樂天皇朝 (東薈城名店倉)

Open Now

Now Closed

樂天皇朝的菜單展示了粵菜的豐富多樣性，每道菜都充滿了精緻的味道和出色的技巧。開胃菜中，酥皮烤叉燒包是一道經典必點的菜品。酥皮金黃脆脆，內餡滿滿的叉燒肉，口感豐富，味道香甜。主餐方面，樂天皇朝的燒味拼盤是一道非常受歡迎的菜品。拼盤中包含燒鴨、叉燒和燒肉，每一種都烤得香嫩多汁，肉質鮮美。燒鴨皮脆肉嫩，叉燒外皮烤得香脆，燒肉肥瘦適中，口感豐富。樂天皇朝的粥品也非常出色，炒醬肉粥是一道受歡迎的招牌菜。粥煮得濃稠順滑，醬肉鮮嫩多汁，入口即化，充滿了濃郁的豬肉香氣。蝦子炒魚腩粥也是一道推薦的菜品，魚腩鮮嫩，蝦子鮮甜，給粥增添了豐富的口感。素食選擇方面，樂天皇朝提供了多種選擇，如清炒時蔬和素燴。清炒時蔬保持了蔬菜的鮮嫩口感，清淡爽口。素燴則將各種素食配料燉煮在一起，湯汁濃郁，味道豐富。

同好友一早去行山之後找地方醫肚,午餐時間餐廳好多人,等了15分鐘位.....同朋友叫了小龍包,醉雞,擔擔麵......飲了杯凍意米水及羅港漢果茶.....之後就上樓上戲院睇戲...

由於屋企人好鍾意食小籠包 所以我地就去「小籠包傳奇」⭐️樂天皇朝⭐️試試店舖環境整潔同光猛 店員非常友善 仲有兒童餐椅同餐具供咗 帶埋小朋友嚟食就啱哂啦👍🏻今次除左小籠包 我地仲叫咗水煮魚✨特色皇朝小籠包（八色）$142 / 8粒一次過可以試哂8個口味😍 分別係原味 川味 芝士 黑松露 蒜香 鵝肝 蟹粉同糟榴絲瓜 8款口味都非常出色 皮薄多汁 最鍾意係芝士同黑松露口味😁✨香辣水煮魚（小辣）$208呢款估唔到咁好食 真係好香同辣！除咗滑溜嘅魚片之外 仲有非常多嘅配菜 包括黑木耳 豆皮 芽菜同薯粉 好足料！而且配料好新鮮 食到停唔到！兩個人食都好夠飽 連甜品都冇位食😂 希望有機會試吓桃膠紅棗桂圓湯

位於東涌東薈城名店倉內, 主要提供南北小點心、涼菜、滬菜等多元的經典菜色我們點了上海媽媽烤麩是店內廚師推薦之一, 是一道經典素涼菜, 醬汁濃郁略帶甜, 有冬菇、金針菇、冬筍、木耳, 面筋有嚼勁, 味道不錯✨成都口水雞🐔雞肉嫩滑啖啖肉、份量多, 配上惹味的香料, 味道爽口, 這裏的口水雞帶點微辣, 適合不能吃太辣的朋友竹炭流沙包用上食用竹炭粉, 顏色明亮黝黑, 流沙十足、奶黃幼滑甜而不膩, 有驚喜芝麻醬油麥菜🥬賣相非常特別, 油麥菜用上薄青瓜片卷起裝盤, 新鮮爽脆, 扎實的口感配上芝麻醬, 非常開胃, 必點推介👍🏻清燉雞湯拉麵🍜建議先品嘗一啖湯, 湯鮮味美、味道香醇, 麵條細滑、軟硬適中, 養生之選😍甜品宮廷驢打滾賣相精緻吸引, 是宮廷傳統甜品, 顏色黃、白、紅三色, 軟糯香甜、滿滿的黄豆粉, 細緻的豆沙餡料, 滋味可口, 人氣甜品💕檸檬蘆薈桂花蜜內有桂花, 入口淡淡清香, 清甜又滋潤, 作飯後甜品一流飲品自製檸檬薏米水味道清香、甜度適中, 解暑又解渴羅漢果茶有助滋潤喉嚨, 味道甘甜環境非常寬敞舒適, 枱與枱之間空間感十足, 每枱都有貯物籃很細心, 特設室外花園位置, 有渡假風ғᴇᴇʟ,

心血來潮返東涌搵朋友食飯，大家仲傾食咩，諗起小籠包😋朋友話呢間食特色小籠包，所以就決定食呢間環境坐位舒適，唔會太嘈雜，坐低飲住茶，休閑傾計都好舒服👍🏻 窗外仲見到飛機✈️飛過😃▫️特色皇朝8色小籠包黎到當然要叫重頭戲：小籠包。呢個有別於其他小籠包，繽紛8色係由唔同既天然食材去整，賣相已經好吸引🤩，而且7個味都好特別，食既時候都有個次序：原味➡️絲瓜➡️鵝肝➡️黑松露➡️芝士➡️蟹粉➡️蒜香➡️川味。蒜香🧄既蒜味突出，川味既麻辣味唔會搶喉，唔食辣都可以試下☺️◾️蝦仁酸辣麵上海酸辣麵加埋原隻蝦仁，辣味好夠，對於我中意食辣既人黎講好正😋▫️淮揚三絲春卷呢個春卷入面包左津白菜🥬，食落唔油膩仲好清新，唔錯◾️夫妻肺片辣度適中，醬汁足夠，每片份量足夠

去完旅行，個痴線朋友係咁話要食小籠包，所以我地就抽住行李咁衝去東涌間樂天皇朝📍八色小籠包$142去樂天，必叫呢個八色小籠包啦八隻色分別係原味、糟溜絲瓜、鵝肝、黑松露、芝士、蟹粉、蒜香同川味。小籠包皮薄有彈性，每一口都有豐富湯汁我個人最喜歡黑松露同蟹粉，黑松露香氣撲鼻，蟹粉的鮮甜濃郁，拿，建議要按照淡味到濃味順序食呀～才能更好地感受每種口味的變化！📍蟹粉鍋貼（$58）每隻鍋貼都飽滿多汁同埋滿滿蟹油咬開後能感受到蟹油的鮮味同埋豬肉的彈牙，配埋黑醋和姜絲，更能增加層次同風味～～📍蟹粉餡兒餅（$68）蟹粉餡兒餅用酥脆嘅餅皮，夾入蟹粉、豬肉等餡料，外皮酥脆，內餡鮮嫩，每一口都是滋味。

轉眼又過一年，到了媽咪生日出外吃飯慶祝。今年她說想吃上海點心，那就近近地，到了久沒去過的「樂天皇朝」。上次來這餐廳吃飯應該都有六、七年前？！此集團源自新加坡，餐廳吃的是上海菜，最令人印象深刻應該是它的招牌「八色小籠包」。當日天氣熱到甩肺，坐低已滿頭大汗，立刻來杯去濕「凍自家製檸檬薏米水 (少甜)」HK$20，定一定神：冷盤有我媽想吃的「芝麻醬冰鎮油麥菜」HK$68在悶熱夏天來此清爽冷盤，大家都舉腳贊成。清洗好冰鎮的生油麥菜捲起來，用一小塊青瓜扎住中間以防散開，吃時點調製過像日本沙律醬的芝麻汁：入口像吃沙律般索索聲，芝麻汁偏酸，應該再有下醋調過味，很醒胃，值點。上海點心陸續上場。「聞香蔥油餅」HK$40這裏點心勝在即點即製，全部上枱時都很熱燙，也是好吃之成功元素之一。蔥油餅的油酥外皮做得不錯，蔥餡調味也好，若果蔥粒份量豐滿多些就更理想及過癮：「蘿蔔絲酥餅」HK$48即上即吃，小心淥親咀仔！熱香酥餅外層包著半流心狀態的甜美白蘿蔔蓉，愛吃點心的朋友仔，應該不會失望而回：「花蒸素餃子」HK$68 / 半打餃子皮不算厚，裏面填滿剁碎了的小棠菜、薺菜和冬菇粒，算幾飽滿：就這樣吃味道也不寡，我就喜歡

臨近父親節，爸爸鐘意食上海菜，決定選址黎到東薈城擁有開放式廚房的「樂天皇朝」享受八色小籠包。店員服務殷勤有禮，呈上盡顯矜貴金色不鏽鋼茶壺🫖原來是消滯解膩普洱。餐廳設有卡位雅座，枱與枱之間闊落，空間感十足。前菜：醋海蜇伴青瓜，醋味偏酸配上爽彈海蜇，脆口青瓜，酸味味好開胃。八色小籠包：分別係原味、川味、蒜香、黑松露、芝士、蟹粉、鵝肝、糟溜絲瓜。由淡味食到濃味，新鮮熱辣出爐，外皮厚度適中，不會一夾即破，連肉餡都充滿濃郁川辣味為之驚艷，每一粒湯汁清甜而不膩，真係有十八摺最少，廚師功架十足。京醬肉絲：好似包片皮鴨咁，有夾饃包裹著京醬肉絲，用上豆豉醬爆炒惹味，毫不吝嗇的肉絲好似食極仲有，肉絲肥瘦適中。蟹粉鍋貼🥟：底部煎至金黃香脆，一咬竟然爆汁，蟹肉一絲絲，塔上適量豬肉，好有層次口感。大愛。鮑魚炒飯：作為廚師推介必食，飯底無得輸，上菜用上瓦煲，保持熱力之餘又做到飯焦效果，粒粒分明既飯粒充滿醬油香，仲有蛋絲既咸香，飽魚煙韌爽彈。宮廷驢打滾：軟糯皮煙煙韌韌，裏上紅豆餡，甜度適中，加入牛奶製成皮🥛增添風味，表面有大量黃豆粉增加香氣，一食愛上。總結：價錢合宜 服務態度好出色高質上海菜

入到東涌Outlet shopping ，行到攰搵啲嘢食，見到有樂天就入嚟，好彩我哋6:00 想食就有位坐，6:30 就開始要排隊，食物質素同其他分店都keep 得到，難怪咁多人。不過上海炒年糕味道太鹹，下次可以唔使叫。其他嘢完全冇問題好OK。

樂天皇朝 東湧達東路20號東薈城名店倉3樓326A號舖東湧飲茶呢間幾好環境寬敞樓底高 夠哂舒服服務態度幾好 有禮友善成都口水雞菜餚濃郁香辣，口感鮮美 香辣可口 配以特製的醬汁——花椒、辣椒、蒜、薑、醬油等多種香料調製而成，將醬汁淋在雞肉上，撒上蔥花和花生碎 食指大動 口水直流 佐飯佐麵食一流四川辣子雞紅紅的一碟名菜 口感辣香濃郁將雞肉切成小塊，用鹽、醬油等調料醃制一段時間，然後用乾澱粉裹上一層，炸至金黃酥脆。接著，將剁碎的花椒、乾辣椒等香辛料和蔥、薑、蒜等配料爆炒蒜香排骨拉麵清甜鮮豬骨湯底 排骨金香脆口 更吸引眼球既係個湯碗富有中國文藝特色 毛筆字體寫有詩賦好中2呢個安排

母親節帶媽媽嚟新加坡過江龍上海餐廳，食佢最鍾意嘅小籠包和其他傳統菜式，我哋都覺得經理和職員招呼幾周到。一到晚飯時間已見好多中外人士等候入座，門口開放式廚房嘅師傅們忙到無停手Xiao Long Bao Specialty 8 Flavours特色皇朝小籠包(八色)餐廳有張提示可以按下次序品嚐八款小籠包嘅獨特風味・原味/Signature Original ・糟溜絲瓜/Luffa Gourd・鵝肝/Foie Gras ・黑松露/Black Truffle ・芝士/Cheese・蟹粉/Crab Roe・蒜香/Garlic ・川味/Szechuan> 呢度嘅小籠包汁多、皮的厚薄適中，最欣賞都係原汁原味嘅original flavor，肉汁滿滿餡料味道好。其次例如鵝肝、蟹粉、黑松露、蒜香等都能夠突顯出各種材料的原味道和香氣，糟溜絲瓜幾清新，媽媽唔食辣川味就我食、辣味仍可接受，芝士味相對無咁明顯幾creamyScallion Pastry聞香蔥油餅> 呢個幾有水準，餅皮酥鬆入口即化，韭菜香氣濃郁汁液也多、唔錯La Mian with Yellow Croaker and Pickl

和朋友一起去東涌遊玩，之後我們就在東薈城看看有甚麼好吃的😋最後我們被「樂天皇朝」的小籠包吸引住🤩🔎 特色皇朝小籠包 - 8色（$142）來到這裡，當然要試一下這裡最吸引的菜式-八色小籠包💕小籠包外形吸引，繽紛八色由天然食材提煉而成。味道包括：原味、糟漏絲瓜、鵝肝、黑松露、芝士、蟹粉、蒜香及川式❤️全部都味道濃郁，湯汁豐富～ 個人推薦糟漏絲瓜、芝士和蟹粉👍🏻👍🏻🔎 炸刀切小饅頭（$30）雖然叫小饅頭，但其實一點都不小～饅頭炸得非常香脆，配上煉奶，這個組合實在太棒了👏🏻🔎 芝麻醬油麥菜（$68）這是一道非常有特色的涼菜。用青瓜包著油麥菜，口感清新爽口，沾著芝麻醬一齊吃，別有一番風味～🔎 肉碎欖菜乾煸四季豆 （$88）四季豆配上肉碎同欖菜，非常惹味，讓人一口接一口吃不停～🔎 雪菜黃魚煨麵 （$98）比較少見的一道主食～ 份量十足。湯底呈現奶白色，黃魚嫩滑，而且沒有魚刺👍🏻麵的口感很好，非常掛湯。🔎 自家製檸檬薏米水（$20/杯）檸檬薏米水非常好喝，酸酸甜甜還可以去濕消腫，非常健康💪🏻🔎 宮廷驢打滾（$48）這是一道北京特色小食，吃起來口感軟糯，甜而不漏～🔎 桂花酒釀丸子 （$38）吃下去有桂花

今次嚟到東涌食樂天王朝 佢哋服務態度好好 問佢有咩推介 佢哋都好詳細講佢哋呢度有好多特色菜 好特別芝麻醬油麥菜 $68呢個食落好得意 佢哋用青瓜包住油麥菜 咬落去好Fresh 好特別 好爽口 點買芝麻醬 成個味好夾 去嘅人一定要試呢個招牌原味小籠包 $72皮薄多汁 食落好滿足瑤柱芙蓉賽螃蟹 $98京醬肉絲 $108呢個都好得意👍🏼👍🏼肉質林得來又彈口 調味亦都好好👍🏼將啲肉 🙈夾喺塊薄皮到 成個層次好夾🤤🤤如果去 推介大家食呢個👍🏼🥳清燉雞湯拉麵 $95份量多 味道中規中矩宮廷驢打滾 $48食完正餐 就食甜品 呢個係紅豆餡 外面就有啲花生粉 食落煙煙韌韌 甜甜地 🥳幾得意幾好食 都值得一試呢度環境坐得舒服 行完街 或者行完山 都可以去試下

呢間之前都有幫襯過夜晚，亦試過佢地既小菜，大家都食到讚不絕口👍今日就再帶媽咪黎試埋佢各式小食啦。🐒招牌原味小籠包(10粒)💰$118首先媽媽一來到已經要指明必食小籠包👩之前都試過8色小籠包，但我地都係覺得原味係最好味🤤呢到既醋係偏淡，聽店主講先知原來係店舖由新加坡引入🇸🇬所以會浸透左當地特色。🐒紅油鮮蝦豬肉抄手(6粒)💰$85🐒蘿蔔絲酥餅(3件)💰$48小菜方面就嗌左2款，蘿蔔絲酥餅食落熱辣辣🔥外酥內軟，蘿蔔絲仲keep到口感🥰食完再飲啖茶岩岩好🐖而鮮蝦豬肉抄手粒粒足料🦐都唔會好辣，但如果怕既話都可以選擇湯餃🥟相信都同樣皮薄餡靚。🐒雪菜鹹肉炒年糕(例)💰$93主食就試左炒年糕🍚因為係屋企自己炒既話實炒到燶哂，所以都好考功夫👍🏼呢到淨睇賣相都見得到人🫶🏻味道都岩岩好。🐒宮廷驢打滾(3粒)💰$48🐒桃膠紅棗桂圓湯(熱)💰$43好開心竟然見到有驢打滾食😍因為有唔少中菜館都好少見有，佢係一款甜品，口感軟糯，中間有豆沙🫘而外層就係黃豆粉🥜凍得黎又好軟熟煙韌，但又唔會好似糯米糍咁甜❤️非常好味亦十分滿足

上次去完青衣分店食完覺得唔錯，今日過嚟過東涌坐纜車🚡，順便試吓東涌分店嘅質素如何。每個職員都服務態度好好，有咩需要一舉手就即刻有職員過嚟，我都留意到，每位職員都眼望四周，會顧及顧客嘅需要。所以成餐飯食得好舒服☺️。兩個人點咗三樣嘢加一杯嘢飲！🍜皇朝擔擔拉麵$68首先湯底超濃，飲埋啖湯都幾辣🥵，面口感偏軟身，如果硬身啲就好啦，整碗麵都食到濃郁嘅花生味🥜。🥢上海炒年糕$93見到年糕都有好幾款可供選擇，重口味又鍾意食香口嘢嘅我就揀咗炒年糕😋，入面炒嘅配料都幾足，冬菇最入味！配料仲有肉絲、白菜、旺菜、同埋年糕。年糕嘅口感勁煙靭🤩，就係整道菜鑊氣仲爭少少🤏。食晒啲碟嘢真係好飽。🌮京醬肉絲配薄餅$108見到好多張枱都有點呢款，搞到我都忍唔住點埋一份🤣！上枱賣相同相片符合📷🤩。肉絲新鮮、口感軟嫩，吾算咸，調味適中，配埋京蔥岩岩好。🍹蘋果荔枝茶$28味道清香，面頭仲有一粒大大嘅荔枝肉😚。☕️茶位$10/人✏️有加一服務費📍 樂天皇朝 (東薈城) (東涌)東涌達東路20號東薈城名店倉3樓326A號舖📍 分店樂天皇朝 (利舞臺廣場) (銅鑼灣)銅鑼灣波斯富街99號利舞臺廣場6樓樂天皇朝 (雅蘭中心) (旺角)旺