烏龍燒 (Closed)

今日同朋友來到旺角行街，咁岩經過就試試呢間串燒店，見人唔到就決定試試。叫左個原隻蒜蓉燒生蠔，好正好濃濃的蒜蓉香味，一碟有3隻，如果可以，真係好想一個人食晒三隻。之後叫左份鐵板燒煎鰻魚，鰻魚大份又好juice, 正啊。仲叫左A4 和牛，牛舌，但印像最正既反而係炸雞軟骨，又香又脆，算係我食過入面最正既，必需推薦一下。最後叫埋份飽肚既冬茹咸蛋黄竹筒飯，好香咸蛋黄味，值得一試。最後叫左份菠蘿雪糕同椰子雪糕，又濃又香，好滿足

今晚老公接收工，上車之際商量食乜野，佢話之前見到旺角有間串燒成日要等位，好想去試下，上網睇左烏龍燒同安安燒，其實兩間舖係Friend黎既，去到見到烏龍燒唔洗排隊就試左烏龍燒先!本身點左紫淮山，但係賣晒😣皇牌燒牛舌竹筒飯，燒茄子薑葱蠔煲，黑松露墨魚滑不過就冇乜黑松露味最 surprise就係有糖水送 都未試過食宵夜有糖水送!仲非常足料，當晚係桃膠。當晚仲嗌左個沙茶燒金菇，好咸，唯獨是果個食唔晒。食完埋單先發現有85折🤣好開心，又好食又扺食

晚飯時間經過見冇人 就入去食叫左燒鮑魚、燒墨魚丸、餐蛋串串、海鹽牛肩胛、燒扇貝、冬菇咸蛋黃臘腸竹筒飯、蒜蓉牛油焗什菌、燒雞軟骨同煙肉車厘茄燒鮑魚同扇貝幾新鮮餐蛋串串好特別冬菇咸蛋黃臘腸竹筒飯燒得唔夠香其他味道ok

位於旺角的烏龍燒原來是與近旁安安燒屬同一集團，今晚打算與友人以串燒作為晚餐，便選擇了環境較舒適的烏龍燒，冷氣都較涼，很適合炎炎夏天又想食串燒的人。每枱都有3款調味料比客人自己加重口味，包括有七味粉、孜然粉和岩盬。燒汁鹿兒島縣A4和牛伴喜馬拉雅山岩鹽 想不到這裡也有A4和牛燒，A4和牛照燒，一共4塊，價錢不算貴，相當抵食。而A4和牛香氣撲鼻，口感軟熟，鮮嫩多汁，放入口中便立即溶化了，配上岩鹽更提出和牛的鮮。很想encore!原隻扇貝有大量蒜泥一齊燒，蒜蓉味香，十分惹味。叫了幾串串燒充飽肚子，包括餐蛋串串、燒特級魚腐、燒花枝丸。餐蛋串串餐蛋串串的蛋有點像玉子燒。蛋味濃郁又嫩滑濕潤，味道香而豐富。燒特級魚腐燒魚腐表面很香口，但內裡仍然軟綿綿。燒花枝丸花枝丸經燒過後，皮脆帶咸，酥香脆口，鹹香滋味。脆皮燒滑雞片燒滑雞片燒得皮脆肉嫩，好香口。日式煉奶燒麻糬日式燒麻糬口感煙煙韌韌，有點像燒日式年糕，配上煉奶和花生粒，味道似奶醬多的奶醬，是不錯的甜品。竹蔗茅根紅蘿蔔馬蹄水 怕熱氣點了一壺竹蔗茅根紅蘿蔔馬蹄水，一壺份量相當多，足夠添飲很多杯。

今日同男朋友食飯，去左旺角行街，之後搵左一間串燒店入去食飯。環境唔污糟，抽煙都算強，食完唔會成身油煙味。男朋友負責落單，簡單叫左幾款串燒試下！餐蛋串串、燒白鱔、皇牌燒牛舌、燒午餐肉、燒3色雞翼、火辣牛丸、香菇貢丸、沙律醬燒蟹棒和金菇牛肉卷。男朋友超鐘意食牛舌，見到餐廳推介皇牌，佢即刻叫左！牛舌厚切爽口，無羶味，焦香香口，中間仲有肉汁！我就鐘意白鱔和蟹棒，魚肉油香豐富，香嫩甘香，蟹棒加入沙律醬燒香，非常滋味！丸類串燒唔乾身，入口香口有汁，水分控制得宜。

今日工作辛苦，諗住去食串燒飲啤酒Happy Friday, 點知極中伏！我地叫左牛舌，三味雞翼，雞軟骨，車厘茄煙肉，蠔同帶子，當然仲有杯啤酒，成餐飯只有啤酒最正路。以上提到既食物，首先等左好耐，耐唔緊要，因為當你即叫即燒係要時間，點知，牛舌只係暖暖地，完全唔夠熱，仲要好硬。果個三味雞翼非常呃錢，冇味道，果個所謂燒味，即跟本同係燒味店買既燒雞翼係一模一樣，都算，又係暖暖地唔熱既？！個雞軟骨都係一樣情況，不值再提。車厘茄煙肉.......收我廿幾蚊俾多少少誠意得唔得，又細粒又冇汁，片煙肉又少，真係係街邊買仲好食過佢！個蠔同帶子，又係唔夠熱，但等左勁耐，完全唔成正比！食得串燒預左唔會好平，呢度食左我4百蚊，唔飽唔抵，但好彩只係叫左一轉，俾錢那那聲閃人真心冇下次，完全將Happy Friday 既感覺破滅左！我好少會不滿到要打食評，同埋返openrice見到咁多好既comment, 我真心覺得......食串燒，貴唔貴好個人，但食物唔夠熱，真係死罪！

朋友期待左今晚好耐 因為大病後終於可鬆一口氣食番想食嘅美食😍選擇多多😃😃係街角位 細細間半outdoor嘅格局 但都唔會熱 冷氣夠！野食未上 黎渣竹蔗茅根下下火😁牛舌雖然厚身但食落去非常熟稔 香香的🥰雞軟骨爽脆入味白鱔非常香稔 仲甜甜地🤗大大疊蒜蓉鋪起茄塊上面蒜香味極重 茄子亦都唔會乾身呢串翠玉瓜上面灑埋孜然粉配返翠玉瓜嘅清甜後面嘅大菇睇落去極其普通 但原來都好juicy🤩等咗咁耐牛牛終於上菜啦未做到入口即溶但都已經半溶😂已經好滿意原隻扇貝真係好大呀同樣都係用蒜蓉鋪起面所以香味真係十足㗎🤣🤣臨走仲有糖水送真係抱住個肚走啊最後🙈🙈

今晚跟朋友短聚，她介紹到這間烏龍燒食串燒，地方不大，座位不多，但勝在環境開揚，唔會焗到一身油煙味。餐廳有本烏龍寶鑑，除了提供多款主打串燒及燒物外，另有小食，飯麵，甜品及飲品。寶鑑中更展示了每款食品的相片，未食已經很吸引。重點價錢很大眾化，沒有加一服務費，讚呀!燒羊肉串: 孜然粉跟羊肉本是好朋友，所以燒羊肉配上孜然粉的味道一定不會差，只會更惹味，燒完的羊肉仍然嫩滑，有肉汁。$28已經有2串。台式黑椒腸: 香脆的外皮，帶有陣陣的蒜香味，外形脹卜卜，咬落啖啖肉，很滋味。燒鹿兒島豚肉串: 豚肉肉嫩，油脂香。燒魚腐，魚腐打邊爐多，燒都係第一次，燒完的表面很香口，但內裡仍然軟綿綿，又是另一種食法。最欣賞燒鮑魚同燒生蠔，新鮮抵食，生蠔$58已經有三隻，用了大量蒜泥一齊燒，香氣十足。而燒海螺串就鮮得硬了一點。食串燒都要食得健康一點，要了燒九菜及翠玉瓜: 好欣賞廚師們可以將幼身的九菜串得那麼整齊，燒完的九菜亦不會太乾身。翠玉瓜則比較普通。燒菠蘿亦是健康之選， 每次燒烤必點的，燒完的菠蘿暖暖的，清甜又多汁，食完串燒可減油膩感。枱面提供了孜然粉，七味粉及海鹽，食客可以因應自己口味再加調味，但本身的味道已經很

今晚去左旺角白布街的烏龍燒，開放式的餐廳，依個天氣去好舒服，空氣流通又唔會有一大陣BBQ的油煙味。餐廳係主打燒物，選擇唔少，價錢大眾化，十幾蚊就有一串/一碟，怒點都唔會太貴。自己落單就唔會錯啦~燒孜然羊肉串一份兩串，少食羊，所以點左客黎試下，燒得有點乾，羊味夠，唔會羶，孜然粉吊下味，還OK!脆皮燒滑雞片一份四件，雞肉燒完唔會乾，微辣，啖啖肉燒生蠔一份三隻，好多蒜蓉、又大隻，惹味Juicy～燒翠肉瓜一串有六件，燒完好香口，又淋，令本身無乜味的翠肉瓜口感提升哂桃膠紅棗桂圓，免費送的，有大量桃膠，雲耳絲，紅棗、桂圓。清甜潤喉，岩哂食完燒物食，多謝。

烏龍燒雖然店子不大、平日夜晚都擠滿人、有兩邊門口、微風吹著吃串燒、有種久違了的大排檔風味。燒生蠔好多蒜蓉、好Juicy～燒韮菜有點太辣和有渣。燒菠蘿 $19 好甜啊！東南亞大沙插 $32 原來是帶子、幾鮮甜但有點貴呢。超喜歡吃台灣腸～點了台式蒜味腸和台式黑椒腸、芣味腸甜甜的更濨味。燒頂級墨魚丸爽口彈牙燒雞泡魚干 反而燒得比較乾燒牛舌軟淋好食～汁燒金菇牛肉卷 嫩滑多汁美味。杞子龍眼菊花蜜好清甜吃完串燒送上這碗紅棗杞子燉桃膠、冰凍清潤。

之前在黑白布街附近食甜品見到烏龍燒幾旺場，陣陣燒烤香味飄出都想試下，今次出開旺角維修相機，就順便來試試。＊＊＊＊＊＊＊＊＊＊＊＊烏龍燒主打串燒和各式燒物，同時亦有小吃、飯麵、甜品和飲品，選擇豐富之餘價錢亦大眾化，大部份串燒十多元已有交易。我比較欣賞是小店兩面單邊，比較開揚，所以不怕食到一身煙味。桌上有孜然粉和七味辣粉，食客可按自己喜好加在串燒上，同時小店亦有多款秘製醬汁，每款$5。大部份串燒都是逐串計，但有部份是兩串計。燒孜然羊肉串($28/2串)孜然味適中，不會太搶，羊肉羶味不重，只是略嫌燒得有點乾身。台式黑椒腸($19.5)黑椒腸帶點微辣黑椒味，都幾惹味。燒頂級墨魚丸($19.5)墨魚丸很爽彈，燒完特別香口。燒特級魚腐($19.5)魚腐不會燒得太乾，入口還有汁。麻吉年糕燒($19.5)年糕煙煙韌韌，味道不錯。餐蛋串串($16.5)就是餐肉加蛋，將平時用來做餐蛋麵的餐蛋用來做串燒，都幾特別。皇牌燒牛舌(35.5)牛舌都幾大塊，雖然沒有出面日式串燒的牛舌般厚切和彈口，但這個價錢都交足功課。脆皮燒滑雞片($25)雞肉醃得夠味，肉質不會過乾過鞋，味道都可以。冬菇咸蛋黃臘腸竹筒飯($46.5

間野係正轉角位，2邊門都打開，成個感覺好闊落，開揚。食物價錢公道，味道又唔錯，最緊要佢唔會燒到過晒火喉乾爭爭。10點後入座仲有85折，加完班可以pamper返自己。首推脆脆蜜糖燒香蕉，將條蕉切開一半，好似creme brulee咁蕉面好脆，一d都唔會太甜，超級好味，不過只限於食完所有串燒先叫，如果唔係中間食甜品，感覺有d奇怪。我上次有經驗一次過叫晒所有串燒食d野會凍晒，今次有策略咁叫d野唔凍之餘又唔駛趕住食，好鬼醒，哈哈！2個女仔我地都幾大食，可能因為佢一串串，唔覺唔覺可以咩都試下！我建議要點晒下面呢d另外再加自己鍾意嘅野食。韮菜 - 熱賣串燒之一，一幅幅接得好整齊，好治癒牛舌 - 注意係厚切嘅，一條條燒完嘅痕跡加埋佢地秘製sause, very good雞軟骨 - 外皮燒得乾，有脆面，裡面軟骨有咬口 墨魚丸 - 雖然得半粒，但係又真係好好味。佢唔係個d成粒粉嘅假墨魚丸黎。外面燒到微乾，有d脆，再咬落口有口感燒賣 - 好多人覺得好奇怪，個人應該燒賣無論係蒸，炸，燒定用黎打邊爐都一流蕃薯 - 一口蕃薯，因為點都要有d澱粉質先覺得滿足食完仲有甜品送，完美

今日和阿女拍拖，到旺角的波鞋街買波鞋，接著由她帶路食晚飯，她推介食烏龍燒，因她先前和朋友食過，很不錯啊不消兩分鐘，已行到門口，這裡地方不大，但很有日式食店的感覺，侍應非常親切有禮，招呼了我們坐下後，我們便開始研究餐牌。我們叫了燒四海魚蛋、翠肉瓜、海螺串、原隻生蠔（3隻）、原隻扇貝（2隻）、原隻鮑魚（1隻）、墨魚丸、炸芝士年糕、蒜蓉牛油焗什菌，及可樂。生蠔、扇貝及鮑魚配埋蒜蓉一齊燒，簡直一吃難忘，非常新鮮，也鮮味無比。炸芝士年糕也是我的飛佛，咬開有熱辣辣及軟綿綿的芝士，蒜蓉牛油焗什菌也很好吃，香濃惹味。還有，這𥚃有桃膠糖水送，及不用加一的。整體來說，不論食物、招呼、環境、價錢都非常滿意及合理，阿女無介紹錯，下次一定會再來

今日試吓旺角嘅一間串燒.......時間尚早.....不用等位......餐牌有圖.....清晰.....！叫咗竹庶茅根...唔甜....👍🏻👍🏻👍🏻燒蟹棒....配上沙律醬....配搭剛好！燒雞泡魚.....燒和牛....好多肉汁啊..........！👍🏻👍🏻燒鰻魚同樣出色....！牛油金菇.......很香口........吃不停...！鋪頭有特別嘅竹筒飯....👍🏻👍🏻三色燒雞翼..... 入味..👍🏻👍🏻

早幾日和同事去了食旺角安安燒串燒，今日一收工又想再食串燒。所以一收工就拉着同事一起再食。但是今次我們來了安安燒旁邊的一間叫做烏龍燒的串燒餐廳。餐廳的餐牌好搞笑，寫着烏龍寶鑑，一打開全部都是餐廳的美食圖鑒。我們首先被餐廳的冬菇鹹蛋黃臘腸竹筒飯吸引着，所以立即叫了一個，$46.5。一送到上枱已經聞到好香的鹹蛋黃臘腸味。有如其名，飯裡面就是一些冬菇粒，鹹蛋黃粒，臘腸粒，飯粒分明，硬身有咬口。熱騰騰的竹筒飯，暖肚又飽肚。薑蔥爆廣島蠔，$48.5。亦都不錯。因為有薑蔥爆過，所以沒有蠔腥味。食到見底的時候，還見到底部有好多薑蔥。蒜蓉牛油焗雜菌，$33.5。未食都已經聞到好香蒜蓉牛油味。平時食BBQ燒烤，自己都會用錫紙整牛油金菇食，今次不用自己整就已經食到蒜蓉牛油焗雜菌，真好。蒜蓉和牛油和菌類是一種不能抗拒的配搭。因為怎樣整都會好好食。三者的味道互相提升了各自的香味和味道。炙燒雙重芝士丸，$19.5。這個雙重芝士丸都幾搞笑。一串有三粒。每粒的頭部和尾部都開了一個洞。當我咬第一口的時候，尾部的芝士就出來了。芝士好cheese。芝士丸又有咬口，夠彈牙，好味道。燒墨魚丸，$19.5。跟炙燒雙重芝士丸同一個