俺の割烹 (Changed Hand) New Restaurant

同老公五週年紀念日，今日比左99湊D細路，專登Book左日本野，同老公拍下拖~一入到去，環境好舒服，D侍應都好Nice，好有耐性介為我地介紹，好親切~ 因為老公好鍾意食蠔，所以叫左個北海道厚岸蠔刺生，平時我都唔太好生蠔，但今次入口鮮甜爽滑，海水味又不太重，鹹味和肉質厚度適中。之後個海膽天婦羅，UM，感覺都幾新奇，初時唔敢抱太大奇望，感覺又軟淋淋的野拎去炸，但出到黎口感都幾好。仲有叫左個和牛岩石燒，真心推介，因為我地本身都好鍾意食牛，今次係香港等一次食和牛，比起日本，都唔會差好遠~ 均勻的雪花紋同細嫩的口感，聞落去，有陣陣的香氣，未食都已經流晒口水~ 最後甜品，試左山葵Jelly~ 唔錯唔錯~ 值得推介。下次會帶埋小朋友再去~

今天朋友帶我來中環試成名已久的這店。她說這裡是她們同事的每星期必去飯堂。我們點了。。。鹽燒喜知次。。。脆皮肉質鮮嫩，連不太好魚的我也停不了。和牛富士溶岩石燒。。。入口溶化。口感一流。食材真一流。雜錦天婦羅。。。個人認為必食之選，虾大又彈牙，佩上露順更天衣無瑕。價錢合理。環境衛生也好好。員工也ok good.特別有個樣子cool cool地的女侍應被我個煩朋友問左問右，也好有心地一一解答。好好的一餐飯。正!

今日放工，d同事帶左我去試新派日本菜，本身一直都想試好耐，但未有時間，好開心今次終於試到。一入到去，已經覺得個環境幾好，氣氛都唔錯！因為我對食物敏感，問完又問，但d侍應都好有耐性解答我地的問題！服務態度值得一讚！我地叫左一個海鮮鍋、炸胡麻豆腐、剝皮魚刺生(一向唔食魚，但今次都食左幾舊，味道唔錯，都幾甜)、海老春卷、吞拿魚腩丼(吞拿魚腩好肥美)、大蝦天婦羅(無咩特別，同一般天婦羅差唔多)、鯖魚壽司、甜品食左菠蘿燉蛋(值得一試！)好滿足的一餐！其實仲有好多野想試，但實在太飽！唯有下次再試！ 

環境不錯，服務態度幾好，第一次黎食，有位着西裝的女服務員很有心介紹食物（哈！唔記得佢叫咩名tim) 食咗條燒喜之次，超好食，魚生就ok 啦，價錢都算合理，值得推介！！

如果要用哩個價錢，同食快餐嘅感覺無分別，我真心覺得唔合理，坐位坐得吾舒服都算，d服務態度差到極點，有位叫Elaine 黑囗黑面，態度又差，食到我地都極吾開心。不可一不可再

約左兩個朋友食lunch，一上到去我個fd就話佢地改左menu貴左好多，本來最平$90都有，而家$150起跳，仲少左好多選擇。本來諗算啦又唔係成日食，呢間咁多好評應該好食既。叫左個鍋燒烏冬雜錦天婦羅定食 $168。餐前沙律我本來expect個沙律會靚d，但其實個賣相真係唔多掂，個幾片菜又無咩光澤，同我食普通$6x既餐會黎既沙律差不多。定食茶碗蒸不過不失，無咩餸但都叫幾滑，蛋味就略為失色。個秋葵唔錯，我本身都中意食，佢d秋葵細細條一睇就知唔會老。食天婦羅個陣我地研究點解無天婦羅汁，個侍應話呢個餐係直接浸湯食，我地直頭下左出黎，不過佢都好願意比個汁我地，天婦羅食落粉漿唔厚，有2隻蝦，份量算係合乎佢個價。但去到個烏冬我就炆左，個烏冬明明係主菜，我係想食好煙韌個種烏冬，點知一咬落去完全唔係個回事，無去到街市買咁差，滑得黎無咩咬口，大失所望。

I used to come to oreno very often for lunch but haven't come for 1 month, they already changed the lunch menu to a new one. My first feeling is price is increased and the no as many choices as before. Actually i want to order cold udon set but they put it into the Chef Special Menu which i can only choose it from 11-20 May. Waiter said because not many people like cold noodle, so they put all not popular item in Chef Special Menu. The choices become so limited and i finally choose hot udon with

約了銀行一時在中環開會, 索性11點幾早點在中環蘭桂芳覓食, 行到德忌立街California Tower, 被”俺の割烹”的名字吸引, 决定入去一試, 店裡裝修舒適優雅。這裡午餐定食選擇頗多, 餐牌上有百幾蚊至幾百蚊都有, 最吸引到本人都是銀鱈魚西京味噌燒定食。成個餐都幾豐富, 有一個沙律, 餐前小食, 麵豉湯, 主菜銀鱈魚及一碗白飯。沙律菜就一般, 同其他餐廳無兩樣, 但銀鱈魚就非一般水準。在香港真的從未食過一個製作咁認真嘅超水準日式西京燒銀雪魚，魚肉鮮甜嫩滑, 從食材至醬料一絲不苟, 好味指数爆燈果然是米之蓮水準貨真價實, 12:30前埋單竟然還有折扣, 絶對是超越期望, 一定會再嚟

今日約左朋友去中環食飯，朋友建議去呢間日本餐廳，我都想試好耐。幸好朋友可以早d到，1215pm攞到最last張table，如果唔係就得番企位 用餐時間只有60分鐘，所以我地都被逼快d落order。 朋友極力推介銀鱈魚西京燒，所以我地4個分別都叫咗銀雪鱈魚嘅室set：sashimi或tampura。頭盤先係加咗粟米片的生菜沙律， 幾開胃。接著就係各個lunch set， 先講下主角銀鱈魚：肉質幼嫩、豐厚，大大件，燒得好香又唔會過熟，好好味。Sashimi 有4種：拖羅、海膽、帶子同埋三文魚， 厚切又新鮮，以價錢而言，屬above standard。Tampura就一般，脆漿唔會太厚，香脆可口。每個set都跟茶碗蒸、日式配菜、麵豉湯同脆黃瓜，個人覺得茶碗蒸好味。整體而言在中環以這個價錢有咁嘅質素都幾好，尤其個cod fish又大件又high quality，絕對值得再試。 唯一不足只係lunch time冇得訂位，環境比較嘈雜，傾偈真係要嗌破喉嚨。

今日約左朋友去中環食飯，朋友建議去呢間日本餐廳，我都想試好耐。幸好朋友可以早d到，1215pm攞到最last張table，如果唔係就得番企位 用餐時間只有60分鐘，所以我地都被逼快d落order。 朋友極力推介銀鱈魚西京燒，所以我地4個分別都叫咗銀雪鱈魚嘅室set：sashimi或tampura。頭盤先係加咗粟米片的生菜沙律， 幾開胃。接著就係各個lunch set， 先講下主角銀鱈魚：肉質幼嫩、豐厚，大大件，燒得好香又唔會過熟，好好味。Sashimi 有4種：拖羅、海膽、帶子同埋三文魚， 厚切又新鮮，以價錢而言，屬above standard。Tampura就一般，脆漿唔會太厚，香脆可口。每個set都跟茶碗蒸、日式配菜、麵豉湯同脆黃瓜，個人覺得茶碗蒸好味。整體而言在中環以這個價錢有咁嘅質素都幾好，尤其個cod fish又大件又high quality，絕對值得再試。 唯一不足只係lunch time冇得訂位，環境比較嘈雜，傾偈真係要嗌破喉嚨。

原店位於日本銀座之日本料理「俺之割烹」去年在香港開業的時候座無虛席，我曾晚飯訂枱的最高峰輪候時間要等上╴個月才book 到位，原因係由日本遠道而來嘅店主及其團隊親自傳授主理的食物既新鮮又高的水凖。所以深受各位界人士和有品味的上班族一族欣賞！事隔一年，我再次與友人光顧此餐廳，他們的食物不但保持高質的水準而且菜單上還有驚喜！現在不防和大家分亨–下。 

此店為新派日本料理， 米芝蓮級數食物及招呼水準，但收取的竟是平民價錢，真的太不可思議。食物材料新鮮，單看菜單款式便能感受到廚師的用心製作，而且令人驚訝！服務生態度非常專業而且有禮，值得嘉許。食物方面: 炸龍蝦鰹魚汁非常惹味，炸胡麻豆腐，別出心裁 (因聽介紹是師傅自家磨的)， 松葉蟹美味鲜甜， 鯖魚壽司更見出色， 甜品更見師傅心思

在日本見過 Ore-no 的日本及法國版，雖然是立食，下午四點已大排長龍，掙扎過後，未有光顧，難得在蘭桂芳開了，要試試。蘭桂芳的 Oreno 也非常熱鬧，人頭湧湧，好在等位後不一定要立食，更好。日本的Ore-no 門口放了該店米之蓮級大㕑照片，香港用了電子版。店員介紹了四個招牌菜，就試試吧，跟住有個日本酒師介紹了些酒配搭，也成。海膽高湯啫喱見到很多人也點了這份海膽高湯啫喱， 外觀精緻，海膽 mousse 鮮甜，好像溶入了些甘笋的清香，十分美妙，米之蓮果然並非浪得虛名。和牛 Sukiyaki個人較重口味，熱愛濃厚的 Sukiyaki 汁配生雞蛋，Oreno 的不一樣，和牛嫩滑，配汁偏向清甜，另類風味，我不太喜歡，女仕們卻在搶。不知是豆腐還是 mochi上級材料以外的驚喜，鹅肝醬芝士威化果然是平民米之蓮，非常創意，肝醬、芝士、威化，好味加新鮮感

今天中午傾完工事後和同事一起去lkf 找野食！聽左好耐的Oreno, 今天有機會試了！我們3個人，點了4款式！蒸鮑魚配青瓜酸酸地的青瓜配姐喱及海帶加上大大片的鮑魚，簡直絕配！鹿兒島豬扒面豉燒雖然是豬扒但口感完全是豬頸肉，配上炸香了的䓤片，香噴噴，爽口彈牙！冷制野菜配堅魚燒汁這沒什麼特別，但可清新口中的味道！海膽胡麻凍豆腐我最愛的芝麻味食物，弄成豆腐口感，加上海膽！甘香而滑口！一流總結：環境加食物及價錢是滿分，下次可約朋友再來及飲酒傾計

在朋友口中得知蘭桂芳有一間不錯嘅日本料理，一直想去試試，終於上周有機會了。店裡裝修舒適時尚，而且職員服務親切有禮，職員用專業介紹食物給我們也非常細心，食物質素出色，有創意。。我鍾意我們點了魚生，新鲜而肥美，另外那個鯖魚壽司也是超出水準，鵝肝牛柳肉質鮮嫩味美上乘之作。