安安燒 (鯉景大廈) (Closed)

這次來到位於筲箕灣的 #安安燒，幸好只是六點半左右，時間還早，晚一點就被訂人土座訂得滿滿了。甫入店內，冷氣十足得有點冷。食品選擇方面，有三張落單紙，有著三款芝士撈丁，並附有詳細介紹，道出其選用三種不同的芝士，猶如車打和巴馬神芝士，打造出一碗與別不同的芝士麵。聽畢也被深深吸引，故也選了一碗(44元)。芝士味道濃郁，而且有著燒燶了的表面，撈勻了十分美味。另外又點了玉子燒，花枝丸，年糕串，燒茄子，豬豚肉，墨魚咀，蒜蓉青口和焗芝士蒜蓉金菇(17至37元不等)。最為人難忘的是 #燒茄子。其狀精美，有如一條燒魚般平攤在碟面上，香料包括有辣椒，炒蒜等，十分惹味。#玉子燒 不會太甜，刻意用兩隻碟墊著上菜，看似是用火槍灸燒而成，味道可口。#花枝丸 切半成五粒，加上台面放設的孜然粉和辣粉後，有少許在台灣吃的感覺。#蒜蓉青口 蒜蓉多得有點像吃蒜泥白肉一樣，香口非常。#年糕串 由麵粉夾著年糕去燒，有著淡淡的甜味。#芝士蒜蓉金菇 有著bbq的感覺，芝味濃郁。有感這擁有兩間分店的小店誠意十足，用料都用得很足，毫不吝嗇。店外更設有露天的座位，可供自助燒烤，可惜大雨滂沱，沒辦法欣賞一下。

一去到即刻叫燒香蕉，香蕉燒到林林地，上面有層焦糖脆脆，再加朱古力醬。。。正，上次食過今次一去到就叫再黎鹽燒多春魚、食串燒識食一定食多春魚。。。燒到外面乾身超香口。。。之後芝士焗蠔，好香，隻蠔又夠多汁，重有燒扇貝， 粒肉好大好厚，正焗金菇好有牛油味, 好香, 份量都唔細。。。最後重有燒一口魷魚仔: 個調味唔錯，不過好大舊唔夠一口最後最後當然係燒波蘿，酸酸甜甜做結尾，正

老公突然話掛住新記個芝士麵但又唔想落去灣仔咁遠，所以上黎open rice睇下最近邊度有芝士麵食，搵到呢間安安燒，見D食評都okay就揸車黎試下。門口就可以泊車，幾方便，鋪唔算大不過唔駛等位。點左麻辣豬耳，燒冬菇，燒娃娃菜，燒白鱔，芝士蒜蓉撈丁，同一個三重芝士撈丁。串燒水準都算okay係D孜然粉重手左少少，偏咸。重點推介兩款芝士撈丁，我食芝士蒜蓉撈丁，芝士加蒜蓉真係一絕，第2度未食過，認真好食！老公食三重芝士撈丁，芝士汁多到撈唔晒，味道濃郁，難怪咁多人都俾好食評。係個仕應妹妹態度麻麻，其他野都幾好，有機會一定再幫襯。

之前食過旺角分店覺得唔錯，今日去筲箕灣搵朋友就提議去食呢間安安燒啦～蒜茸生燒茄子、成條茄子切開兩邊燒既，中間燒到腍晒我最中意，因為唔夠熟會好辣！蒜茸夠多好正！沙茶燒金菇、我好中意食沙茶醬加埋金菇唔會難食得去邊，果然好味令人滿意～～芝士扇貝、侍應姐姐提議既，都幾好大大隻冇沙，芝士味都好夠，之後呢個我地叫多左一輪！辣酒煮螺肉、辣酒配上螺肉基本上都唔會難食，螺肉幾新鮮肉質有咬口，我覺得酒味可以再濃d咁就正啦！蒜茸燒生蠔、大量蒜茸加落去燒生蠔，生蠔唔算大隻但都鮮甜肥美！鹽燒多春魚、食串燒識食一定食多春魚！唔知點解食燒既野食冇多春魚一定怪怪地，燒到乾身既多春魚好好味呀～糖燒朱古力香蕉、甜品見好多人都食呢個！香蕉燒到腍腍地，上面有層焦糖脆脆係到再加朱古力醬，所有我中意既夾埋一齊食真係好正！食多份都仲得呀～～

好日都唔過海,一過海都係做野多,反正過到黎,緊係揾下香港區朋友食個dinner開心下啦!打俾個fd,佢約我係筲箕灣地鐵站等,到左,佢話想食係附近有間叫安安燒嘅燒烤好耐,難得有隻開餐鐵腳送上門,佢緊係唔放過我啦!😅上openrice揾左個地址之後,佢帶我由地鐵站行都唔洗10mins就到喇lu!睇下d order紙,都真係幾多野食,我地叫左雞泡魚乾,好香,燒得啱啱好,一d都唔硬。燒南瓜,好甜,軟硬啱啱好,口感一流,超鍾意!焗蠔,扇貝都係燒得啱啱好,又新鮮又juice仲唔老tim,好好味呀!😄最後叫埋個芝士撈丁,好creamy嘅芝士加埋個丁丁,呢個真係好正!😍芝士迷嘅我地差d食到要爭呀,哈哈!😂😂😂其實燒烤最重要掌握到個火候,而呢間真係掌握得好好,材料又夠新鮮,即使係普普通通嘅材料兩粒鹽都已經好好食,絕對值得推介!!👍👍👍

每個星期都同男友周圍搵新野試食，聽朋友講有間叫"安安燒"既串燒店，咪膽粗粗來試下囉。去到都幾多人等位，不過等左一陣就入得喇，舖內唔大，環境算乾淨整齊，一坐底男友即刻拎住張order紙當checklist 咁，一口氣揀左勁多樣野食！😂男友最鐘意既芝士焗蠔，好香😍😍，隻蠔又多汁，仲有燒扇貝，燒菠蘿，雞翼，酸甜味幾醒胃。😛我就鐘意燒韮菜，好爽脆，冇渣，好味呀。 仲有一口甜薯，雞泡魚乾(好有咬口，又唔會太過乾) ，玉子燒。臨尾男友仲話要試埋個三重芝士撈丁😊，估唔到又幾好食wo, 芝味極濃！🙌呢度d海鮮都算新鮮，男友不停讚d蠔同扇貝，好明顯佢超滿意😜，不過我係見價錢唔貴又冇加一，先放心比佢食咋！整體黎講都滿意呢間"安安燒"，下次一定要叫埋朋友再來食過，多人食又可以叫多d 款，仲開心d^^😆😆

係附近見完客，當然就係要上下開飯apps搵下有咩正野，同男友搵到e間正野。。。一去到舖頭雖然細細但唔洗等，一坐低又真係幾多款式選擇當然要叫我至愛ge.魚干（燒得好香丫，又唔會好難吞，送酒必食），再黎都係我至愛燒茄子（之前食過有d地方頭尾總會係唔熟硬硬地，但e度又唔會，勁juicy正），再再黎又係我至愛燒9菜（大陸就食得多，香港都係第一次食，都係一樣錦正），重有燒魷魚筒，燒蠔，勁新鮮。。。。食燒野當然唔少得燒金茹（勁香牛油味，不過好似小左d）最後甜品當然係：脆脆糖燒朱古力香蕉，完美ge一晚，一定會再黎

開完OT, 想happy hour但又未食飯，同事話附近有間食串燒幾好，就去試下！同同事兩條友唔駛等位就入得，鋪仔細細，但食物好多款揀，種類幾吸引。 有海鮮食，價錢唔貴，又唔收加一，所以都叫左幾多野食，差d 食唔晒tim先來燒鴨舌(夠惹味！) ，牛舌(夠"LUM"身)，雞泡魚乾(超香呀, 好有咬口得黎又唔會難吞)，燒韮菜(燒得夠香又唔會老, 有D太老既會好難吞)，雞亦(個味好特別, 甜甜酸酸咁但好好味)，呢d都係必食熱身菜，用來送下酒最岩。我一向主攻海鮮類，叫左燒扇貝，大蟶子，芝士焗蠔，燒魷魚筒！ 真係幾好食，而且夠新鮮，海鮮難在熟既程度要掌握得好，先夠爽夠滑，呢度師傅手勢唔錯，食得出係用心整。 呢個值得一讚。其實同事出名奄尖，我先跟佢來食，又真係冇介紹錯wo，以後搵食要請教佢。呢間安安燒應該會係以後放工happy hour同宵夜既首選串燒店。 

身為網上購物常客，當然會在團購網站尋寶，反正會外吃，有時候見有似乎超值的優惠，亦會冒險嘗試，反正好就吃多口，不好就打包作廚餘。喜歡燒物因為它會熱辣辣上菜，而油份相比煎炒更少，見安安燒的團購餐實惠，$138二人餐，有肉有海鮮，於是試試。我先到達，交了團體券後，想不到上菜效率其高，食伴未到，飲品燒物已經陸續出場，不是很明顯見到未人齊的嗎？都應該問一聲！坐在近門囗的餐桌，涼風吹來，絲絲冷意，但空氣清新，無串燒之油溢味！熱柑桔蜜兩杯，酸酸甜甜。第一輪燒物，坐下5分鐘左右便到，左起燒雞腿肉串，肉嫩入味，燒雞腎串爽口，皆略有焦香，對辦；鹽燒多春魚亦香口，微焦不乾身，腹部脹脹有不少魚卵。四只蒜蓉生蠔，加了紅青辣椒添香，蒜蓉及汁不少，蠔仔細細但都肥美，其中一只有點兒酸，可能並不太新鮮。燒南瓜恰到好處，生熟度剛好，不硬身不過腍，調味得宜，略有焦香。惹味蒜蓉香燒茄子如其名，加了青紅辣椒粒惹辣味，蒜蓉份量不少，調味之味道與蠔一樣，茄子肉腍，不過不失。蒜蓉燒海蜆，又是蒜蓉，似乎醬汁花款不多，海蜆體積細小，非十分新鮮，略有沙粒，麻麻！麻辣鍚紙紅薯粉，要求少辣，因此真的只有輕微麻辣，薯粉爽滑，可以的。脆脆糖燒朱古

一行3人行完山由石澳出番筲箕灣睇下食乜先大家毫無頭緒唯有一路行一路睇下有咩食，剛巧見到路口有個閃閃燈牌好"養"眼，在店前望下個MENU，都多選擇，可能在內街關係，店內好少客；都係食到半路先有兩三檯客。沙茶醬燒雞脾菇，唔夠JUICY秘製醬燒雞中翼 ~ 無乜特別，唔夠香口普普通通燒韮菜 ~ 食親串燒一定會叫燒韮菜 ，唔會燒到乾爭爭，都OK焦糖脆蕃茄~ 幾特別，不過其實個蕃茄夠靚夠新鮮，唔加焦糖會仲好，始終焦糖甜爺爺，蓋過晒D蕃茄味，加埋咁大件，無可以一啖食，切開D焦糖又碎....燒雞泡魚干 ~ 依塊燒得恰到好處蒜茸燒扇貝 ~ 鮮甜，但唔算大隻；嫌落得太多油，好肥燒蟶子皇 ~ 鮮甜但燒得耐咗韌咗D，同埋都唔算"皇"囉 .... 燒餈飯 ~ 味道可以，但略嫌D飯"林"得濟燒菠蘿 ~ 唔夠甜，未夠火喉，可以再燒多陣唔會有茶或水，食得串燒又有味粉，一定要ORDER飲品先解渴

友人生日 試過旺角分店都唔錯 6個人就主角住港島過左黎筲箕灣試下 有太多朋友食煙Book左戶外位 但果日得12，3度 照坐！ 好在唔大風 條巷又無咩人行  幾舒服！最suprise係原來2間分店既推介海鮮都唔同個妹妹 sale我地食扇貝 話岩岩得返6隻 我地叫左2隻試 估唔到粒肉好大好厚 抵！$48隻最後我地叫埋果4隻 岩岩好一人一粒 有人生日仲送左支香檳我地飲 好感動依邊d麻辣類入味過旺角好多 麻辣錫紙田雞同螺肉無得輸但菜類就果邊好食好多 唔太油又無繷 依邊油左d味道2邊都差唔多好食 但我地鐘意依邊個環境多d 裝修同有得坐出面飲下酒 食得好舒服不過如果可以請多d waiter會好d .. 坐出面有時佢地睇唔到我地叫.. 

開開心心咁買左團購，一家大細一行13人：8大1小4BB諗住試吓呢間新鋪，有團購，隔涉少少、13人坐9人位迫少少都唔緊要。點知一去到坐底，嘢都未食就要一肚氣咁全部轉打包走人... 事緣係我哋當中有4個BB, 預計港燒都唔係咁啱食，所以買定3碗魚蛋粉去俾BB開餐，大人就諗住豪擦。但當BB食左幾淡，就有個侍應妹妹行埋嚟話佢老細透過CCTV見到，打電話俾佢話唔可以食外來食品。都明白間間鋪都有此規矩，但我哋話因為係BB，希望可以通融一吓，大人就一定會再散叫而且份量一定唔會少。答案係：老細話都係唔得...Ok, 唔難為侍應姐姐，我哋要求同佢老細直接對話，希望有得傾傾。點知仲嬲！老細姓卓係位小姐，原來係位唔知禮貌為何物既「盟塞」人士，劈頭第一句就話：我唔理你！（態度傲慢）老婆越講越火大...最尾交左個電話俾我，我好聲好氣咁請佢通融吓，都只係一句：你出門口食啦！無計...咁我唯有同侍應講轉打包啦...但心諗最辛苦既應該係同佢打工既員工。奉勸有BB既家庭最好唔好帶BB去，又或者事前餵飽左先。後記：好搞笑，因為轉打包，無意間聽到廚房大叫：打包？咁我啲蠔殻點呀？真環保...

剛好到附近做事, 找到這間串燒店, 便試一試。先來牛舌, 雞泡魚乾。牛舌很 JUICY, 加上厚切, 啖啖肉, 正! 雞泡魚乾, 很香口, 令人想一吃再吃!鴨舌, 好好味啊!!! 如果有啤酒的話, 必定是絕配!芝士撈丁, 很芝士, 混著面一起吃, 待涼了後, 有點乾, 幸好叫了金菇, 把它的沙茶醬汁混著一起吃, 出奇地中和了兩款不同的食物!蠔, 很 JUICY, 蒜香充滿了整隻蠔。一讚。螺肉, 對不能吃辣的我, 有點過辣。份量亦算多, 喜歡辣的朋友應該會愛上。燒糯米飯, 裡面的是肉鬆和油炸鬼, 吃完有點濟。朱古力醬燒玉子, 絕對的創新食法, 當甜品吃亦可。雞膝不會像平常吃的如此乾身。至於厚切午餐肉, 未吃已經令人先興奮! 很飽, 很滿足的一餐!

星期六去開港島區, 朋友帶我去搵食就過左黎食串燒講真全港既串燒店真係唔多, 係街邊又唔會咁易食到,所以都幾掛住串燒入到去環境光猛, 坐低當然即刻叫野食我地叫左蒜蓉牛油焗金菇, 燒雞泡魚乾, 芝士燒生蠔, 蒜蓉扇貝同埋d燒雞翼等等..野食都幾快上,焗金菇好有牛油味, 好香, 份量都唔小雞泡魚乾好正, 細細條,甜甜地, 好似零食咁, 食到唔停口燒生蠔芝士味好濃好夠, 鮮味又唔會走哂, 掂!扇貝好抵食, 有4隻, 真係勁多蒜蓉又大大隻, 唔錯燒雞翼個調味粉同醬好特別, 令人食完仲想再食, 好惹味總括黎講野食都好好味!!不過唯一美中不足就係要叫佢先有水提供, 但係如果飲酒既人, 野飲都好似幾好, 有好多唔同既紅白酒啤酒等等可惜聽朝有野做, 所以無飲到酒下次如果一大班三五知已黎吹下水都係一個好地方!

放工同朋友去左宵箕灣買野.行到咁上下都肚餓喇..醒起宵箕灣有間串燒又一直都未試過..所以就過左黎食啦..都幾多人排隊..好彩我地兩個人都唔洗等好耐..我地叫左個燒羊肉串, 雞肉軟骨棒, 廚師腸, 燒多春魚, 芝士燒生蠔, 燒車厘茄加煙腩等..燒羊肉串幾好味..唔會乾爭爭..佢地d自家調味粉好惹味,,令人好想食多幾串,之後個雞肉軟骨棒就少左d,,真係得一條,,但係兩個人分開食都ok, 同埋真係特別又好食另外係個廚師腸..原來普通既廚師腸都可以燒得咁好味,,加埋佢地個粉真係食完仲想再食!食我食過最惹味既腸..哈哈!!然後係個燒多春魚,,又係勁正,,一份有4條好夠食...然後又燒得岩岩好..唔會焦哂..外脆內面嫩,熱辣辣,,好味!!芝士燒生蠔個芝士味好濃,,加埋個生蠔又好夾,,熟既生蠍我都係第一次食..唔錯!燒車厘茄果個加埋煙腩好特別,,然而兩樣野又估唔到咁岩,,車厘茄個汁加埋個肉真係好得意又過癮如果有時間係屋企整黎食都唔錯..不過可惜無佢果d粉呢~~