匠心廚房 (Moved) New Location

一直很少來到美孚這一區，最近朋友新居入伙到美孚，才知道這裡也有不少特色餐廳小店💓朋友介紹我們這一間粵菜小館，小炒多選擇又有鑊氣，所以今天就帶同男友來一試😇🌟 山楂柚子汁脆腩片($88)賣相色彩繽紛非常吸睛👀初嚐山楂柚子汁感覺像咕嚕肉的甜酸醬，吃著吃著會有股淡淡的柚子的香，和薄脆的炸腩片很配🙂🌟 七味黃金豆腐粒($48)沾滿味粉的豆腐粒粒炸得金黃可口😜即叫即炸，香脆入味，一定要趁熱吃👅🌟 花甲肉末蒸滑蛋($98)蒸水蛋加上花甲、XO醬炒肉碎和粉絲，有種出奇不意的美味🥰佐飯一流的一道小菜~🌟 美極牛肉鬆炒飯($88)色香味俱全的一道炒飯😜香濃的美極醬油味讓我想起小時候媽媽做的飯，好懷念~餐廳免茶芥，這裡的服務生雖然平均看起來較年輕，但服務不錯，食物調味亦相當豐富有驚喜👍

今次試左依家 轉街暗角找到你。門口裝修一般，光線較暗，一個不留神便過了龍。😅舖面門口玻璃，簡簡單單就以"拾味招牌莱"的圖片來裝飾。舖內吾算大，曲尺型擺位，大家坐落會親密一點。如果一家大细就可能好D環境、清潔尚可。服務就普通，今日可能比較忙,所以格調比較快上快落坐了一會，好快上了一碟美極牛肉鬆炒飯。。入面有d菜粒，肉粒，秀珍菇等材料，雖然係話炒飯，但吾肥。真係得意。再來了一碟鹽酥珍硃蠔，賣相合格，细细粒的珍珠蠔，吾會油呀，還有幾塊紫蘇葉點啜。得得地呀!最後來了一碟當歸参片四珍雞，也是它的拾味招牌菜之一。其實是子、虫草花、参片、冬菇片蒸鳼。幾好味，睇黎配料好味過d鳼呢😅。唔知大家點睇呢? 可以比下分。。 總括黎講喇都食左好幾道菜了 都叫做開了眼界: 因為鋪頭細細關係，枱與枱之間可以同鄰枱的客人容易交談咗。可增感情呢大家應該都覺得賣相可以，份量一般喇 食量較小女仔是可以的，價錢can refer to menu 。其實佢的菜式是上海菜，改良小小，变成好似新派上海菜咁。ADDRESS: 美孚美孚新邨蘭秀道3A地下N9號舖NAME: 匠心廚房   

好少嚟美孚，想食中菜，人少少又唔想去酒樓，朋友介紹下，試咗呢間小店。晚飯時間座無虛席，打開Menu好精緻，食物款式好特別，部份菜式唔係普通中菜館可以食到。我地揀咗 黑蒜龍躉頭腩，店員好細心叫食之前要撈一撈，原來龍躉肉下面有讚岐烏冬，滋補足料燉湯，好驚喜，因為好濃郁嘅海底椰，果然係好滋潤，好適合而家乾燥嘅天氣飲👍🏻山楂柚子汁脆腩片，呢個酸酸甜甜，好醒胃，送飯一流。美極牛肉鬆炒飯，炒飯一粒一粒散開，好夠味，又唔會太鹹，原來用美極炒飯都可以咁好食😋價錢大眾化，菜式特別，難怪咁旺場咁多人等位👍🏻👍🏻👍🏻支持小店

打完波🏀路過見到一個好有氣勢嘅字體加上蠻有意思嘅店名吸引住 「匠心廚房」呢個名字帶有精巧細心嘅意思配以廚房兩字，即時令人聯想到廚師費盡心思巧手烹調...在呢個情況底下當然要一探究竟🍚🥢坐低打開餐牌就見到有廚師介紹, 另外侍應姐姐介紹咗幾款出色嘅菜式...最後我哋揀咗：🐟黑蒜蒸龍躉頭腩：用豉汁黑蒜籠仔蒸，籠底放荷葉，上面放滿讚岐烏冬，吸哂D味好鬼正！🧂七味黃金豆腐粒：越簡單越難呢個道理...呢個廚房就真係做到真正外脆內軟而且加上七味粉更添惹味！🐖山楂柚子汁脆腩片：用山楂加埋柚子汁配上炸過嘅豬腩片，酸酸地好開胃！栗米魚肚羹：食得出魚肚應該係用雞湯入過味，下次嚟叫一窩先得😆😆

美孚的街坊真有食神！呢間「匠心廚房」，小店格局，座位不多，但晚飯時間座無虛席。滋補足料靚湯（$38）：當日係椰子栗子燉雞，清甜滋潤不油膩。小蠔肉碎煎蛋角（$78）：蛋角有蛋味，加入肉碎蠔仔做內餡更有口感。蝦米銀魚醬爆蘿蔔糕（$78）：好惹味、好香口的爆炒蘿蔔糕，我估靈魂在於蝦米銀魚醬呢！黑蒜蒸龍躉頭腩（$168）：好大盤，龍躉腩夠厚身，啖啖肉；黑蒜嘅香味滲透落每一件龍躉肉入面，非常入味。最好配一碗白飯呢！

是日去左美孚新村探朋友，晚餐去左哩間匠心廚房，匠心廚房的餐牌中，見到原來系有一位用心的廚師自己創造出比較新派的中菜，食中菜都食得有新鮮感，點了幾道小菜，脆皮松露蘑菇卷栗子椰子燉雞湯椒鹽爆單骨雞翼黑蒜蒸龍躉頭腩 先上一碗栗子椰子燉湯滿滿的椰子條同埋栗子粒，加上有少少豬肉，湯底清清地，現在冬天飲真的唔錯，黑蒜蒸龍躉頭腩 黑蒜蒸龍躉頭腩 真的好特別，面頭系用黑蒜塊蒸的黑蒜蒸龍躉頭腩 ，食落好滑好入味，另外底系放左烏冬，黑蒜蒸龍躉頭腩 的汁在烏冬內，真的入曬味~~椒鹽爆單骨雞翼椒鹽爆單骨雞翼真的好特別，佢系單骨雞翼，食落容易，惹味入口，脆皮松露蘑菇卷脆皮松露蘑菇卷，食落香脆，濃濃的松露味，入面有冬菇金菇，唔會太油，整體匠心廚房的食物都好特別。

美孚新邨有好多街坊食店，話晒嗰度住咗咁多人，一定有需求，只要品質唔錯，街坊都會嚟幫襯。依間小菜館似乎係開咗冇耐，但係都幾多街坊幫襯。主要係做粵式小炒。點左個松露帶子炒滑蛋，係大人細路都啱食嘅，帶子份量都唔少，配飯一流。另外點左碗粟米魚肚羹同埋足料燉湯粟米魚肚羹甜甜地好多粟米個足料燉湯又真係有幾多料，椰子豬肉雞腳都有，都幾清潤。健康地點左個蒜蓉炒菜心都幾大碟個小食芥末螺肉竟然係最後先來，芥末味道都幾濃，如果一開始到成為開胃小菜會好啲。

岩岩去完旅行返香港，就約左媽咪食飯兼派手信，發現左美孚新開左開餐廳，裝修OK價錢又OK，所以即刻要去開餐 地點係地鐵口付近,對面係圖書館果邊,入到去都坐满人,不過就唔洗等位好有禪意,幾靚植物增添美意價錢大眾化,十分合理脆皮松露蘑菇卷外皮好脆,好香松露味媽咪好鐘意京川餃子,皮好滑,好多肉汁,好味宮保雞丁,雞肉好滑,要左少少辣,好惹味,好香好味鮮茄魚湯酸菜魚好大碗,夠4-6人份量好多酸菜湯底用龍躉骨,蝦,龍躉肉勁鮮甜,魚味海鮮味好濃魚肉用龍躉魚片,好大片,而家厚身份量十分,超值又好味

美孚食肆不算多，蘭秀道近幾日開左一間主打京川瀘的餐廳，為美孚增色不少。店面雖然不算大，但環境舒適且潔淨。餐廳會提供茶水，麥茶溫暖易入口，很貼心。店員熱情招待，大多街坊生意，大家有講有笑。菜式選擇繁多，可以嘗到上海特色，也不乏廣東小炒。石庫門老式熏魚，外脆內軟的口感略加芝麻，上海特色突顯，醬料偏甜，系我鐘意的類型，魚骨都炸到酥脆，十分香口。招牌雪菜龍躉麵，份量很滿足，魚肉嫩滑大片，一大碗下肚，熱辣辣，系冬日最好的美食。鹽酥珍珠蠔，香脆可口，有驚喜，表層酥脆充滿鹽香味，內里軟嫰鮮甜。椒鹽爆單骨雞翼，單骨的好處系食既時候勁方便，除此之外，有比較入味，啖啖系肉的感覺真好，味道一流！

美孚附近揾食，見到呢間餐廳幾有人氣，食返個小菜先！松露帶子炒滑蛋$128小菜都有貴野，厚肉帶子沾滿松露醬，松露香不會蓋過帶子鮮味，反而更加突出兩種食材味道，滑蛋一啲都唔少，炒得岩岩好，半生熟的蛋加上鮮甜美味帶子，餸飯又得就咁食都得，物有所值！石庫門老式燻魚香脆嘅魚皮已經同醬汁融為一體，厚厚的魚肉亦變得惹味，啖啖肉不過亦要小心細骨！蝦米銀魚肉碎半脆片脆片每塊都整得剛好可放肉碎，有點辣的肉碎當作小吃也不錯呢！美極牛肉鬆炒飯怕唔夠飽都係要叫一個炒飯食，原來咁大碟嘅😌炒飯講求的粒粒分明都做到了，有肉鬆但不會太鹹，夠鑊氣👍🏻滋補足料燉湯不得不提呢個湯，湯如其名，有雲耳、黃瓜、排骨、杞子，味道清甜滋補，有家的味道☺️冷冰冰的夜晚有湯飲心頭暖暖的🥰

美孚新邨都算係一個發展左好耐嘅屋村，設施好完善，當然嘢食嘅種類都有好多！今次就比我喺入面搵到一間唔錯嘅食肆🙆🏻‍♀️🙆🏻‍♀️銀耳無花果薏米水一嚟到老闆娘就推介呢杯薏米水俾我哋😍😍聽到個名都覺得滋潤😥😍適合而家呢啲咁乾燥嘅天氣😍😍😍好足料，好有家嘅感覺！真係唔係度度都食到☺️蟹子青芥末螺花呢個前菜好開胃，因為有青芥末嘅關係，小小辣但係竟然同螺花好夾！配埋蟹子嘅口感之作為開胃小菜都真係唔差👍🏻京川餃子接住落嚟就係呢個京川餃子😎😎皮薄喊靚😁😁唔好聽到京川就以為好spicy,其實佢一啲都唔辣，係佢啲醬汁係辣嘅，鍾意食辣嘅朋友可以試吓配埋醬汁一齊食！但係我怕辣😂唔配醬汁都一齊食感覺都好好👍🏻👍🏻鹹骨娃娃菜睇到呢個咸骨唔知係咩黎🧐其實好似金華火腿咁！娃娃菜咁吸味，一睇就知呢個菜好正👍🏻👍🏻蝦米銀魚醬爆蝦球呢個蝦球真係超級推介！勁好食，蝦嘅份量好多，咬落去爽口彈牙😍😍😍作為小炒，配埋個飯撈埋一齊食簡直一流🤤🤤最後埋單都係三百幾，食到咁高質嘅小菜都係值嘅😎😎😎

今日去朋友屋企玩順便喺附近食埋飯 啦，佢介紹左我地呢間有五星大廚坐鎮既小菜館 ，過到黎見到都爆哂場 🤣🤣 蝦米銀魚肉碎伴脆片 🐟🐟 招牌菜 脆脆系印尼蝦片 熱熱地脆卜卜就甘食都正 ，肉碎炒到勁有鑊氣 好香 好多條銀魚仔 有咬口 包住一齊食有令一番風味 ！！ 拍蒜醬油豆角份量都多 又大份 岀到黎蒜蓉味好香 😆😆 個人覺得炒得太淋 不過朋友鍾意食 。 小蠔肉碎煎蛋角 呢個都好香 🤤🤤 系最愛既蠔餅 ，一定要趁熱食先最正 ，好多蠔粒呀仲有汁架 五會乾爭爭 雪菜龍躉麵 呢碗份量真系大 足夠兩個人食 🤣🤣 龍躉魚片 大大片 ，湯底系魚湯呀 都幾鮮甜下架 ！！ 烏梅茶/ 薏米水 烏梅茶酸酸甜甜 幾解膩 ， 薏米水入面材料都幾多， 有銀耳同無花果 好適合冬天飲夠晒滋潤

住在美孚已一年多，最喜歡就同細妹四處飲食，人人話美孚是食物區沙漠，剛好我們找到了清泉。「匠心廚房」是美孚街坊飲食的新福音，餐廳裝修得好光猛，食物款式多，而且價錢合理。「羅望子乾蔥燜腩排」炒得惹味香口，羅望子很多，酸甜味濃厚，很好美。「海鮮盛匯泡飯」份量十足，有蝦有菜，湯底清甜。「脆皮松露蘑菇卷」外脆內包著滿滿的金菰菜，入口很濃烈的香菇味，一點都不覺油膩。「宮保澳帶子」辛辣口味，愈食愈過癮，加埋大量蔥片，滋味無比。

這晚亞媽竟然話唔想煮飯落街食, 於是我們就到屋邨內"新開"的小店開餐。家人之前午餐來吃過魚湯米線讚不絶口, 今次就和我們一起試試其小炒。頭盤我們點了石庫門老式燻魚, 魚塊炸得金黃, 十分吸引。經醬油調味過的魚件再炸, 外脆內軟, 加入了五香粉就更惹味! 這個上海前菜味道咸中帶甜, 魚肉爽滑有質感, 即使怕腥的也會接受。宫保雞丁比我們想像中更有鑊氣, 很有上海的濃油赤醬風格。雞丁切粒更易入口, 肉質仍能保持細嫩, 經油泡過再炒果然更為好吃。整個餸帶微辣十分開胃, 配白飯一流。即使是配菜也很好, 這些京蔥十分鮮甜, 咬下去有點"爆汁", 同時也把肉汁吸收了, 好味道加倍。當然小菜中的花生更有畫龍點睛的作用, 令整體更香口。拍蒜醬油豆角看似簡單, 但炒得很有鑊氣, 火候控制得好, 不會過老, 咸味適中, 最快清碟的一款。這個是店家是日推介的鹽酥珍珠蠔, 送來是香氣撲鼻珍珠蠔雖然細細隻, 但都幾有蠔味。店家把蠔處理得乾淨, 經酥炸後撤上椒鹽, 真正外脆內軟, 味道出眾。也是很好的下酒菜~不知不覺點了這麽多香口食物, 點了兩杯清潤的下下火。靈芝山楂烏梅茶及銀耳無花果薏米水用料十足, 少糖健康,

去咗美孚新村探朋友，佢話有間新開張餐廳唔錯帶我去試，我當然say yes 😁裡面嘅裝修有啲似私房菜既感覺😀 店員好細心，見我攞咗杯茶去洗匙羹同筷子就主動另外倒多杯茶畀我👍我哋兩個人點咗個前菜芥末螺， 豆豉粉絲蒸帶子， 宮保雞丁同埋一個蠔仔肉碎湯泡飯😋個芥末螺醬料味道適中，配合埋啲青瓜感覺清新 夠曬開胃👍蒸帶子嘅帶子份量都幾多，唔韌，粉絲爽口，係清淡又好送飯嘅首選👏朋友係食辣之人但我唔太食得辣，所以宮保雞丁點左小辣，已經好惹味😋 啲雞舊舊都好滑，京蔥好香，正！蠔仔肉碎湯泡飯又係好足料，咸味岩岩好，“不”出黎都有成五碗咁多😯 蠔仔好鮮味，仲有菜心莖同白蘿蔔增加口感～餐廳算係新開張，希望會keep到呢個水準繼續保持住團火煮好野食俾食客品嚐😁