Outback Steakhouse (銅鑼灣廣場一期)

Open Now

Now Closed

Outback一直都有食開，不過都係食以前太古分店，自從太古分店關閉後一直都冇機會再去食，直至前幾日經過cwb見到一期原來有間分店，所以即時提意去食下。一期分店環境好好，座位亦好大好舒適，好好彩被安排窗口位置，可以望到軒尼詩道好好feel。2個人各自嗌左份牛扒，點完餐就會有黑糖麵包先上枱，新鮮熱辣出爐好香好軟熟。餐湯同沙律都冇變到牛扒水準keep得好好，完全冇差到，牛肉質素本身都已經好，所以唔會難食得去邊，配菜甜薯亦做得好出色，焗薯亦好淋好好味。呢個價錢呢個質素確實掂丫

今日同朋友慶祝生日， 揀咗佢最鍾意嘅outback。 因為預先book咗位，職員幫我哋安排咗一個近窗邊嘅卡位， 非常寧靜舒服。我哋點咗兩個set，首先嚟嘅係餐湯同埋黑糖麵包。 餐湯係洋蔥湯，陣陣洋蔥味，但唔會太濃，忌廉湯唔會太過杰身，亦唔會太稀，非常好飲。 旁邊仲有好清新嘅沙律。黑糖麵包有淡淡的黑糖味，非常軟熟。主菜香草蕃茄海鮮長通粉， 番茄味足夠， 青口夠新鮮，長通粉夠煙韌，唔會太林，口感恰到好處。烤肉醬味豬肋骨份量足夠，燒得香脆可口，唔會太燶，仲有烤肉醬配埋， 再加埋伴碟薯條，金黃香脆，薯仔味亦足夠， 完全是味覺的享受。餐飲雖然係普通嘅熱檸水，但係檸檬味好足，有好多塊檸檬，又唔會太淡或太酸，而且可以無限添飲。因為朋友生日，所以我預先book咗個生日蛋糕，仲係免費添，雖然係免費，但係一啲都唔求其，伴碟有唔同嘅生果同埋芒果醬，芝士蛋糕唔會太甜，口感很好，賣相仲好靚添，職員仲好好點埋蠟燭，好有氣氛。

農曆新年將至，趁著年三十，新年前最後一日，去銅鑼灣辦年貨，買晒所有野都差唔多兩點幾三點，所以就諗住去食個late lunch / tea。上咗去「Outback Steakhouse」原來下午茶時間係喺三點開始，對比lunch menu同tea menu，Tea menu好似抵啲喎😅 所以就留喺呢度tea一tea 啦！今次係我第一次喺呢度食Tea，之前好多時都係同朋友一大班人夜晚嚟gathering多。我哋同行有一個兩歲小朋友，佢仲會為小朋友提供顏色不同畫簿，等到我哋大人可以安心食嘢傾吓計休息下。貼心貼心！👍🏽

一直都有聽朋友講過outback既lunch抵食又高質，成日都喺度諗依家餐廳樣樣野最少都＄90，點會有平價lunch,今日經過睇到餐牌真係有一舊水一餐outback lunch!一如以往我一坐低，侍應就會立即擺低黑糖包，咪講笑黑糖包絕對係outback既靈魂, 唔只熱辣辣仲要非常之軟熟，最緊要配合佢哋嘅cream，未食lunch已經可以食兩個黑糖包，記住黑糖包係無限添食嘅，有個朋友就已經一個人食咗三國，餐湯同沙律就唔多講因為一向都幾好食嘅，餐湯會好濃郁，沙律就冇乜特別。主菜就係大蝦香辣飯，成碟飯最少有六隻大蝦，配菜份量十足唔會因為＄100嘅中午飯就敷衍我，香辣飯比較軟身，雖然唔可以話非常之好食，但絕對比你個感覺係＄100係抵俾嘅。

與閨蜜相識十年，彼此生日日期又十分接近，第十年的生日，我們決定到Outback慶生。由於我們預先訂位，不用等很久便入座。粗薯條剛上桌時熬烘烘，真的做到外脆內軟。炸洋蔥這道菜我們都是被它外觀所吸引，打卡值一流。外皮炸得香脆，內裡滲出淡淡洋蔥的香甜。不過涼後，會有油膩感，加上份量真的很多，如果一大班朋友的話，點這個會不錯。雞翼甜甜辣辣，十分開胃，愛芝士的朋友們更可配上芝士醬，甜辣味與濃郁芝士令雞翼更香濃。Steak & Ribs Combo由於小女不吃牛肉，這菜一次過滿足兩個願望。 豬肋骨肉質軟滑，幾乎入口即溶，加上香甜的醬汁令整道菜色十分惹味。Apple cider配蜜桃沙冰，簡直解膩良物。整體來說，食物味道不俗，而且份量大。最值得讚揚是送的黑糖包，雖然是送贈，但味道卻令人一試難忘。外脆的表皮，淡淡的黑糖味齒頰留香，沒有圖的原因是:因為每次黑糖包剛上桌，就被我們秒速地被解決了XD

食開JP 的outback 多年，今晚去新的呢間。呢間分店的裝修幾靚，內裏都幾大，一邊向街大窗，比舊店開揚舒服。呢晚正值假日去到要等一陣，不過比起JP嗰間算係幾快有枱。呢間分店的店員都係本地人講廣東話；舊店以英文居多⋯⋯位處銅鑼灣中心呢個本地後生仔女的飲食地點，呢個做法幾啱雖然呢晚店內應該full掛,不過我坐响角落睇唔哂店內其他環境；加上坐位唔太迫，感覺唔係好忙，但係成晚好難先有店員招呼你......由想落單、追食物（坐廿分鐘都未有嘢食😒）、追啤酒（叫2杯只到一杯，最後又成廿分鐘先到另一杯😠）、加水（不在話下啦）、到埋單，都要等一輪先揾到個肯望你一眼的店員食物呢～～《分量比舊店細以前main dish 可以大家一齊share......呢間連小食都細碟咗😢 整體炸的食物冇舊店好; steak 就差唔多啦，幾好味的不過由於細碟咗，滿足度大減知道舊店已經開返，下次試完再比較下啦。

第一次食outback的午餐 星期日大約2點幾到都幾full下價格由$88-$218 另須加一服務隨餐附送湯麵包沙律飲品(算好豐富)是日湯品是忌廉蘑菇湯 (比想像的好喝 因為對附送的湯品沒有什麼大期望)見到滿滿沙律醬的沙律 只能說又一次忘記了走沙律醬之後仲有熱辣辣送到的黑糖麵包 為了這個麵包而來的！！ 基本上食完以上的食物已經飽了一半以上燒雞肉芝士夾餅配薯條夾餅配上芝士鹹香味十足 鮮炸惹味的薯條又是另一樣吸引我來的食物一個人食真的會好飽 但很滿足～臨走的時候看到門口已經轉了下午茶的餐單估不到星期六日也有優惠 幾抵食！

Lunch唔知食咩好，見附近有outback就一於食佢既lunch set啦！一坐但就上左黑糖包，個包甜甜地同埋暖暖地真係好好食！Set lunch 有埋個湯沙律，我幾鐘意個湯。Main dish 簡左個rib同飯燒肉醬豬肋骨調味普普通通，肉好腍唔洗咩用力切都好易分得開，可能個調味醬唔係幾岩我口味，所以覺得薯條比肉更好食😂燒鯛魚飯呢個份量好多！魚又大塊，但調味都係差d，但個蕃茄飯係幾好食，有少少辣但味到幾夾。

在工作中的大家，應該都知道，每一週的星期五，好多時都是同公司同事 team lunch 的日子。說起以前在某大公司任職數月，每一次星期五 team lunch，若不去飲茶就會去附近的扒房一人一份西餐。然而，幾乎每一次食西餐，因為近，每次都會選中《Outback》。今次，是我們銅鑼灣工友組的其中一次聚會，有朋友建議鋸扒，在銅鑼灣附近想鋸扒，又不想過份香港式，當然也不想食很貴，《Outback》就是一個好自然，好容易掛在口邊的好選擇。 在西餐廳，一份又熱又香的麵包永遠都會帶給大家歡樂。一刀插入了麵包內，大家要食多少就切多少出來。這一個是麥麵包，很熱，很香，外皮帶脆，內心香軟，加了牛油，配上忌廉湯，更可口。 有餐湯，是一個蘑菇忌廉湯。非常之 creamy 的西式湯，更好的就是夠熱。沙律的菜夠新鮮，感覺清新爽口。麵包，沙律，忌廉湯，三者配搭起來，的確是很醒胃的前菜。 男生都食牛肉，西冷牛扒配香草油醋，其配搭就是一個很 Hong Kong Style 既米飯。《Outback》的牛扒雖好，但始終都覺得乾了一點點。不過，medium rare 的扒切開是有足夠肉汁的，牛扒夠好，救回了不少的味道。

We, 6 peoples ordered 6 set meals at 1:15p.m.   At 1:45pm. all meals were not ready !! Finally I need to pack up my meal in the lunch box in 5 minutes !!!! nothing to eat for my lunch !!! What's the services you provided !!!!

Outback 晚市比人感覺都唔平，中價西餐，但佢既下午茶真係好扺食。本身中午Set 已經平一節，下午茶仲要一個餐再平廿蚊，唔餓真係要等到咁晏Cp 先高。Outback 最中意係佢既黑醋糖麵包，微甜配cream, 真係無得輸。下午茶都有。今日食左個Beef Burger, 唔差不過感覺無以前咁好食，可能因為無落洋葱？無咁Juicy. 但都okay ge 野飲都係可以refill 埋單都係幾十蚊，真係好扺食，小店分分鐘都貴過呢個價。

My Order:Lunch Set - 意大利香草牛肉三文治 ($108)Lunch Set - 烤三文魚扒 ($178)Lunch Set - 意大利香草牛肉三文治午餐包了黑糖麵包、沙拉、餐湯和飲品。香草麵包非常厚身，牛肉餡料很飽滿和入味，能吃到一塊塊的牛肉片，肉也很嫩。有配現炸的薯條也夠粗身。絕對是飽!飽!飽!Lunch Set - 烤三文魚扒 三文魚扒的底下是炒飯，但飯有點涼了。而魚扒的部份較乾身和有腥味，不太討好!!

香港其實有好多地方可以食到靚牛扒，但我家人偏偏中意呢樹既prime rib。唔知依家仲係唔係，但之前就禮拜日先有prime rib 食。之前去開JP上面個間，但之前裝修，然後開咗呢間，發覺呢度又幾大坐得又幾舒服，就keep住黎呢邊instead。我哋一行六個人，每次都叫三份16oz既prime rib。正吖！香脆薯條混芝士 $52舊時有platter 叫，依家要散叫。一定唔小得薯條啦！個薯條份量好似細咗少少，但係薯條新鮮炸，同埋芝士都算多。香辣炸雞腿 $48其實我個人好怕叫炸雞腿，因爲好怕餐廳炸到好乾。但呢度個雞腿唔乾，外脆內嫩滑。而且有啲blue cheese 既醬點，好有風味！美式慢燒安格斯肉眼牛扒16oz $368我哋成家人都係食肉獸。每次都係叫三塊16oz六個人分。Outback 好好，幫我哋將每份既16oz分半。其實本來佢地唔想幫我哋分，因爲費事分完之後個客話分得唔均衡。我哋同個waitress講我哋一定冇所謂！因爲我哋都係一家人！我哋全部都叫medium rare。個塊肉好粉紅好厚實。肉質鮮嫩多汁，入口即溶。每一份order可以叫兩個side dish。我哋清一色叫曬焗薯（

朋友約食飯…3個食肉獸食咩最好？就梗係鋸扒好啦而係香港鋸扒而又水準唔錯既就一定係Outback同露X星期X啦今次奶油包既朋友就揀左Outback因為佢地好似話好耐冇食過朋友怕星期日多人食所以一早book左位去到發現係窗口位落地玻璃對住銅鑼灣既中心地帶個view真係唔錯而室內環境就好闊落一D都唔會覺得迫唔好講廢話睇下個menu先真心覺得Outback好多野食淨係扒都有幾種煮法而家就睇下我地叫左D咩先首先有個芝士煙肉薯條朋友極度鍾意食薯基本上係咩情況都會食薯所以次次必叫薯仔/格/條芝士煙肉薯條既芝士如果再多D就好而家都唔錯不過多D芝士好似會更香口本身想叫個slow cook既rib-eyes但店員話冇晒所以只好叫左個精選肉眼扒(12oz)呢個肉眼唔錯既肉質幾好但係我明明叫5成熟上枱已經變左7成熟呢下有DD失望當然3個女仔食一個扒係唔夠啦我地仲叫左另一個扒厚切牛柳(6oz)配龍蝦尾呢個既牛味明顯冇肉眼咁好而且多左少少筋同肥肉仲有就係好細塊(12oz同6oz既分別…有咩可能唔細)而且肉質好似有D散散地(？)一切就散開左而個龍蝦都算OK最少肉質唔錯同都算係大隻有返D龍蝦既鮮味而2份扒都配有伴菜我

近期終於趕哂啲野，獎勵下自己去食餐好。好掛住outback既黑糖麵包，所以約埋朋友一齊嚟食。平日夜晚去冇咁多人，唔洗等位，如果星期六日最好就book定枱。Outback既黑糖麵包真係令我念念不忘，隔一段時間就會想食，甜甜地有黑糖味，再加埋牛油真係冇得頂。由於一上嚟就即刻食所以冇影到相香辣炸雞搥$48--先嚟小食先，雞搥熱辣辣炸得好香脆，但又唔會好乾仲有d肉汁係到，點埋芝士醬食一流。炸洋蔥花圈--影相呃like一流，亦係outback既特色之一。洋蔥炸到啱啱好，仲有d甜味，一條條滅落嚟食好正，中間既醬都好夾，可惜2個人叫實在太多食唔哂，多d人叫就啱啱好。肉眼扒拼豬肋骨$326--仲可以揀2款配料，有焗薯仔、甘藍沙律、薯條、新鮮時蔬、特色雞味飯、焗甜薯。叫左薯條，一嚟鐘意食，二嚟穩陣d，另外想試下甜薯。薯條啱啱炸起，夠熱夠脆冇淋哂。甜薯有驚喜，姐係蕃薯仔，好好食好夠甜，仲有少少酸忌廉泡，估唔到又幾夾，下次會再叫甜薯。肉眼扒ok，有肉味唔會太老搞到好鞋。豬肋骨今次好食左，一整d肉就甩，味道都進步左。份量都好多，又啱哂鐘意試多d味既我。另外想贊當日既服務好好，侍應好細心，見你需要仲會拎定濕紙巾