安安燒 (鯉景大廈) (Closed)

今日去咗筲箕灣探朋友, 原本諗住出返銅鑼灣搵野食, 不過落雨濕濕轉咗係筲箕灣食野. 朋友介紹我去佢屋企樓下有間BBQ店.原來呢間係安安燒. 原來筲箕灣有分店. 由於我自己喜歡辣, 所以一向都幾鍾意川式串燒. 行到店門附近已經聞到香味. 呢間店唔係筲箕灣度的大街, 而係要後一條街, 因為係細街的關係所以比輕零靜, 而且我見佢有露天位座. 環境都算幾好.我地坐底就叫咗兩杯大大杯Hoeegarden啤酒, 食物都好快上枱, 熱辣辣. 因為今日飲啤酒, 所以都叫咗D濃味食物襯返. 燒芝心丸 - 裏面芝心都幾多, 因為即刻燒出黎熱辣辣, 咬開仲有拉絲的感覺; 燒鴨舌&雞腎 - 鴨舌同雞腎本身燒到好香, 加埋辣粉同孜然粉, 非常惹味; 燒鮮冬菇同燒雞脾菇就有好豐富菇汁.不過值得一提的係燒鮑魚 - 因為係新鮮飽魚, 燒完都好鮮味, 而且燒得剛剛離殼, 口感同味道都好好. 加埋蒜蓉同少少辣椒吊味, 比起平日用豉油黎蒸又係另一番茲味燒牛骨髓 - 牛骨髓口感軟稔中帶少少爽口, 用川色汁料黎炮製可以令每一條都吸收咗川汁, 但又唔會過辣, 好惹味!

心情鬱悶, 約咗幾個朋友去飲下啤酒傾下計. 我地坐室外位置貪有得食下煙仔. 見呢度有手工啤酒, 當然要叫幾支黎試下. 手工啤酒價錢公道, 味道清爽又夠凍, 配BBQ簡直一流! 三個人至在傾下計, 呢度室外環境乾淨企理, 雖然係後巷但因為有裝修同埋佈置得幾好, 坐係度食野涼涼地幾舒服. 我地三個人叫咗差不多廿幾樣野, 串燒腎, 雞軟骨呢類型的肉類燒得好香又唔會乾, 雖然係普通Standard 野但燒得好惹味. 另外叫咗法式羊架, 羊架外層燒得夠香脆, 裏面肉質嫰滑唔會Overdone, 肉汁都好豐富. 值得推介! 辣汁海蜆好夠味, 咸咸地辣辣地, 蜆肉夠厚. 送酒一流! 私房辣酒煮螺肉, 螺肉吸收咗D川式汁真係好夠辣! 過癮! 燒海中蝦D蝦肉夠厚, 好鮮味. 另外仲叫咗D丸同埋菜. 燒茄子肉質嫰滑又夠香, 正! 川式串燒一般比較濃味, 而呢間D串燒好夠味道, 最啱配啤酒一齊食!

香港乜都有得食, 但燒物店確實唔多. 當然要搵檔好食的更加少.今日再戰呢間安安燒 (係筲箕灣), 選揀依然夠多, 而且味道唔錯, 氣氛都好熱鬧(仲有露天位置座, 帶埋狗狗黎食都得!), 係城中難得一見的燒物店. 今日試咗的款式都算多, 魚(海鮮), 肉, 菜都有. 仲有芝士撈丁! 海鮮方面, 其中叫咗芝士蒜蓉燒生蠔同埋蒜香燒白膳. 生蠔夠厚肉, 芝士夠濃味, 加埋香口蒜蓉, 好惹味! 蒜香燒白膳 – 膳片多汁, 外層燒到香脆, 入面係嫰滑膳肉, 正! 肉類方面, 包括有燒鴨舌, 燒雞中翼同埋安格斯肉眼牛柳. 燒鴨舌帶微辣, $27/2串好抵食, 送啤酒一流! 燒雞中翼醃得好夠味, 外皮係炭燒的香味但又唔會燶, 燒得啱啱好. 其實安格斯先係驚喜, 估唔到平民串川店都有安格斯食, 而且水準唔錯! 安格斯要快燒, 鎖住肉汁, 火喉要控制得夠好先做到到啱啱好熟又唔會老. 安安燒呢款安格斯真係比到我驚喜. 蔬菜方面, 有串燒店代表茄子同燒九菜. 茄子同九菜燒完都唔會乾, 有燒烤應有的香味. 水準之選!

中學同學生日, 正諗緊去邊度慶祝, 記得之前食過呢間串燒話生日有香檳送, 所以就同朋友決定係呢度慶祝!我地4個人七點已經到咗, 今日天氣涼涼地我地就坐露天位感覺舒服D.叫咗好多野食! 樣樣都燒得好味, 最開心就係唔洗自己落手燒, 坐定定就可以等開餐!燒雞翼 – BBQ同雞翼真係天生一對! 呢度D雞翼燒得好香, 而且肉汁仲保留到係D雞翼裏面, 而雞肉亦醃得夠味, 好好味呀!蒜蓉燒扇貝 – 扇貝厚肉, 而且加埋粉絲落去, 吸收咗扇貝鮮味的精華, 加埋少少辣椒提味, 用燒的返法去做增加咗佢的香味.燒墨魚咀 – 墨魚咀鮮味, 加埋咬落去好多汁, 好過癮!燒一口甜薯 – 呢隻甜薯估唔到佢會咁甜咁好味. 初時一上枱見到佢個樣好古怪, 但食落好甜, 食仲帶有甘香味道, 真係”薯不可以貌相!”其實仲叫咗好多唔同款的野食, 但掛住講野已經唔記得影相. 總括而言, 呢間串燒店環境唔錯, 坐得舒服(可以坐露天), 而且野食都燒得好好味, 生日仲有香檳送. 三五知己消遣係一個唔錯的選擇! 不過坐戶外有時會有人食煙, 如果真係好唔鍾意煙味的就建議坐返室內好D

清水不供應，要点支装水。点了个烧菜芯，只有數條，而且莱是黄，及很老，麻辣金菇菜，没有什么麻辣味，只是極．度咸，我跟服務員说要熱水過咸味，開始她説不提供熱水，後来我说不是喝的，最後極度不願意給我1碗，過完水都是超咸！羊架1般，不是很嫰，全熟，有奌硬，蒸带子不錯！總結，味道1般，不会再回頭！

秋風起, 選擇同朋友座露天位置嘆BBQ. 係香港, 除咗入到新界, 元朗呢D地方, 露天茶座/餐廳真係非常罕有. 難得港島都可以搵到有露天餐廳, 又乾淨企理. 一等到天氣涼涼地就同朋友訂咗位去食.上次黎呢度我地一人叫咗杯1664 Blanc, 今次見佢地有手工啤酒賣, 而且只係$36/支, 當然要試一試. 我地一人試咗一隻味, PUNK IPA個隻感覺清新, 仲帶有少少花香味道, COEDO個隻就係一隻黑啤, 啤黑味濃郁, 各有各特色, 各有各口味. 如果女仕的話應該會比較喜歡PUNK IPA, 而男仕就係後者!食物方面, 質素依然保持得很好. 今次試咗一d上次未叫過的. 而以下幾款係我地的心水推介:1) 燒雞泡魚乾 ($44) - 雞泡魚乾厚身, 咬落好有口感, 而且燒得夠香又唔會乾身, 沾上沙律醬作為前茶非常適合!2) 燒蟶子 - 蟶子厚肉, 燒到啱啱離殼, 加埋少許蒜頭辣椒吊味, 正!3) 雙拼台灣腸 ($36)- 係墨汁墨魚腸同埋櫻花蝦芥末腸, 台灣腸的特色係比較粗身, 而且肉汁豐富同較甜. 呢兩款台湯腸一樣有以上特色, 而且呢兩款腸你食落去仲有一粒粒肉粒係裏面, 而且不會肥膩

星期五, 當然要鬆一鬆, 今晚班frind係港島, 想搵間可以一大班人又坐得耐D ge 餐廳傾下計. 搵黎搵去都係食安安燒. 一行8人, lunch 已經打黎訂定位, 放工即刻搭車過去搵佢地.食串燒最大好處就係可以叫好多款, 每款少少咁樣, 一班人可以試到好多野食. 同埋食串燒比較Casual, 可以大聲D傾計都唔洗比人投訴^^ 我地真係叫咗好多野食, 以下係其中一D:燒多春魚 – 出面燒到脆卜卜, 裏面好香, D春係一粒粒好分明, 唔會痴埋一舊舊燒原隻鮑魚 – 燒鮑魚真係第一次食, 估唔到幾得意, 食落唔會太硬, 有口感, 而且都幾鮮甜紅薯粉 – 呢個好辣, 每人夾一駐都食到雪雪聲, 怕辣者小心!燒韮菜 – 大大份又多汁, 韮菜 有種獨特香味, 用來燒真係好夾好好味芝士粢 飯 – 燒出黎好煙韌, 芝士都好香, 第一次食燒粢 飯感覺幾好!整體黎講食物有水準同有新意, 唔會淨係得D丸, 肉咁樣, 有好多得意款式出面都未食過, 而且大有生啤飲. 今餐飯食得開心又放鬆, 確實係放工一大好去處!

大熱天時BB話要去BBQ...又唔想去D燒烤場又熱又搞到污糟, 上網睇下D燒物店啦. 搵到港島有間室內BBQ店D食物相都OK, 好, 就食呢間! 初時以為係東大街, 原來唔係, 係另外一邊叫南安街. 唔去過都唔知, 原來個邊都有唔少食肆, 都幾熱鬧. 呢間舖有室外有室內. 當日因為天氣熱, 所以我地坐入室內嘆冷氣. 都見室外有D人座, 貪佢可以食煙.燒茄子 - 大大條熱騰騰, D肉燒到啱啱好可以撕出黎食, 好香好好味! 燒魚翅 - 呢樣係第二度未食過, 所以叫黎試下. 厚身而且燒出黎暖暖地, 口感係爽口(有D似雞泡魚乾但較鬆化), 點沙律醬就ichiban! 燒四季豆 - 燒得幾香, 不過無乜特別, BB話要食d綠色野中和下, 所以叫咗呢個燒鱔片 - 一上台見到咁深色初時以為燒叉燒, 點知一食落口有驚喜! 好軟滑又多汁, 唔會有醒味! 外層燒到好脆, 外脆肉軟咁好好味!! :king 不過食落去個時唔可以心急, 裏面有D細骨)後黎仲叫咗其它丸類, 大部份都唔錯! 如果天氣涼返D可以座室外, 環境唔錯又舒服D! 不過員工好似唔係好夠, 尤其peak hour, 如果可以多D員工

昨晚約了朋友下午在港島東區活動，晚飯時間又不是太餓，最後決定食些簡單的晚飯，選了串燒店。上openrice 查查筲箕灣的串燒店，最後找到這間似乎評價也不錯。不過不熟筲箕灣的我們起初沒有頭緒在那裡，怎知在途中竟然遇見住在附近的朋友，最後由她帶我們去，若沒有明燈指路真的找不到，因為這間店在橫街尾。室內的位置不算多，大約5-6張四人枱，但還有出面露天的座位。因我們6:00pm 去食，所以沒有訂位也有位，因為當我們8:00pm 食完埋單時，出面入面都坐滿晒人，我們剛離開，又有四人家庭接著入來！所以若大家想去食，都是早些訂座為妙！餐單也算多種類，足足寫滿一張A4紙的底面，見到有很多芝士食品，特別是不同食材來整的芝士撈丁，我們沒有試，因為不是太餓。不過我覺得下次去真的要試。雖然點了一些算是普通的食物，但我覺得整得味道不錯，以及無想過可以用來做串燒，選幾款推介給大家：首先是燒年糕，這款我們翻叫多次來食：接著未見過咁整齊的燒韮菜，平時不是會主動食的食味，但燒起上來估不到咁野味：然後就是雞泡魚干，雖然很多日本料理都有得食，但今次竟然大大片價錢又不貴，味道好夠，但我就覺得硬了少少：再來是燒扇貝，雖然不是很

搬入黎筲箕灣無耐, 諗住同老媽子周圍搵下野食. 之前黎筲箕灣都會去東大街搵食, 但行行下原來南安街都有唔少食肆. 我地行咗一陣, 決定試呢間BBQ.相比起九龍的燒物店, 呢間BBQ算係比較濶落. 我地行咗一陣其實已經幾肚餓, 所以一次過叫咗都幾多野食.有幾樣野食我地覺得幾好味:1) 甜蜜蜜燒菠蘿 – 呢個真係好好味, 佢個外層係一層脆皮蜜糖, 而且個菠蘿燒完都好多汁好甜, 值得推介2) 餃子釀雞翼 – 見到個名幾得意所以叫黎食, 原來係雞翼裏面釀入豬肉, 啖啖肉, 而且好彈口, 係一個唔錯的新嘗試3) 芝士蒜蓉燒生蠔 – 呢個芝士味好濃, 而且生蠔都幾大隻, 好鮮嫰老媽子叫咗其它辣野, 包括麻辣金菇, 龍脷柳等, 但我自己唔係好食得辣, 所以都只係試咗少少, 老婆就話好味.

本來想去食雞煲，點知無位就去左安安燒。  而呢個就係第一個錯 入到去人唔多就知出事啦，星期日晚都無人。  Anyways, 之後一見餐牌有巧克力焗生蠔，鐵觀音咖啡就知有野。之後叫左D正常野，芝士焗生蠔，芝士麵，燒粟米, 雞串燒。  到左焗蠔個賣相都以為OK， 點知一食就好腥然後見到一攤水係低個心仲要唔夠熱。  COME ON, 焗蠔裡面D水仲大攤個隻蠔。  之後到左芝士麵同漿糊麵分別唔大，仲要話係招牌菜。然後個雞非常乾。個粟米就好正常。  BTW, 食飯過程中問個店員要水然後個哥哥話要＄10。  然後立刻望下個餐牌，最平支啤酒都係＄10然後水都要同樣價錢。  唔知以為自己去做高級餐廳，要開支水。雖然價錢唔貴，不過真系不值一試。

之前試個旺角那間安安燒, 今次試一下筲箕灣分店.筲箕灣分店處於街角小巷中, 餐廳有部份是露天的, 所以可以使用炭爐來燒烤, 所以燒出來的食物是特別有風味呢!蒜蓉燒扇貝 ($44/ 4隻)不知道是不是因為筲箕灣有避風塘的原因, 我發現區內有許多食肆都是打正旗號賣海鮮, 而心裡面亦總覺得區內餐廳的海鮮是特別新鮮.甫坐下, 店員隨即推介海鮮類的串燒, 扇貝四隻才$44, 眼見價錢公道又合理, 二話不說落單啦!燒扇貝肉質彈牙爽口, 非常新鮮, 加上金銀蒜香得不得了! 其實味道跟蒸扇貝沒有什麼大分別呢!皇牌燒牛舌 ($29/ 串)稱得上為皇牌, 味道自然是一等一. 牛舌厚薄適中, 大約為5mm左右, 口感自然好! 質地爽爽彈彈的, 一點也不韌, 加上孜然粉, 味道好夾. 我們點了兩串, 但發現一串的牛舌比較大, 一串的牛舌比較小, 而且是連續三塊都是”細碼”, 很不平均吧? 看看圖片就知道了!烤雞腿肉串 ($23/ 2串)雞肉還算鮮嫩彈牙, 只是沒有什麼亮點, 我會將這廿多元多點一次牛舌吧!燒四季豆 ($12/ 份)經過燒烤的四季豆, 口感好像干煸四季豆, 好爽脆.極品烤餃子釀雞翼 ($25/

上網覓食得知安安燒-川式串燒專門店，食物質數很好，很受顧客喜愛，於是我和好友來到安安燒於筲箕灣開設的分店，老闆繼旺角店後再下一城，串燒店開到成街成巷，要突圍而出，安安燒靠創新川式串燒闖出名堂，新店仍保留濃味及香口的川式串燒。為了增添食趣，店方特別從台灣訂製燒烤爐，用上環保少煙的機製炭，並配備蜜糖和油，一室炭燒香，如置身日式居酒屋的氛圍，氣氛一流。店子地方不算太大，勝在環境舒適，悠閒潔淨的感覺，位置在筲箕灣，地理環境很好，筲箕灣地鐵站出口過馬路巳經直達，是一個談天說地的好地方。正宗的川式串燒較為乾身，口感粗糙，食完好易口乾，老闆想到以調味粉和出位醬汁來改善，自創了多款醬汁及小食，以7至8種辣椒混製而成的辣椒粉，全都用四川運來的香料調味，香氣四溢，不嗆鼻喉，再在串燒上塗滿海膽汁、沙茶醬、蒜蓉醬等燒製，吊出鮮味，味道更佳。燒雞軟骨串 ($23/2串)師傅燒烤功夫非常了得，燒得外面脆内嫩，彈牙有咬口，入口不會太熱，口感很好，正合我的口味。燒頂級墨魚丸 ($18串)燒烤的火候夠，頂級墨魚丸新鮮彈牙煙靱，肉質很爽滑，非常好味，賣相吸引，配上調味粉或醬汁，令味道更豐富，幾好食。極品烤餃子釀雞翼 (

I was here with my B on holiday, we arrived at around 8 and there were no people lining up.The shop was quite small and there were like only 6 to 7 tables inside with an outdoor area which could occupy 15 to 20 people I guess.  The tables were placed closely to each other and the seats were not comfortable.  People started coming after 9 o'clock and the shop was full right after that. Kau Choi (Chinese Chives) was great.  The Kau Choi was fresh and the seasonings were great.  It was not spicy bu

收工去搵朋友食宵夜.. 仲未食晚餐既我地真係超級肚餓 雖然住東區, 但我都好少去筲箕灣 所以就由朋友發板帶我去食野喇 門面幾光猛.. 入到去就即刻叫野食喇 我地叫左個芝士燒生蠔, 燒車厘茄,燒茄子, 沙茶燒金菇, 燒一口魷魚仔, 燒羊肉串, 烤雞腎, 燒雞翼同埋燒多春魚等等 上野食速度都唔算慢.. 燒茄子: 大大碟幾juicy..想食埋個皮咁濟..不過當然皮係唔食得 燒車厘茄: 車厘茄甜甜地, 燒慶左仲熱辣辣外皮脆脆地..唔錯 烤雞腎: 個味道其實唔錯..不過好似硬左少少..唔夠爽口 燒一口魷魚仔: 個調味唔錯, 不過就其實大件左少少..唔夠"一口", 而且個質地太un, 有少少難咬, 不過我朋友就好鍾意食 之後係個燒金菇: 個沙茶醬好好味, 不過如果可以均勻d就更加正 燒雞翼~~我鍾意食, 的而且確好好味!個醬好特別, 好過癮, 係第度都未食過, 雞翼又唔會細細隻好似有d地方用d營養不良既雞翼咁 另外個燒羊肉串都燒得岩岩好, 個調味真係好正! 芝士燒生蠔: 個芝士味好濃, 燒到個芝士溶落隻蠔度, 加埋蠔個鮮味, 真係無得頂 燒多春魚: 都係個調味岩岩好, 唔會太咸又唔會無味,, 燒到