匠心廚房 (Moved) New Location

前排去咗美孚同隻狗去睇獸醫，發現呢條街都幾多嘢食，見呢間裝修好似幾新，就去試吓。可能今日係閒日，人唔係好多，好快就有位了。店內環境幾別緻，枱椅睇得出用心挑選過。店員都好用心機講解佢哋既主打菜式，我哋就點左佢推薦既黑蒜蒸龍躉頭腩 $168果然冇介紹錯😍呢個唔只得魚，原來個底有烏冬，所有精華比個烏冬索曬，每條都好濃厚既黑蒜加微微既魚味，食到同阿爸阿媽搶黎食。龍躉亦蒸得岩岩好，好滑，黑蒜味入曬肉，好香口惹味。此外，個雲耳都好爽口入味，總之每樣都好入味。鮮茄魚湯酸菜魚 $168酸菜魚平時就食得多，反而鮮茄湯底既酸菜魚就第一次食。因為屋企人唔食得辣，所以呢個酸菜魚唔辣，湯底個蕃茄味好濃，質感幾厚身，唔似溝左好多水，同時又會有酸菜味，蕃茄同個酸菜估唔到咁夾。入面既蕃茄都幾多，每個都充滿酸菜味。魚既口感就幾嫩滑，無乜骨，食得幾舒服，兩種酸味夾埋一齊同個魚好配。除咗魚，仲有薯粉，呢個又係成碗既精精所作，彈牙得黎又充滿酸菜蕃茄汁，好開胃。最後個湯大家仲飲曬tim😂😂呢餐幾滿意，除咗環境，服務都好好。家人都食得好滿足，下次會有佢哋黎食。

今日同朋友過咗嚟美孚新邨搵另一朋友食飯，住係度既朋友極度推介佢樓下一間剛開幾個月的餐廳，於是我哋就嚟左一間叫’匠心廚房’既小菜館。揭開餐牌一睇，見到菜式都幾創新！我哋叫咗以下菜式：欖豉蜜餞焗肉排焗肉排開頭以為好似豬扒咁大，原來係排骨咁嘅size，用咗欖菜豆豉加蜜餞嚟煮，醬汁味道酸酸甜甜既，好開胃！排骨肉同骨一咬就甩開，容易食。宮保澳帶子帶子輕輕炸過，味道仍保持鮮甜，每粒好大粒，口感鮮滑。伴有香蔥炒，食得出好有鑊氣。雖然使用辣椒炒，但一啲都吾辣，似用來吊味。石庫門老式熏魚熏魚同傳統嘅唔同，以往食開嘅熏魚係又凍又硬，但係呢度嘅熏魚係新鮮製作，食得出魚肉仲好鮮滑，外表炸到香脆，配上甜甜既醬汁，送飯一流！上菜時熏魚係暖烘烘的，果然有別於傳統。清炒菜心時蔬可以揀菜，亦可以揀清炒，蒜蓉，上湯來煮，我哋就揀咗清炒菜心。清炒菜心非常有鑊氣，每條菜心都好鮮甜。香辣薯仔牛筋腩入面勁多牛筋同牛腩！牛筋腩炆到好淋，好入味。醬汁香濃惹味，我朋友用醬汁撈飯都食咗幾碗飯。薯仔都好好味，有輕微炸過，更為香口。 凍靈芝山楂烏梅茶聽到個名都覺得好養生！山楂同烏梅汁酸酸甜甜，好開胃。食咁多餸可以幫助消化。熱銀杏無花果薏米水

上星期一去開美孚探朋友，一齊食個飯。地膽帶左路去左一間小廚式鋪頭食個晚飯去到坐低上茶後，女店員已經落力介紹菜式。傾下傾下先知係老板黎。咁即管跟老板介紹點兩個餸再+個湯燉湯椰子瘦肉都好足料，味道好夠即炸松露蘑菇卷又熱又脆，小食一流。而且完全唔油膩，一讚花甲肉水蛋推介主力係食花甲肉+鋪頭自制XO醬，蛋好滑同比較淡味，同醬料平衡返，餸飯一流之後叫左店主力推避風塘炒蝦，蝦肉新鮮結實無雪味，避風塘炒法蝦殻脆口野味，尤其蝦頭極香口最後加多個蜜餞肉排，呢味不過不失。總體食物味道好好食，鋪位比較少同隔離坐得幾近迫左d。但可能閒日晚上唔係好多人，感覺還好。埋單一人$260食到飽，略貴左少少。

匠心廚房，美孚的一間小店，主打上海菜，價錢親民，美孚的街坊唔出去都可以多一個食飯的選擇。環境是不錯的，所有野都幾新淨，裝修得很精緻，感覺很溫馨。「良廚巧匠，赤子雄心」，的確食物味道幾好，師傅好比心機整野。小菜，特色菜，有葷有素，仲有甜品。唔收茶位費，提供茶水，服務貼心。銀耳無花果意米水，足料，呢個天氣飲好滋潤。古法燻魚，有特色，外酥內嫩，魚肉結實，蜜糖味好易入口。雪菜龍躉麵，份量滿足，足夠2-3人食用，魚肉大片，麵爽口。欖豉蜜錢焗肉排，上海菜風味，偏甜好好味，肉排入味。

**匠心廚房**美孚話大唔大 , 話細唔細 要搵到一間好味既餐廳唔容易呢日同老公經過發現呢間新開既京菜店內坐位唔算多 , 但坐得都幾舒服MENU既選擇亦比我地相像中多樣樣都想試,可惜2個人食唔到幾多要左個松露卷 , 口感好豐富 , 炸得脆卜卜山楂酸梅脆肉 見個名咁特別 所以就試一試原來係炸五花腩片, 粉漿唔太多 , 但係腩片太薄, 如果改用其他肉 相信會更好珍珠蠔 超大碟 不過又係炸野 略嫌失色左少少,炸過火 , 唔太食得出係蠔炸饅頭 好好味 下次再黎試埋其他

這間位於美孚的匠心廚房是新派粵菜，菜單有多款廚師新創菜式非常吸引❤今次嘗試了其中一款Fushion菜黑蒜蒸龍躉頭腩($168)龍躉頭腩底鋪上日式烏冬，記得要先攪拌好❣龍躉頭腩好滑好鮮甜好好味😍加入黑蒜片讓整個菜略帶甜甜的味道好開胃👍👍烏冬吸曬龍躉汁既精華~正呀😋因為小丁很喜歡食口水雞，所以第二味點了傳統菜式川蜀口水雞($58)，雞肉超滑，沒有雪藏味，花生碎很香口，不會太辣，恰到好處!上湯小唐菜($58)很翠綠，上湯加上杞子清甜不油膩。

美孚呢個美食沙漠竟然開咗呢間唔錯嘅中菜館鋪頭細細，坐唔到好多人，不過裝修得好雅致。食物選擇唔算多，有幾米特色食物。今晚食咗幾樣野都好好味！脆皮松露蘑菇卷幾好食🤤松露味幾突出！鮑魚紅燒肉好夠味，而且啖啖肉，送飯一流 🍚 份量亦好多！招牌欖豉蜜餞焗肉排配搭新鮮，味道好特別👍🏻 酸酸甜甜非常開胃👍🏻主食要左蝦米銀魚醬爆蘿蔔糕，味道有少少辣，幾惹味😋侍應推介今日有砂鍋雲吞雞，唔係每日都有，梗係要試一試！雲吞冇乜特別，雞都幾嫩滑，湯就幾鮮甜呢度仲有好多海鮮菜式，下次要再嚟試吓

女友想吃酸菜魚，而 L 則想吃中菜。找到這間小店來一個雙龍匯。用龍躉做的酸菜魚片是坊間少有，雖則不及桂花魚或 鯇魚。滑溜但卻增添了份彈性，魚肉亦而且魚味更濃郁。 加入酸菜、西芹、金菇及鮮蕃茄的湯底，中和了辣味而且很健康。最底更有木薯粉很彈牙又滑捋捋。黑蒜蒸龍躉頭腩，黑蒜用自家方法令口。感更滑無澀味，籠底以荷葉墊於籠底。龍躉頭腩跟龍躉魚片有截然不同的口感，頭腩骨膠原較多入口較滑但相對多骨。以烏冬取代傳統的粉絲更是明智，盡吸乾蒜及豉椒惹味之餘亦充滿彈性。這裡有合適一家人及親戚吃飯亦合適三五知己閒話家常情侶吃中菜亦不會失禮

匠心廚房依間餐廳似乎係新開立即想試下，雖然地方唔大，但配上簡約嘅裝修，俾人感覺舒服。石庫門老式燻魚燻魚用鯇魚腩炸至皮脆肉嫩，再加上陳醋汁調味，魚骨少又不會太乾。口感滿足宮保雞丁宮保雞丁點左小辣，已經好惹味😋 啲雞舊舊都好滑，京蔥好香，正！以川菜的手法爆炒，帶點微辣又惹味。蠔仔肉碎湯泡飯係好足料，咸味岩岩好，蠔仔好鮮味，仲有菜心莖同白蘿蔔增加口感，湯底非常鮮甜又健康又好味。份量超級多，就算三個人分享都綽綽有餘好欣賞街坊小廚嘅用心製作，價錢合理選擇豐富，絕對推薦👍🏻#liukahin@gmail.com #93575555#foodie #hkblogger #foods #hkfood #hkfoodie #likeforlikes #like4likes #likeforfollow #likeforcomment #likeforlikeback #likeforcomments #instalike #followers #followers #photooftheday #amwriting #blogging #newblogpost #instablogger #me #fo

今日有朋自遠方來，本想開開心心共進晚餐。由於一位朋友說會遲約20分鐘到來，而我們已坐進此店家，亦已點了一道小菜，想著邊食邊等。誰不知我們只是坐了約20分鐘，便有一位女侍應態度極不禮貌地問我們，你嘅朋友幾時到。當我想回應時，她便說：我哋本來係要人齊先可以入座，現在有很多客人在外面等位⋯⋯。此等服務態度，真不明白點解於今時今日仍可生存。使我很氣憤的是他們沒於我們入座時說明需要人齊先可以入座，而是另一位女仕應招待我們入座的。我再出門口查看有沒有任何告示説明要人齊才可入座，當然是沒有的。最後，我們決定結賬離開，去了附近的百樂門囍宴共進了一頓愉快的晚餐。PS: 今時今日咁嘅服務態度，真係使我大開眼界！希望匠心小廚嘅老闆能反省反省！

今日同男朋友去完荔枝角圖書館喺附近搵嘢食，見到呢間食小炒嘅餐廳，俾佢入面掛住嘅呢幅掛畫吸引左。入面嘅字好似係soyamax嘅作品，如果真係嘅話佢哋都幾犀利同幾有品味！唔記得咗影低個餐牌，但係呢一間小炒店主打係一啲高級嘅小菜，我哋首先叫咗兩杯嘢飲，一杯係凍豆漿，另一杯係銀耳薏米水，都真係幾滋潤，好啱女仔飲。我哋亦都一人叫咗一個燉湯，因為平時好少機會飲到呢啲滋補湯水。今日嘅燉湯係海底椰燉烏雞，飲得出佢真係冇加味精，有淡淡嘅椰子味，非常滋潤呢！然後我哋叫咗一個鴨肉兩食。第一味係鴨鬆生菜包。第一次實用鴨肉做嘅生菜包，臘肉好有咬口，加上大量嘅菇同埋馬蹄，同泰式嗰種生菜包口味完全唔一樣，但係真係好好食。啲肉碎就算唔用來做生菜包就咁撈飯都幾好。第二味係茄子炒鴨肉，佢應該係用一隻鴨起咗肉用嚟整鴨鬆，之後整返嘅鴨骨就用嚟炒呢一個餸。呢味餸入面反而主角係茄子，個茄子好入味，撈飯一流。呢個老式熏魚係男朋友指定要叫嘅，因為佢話好少地方可以食到。我食咗一件，雖然平時我唔係太鍾意食魚，但係呢一個真係好味。佢個皮好脆，但係入面啲肉仍然保留左好多魚嘅油脂。真係幾高質。最後我哋加多左一碟蒜蓉炒菜心，呢樣野就唔需要多講啦

聽到開咗間新舖口碑都唔錯馬上去試下入到去佢哋嘅擺設好用心裝修都好乾淨餐牌墊枱紙都好靚 細細間食個環境都好吸引一如以往我哋兩個人唔可以點太多餸繼續貴精不貴多先來一個小蠔肉碎煎蛋角賣相好靚相機食先啱曬 不過味道路為淡咗少少蠔亦都唔夠鮮味跟住再嚟一個鮮支竹陳皮欖豉蒸帶子呢件係可以繼續影相賣相都係一流不過同一個問題淡咗少少唔夠味最後叫咗個蟹籽三文魚炒飯埋齋炒飯炒得好有功力 飯粒軟硬度適中味道亦都唔太鹹亦都唔太淡恰到好處整體來說睇得出係一間用心嘅餐廳擺碟亦都一流 服務員亦都好殷勤同好有禮貌期待下次再嚟嘅時候味道會再有所提升💪

匠心廚房係一間以粵菜為主嘅小菜館，但其實都有混合左京川滬嘅菜式迎合唔同客人嘅需要。除此之外，原來餐廳個主廚係大有來頭，佢叫做黃師傅，曾經係利苑、半島、朗廷等高級食府、五星級酒店擔任大廚多年， 相信味道係有信心嘅保證其實做拍青瓜材料好簡單，主要係需要青瓜、木耳、芝麻、蘿白絲，師傅加左陳年老醋，醋既酸味蓋過青瓜既一d臭青味，食落仲傻傻聲相信呢款菜式係呢間餐廳獨有，佢將雞翼斬開一半，再攞去炸，食落係有啲椒鹽味，小小辣辣地，相當惹味中龍躉配烏冬都真係第一次見咋，估唔到個汁用嚟送烏冬係咁好味，龍躉肉蒸嘅時間啱啱好，唔會太鞋

特色街坊小炒陪完男朋友係荔枝角公園打完波之後，就係附近食野，見到呢間滿座，好似幾吸引，價錢ok既中菜小炒，就等位食。等左陣就有位，小店經營，有十張台左右。我地叫左3個菜式。XO蘿蔔糕炒蟹自家制臘腸蘿蔔糕同膏蟹一起炒，件件蘿蔔糕都吸收了肉蟹同XO醬的味道，同埋薑葱夠惹味，香口餸，正。員工都好貼心，比埋濕紙巾我地for食完蟹之後抹手可以用。美極牛肉鬆炒飯冬天食炒飯，夠飽肚，飯粒炒得乾身，粒粒分明。美極豉油令整碟炒飯更加香，配埋肉鬆食，好家庭味。蒜蓉炒小棠菜再點個菜食，炒得有獲氣，菜仲好綠。

早排經過美孚。見到有間健康飯餸食肆人多多。心思思今晚同🐽仔走咗去試試🤪花多眼亂食物都幾多選擇🤩當然要order「拾味招牌菜」試試啦是日滋補足料燉湯：栗子椰子燉雞湯～個湯味道好清甜。🌰杞子椰子條瘦肉份量足欖豉蜜餞焗肉排～為食妹👧🏻勁like ❤️甜甜地肥瘦適中+一啖一口欖菜肉碎缸豆炒飯～碟飯甘深色。米以為好鹹。其實味道啱啱好。飯粒粒分明。黑🧄蒸龍躉頭腩～🐟肉嫩滑。烏冬彈牙索曬d汁。🐽仔食到Lam Lam 👅