海天白石BBQ (Closed)

I went to the Pacific Sky BBQ last Sunday with a booking of 4 BBQ pits for over 30 people.We found the environment of the venue, entertaining facilities and the service of the staff good. However, the food quality is really below average (except the suckling pig) and made me and my guests felt very disappointed. We don’t expect the taste of frozen food should be as good as the fresh one; however, the texture of the meat and the over salty seasoning are really awful. What made me feel really unha

有人介紹呢個地方, 話去過都幾好, 所尋日約埋一家人去慶祝母親節.去到第一眼見到個Golf Driving-range, 都OK, 又有好多人玩緊, 大部份都係一家人, 老少都適合.再入少少就係BBQ場地, 環境幾好, 近海邊, 有山有水, 又有風....分露天同有蓋部份, 亦有太陽傘任君選擇. 啲燒烤爐全部分佈好, 有足夠位置活動, 有枱有櫈, 好乾淨. 又有一個好大的空地, 可以踏單車, 放風箏,散步等等, 小朋友到處走都好安全.又有大量車位, 同shuttle-bus,分別由沙田大會堂和馬鞍山開出.有時仲有新界的士添.極為方便.不過, 啲食物就真係麻麻喇. 雖然價錢唔貴,但份量比較少.飲料同玩具都價錢一般,自已唔使帶入出. 但入口有人check袋, 不可自携食物同飲料, 一舨規矩啫!總括, 尚算幾好, 我會再去.

各位小心，以免中招日期：2008年4月5日(星期六) 誤導消費者白石俱樂部的網站註明若消費不足＄６００，需另付＄８０開爐費。我們一行４人原本預算：　一份海鮮２至３人餐＄２３０　＋　開爐費＄８０　＝　＄３１０本人致電訂位時已清楚說明預訂一份海鮮２至３人餐，人數為4人。當時，場地職員完全沒有提及設有最低消費。在我們經過接近２小時車程抵達後，場地職員才以強硬態度要求我們必須消費滿＄６００，否則不作招待。態度惡劣起初，場地職員安排我們坐在公廁對面的位置，我們因攜同一隻小狗，希望換到空地附近的位置，職員以該區未開放為由拒絕，本人為此與之理論，隨後一名男職員聲稱懷疑本人的布袋內有燒烤食物，未經本人同意下，扯開布袋查看，在查明袋中沒有食物後，並無道歉，態度非常惡劣。我們最終燒烤不成，白走一趟，費時失事之餘，更換來一肚子氣。奉勸各位以後選擇燒烤場地時，要更小心謹慎。

坐著穿梭巴士，沿途已見風景不錯，甫到達後望到藍天碧海，而且清風送爽。寒冬過去，陽光初現，這種天氣燒野食實在絕佳！訂了一隻乳豬，好小的一隻啊！要＄４３８好貴！而且訂豬的價錢，不可以計入免開爐費的＄６００額內……我們點了海鮮餐，以及一些特別的食物：帶子：味道可以，當然不會新鮮沙地蝦：死鹹咖喱魷魚：不錯多春魚：不會難吃吧牛柳粒：其實是牛扒，一般啦牛仔骨：好多黑椒，喜歡與否見人見置，我蠻喜歡的鴨胸：燒極也不脆的，味道可以雞翼：各種味道都一般，無甚特別粟米：不錯香腸：正常丫，不難吃芝士腸：吃不出芝士蕃薯：完全沒甜味主角燒乳豬當然是最好味的啦！皮好脆又不肥(因為真的細隻)，不過也足夠１０人吃！平均每人不需＄１５０，如果早入來看到日落，再暢談到晚上，這百多元是實在的。

所有包裝食物咸到離奇!係得隻鴨正常,10個人每人$120肯定唔會再去!

去年和朋友在白石燒烤,感覺很好,食物亦不錯,其中以乳豬和羊扒尤其出色,我哋還租了蔴雀耍樂和騎單車,不亦樂乎!但今年的聖誕節,我帶著我的家人, 懷著愉快的心情, 希望過一個開心的聖誕節. 未知是否更換了承辦商, 今次的經曆則完全兩樣. 首先, 想預定的燒乳豬缺貨, 代之的是琵\琶鴨, 味道淡, 皮不脆, 完全水準以下. 其他的更不消提, 所有食物預先包裝, 雞翼, 豬扒, 牛扒醃到霉晒, 叉上燒叉都不能挺直, 味道更是如出一徹, 豬牛雞都是一個味.再者, 服務態度奇劣. 未知是否假期人多, 蔴雀又沒有, 最差的是服務態度, 問收銀小姐有沒有蔴雀出租, 先不願答, 再答沒有, 再問她是否租晒, 她說不是但可能欠一兩隻. 我們說不要緊, 讓我們看看或可照玩. 誰知她竟說我現在唔得閒招呼你. 這樣的態度, 可能他們的生意真的好到不得了. 結果草草燒完所叫的食物, 也就敗興而返. 我發誓, 以後都不會再幫襯這間店子

星期天，涼意盛決定去bbq，一早起身係咁睇雜誌，決定來呢度試下﹗沙田有免費車接送直達，每半個鐘一班都幾方便，亦都慳番交通費﹗不消4個字就到達，估唔到咁多人，勁多人打golf又勁多人bbq，行左個圈決定開爐，點了$198的海鮮餐﹗佢見我地兩個人收我半個開爐費40蚊﹗海鮮餐有蝦、帶子、多春魚、雞翼、鴨胸、丸類、粟米及番薯汽水等﹗好鬼豐富﹗最緊要係比我地兩口子霸到張2號台，對正個海，woo......一流呀﹗好滿意佢地既食物係獨立一袋袋包好哂，感覺衛生，食落亦都好新鮮，第一次燒鴨胸，原來係咁鬼死好味的﹗自備紅酒慶祝，一口海鮮一口紅酒，正呀﹗燒到要加多包炭及腸仔，5點燒到10點﹗兩條友清哂所有食物﹗全場滿座到得番我地一台，哈哈，有海景真的不捨離開呢﹗擔張凳仔向住個海傾下計，寫意寫意﹗希望以後都見到月滿幸福石呢﹗計計埋埋左買右買下都成三百蚊埋單，比起屯門元朗0的任食場係貴左少少，不過此刻無價，下次來會叫多0的人，一齊玩燒乳豬好似幾得意﹗

去年的十一月生日局好像係不久之前, 轉眼又一年了. 今次去到我們的半個主場. 叫做半個, 係雖然都叫做近馬鞍山, 但又從未來過.係相當繁忙的星期日, 開完會先入去, 以為係烏溪沙搭的士會快點, 但係的士站係無的士, 搞了一輪先上到車. 肥佬超人, 辛苦了. 由於遲到, 亞妹同LS媽媽她們已經點好食物了. 開了兩個爐, 只要每張單超過$600就免開爐費同炭錢. 似乎人少來這裡就不太抵了. 一個爐可以坐8-10個人, 我們17人, 就分了兩個爐, 當然, 大家都會兩邊走.一個爐係主力燒乳豬, 陳師傅繼去年鴻福一役之後再上陣, 加上弟兄N亦出了不少力, 有努了. 但係一路燒乳豬又一路燒其他食物係有點難度, 乳豬的油令火勢相當不均勻, 稍一大火, 食物的炭燒味道馬上急升至黑色信號.燒乳豬也有一定技巧, 太高就天光都未有得食. 見隔離爐用45度角去燒, 結果當然係燒焦了. 最後, 我們的乳豬係香噴噴, 皮好脆, 肉又夠嫩, 真係有酒家的級數. $268一隻, 價錢係不便宜, 但有得這樣去玩隻豬, 都係值得試的.唔知點解, 亞妹叫了12包雞翼, 差不多1人一包, 點食? 也不太吃得到不同味道了.

記得上年同一個朋友, 佢話約網友去咩白石燒野食, 初初冇人去, 後尾我話"你兩公婆, 我又兩公婆, 四個人照去囉" 結果係有八大一小去左既. 事情就係咁, 你CONFIRM實幾多人都會去得成就一定攪得成, 如果好似一d鐘意威既人, 次次都都要夠你既預期人數, 到時到候又話人數唔夠多, 唔值得為我地SPEND呢個TIME COST而取消, 下次真係搵鬼舉手去咩!講番燒野食, 來來去去都係果d野, 呢度比較得意, 有乳豬你玩, 冇錯, 的而且確係玩, 相信唔會好多人燒過乳豬, 雖然都有人教你燒, 隻豬燒完又真係食得, 仲好脆添, 不過一定覺得好好玩.其他野食都係果d, 又係勁咸, 都係咁上下, 不過場地仲有好多野玩, 如單車, GOLF, 麻雀.....假日消閒, 都ok架.注意, 場地臨近海邊, 冬天或怕冷就記著帶多件衫.***************************************海天白石BBQ地址: 馬鞍山白石電話: 26319900 **馬鐵總站的士好快到.

2007年1月6日。海天白石BBQ。呢度除了燒乳豬之外，無乜係好食架喇。樣樣都得個鹹字。而且又貴，碳都要俾錢買架。乳豬燒了幾個鐘頭，但係好脆好好食，等咁耐都值得！

4月6日多謝車匙小姐帶我地黎,我地係沙田市中心等shuttle bus入黎(唔駛錢架),我地仲以為好近tim.點知都坐左成10-15mins, 都幾遠下架.(因為成日問, 咁耐架,咁耐架)但我地一見到o的環境,真係嘩一聲,唔知係咪因為我地好耐冇見過咁郊外既地方呢.有海,有地方放風箏, 打golf, ride bicycle.最緊要係有人開埋爐.哈哈.唔駛煩.o的野食都唔係好差姐, 好過出面好多啦.出面任食個o的,食完要不停飲水- 因為太多味精or太鹹, 但呢度唔會囉. 我地每人都係買左兩樣野飲, o的野就岩岩好. 下次有機會我都會再黎.哈哈.

剛到過這個BBQ場，為的都是一嘗燒乳豬.這個的確是賣點，好玩的地方.不過乳豬超肥，基本上都不想多吃.玩下無妨. 不過...其他燒野食的食物就超級惡劣.別以為燒腸仔最穩陣，那不知名牌子香腸是梅的，大家吃下去都忍不住大叫難吃，吐了出口後從此就不再吃了... 蜜糖又是不知名的，味道一般，可是個掃係咁甩毛，結果燒完後又要續一拔毛...吃得時都涼了.... 值得一讚的就是黃色圍裙負責透爐砌乳的姐姐有禮又好人.值得嘉許！環境方面也不錯，對著海不會太焗，也算是清潔，旁邊還有GOLF場同可以放風箏~總結︰收得噤貴好心就唔好俾d咁既野人食啦~如果你是為了燒野食的，去別的地方吧！如果係想打golf，可以去golf場如果係想放風箏，可以去大尾篤...如果係想一班人玩，都大把地方合適.洗乜來食毛呢？唯一賣點都是乳豬仔....同埋有禮的阿姐.

唔係為左試下燒乳豬, 都唔會入黎白石d食物好貴, 又唔好食, 好咸, 又勁雪味,好失望為乳豬,可以入去燒, 唔係既話去第二度燒會更好

早段時間天氣轉凍，就相約同事Friday night來這裡BBQ順道聯誼一下。全程由秘書小姐打點，大家只需按時出席已經可以。套餐點選，大路食品如雞翼、豬扒、雞扒、牛扒、金沙骨、魚蛋牛丸腸仔等，但燒好後全部味道相近，機本上是同一種醃製方法；另外預製品如魚蛋牛丸腸仔味道都不好，奇怪；反而另外外加的乳豬是很有看頭，乳豬Size是超乳形，相當細小的意思，所以用心燒製的話廿幾至三十分鐘已經烤好，而燒好後這裡的阿姐主動幫忙斬件，皮脆肉香，這隻二百多塊錢的乳豬都幾值得。是晚幫襯的客人不算多，加上地方廣闊，自成一角的情況下都傾到很多心事，雖然食味不太好，但百多元一位的價錢可玩足整晚，夫復何求呢！

幾鍾意呢度，因為夠大，加上除了bbq外，還可以打麻雀﹑放風箏﹑踩單車同打golf，唔驚悶﹗我們四男五女，叫了二人和四人燒烤包，另加了芝士腸﹑墨魚丸﹑蒜茸醉蝦﹑雜菜燒烤包﹑方包和飲品。唔敢order太多，因為有金牌乳豬一隻($198)，由四點燒到八點先熟，用了我們很多心機，結果都幾成功，不過就食了一半都無。我們都有和其他人一樣影了一張切乳豬大合照，令我想起大學時的勁過飯，很開心。今次亦是我第一次放風箏，發覺都不是太好玩，哈﹗最後連$100都唔駛，好抵﹗