Panash (Closed)

lunch set平均$70左右,計埋加一around $80o係呢區黎講唔算貴...個set好豐富,餐湯,包包,主菜,drink...餐湯:一d都唔求其,平時d什菜湯稀"了了"咁..但呢度就唔同,好足料...正..包包:一set有2份,一個係圓碌碌包包(有2款ga..一款係有nuts,另一款有芝麻) 我食左有nuts果個,好正...朋友食左芝麻果個,佢地話芝麻味好香好正..主菜:我要左個洋蔥圈+什錦sandwich...wa...好多料...有燒牛肉,烤雞,芝士,煙三文魚,青 瓜,...etc...份量十足...絕對夠2個人share...^^味道都ok...drink:要左熱檸水...係放一壼水o係度自己倒...唔會浸到d檸檬皮d苦味出晒...抵讚!

難得週間到 TST ，便吃個 afternoon tea，其實係超肚餓，但女伴要吃 fancy 的，唯有陪。兩層架，每件份量偏大，是投那群國內客所好？還是根本那群消費者都屬於比較中下層？味道勉強入得口，不致太難食。總看不順眼那些件頭大的 afternoon tea set，有不倫不類的感覺。包兩杯飲品，味道好淡，明顯跟餐的茶用料偏少，又是 no next time。埋單近 $190，早知叫個 pasta 都叫有野落肚。

買了一個芝士合桃軟包返屋企食，呢個配搭簡直係我既至愛，軟包名乎其實軟淋淋，配上香濃芝士及合桃，一個字嚟形容，正。

行海港城行到好攰，想坐低休息吓，被panash cafe內餅櫃既cake吸引著，決定坐低順便飲杯咖啡。柯打咗tea set豆腐芝士蛋糕加凍coffee，食落發覺純粹得個樣，個cake無豆腐及芝士味，真係失敗之作，凍咖啡一般啦。

今天下午茶是朋友買給我的panash 芝士蛋糕吃的每一口都是朋友的心意~><很感動呢!!一向挺喜愛 Panash 的麵包不過也不常吃因為多數麵包的味道都很重很容易令我聯想起搓麵粉時師傅大把大把地加牛油的樣子...=w=但今次是第一次試它的蛋糕!!~~一如它的風格 - 很重的芝士味!不過還算討好啦可惜它沒有餅底真是的...芝士蛋糕沒餅底是死罪呀~sour cream 的份量可以再多一點點比較好最大問題是cheese cake 的硬度圖中買蛋糕附送的膠叉可是算是壯烈犧牲了...我用它切第三下蛋糕的時候, 柄就「啪」一聲斷了!!懶換叉的我就將就著繼續吃啦~但多用兩下, 兩條小枝就毫不客氣地離主體而去!! 如果可以做軟一點點應該會很好賣吧!!

個名好似好複雜,但係如果有食開panash都知,佢有個fd係朱古力味.朱古力之前食過,覺得勁好味,難得麵包舖賣的朱古力味包真係有好rich的朱古力味,咁今次就食埋佢個fd.第一啖一咬-幾脆,有少少甜味,橙皮講真唔係多,我食到2-3條,但係overall個包真係好好味,糯米唔會令到你有好黏的感覺,可能係外層脆,入面軟淋淋.不過食完都有飽肚感.推介!不過如果你係朱古力愛好者,朱古力一定要試!!!!

quick lunch其中之一的選擇就係行入泥夾包,可惜係panash包款係多,但係多數都係甜包.芝士火腿酥-出奇地唔多油,芝士係得最表面果d,入面的火腿普通啦,唔會鞋口.個酥做得好薄,幾light奶包-唔記得個名,最近不停o係各麵包鋪食呢款式的包.呢個屬於普通,唔係太特別.出上面果層都有d口感.

坐落於一帶貴價餐廳旁,卻以相宜價錢奉上美味西餐,更附設新鮮麵包店. 比另一間新開麵包店平一半. 水準卻相同,只是地點遠一點.湯是杯杯湯,有別於一碗碗的.常要的是Creamy忌廉粟米湯,粒粒粟米有咬口. 星期六下午3點幾來到,沒有SET LUNCH,只可散點. 要了三色壽司及白汁篇意粉,加錢要埋湯及咖啡,朋友食過都話好好味.如果有SET lunch,60幾蚊,有湯配麵包,主菜及飲品. 主菜份量不少,更配有許多疏菜.而且這裡的熱咖啡是即磨的,幾好飲.在海港城行得倦,黎飲個TEA,都好舒服.

在ＦＡＣＥＳ買完東西，走下層，吃個ＴＥＡ，本不打算吃這間的，但媽想試一下ＢＬＵＥＢＥＲＲＹ　ＣＨＥＥＳＥＣＡＫＥ，就順意吧！我沒吃其他，只要了ＬＡＴＴＥ和ＣＵＴ　ＣＡＫＥ，咖啡味道不錯，可接受，ＣＵＴ　ＣＡＫＥ就重ＣＨＥＥＳＥ味，不太實，有濃濃的口感，吃得過！媽說，環境實在好，服務也可以，至少比樓上的ＤＯＵＢＬＥ　ＳＴＡＲ好，我亦認同，下次再來試其他的

圓柱體，但係側邊係齒輪形,外表脆脆的,入面暖暖軟軟,少少濕濕地.勁多朱古力.正!又唔會太甜

just baked! 超軟.個filling有紅豆同埋一層麻薯.唔會好甜,但係成個包無一樣野可以彈到!!無敵!

星期六晚約了大學同學聚舊，一早已相約好友森美到海港城走一轉。天氣真的非常寒冷，在商場內也感到寒氣迫人.......到六時多，便走進這間餐\廳抖一抖，順便喝杯咖啡取暖。看見餐\牌上的蛋糕賣相吸引，也試了一件藍草莓芝士蛋糕，味道不太甜，藍莓頗新鮮，伴著一杯熱騰騰的咖啡，感覺很舒服~

蘋果酥($8):外形似中式酥,但係因為佢係panash出品,都試下啦,食落口好鬆化,一d都唔油,蘋果就少左d,得3-4舊左右,但係大至上都係可以一試的!芝士波波:食過好多其他餅店出品的qq波,唯獨是panash的最正宗,又有芝士味,感覺好light!穀果danish長條($8.5):勁長,有個托盤咁長,有好多cerealo係上面,都有少少dried fruit.上個有個sauce,好似係白朱古力??勁甜,甜到'那'喉,不過如果你想食甜野都ok o既!

一月十日(星期四)同老公仔飲完mix,諗住行陣啦!!點知自己又提開panash!老公仔就去食北海道煉奶包!真係好食架!令我諗起老公仔好辛苦咁咁早去左買早餐>.<仲食埋糯米蛋糕(有曲奇橙皮),唔錯,不過我地都覺得冇糯米味既!!連一向唔中意食包既老公都覺得好食~~~

昨晚本來去和花亭,點知排長龍,有排等.結果去呢間.超唔掂!忠告大家千期唔好因為等唔到位而轉黎呢間,中招!我覺得好奇怪點解有88個笑笑評分.唔通佢地只係外買買包?3大唔掂:清潔:係海港城咁多高級餐廳既地方,餐具餐牌唔算太清潔.佢地仲竟然reuse客人食剩既餐包,作嘔!食物:唔知係唔識煮定冇心機.cream soup用杯裝,mini size 之餘, 味道差過權頭湯. 餐包反而超多,每人5塊,味道一般,凍冰冰. 如果怕浪費要reuse就唔好每人分咁多!意粉味道怪.海鮮沙津上放上冷藏唔新鮮海鮮,結果我只係食菜,菜同citysuper現成買的當然無分別.招呼:客人唔太多,但得個亂字..有湯冇spoon,有包冇牛油刀.9點待應已經趕收工,係咁催你,每2-3分鐘問你仲有冇野要,不同待應倫住問你..討厭!咁唔掂但收費唔係特別平,一個set都接近200.寧願去delifrance.