原味家作 (Closed)

蟲草花雞份餐味道太咸，份餐既餸既份量唔多，雞肉少，蟲草花多豉油最多、跟餐既湯無湯料而且唔算好飲，唔覺係咩健康餐。品牌標榜無味精，但食落係多油多鹽。唯一最健康係個水煮菜，真係冇乜味。成個套餐連菜既要60幾蚊。 但間公司有點離譜，正常多要外賣盒/膠袋先會要多1蚊/5毫，問職員拎多只是一隻匙羹居然要收1蚊!開頭真係會以為係特登為難人☹飲食業做到咁樣真係比較罕見。🤔咁既價錢同服務真係無下次。鴻福堂都好味過呢間野🙄

點了鮮藕片炆排骨飯。入面只有一小粒排骨！！！但卻有幾粒沒有肉的骨……入面只有一小粒排骨！！！但卻有幾粒沒有肉的骨……入面只有一小粒排骨！！！但卻有幾粒沒有肉的骨……(重要的事情要說三次。)我知道現在的豬肉很貴，但乜不應該是這樣吧！我好歹也付了差不多六十大元啊！最初沒影相，因以為餸在年藕下底，吃到一半發現伏了！為何只有配菜，沒有主菜？由於吃了一半，很難叫人家換吧！(就算厚著面片應該也不會換到！)唯有在此提醒一下大家。

好多返office既朋友仔如果唔出街食lunch都會考慮買呢d家常飯連湯買返公司食，想健康啲。今日用左$72買左個栗子雞飯+章魚蓮藕紅蘿白湯。個栗子雞個味好怪，明明係雞但係有羊既’so’味, 唔知係唔係同其他餸用咗同一個器皿黎處理過個雞，令到染左d味道。一路食一路有d驚係個餸變壞，食左3分1都冇就冇再食，好彩食完冇唔舒服...而主打既湯就都好飲既，飲落有鮮味，唔似味精湯。我買完之後隔左九個字先飲個湯，個湯都仲夠熱，個外賣杯都保到溫。

今次其實都有點嬲。話說今晚我想食一些比較健康的飯餐。之前已經試過佢地的早餐，雖然唔算好食，但都幾抵食。所以我對這間餐廳的印象都唔太差。之前都試過佢地的湯飯餐。但因為太夜，接近收鋪時間，所以都無咩選擇。今次比上次早些。我大約8點左右就到。希望可以多些選擇。今次去到比上次多點選擇。我點選了花膠雙螺竹絲雞，當時想太好了有花膠飲。所以我很期待。問佢地還有咩飯。佢哋話只有幾款。有我喜愛的糖醋骨。上次只餘下羅漢齋⋯我最後當然選擇這個試一試啦。這裡分單買和套餐。如果單買就貴好多。所以我選擇套餐，晚餐就無所謂啦。買回公司勁期待時，一打開，我超失望囉。那個花膠湯係無湯料㗎喎⋯原價$40多元的湯無料睇到。我點知你比咩湯我㗎？本來想影低佢。但都唔知影咩好，因為根本無料好影⋯下次都係問清楚才行。講返湯品質素。湯真係夠熱，都真係飲唔出味噌。老實講，個湯個味就唔係太出。但都有點鮮味。再講那個飯更失望。那個飯只有一半食材，那個骨根本唔入味。食落口感似煲湯豬肉。那些糖醋汁根本只係一個汁，一個好似分開煮的汁。唔夠酸又唔夠甜⋯那些飯超多。好似好抵。但無料好似食白飯一樣。無曬意思⋯我想下次我都係試早餐算數啦。因為佢地的飯餐

外賣一個簡單湯+飯套餐，都要70幾蚊。想要嗰樣又冇嗰樣，又唔喺餐牌講清楚。買完返公司食但居然個湯蓋都蓋唔緊，行到返去都已經唔見咗半杯。咁嘅服務有冇搞錯！差差差！

早上要去半山上堂，朝早一早起身搭車嚟到香港站，再轉小巴上半山，就來了這裏‘原味家作’買早餐食。價錢都頗為貴，沒有什麼好選擇今天叫了皮蛋瘦肉粥，榨菜肉絲紅米飯，連一杯熱奶茶下次寧願食其他都唔再食呢間，味道真是不太好食，粥沒有味道，紅米飯又乾又梗，只有奶茶算OK，但只飲奶茶能作為早餐嗎？

香港站間原味家作，平時多數去飲湯，都唔錯嘅。今日自己食飯，諗住些吓佢個肉餅飯啦⋯⋯ 個底全部都係油，肉餅又老又鞋，糙米飯有生米。完全中伏！個飯食到一半都忍唔住要寫遍文先！

木瓜蘋果豬踭湯：湯清但很足蘋果味，甜中帶一點酸，而且不肥膩排骨：炆得腍，夠入味，有梅子酸，挺開胃的南瓜：也夠腍，少少蓉蓉的質地，撈飯很美味飯：略為硬醬汁的味道比較濃，不過整體也很好吃

難得地買外賣回家吃的一晚，幫襯的是「原味家作」，吃的是這兒秋冬新品推介的「蘿蔔香芹炆鴨脾飯」+「青紅蘿蔔蜜棗煲豬踭湯」套餐（$62）。雖然「原味家作」宣傳的賣點是無味精、無雞粉、原味道，但說到底只不過是方便沒時間煮食，又不想在街外吃飯的人的一個看來較為健康的選擇而已。這秋冬新品推介算不得怎麼好吃，「青紅蘿蔔蜜棗煲豬踭湯」雖然感覺自然，應該沒下味精，但味道平淡，火候就不太夠了，豬踭也不是那種外皮嫩滑，肉質也滑的豬踭，實在吃得不夠暢快。至於那「蘿蔔香芹炆鴨脾飯」，鴨脾並非原隻，只得尚算厚身多肉的一件鴨肉，吃來肉質不過不失。蘿蔔是多的，也夠腍甜，不過香芹就實在不夠多，令愛吃香芹的我有點失望。六十多元一客的外賣晚餐，味道又不怎麼樣，雖然有飯有湯有餸，我都覺得不太抵食呢！

很肚餓，因為平時食佢地既燒賣好正的！咁就睇下佢仲有咩食，原來有套餐～噢！一見佢比我拎走，同張相好大分別呢⋯⋯外賣拎走回到店呢度就係五十幾蚊既餐。個盒餸可以悕到水質咁！仲話係番茄牛肉，睇下咩多？好難食呀！好似食剩咁比面係碗湯，似無加味精。 不過不失。

A good morning starts with a tasty breakfast.呢句說話完全唔適用於香港站呢家原味家作！話說今朝9:15想買燒賣，賣晒轉試炸菜肉絲紅米飯卷啦，包裝好四正，飯卷熱辣辣，滿心期待試新野。返到公司拆開嚟食，飯卷預咗係偏細，紅米指數好少。咬咗一啖，個味好似糯米雞，不過係「健康版」。食食吓，唔係好對路，啲飯係好生，好硬，飯卷外圍完全係硬！唔熟！究竟係飯定糯米定點？收$17俾舊咁嘅硬飯卷究竟算點。

今日叫咗個梅子排骨南瓜飯+湯。熱度夠行到返公司已經係十分鐘後，食嘅時候依然飯餸同湯依然好熱。飯比較硬+有生米無轉菜飯，因為之前試過，同埋d菜黃晒，口感唔好。但係今次個糙米飯真係好硬，除咗糙米之外仲食到有生米餸無味精（應該係），但係好油梅子排骨ok林同入味，酸酸地好開胃，南瓜好甜但係比較少。佢個兜有好多可以撈飯，但係上面層油都好誇張吓！要筆走d油先好撈飯！蘋果瘦肉湯平時都鍾意飲佢嘅湯，好甜好濃不過無湯渣嘅。跟餐有細細杯，其實食晒個餐已經好飽，呢個細份量湯係岩岩好。

享用豐富的大餐前，來到香港站，沒吃早餐的肚子已經不耐煩地在訴說它的不滿，於是就近來到這間「原味家作」看看有甚麼東西可以滿足它的要求。看看店門外的紙牌，還有早餐供應，便叫來最便宜的「香菇木耳魚肉燒賣」（$10/6粒），就站在店內進食，稍解肚子的不滿。「香菇木耳魚肉燒賣」質素平平，並未帶來任何驚喜，香菇與木耳的踪影幾近不見，而且自己澆了太多的醬油在燒賣上，使燒賣味道有點過鹹，更是自己失策之處。不過雖是如此，六粒不大不小，不過不失的燒賣，總算能讓肚子的不滿平息，已經完成它的偉大任務了。

放工後又係煩晚飯食咩嘅時候，係香港站走上走落，最後去咗「原味家作」. . . 始終8點幾9點食野好易肥，所以想選擇啲比較健康嘅野食見到有個肉絲炸菜紅米飯卷套餐，除咗有個飯卷外，還可以選配多一款湯羹或野飲，價錢由$33-$45不等，都算可以接受。最後決定配粟米魚肚羹～落Order時，店員無問我堂食定拎走，正當佢入膠袋時，我話堂食，之後竟然就甘掉低隻匙就算，等我重企係到等咗陣，以為佢拎托盤或其他野比我！算！甘唯有自己左一件右一件甘汁返去旁邊啲高枱食啦！肉絲菜紅米飯卷+粟米魚肚羹=$45先講一下肉絲炸菜紅米飯卷，喺蒸爐拎出黎，非常熱辣辣，而且好軟身，解開保鮮紙時有點困難，雖然是紅米飯卷，但紅米的數量少得過分，紅米與白米的比例不知道有沒有20:1，原以為會帶煙韌的口感，怎料完全沒有，飯團淋得過分，加上肉絲炸菜餡混合了大量油份，導致內裏變成黏黏的糊狀，感覺十分油膩，而且炸菜有點過咸，只能說可以飽腹，但不能說得上好吃而粟米魚肚羹，材料相當豐富，有魚肚夾雜着豬皮、粟米、蛋花，另外竟然加入了雞肉粒，味道鮮甜，有點濃稠，但可以接受，比起紅米飯團有驚喜得多後記：原以為「原味家作」主打健康為主，但感到是次食

在復活節假期的第最後一天，我跟好幾位食友到尖東試食芒果甜品；當時，我經過尖東站的<原味家作>，見到有新出品！肉絲炸菜紅米飯卷！ 於是，問店員何時供應？原來尖東站分店供應為中午 12:00 至晚上！ 既然這樣！找天走到最近公司的 <原味家作> 香港站分店，買來一試吧！ 上星期六早上，正想走到 <原味家作> 香港站分店看看有什麼健康早餐？！恰巧！見到有肉絲炸菜紅米飯卷！ 香港站分店只在早餐及下午茶時段供應肉絲炸菜紅米飯卷！當我從手袋裡拿出相機，尚未開機，女店員已告知「不可影相！」  ( 心想，我又不是要影她，她大可以放心啊！)於是，我買了一個肉絲炸菜紅米飯卷作為早餐！  相信早上食一個飯卷已經夠飽肚！肉絲炸菜紅米飯卷 $15 早餐配豆漿/ 粥：$22 ~ $24我由香港站行回上環公司起碼 15 分鐘，飯卷仍是熱辣辣！ 大約粟米的粗度，亦可看看對比我隻手有多大。炸菜微辣肉絲入味！ 紅米飯卷混合紅米及糯米，比例上紅米1：糯米9，黏身彈牙帶一點嚼勁！紅米纖維豐富！ 對我來說，食完成個已經飽肚！也不用配其他飲品之類。