OMG Chicken (Closed)

🤍OMG Chicken (將軍澳)🖤將軍澳澳南海岸唐俊街23號MONTEREY Place 地下G23A號舖🍽最近冇得出去堂食，懶得煮飯嘅我哋都要買嘢返去食，附近將軍澳就有一間烤雞店做緊套餐優惠，另外外賣自取仲有九折，我哋就揀咗一個二人餐($278)試吓先！🥗套餐會包左餐湯，沙律同埋小食，小食我哋就揀咗洋蔥圈，洋蔥圈係新鮮炸好，而且大大嚿香脆，非常邪惡！🍕千島烤雞薄餅 9吋薄餅選擇好多，有辣肉腸，黑松露雜菌，卡邦尼，XO醬海鮮，我哋鍾意食開千島醬就揀咗千島烤雞，薄餅新鮮整好，餅底薄得嚟煙靭有口感，雞肉份量十足！🍗日式照燒汁烤雞雞肉肉質非常鮮嫩多汁，而且好入味，雞滿滿照燒汁，味道甜甜地非常開胃！另外仲見到有四川麻辣味揀，好有特色，下次會試吓🍓士多啤梨乳酸梳打 & 🍈哈密瓜乳酸梳打飲品方面，我哋都轉左特飲，只係加$10，兩杯飲品大大杯，乳酸味好濃，推介大家可以加錢選擇飲！

OMG chicken🐥🐥係將軍澳海旁嘅chill chill餐廳 店舖面積唔算好大 但都坐得幾舒服 咁啱唔洗等位！👅睇到二人餐有得食炸雞同pizza 好快手就揀左呢個餐 貪佢乜都有齊又唔洗諗🧚🏻‍♀️沙律新鮮清新 餐湯好濃栗米味～冬天飲暖笠笠好味千島雞肉pizza 平時成日都食開千島海鮮pizza 今次試同雞肉嘅配搭都好唔錯 雞肉份量好夠～配埋千島醬酸酸甜甜好味😋pizza批底係薄皮嚟 但都好軟熟唔會乾！炸雞🍗叫左原味炸雞 炸雞好多肉汁好juicy 上面有啲香料 好香 有好少好少嘅辣味 炸到熱辣辣 而且勁大舊lol小食叫左薯條 特別在於佢嘅茄汁係有新鮮蕃茄係入面 好特別！呢餐好邪惡但係好滿足哈哈 會再翻兜👏🏻$306(2人）

呢間鋪位置相對較入，座位都唔多。但係價錢就好親民，二人餐三百有找包餐湯、沙律、小食、主菜、飲品！湯係蒜香雜菜蓉加高湯。沙律菜唔多新鮮，醋都太甜味道一般。小食叫左薯條，連皮薯條係特別香架個醬係搽pizza個種茄醬，蒜味香草番茄味。個人就覺得唔夾。可以叫店員比普通茄汁燒雞肉嫩juice 加埋蜜糖芥末籽醬甜甜地好開胃！pizza薄批。平時千島醬都係配海鮮，其實配雞都唔錯！加埋芝士洋蔥係個不敗組合。不過留意返入面有三色椒🙊

今晚同朋友仔👱🏻‍♀️係將軍澳海濱揾到呢間西餐廳🍽，點咗一個$278連餐飲嘅抵食兩人套餐。🍻💛粟米濃湯🌽味道清甜，口感Creamy👍🏻💚雜菜沙律🥗蔬菜新鮮、爽脆，配上沙律醋，感覺清新👍🏻❤️照燒汁烤雞🐔雞肉醃得好入味，烤得好香好滑，外皮有啲脆，加埋甜甜地嘅照燒汁，好正👍🏻🖤黑松露雜菌薄餅🍄🍕黑松露味香濃，配上炒香嘅雜菌，鋪上滿滿嘅芝士，批底又薄又脆真係好好味👍🏻💙洋蔥圈🧅洋蔥炸得又香又脆，配上意式茄汁，好正👍🏻💖職員態度親切、服務周到，上菜速度快👍🏻🌟記住呢個餐廳門口有一對胡桃夾子🌟呢餐晚飯好滿意😊～

呢日同男友黎TKO Donki買野，就響附近搵野食醫肚。好耐好耐冇食雞啦，就決定試呢間OMG chicken。餐廳客人都幾多，好彩我地等左陣就有位。我地點左2人餐，入面都有幾多款野食。>餐湯：呢個係忌廉湯，味道還好，冬天飲下湯暖肚就岩哂。>沙律：沙律菜好新鮮，只有少少醋都好夠味，有幾片柑甜甜地幾開胃。>洋蔥圈：熱辣辣炸起，炸到金黃色好吸引，食落外脆內軟，點蕃茄醬都幾好味。>4件烤雞（法式蜜糖汁）：有2件雞下脾+2件雞翼，肉質鮮嫩多汁，甜甜地幾好味，餐廳會提供埋一次性手套，咁就可以好方便咁食。>食肉獸9吋pizza：配料有雞肉+煙肉+芝士+醬料，好多肉，鋪滿哂成個pizza，食落味道鹹香，好惹味，個批係薄批，所以都唔怕會好滯。>香橙熱情果四季春茶：橙同熱情果味道幾夾，酸酸甜甜都唔錯。>青瓜薄荷青檸梳打：打卡影相視覺效果幾靚，雖然有好多薄荷葉，但唔會好重薄荷味，淡淡地幾好飲。

之前行將軍澳海邊嘅地方，以為只有幾間食得吓人嘅餐廳，原來只係大胃一直冇行入啲，多咗好多嘢食呀呢間專食雞嘅，見二人餐包幾多嘢咁，就試吓啦卡邦尼炸雞大胃就食過，但卡邦尼嘅pizza就第一次食，唔會好膩，比例剛剛好餅又唔會太薄，所以口感不錯烤雞就揀咗法式蜜糖味，唔好以為4件好少件件都幾大嚿㗎，但肉質就好嫩，點埋另上嘅蜜糖真係好好食本來對配角洋蔥圈冇咩期望，因為估佢唔會整得好食，點都甩皮甩骨，但呢兜洋蔥圈爽到冇油滲出嚟，咬落好乾脆，洋蔥熟到甜，太出色喇沙律都出奇地大份，大量粟米，令到胃民好開心，加咗啲甜甜地嘅sauce，健康又過癮如果洋蔥圈係配角，咁湯更係跑龍套𠻹啦！但連二打六都整得咁好飲，質感好幼滑，好實派呀二人餐係包一般飲品，但如果想飲得特別啲都可以加啲錢升級，青瓜薄荷都幾啱下火清熱㗎

好日唔入將軍澳、咁啱有事情要去參加個活動所以就過咗去啦、但係個環境我係幾鍾意嘅、附近都有好多新開嘅餐廳、同朋友響澳南海岸辦完我哋要辦嘅事之後😌由於預約好嘅關係所以晚餐就試吓佢嘅Pizza同烤雞。我哋order個二人餐，粟米湯超好飲、原味BBQ嘅烤雞好好食😋唔夠喉！佢嘅辣肉腸pizza好好食😋、沙律又唔錯、炸洋蔥圈都好食香脆。基本上都係滿意嘅～有機會過去嘅話再試吓佢其他口味先！仲有仲有就係佢嘅服務態度都幾好、幾Helpful ～都係一個不錯嘅推介！

Christmas Eve and we usually celebrate by having fried chicken the way the Japanese celebrate. But as we were not near a KFC, we ended up here at OMG Chicken as we thought ... Korean fried chicken is good enough!Menu is in Englsh and Chinese. They offered sets along with a la carte. We decided to get the sets as it seemed everyone else did, too. We chose set A for two ($278) as we wanted pizza and not pasta. Set B was the exact same but instead of pizza, you get pasta.The set comes with a daily

每次都係食呢個份量十足非常抵食～好豐富既2人餐🌟❤️墨西哥香辣汁烤雞 d 雞烤到好嫩，1人1隻雞腿+雞翼，本身已經微微辣好香好惹味，再點埋個墨西哥甜辣醬，甜甜地再辣dd 仲好味～🧡千島烤雞Pizza 千島醬pizza 厚薄適中，批邊好香脆，好多芝士好正～9寸pizza 已經好大個！💛薯條 食得出係新鮮炸既薯條，好香脆～蕃汁係加左少少香草調配蕃茄蓉醬，點薯條一流rrr💚田園沙津 份量都唔細既沙津，有橙有青瓜既田園沙津，配醒酸酸甜甜既source 好清新💙南瓜湯 好濃郁creamy 既南瓜湯，南瓜蓉之中仲有少少南瓜粒粒，好甜好味

📍Tsang Kwan O 將軍澳門口掛住一隻超可愛嘅尖叫雞🐔😍 裡面有好多隻超可愛嘅雞🤣🤣🤣 搞到我食得超開心🥳 野食都好好味好出色✨🤞🏻-千島烤雞pizza🍕✨呢個真係必嗌🥰 超多配料口感好豐富😍 芝士係拉絲架🥳 真心好正😋🤟🏻 不過如果個pizza係麵包底會更好!!!🪄4.8/5💰88法式蜜糖汁烤雞🍯🍗烤雞表面烤得好香甜好脆!!! 但係又唔會太甜太油膩😋 不過略嫌雞唔夠嫩滑🙈 乾身左少少🤏🏻🪄4/5💰$98 (4 pieces) 芝士焗肉醬扁意粉🍝呢個扁意粉真係唔錯😋 非常有彈性!!! 有掛汁✨ d芝士肉醬焗得啱啱好😍 推薦☺️🪄4.6/5💰78熱情果四季春茶❤️‍🔥呢個好好飲😋 熱情果味好濃😍 有水果茶嘅芬芳!!!!! 清新唔會太甜🍯🪄4.7/5💰$36-📎記得預早黎因為好多人🤣📎位子好寬闊好好坐-#將軍澳美食 #OMGchicken #hkfood

將軍澳澳南海岸，成為近期大熱尋找美食地區. 遠離類囂，又可以品嚐各地美食 身為區代表, 今次就介紹些抵食好㗎餐廳 今次就來到位於Monterey Place的OMG CHICKEN, 一向我都鍾意食雞同PIZZA, 這家就正合我心意。 睇完MENU 發現些套餐選擇, 既方便又不用煩惱吃什麼，而且價錢合理。2人餐A $278是日餐湯，粟米湯，飲到滿滿粟米🌽溶，濃度剛好，充滿粟米香甜。沙律，大量新鮮沙律菜，拌上沙律醋，拌著烤雞pizza 一起吃，減低油膩感。法式蜜糖汁烤雞，烤雞拌上蜜糖醬汁，好香蜜糖味，肉質滑嫩，雞髀位啖啖肉，雞翼夠酥香好味。9寸黑松露雜菌Pizza , 上枱已經有陣陣松露香味，雜菌配芝士，味道香濃。唐揚魷魚🦑 平日炸雞多，原來魷魚這個炸也非常鮮味，加上魷魚彈牙，口感味道不錯。（需另加$22）香橙熱情果四季春茶、士多啤梨乳酸梳打，味道不太甜，份量大杯。（需另加$10 x2)

平日既澳南幾靜幾chill，今次黎左omg chicken係一間價錢較親民、食物質素又好既餐廳，成間餐廳都係雞做主題，門口仲掛左隻尖叫雞🐓好搞笑！💓今次叫左二人餐 都係$278 ，有沙律、餐湯、烤雞、薄餅、小食、飲品， 真係超抵食！🥰😋粟米湯是日餐湯係粟米湯，湯夠濃，仲有粟米既粒粒係度，有質感！唔錯！😙😋沙律新鮮菜、青瓜、橙、小蕃茄，食落好豐富，調味岩岩好，唔會太酸，唔錯！🥰😋烤雞有好多味揀，我就揀左法式蜜糖汁烤雞，食落烤到蜜糖脆脆地，小小甜又熱辣辣，咬落好多汁好juicy，正！份量都唔少嫁！兩隻大雞脾，3隻雞全翼，全部大大隻，兩個人食肯定夠飽！🤣😋小食有3款揀，我就揀左薯條！新鮮炸出黎，仲係好酥脆！薯味好重，而且份量唔少！加埋少少鹽，好味！😙😋薄餅 今次揀左辣肉腸薄餅，唔係好辣，怕辣既朋友都可以食到！係薄批黎！唔會太漏！而且好多料！辣肉腸鋪滿晒個pizza，每一塊都會食到一塊完整既腸！而且仲有兩層，好正！仲有其他toppings，有芝士、酸瓜等，味道好豐富！😍😋飲品凍檸茶兩杯！香港人口味！🤣 唔會太甜，茶底都唔錯！😄

#gianna燒雞#giannapizza#gianna將軍澳.將軍澳海皮開左好多新鋪頭🤤真係試極都試唔完！今次呢間唔係正面對住個海，但因為地理位置無咁優勝，反而夜晚7點食晚市竟然都無咩人入黎食，可以chill住大聲同朋友傾計🥰我地今次就試左兩人餐（$168）：.1️⃣八吋pizza我地揀左招牌omg pizza，入面有雞肉、車厘茄、蕃茄醬、水牛芝士同cheddar。細細個啱啱好同朋友一齊分嚟食，出爐嘅時候好脆口，而且好香，擺耐咗之後就有啲硬，不過都係好正常，建議大家就唔好學我地啦🤪上碟要快啲食！但略為失望嘅係啲配料嘅味係分開三種層次，融合唔到一齊🥲.2️⃣半隻燒雞燒雞有好多種醬可以揀，我哋就揀咗BBQ醬，外面層皮就好好食，完全食到燒烤味，不過啲雞肉應該就冇醃到，所以入面食落係冇咩味，而且佢雞肉好軟好鬆散，唔會話爆汁juicy，個人就認為不過不失～.3️⃣兩隻雞翼（或可以揀沙律）覺得雞翼嘅皮就冇燒雞嘅皮咁好食，入面啲肉質都係普普通通，好似燒雞啲雞肉咁。唔知點解佢地嘅嘢食好似特別快凍咁🤣🤣🤣🤣我地只係影左三張相就開始食，都勁快凍曬.4️⃣兩塊蒜蓉包蒜蓉包好有蒜蓉味，未擺落口之前好遠都可以聞到啲蒜蓉味，但

將軍澳開得越黎越多新商場同餐廳，間唔中都會黎揾朋友食飯同行下街。今次喺網上search到呢間好評非常之多嘅韓式炸雞店，可能係平日晚上嘅關係，人又唔多，就決定去呢度食。 平時有選擇困難嘅我，見到呢度有二人餐，即刻唔使諗，實在太方便啦😆。二人餐包括餐湯、沙律、烤雞（四件）、9吋pizza、小食同飲品（特飲+$10），價錢$278加一，份量好足，真係好抵食🥰。 ❤ 餐湯係番茄湯，入面有少少薯仔粒粒，幾有口感。❤ 沙律都幾足料，有車厘茄、柑、青瓜、紫椰菜、羅馬生菜，配埋黑醋橄欖油，幾開胃。❤ 墨西哥香辣汁烤雞有兩隻雞翼同兩隻雞髀， 墨西哥醬汁濃稠而且好香口，只係有少少辣，唔太食得辣嘅我都覺得易入口。雞肉咬開熱辣辣有肉汁，質素唔錯👍👍👍。❤ 辣肉腸pizzaPizza一開四，係薄脆批底， 邊皮位烤得好香脆， 配料有辣肉腸、莎樂美腸同墨西哥辣椒，辣辣地好惹味。size唔大，兩個人食啱啱好。❤ 洋蔥圈即叫即炸，洋蔥新鮮帶甜味，外層炸粉唔厚，做到外脆內軟嘅效果😋。❤ 士多啤梨乳酸梳打士多啤梨味有氣飲品，酸酸甜甜咁，感覺清新，配辣野飲啱曬。❤ 香橙熱情果四季春茶係非常香甜嘅一款水果茶，橙同熱情果本身味道

🐳話口未完幾個星期內第二次又黎到將軍澳嘅澳南海岸一帶，呢頭嘅餐廳真係越開越多，而且新住宅區未算好繁忙，完全唔愁搵唔到好野食。今次就黎到呢間主打食烤雞嘅餐廳，2個人最岩叫個套餐，唔洗再諗黎諗去嘛。🍱二人餐Set A $➋➐➑呢個價錢食2人餐認真好抵，而且食物份量都幾多，2個人食一定夠飽有突！🥣餐湯x2今次嘅是日餐湯係南瓜忌廉湯。Texture 夠厚同南瓜味濃，甜中帶鹹又夠creamy，好味道😋🥗是日沙律中意佢個沙律有加椰果，清清地無乜沙律醬反而更fresh 更健康。🍕9寸Pizza (墨西哥辣肉腸)薄薄餅底上面放左辣肉腸同少少辣嘅青辣椒。岩岩岀爐嘅pizza 上面嘅芝士處半溶狀態。9寸size 嘅pizza 2個人分享就岩哂，每人3小件食完唔會太heavy!🍗烤雞x4 (法式蜜糖汁)烤雞先係呢度嘅主角，揀左個感覺上最夾嘅蜜糖口味，外皮烤得香口得黎仲好juicy，內裏啖啖肉又嫩滑，香口得黎又無炸雞咁熱氣。🦑唐揚魷魚 +$➋➋小食揀左加22蚊top up 左呢個唐揚魷魚。魷魚都幾大件唔會縮哂水仲幾爽口，炸漿夠鬆同夠薄，沾埋蛋黃醬真係食到我停唔到口。🍹特飲 +$➊⓿/杯套餐跟左汽水畀我地，但只