生原創(蛋包飯)

Open Now

Now Closed

經網上朋友介紹我食今次依間蛋包飯專門店-生原創夜晚七點鐘去，明明晚餐時間都無人排隊，望入去得2台客（隔離間神full house，外面排左十幾個），心諗會唔會中伏呢🙈 但我都膽粗粗咁入左去間舖個裝修係好日本feel，蛋包飯店以旦為主題， 牆上面有用蛋切咗個蛋字出嚟既擺設，係幾有特色，有興趣可以打卡影下相。店員見我一位就帶我去bar台坐，都好坐，bar台放左好多達摩既擺設點左網上好評既鰻魚蛋包飯，加左18蚊轉左流心蛋上菜速度都幾快個飯黎到時個賣相似京都果間蛋包飯達人，個侍應會幫你介開個流心旦，個feel exactly 就係京都果間咁， 切開個蛋嗰刻呢啲蛋漿真係會流出來既，個侍應仲好貼心咁問我駛唔駛加紫菜粉，心諗緊係老西都加啦好勒到重點，味道如何呢？老實講佢唔值百六蚊，頂多一百先講個鰻魚炒飯個味道偏鹹（可能重口味既朋友會岩），裡面既鰻魚又好少，得幾舊，唔似得只做外賣炒飯既＜米米食＞每淡都有但只賣60蚊仲可加埋牛肉炒飯底正常濕度，有幾濃既洋蔥味再講個流心蛋，ok滑，可惜佢無咩蛋香，如果主打係蛋既話佢真係要加油整體黎講，可以接受，但價錢偏高，未必會有下次，聽聞午餐會平好多，鐘意食蛋包飯既朋友

呢間鋪頭對於住元朗嘅人黎講係好岀名，我今次第一次食，覺得絕對可以encore 。我叫左三文魚煙肉紅菜頭蛋包飯。睇樣嘅話，佢真係其貌不揚😂，特別對有密集恐懼症嘅人黎講，但呢個絕對係佢嘅反差萌。首先，日本餐廳用紅菜頭做材料已經係有surprise，隻色令到我真係會聯想到三文魚嘅顏色！上面仲有柴魚乾，每次望住啲柴魚跳舞都好治癒。底係三文魚同煙肉炒飯，油而不膩，好香口，炒飯粒粒分明。食食下又可以拌啲白汁轉下口味😋Suggest 大家黎食！

［生原創蛋包飯🍳］-又係一間係元朗開左好耐嘅小店主打日式料理👍🏻同埋蛋包飯夜晚幫襯嘅話可能會貴少少不過午餐五六十蚊😝覺得幾抵食😋-餐廳🍴裝修非常有特色以深咖啡色為主調，以「蛋」為主題牆上有幅用雞蛋吊飾拼成蛋字的牆壁裝飾🥚非常可愛😍店內亦放了達摩和櫻花🌸擺設充滿日本嘅感覺🏮可見餐廳在佈置方面花了不少心思😜-午餐包飲品，凍飲加兩蚊😝蛋包飯可配茄汁、白汁或咖喱汁轉黑咖喱汁就要加$8轉網紅留心蛋就加$18😙😋日式炸雞蛋包飯配咖喱汁🥘$65加$18轉打卡流心蛋個流心蛋真係令我心心眼😍令到佢切開個下🥰非常治愈心情即刻靚晒😌值得一試！流心蛋除左靚之外仲會令到個飯好食左😝滑蛋配上西炒飯同埋咖喱🍛真係冇得彈！不過佢個炸雞就冇咩肉汁比較普通🫢好味指數：🌕🌕🌕🌕-😋和風豚肉蛋包飯配白汁 $50普通蛋包飯就冇滑蛋😛不過食落味道都係差少少啫🤏今次包住嘅係豚肉炒飯👍🏻夠火候幾香幾好食😋白汁有香濃嘅忌廉味🫢個人覺得仲好食過咖喱汁推薦推薦😜好味指數：🌕🌕🌕🌕🌗-人均消費：$70

今天假期相約了住在元朗的朋友相見，朋友推介一間蛋包飯專門店「生原創(蛋包飯) 」，餐廳帶有隱世小店感覺，店裡裝潢很有特色，十分多和風擺設，環境有些居酒屋的格局，很多裝飾品有關雞蛋，例如吊燈是蛋殼款，牆身全是蛋款，十分配合餐廳主題，店裡有一個角落播放著日本黑膠碟，很有氣氛！午市套餐選擇很多，蛋包飯有多款可以選擇，全部都可配茄汁，咖哩汁，忌廉芝士白汁，朋友點了吉列豬扒蛋包飯，加錢改轉流心蛋，上菜時店員會即場用刀劃開雞蛋，蛋漿湧泉會慢慢流下來，再灑上紫菜粉，畫面十分治癒，賣相好吸引，很大的一碟份量，蛋質像滑蛋與炒蛋滑溜，蛋味香濃加上炒飯炒得粒粒分明，豬扒炸得香脆，十分驚喜！我點的牛肉蛋包飯，薄薄的金黃蛋皮包著炒飯，又是另一種風味與口感，相對流心蛋版本，這個比較乾身，加上炒飯粒的口感，入口軟糯，混入了牛肉片夠油香，加上茄汁酸酸甜甜很開胃，同樣大大的一碟！很有最正宗日本蛋包飯的味道！跟餐餐飲選了凍檸茶及熱咖啡，十分抵食！整體來說，食物質素不錯，蛋包飯有特色，價錢合理，環境舒服，值得推介！

同屋企人黎左呢間生原創(蛋包飯)，我自己好鐘意食蛋包飯，如果喺元朗想食蛋包飯第一時間會諗起呢間。我自己就叫左個海膽蛋包飯，再加左要流心蛋，我覺得貴係貴左d既。平時食呢間普通既蛋包飯，佢係會將d蛋包埋個底，但如果轉左做流心蛋，佢黎到既時候係有舊完整水滴形既蛋放係上面，之後再拎刀由中間cut開，d流心蛋就會流晒出黎，未食就知好滑。而且佢既白汁都好多，夠我撈晒成碟飯，個炒飯好香，加上啖啖海膽真係冇得輸。

正月初7️⃣， 祝願人人都生日快樂🎁🎊嚟到2022第二個月人生第二間願望餐廳清單🍴已經解鎖🔓位於元朗教育路 - 生原創蛋包飯真係每次經過，都見到隔離飯香架雖然一支公係元朗，見到個門口咁特別竟然可以係6PM前品嚐得到😀今次試咗《炸魚塊配茄汁蛋包飯》配埋午後之冰紅茶☕️真係好正好味道😋下次期待可以介紹俾更多身邊人，尤其是住喺市區嘅朋友，一起品嚐今好味的蛋包飯雖然而家疫情冇得去旅行，但係入到呢間餐廳真係好有日本feel

食牛肉蛋包飯個炒飯係炒燶曬嘅，食落口一陣燶味，有時食到嘅飯焦唔係日式炒飯有焦香味嘅type，係燶&苦&臭。啲牛肉少到成個飯食得幾塊碎肉片，無肉味嘅肥牛片整碎，居然有筋之餘又要嚡。最後係個白汁，完全冇味，就咁食都試唔到有味。成個炒蛋包飯連汁好似無落鹽咁，無味道，得燶豉油炒飯味。態度方面，入去時舖頭一個人都冇，諗住坐入啲嘅時候個老闆叫住我：「坐嗰張枱吖」，係都要人坐近門口位攬客。問其：「有冇tissue呀唔該」，之後眼啤啤無回應拍個紙巾盒擺係枱，見店舖裝修咁有日本風格，本來以為個店員or老闆咁串係嗰啲日本工匠硬掘掘嘅藝術家feel。諗住態度呢家嘢其實都冇咩所謂，甚至有啲期待味道應該好出色。蛋包飯望落好得，食落口一陣囉味，原來唔係職人魂，係得態度臭串啫。味道好嘅話串都算啦，點解可以係難食㗎呢。

📍木村雞柳蛋包飯因為轉左流心蛋關係，所以蛋好滑，可惜蛋香一般😮‍💨至於個飯味道正常發揮，飯底相對較濕又有幾濃既洋蔥味同埋雞肉份量較少。價錢偏高，未必會回頭。

在元朗見到呢間蛋包飯開咗都有十年，但一直未食過，早兩日專承帶仔女夜晚幫襯。當日7:30入去，一入去見一枱都冇，包埸咁心知不妙。但一埸嚟到走人唔係咁好。為有坐定定3個人每人點都點返一個飯食。一睇餐牌，一張紙前後睇哂，冇餐但起初深信，專注做幾款食物應該質素唔會差得去邊。而且D飯仲好貴，平均$138一個，以為會好特色，點知一黎到，賣相已經輸咗一大截，熟蛋包住啲炒飯，有個仲要加啲茄汁就算，質素同一般平價日本餐廳無別。切開入面唔覺得個飯好有鑊氣咁出晒煙，只係普通溫度炒飯。完全失望！三個用咗15分鐘匆匆吃完走人。埋單$398！人均$132一位！大家異口同聲：「唔會有下次！」

中午食飯時間排隊人數不少，但可能來得早等位時間不算超級長。精挑細選了很久才選擇一個看似很邪惡的牛舌疋包飯＄６０望落唔差，聞起來都有香味，水準似乎唔錯。但食到落口，只能說蛋有蛋味，飯有飯味🤣🤣，飯的口味還好，但真的沒有什麼味道，感覺很淡。原本應該有調味作用的黑咖喱唔香唔辣，食完成個飯都唔知自己食左黑咖喱這間店差評，試過一次就好了！

上次學校體育會，同個同學去左吃，一入到去，我同學同我唔小心整跌左 d蝦片，個老闆 (好似兼廚師) 即刻喝我入去攞掃把掃返重推左我一下，想走又被佢啤住，谷住吃左個蛋包飯，成 60元，又貴又難食。本以為吃完就走，叫埋單又冇人應，出去埋單，轉頭一望個老細啤左我地一眼Btw個蛋包飯重係凍既未見過如此服務態度差的老細，可以叫客人掃地，真係忍無可忍無需再忍而家呼籲大家千奇唔好去，貴又難食的“蛋包飯”唔想一肚氣，千奇唔好去！

🍳🍚 木村雞柳蛋包飯 $78 (轉流心蛋 +$18)終於喺香港食到日本嘅流心蛋包飯😍 上菜嗰陣店員會幫手切港心蛋，一切蛋漿就流哂出嚟好治癒🤤👅💦‼️入面嘅餡算係不過不失, 雖然未算最正宗日本蛋包飯嘅味道, 但係有居酒屋嘅格局都幾好feel🏮-🧀🍗 芝士無骨雞翼 $60有冇人同我一樣覺得拆咗骨嘅雞翼係特別好食😚 外面沾過麵包糠再炸到金黃色, 最邪惡係入面包住拉絲芝士🤤 不過好似掛住食冇影到拉絲😂-🍴7/10

今日原想去第二間食，點知那間店星期一沒開，於是行行下見到呢間蛋包飯，就試一試吧一入到去冇咩人，見到個男人坐喺度以為係客人，原來係老闆，跟住佢幫我量體溫。見老闆都好似冇咩心機，我心情都樂不起來佢間鋪叫生原創，主打蛋包飯，睇到張menu，揀左吉列豬扒蛋包飯，加八蚊轉黑咖喱，飲凍檸茶飲左啖，不對勁，糖水唔夠，三片薄檸檬，唔夠檸味，茶底唔好，欠茶味，冰又少，我冇叫少冰我好耐冇飲過杯咁難飲嘅COT其實試完凍檸茶，我個心都涼左一截個蛋包飯要好有水準先挽救到分數睇落ok食落呢？飯口感唔會糊口，粒粒分明嘅，但真係唔多夠味，蛋本身得蛋味，要靠個飯本身黑咖喱唔香唔辣，講完豬扒薄過我條命，好似仲醃過，靚豬扒係唔駛醃，醃過嘅豬扒係一定唔好食肉係靭的禮貌上我都要食哂，同埋唔浪費，但真係一次就夠$78，我覺得唔多值，食碗拉麵好過就淨係杯凍檸茶都唔合格

呢間店位於元朗教育路，蛋包飯的專門店，也是屬於日式料理的一種！有各式種類的蛋包飯可供選擇，例如有三文魚紅菜頭，鰻魚，帶子菠菜等....Menu有埋圖片，望見圖片都好吸引，而我點了一個豚肉蛋包飯和一客三文魚刺身！見到個賣相已經好吸引，色香味俱全，面頭鋪上了茄汁點綴，仲有蕃茄仔同青瓜絲做配菜點綴👍🏻👍🏻一切開食第一啖的時候，啲飯好熱，好好食，蛋唔會太厚，裏面有飽滿的汁伴著飯，正！三文魚刺身就有骨，呢個可以再改善！總括來說：環境舒適，坐得舒服，而且裏面嘅裝修得好靚，好有日本風格！

店主華師傳，做日本菜多年，自言最叻煮蛋包飯，所以自己開舖專做蛋包飯。華師傅的風格是用大隻嘅美國蛋 (色水靚，有蛋味)，台灣米 (口感軟糯)，自家製日本醬油汁炒啲飯，鹹和甜味適中。店內環境很日本feel，同時很cozy，其吊燈是蛋殼款，好可愛；其中一塊牆上貼滿了人物剪報；近門口嘅位置放了一台黑膠唱片機播放著音樂🎶🎶海膽蛋包飯 (HK$138) 和流心蛋 (+HK$18)一上枱，店員幫我切開流心蛋包，嘩，用上4隻蛋，啲半熟蛋汁流晒出嚟啦！加埋一些紫菜粉，蛋又香又滑😋。飯裡的飯粒分明，入口軟糯，飯粒與飯粒之間加入了海膽粒，好味呀！