好。但味道仍然非常好味。埋單大約$600

返工中午叫個外賣食食中咗最垃圾嘅餐廳畀咗七十幾蚊成盒都係菜數咗得五塊肉乾仔回鍋肉冇肉啫係點究竟食水深到點先會咁樣我宜家真係好嬲又要再叫過外賣我真係好想喊又要再等半個鐘先有飯食

今日係母親節前一日，突然心血來潮，想食下北京烤鴨。因為之前去旅行去北京食過嘅北京烤鴨食過返尋味令人欲罷不能你好，所以搵咗好耐， 搵到北京烤鴨係銅鑼灣。 滿心期待叫左半隻片皮鴨，芝麻波菜，京蔥羊肉餅。 點知⋯先講主打北京片皮鴨，發覺肉有Up 味⋯ 皮唔太翠⋯ 真心難食⋯ 無諗過可以差成咁⋯ 叫左半隻2個食都覺得唔好食⋯再來係芝麻波菜⋯ 就係芝麻醬加波菜⋯ 平平無奇收你88蚊最差係個京蔥羊肉餅⋯ 啲平同紙皮一樣硬⋯ 成寸厚⋯ 食到牙交都甩⋯ 真心⋯ 超難食應該沒有下次⋯

非常滿意，服務態度一流，北京蔥油餅 - 必食。價錢公道, 水滾茶靚，湯圓亦皮薄餡靚，北京填鴨味道恰到好處，不會過油或過瘦，讃！整晚經驗無懈可擊！真的找不到半個缺點！😄😄😄

📍 #老北京人均消費: HKD345一行12人要一圍食飯選擇的確不多，又想食酸菜魚，發現銅鑼灣老北京是D區食肆，又去試試嚕！由於美食眾多，要分開兩篇寫🤣餐廳位於渣甸中心，十分方便！裝潢十分中式，不大但有包廂！ 餐牌五光十色，每款都好吸引🤩⭐️老山東燻手絲雞🐔$278第一次食燻手絲雞，煙燻味幾香，尤其雞皮位置特別濃！雞肉不算好嫩滑，但口感還算不錯，幾特別的一道菜⭐️茴香豬肉水餃🥟$90/10個食北方菜特別想試試人家的水餃，煮水餃$90有10隻，煎就$95！今次先試煮，皮好似紙咁薄，餡料的茴香味好香，味道不錯，若果豬肉更多就好了！💯酸菜魚🐟$388一心食中菜就是想食酸菜魚！$388比我想像中小，幸好魚肉都多！酸菜比較少和散，比較難食得出酸菜味，有點失望！誰不知魚肉才是驚喜！第一次食酸菜魚的魚肉可以如此爽口，口感真心一流！ 💯是給魚肉的！🤣⭐️蔥爆牛肉🐮$148京蔥爆牛肉，牛肉是普通肥牛，口感有點韌，無牛香！但識食一定食京蔥而非牛肉😂 京蔥又多又大條，口感好正好香！🆗北京烤鴨🦆$46812人當然點全隻烤鴨！一共兩碟，加上來都有40片左右，烤出來色澤好靚，好可惜一點都不熱，肉不嫩亦無鴨香，普普通通！

My reservation made via Google (in English) but the Restaurant can cancel your booking unilaterally, without even bother to call you before hand ! I was shocked, and was given a nasty reply by their staff on duty, who told me that my reserved table has been taken up by other customers and the restaurant was already fully booked, without bothering to offer any other alternatives.No manners at all and very arrogant ! I wish them Luck !

其實香港並唔算有好多北京餐廳，最為人所知就係連鎖店XX樓，我都食過唔少次～呢幾日我突然間想食官府菜，跟住就上網查下到底香港有冇啲咩京菜小店可以試下～於是今日就嚟咗呢間位於銅鑼灣嘅老北京！.老北京由門口到餐廳內嘅裝修都係好有傳統中國嘅味道，俾人一種感覺好似穿越返去中國古代去品嚐當時嘅美酒佳餚咁，所以未坐低、未點餐、未進食之際已經好有feel～.首先來個冷盤：夫妻肺片！一上菜已經聞到一陣麻辣開胃嘅味道，牛肚、牛𦟌都切成絲，配合大蔥絲、青瓜絲同埋蘿蔔絲一齊食，口感非常豐富，再加埋老北京秘製嘅麻辣醬料、芝麻同埋芫荽，成碟夫妻肺片嘅層次更豐富，味道再昇華，直頭係味之誘惑，忍唔住一啖又一啖，好快就KO咗成碟嘢！.我屋企人好鍾意食官府菜，所以我由細到大每逢有咩大日子、慶祝活動個陣，全家人都會去佐敦嘅北京酒樓（已結業）食餐勁嘅～以前北京酒樓嘅大廚推介我哋叫碟和菜戴帽包薄餅食，呢個係北京嘅傳統美食～可能受屋企人影響，每次我去試一間新嘅北京餐廳個時，都會叫和菜戴帽同埋薄餅，睇下間餐廳嘅水準，漸漸我將呢樣嘢變成我評價間餐廳夠唔夠正宗嘅標準！.其實和菜戴帽就係一堆肉絲、蔬菜絲、粉絲炒成一碟，最尾鋪上一塊厚厚嘅

老北京比我第一個感覺都真係好老 XD，一入到去好似返左十幾年前既茶樓咁，古色古香！前菜叫左2款：陳醋海蜇頭同雞絲粉皮，覺得2樣都夠冰涼，清新開胃。食北京菜點會少左北京填鴨，睇落都幾有光澤好吸引！份量我地都覺得幾多，每人都分到幾塊，滿意！今晚重頭戲係酸菜魚～啲魚肉冇骨又滑嫩，一啲都唔腥，大家勁快就搶哂～個底有粉絲，吸哂啲湯味都幾惹味呢。最後叫左芝麻湯丸做甜品，唔算太甜，芝麻味都幾突出，做結尾剛剛好。

CWB有不少的北京菜今日來到了這間老北京試試質素無論是門口招牌抑或室內都是古色古香的感覺卡位、圓枱和個別室，適合不同人數的GATHERING老醋蜇頭 $108蜇頭透明如果凍條，口感爽脆雖說是老醋，同行四人一致認為酸味不太品嚐到反而鹹味十足，大概這是京菜的口味？不過青瓜爽脆清新，加上芝麻香，也算不錯的涼菜北京烤鴨 $218／半隻京菜當然是要吃烤鴨了鴨片烤得相當脆，鴨肉肉質柔軟，淡淡的鴨香用熱辣辣的春餅包裹，配上醬、大蔥和青瓜，滋味魚香茄子 $88這道魚香茄子和廣東的有所分別不同的蔬菜幼絲混和茄子一起炒，是一道頗健康的菜式而且濃濃的醬汁卻十分惹味，真的令人想叫碗飯酸菜魚 $228這是另一道本人十分想吃的酸菜魚已配有煙煙韌韌的粉條，很正魚肉十分幼滑，雖然酸度略為不足但辣度很夠，加上香料的香味尤其突出，也是值得品嚐的

同幾位友人耐唔耐就會約出黎食廣東菜偶然下發現左間食京菜的餐廳咁就一於黎老北京試試佢大家都無食過京菜 所以都會參考下openrice 發現都幾多人點北京烤鴨 京燒羊肉 酸菜魚初嚐京菜的我地都跟大隊 點左呢3個味餸北京填鴨 (半隻) $218望落都幾有光澤 個皮烤到好香酥得黎 而肉質方面又唔會食落好乾油脂比例都幾適中 食落去有油香味得黎又唔會過膩我個人黎講就唔太鐘意係捲餅入面加埋蔥絲青瓜條咁因為唔加呢d 食落更原汁原味 (笑)因為個捲餅唔夠 我地後尾追加左 $30京燒羊肉 $178炸到好香脆可口的外皮 包住軟腍的羊肉一啖咬落去 唔會有果種油膩感 炸到好香酥的關係 更加無果種好重的羊羶味酸菜魚 $228平時唔是太好魚 好怕食到整到d鞋口質地的魚老北京酸菜魚入面的魚片 食落幾滑嫩 份量亦都幾多湯底方面 略嫌唔食太夠酸 不過都幾足料 最重要佢有落薯粉如果薯粉量多返少少更加perfect炸芝麻湯圓 $50以芝麻湯圓呢個甜品作為是日晚餐完結的句號煙煙韌韌 黑芝麻甜度感覺岩岩好很好

一向都唔好京菜（註：還是抗拒不了北京填鴨）既我焗住去朋友飯局，結論都係唔好京菜。我表示粵菜先係世界級。先講講個茶，茶錢15蚊一位，菊花清香叫對得住價錢。菜式方面比較ok到既菜式係魚香茄子，佢係比較新派既造法，茄子唔多，主要青椒木耳絲，食落酸酸甜甜，幾有口感，但略嫌油膩。酸菜魚既魚係新鮮，魚好滑唔多骨，湯底較為清淡，如果再酸d更好。順帶一提d粉條係好食的，但花左唔少時間搵。北京填鴨都係唔錯，都燒得幾香，但鴨皮略嫌唔夠騷脆。不過包埋春餅加乾蔥青瓜點醬就可以了。218蚊半隻黎講算唔錯。最後全晚最滿意係炸芝麻湯丸，好香口，芝麻味好香濃。總結京菜係重味偏油，適合重口味人士。